روايات رومانسية
رواية احببت انفاس غرامها كاملة جميع الفصول بقلم ملك ناصر
رواية احببت انفاس غرامها كاملة جميع الفصول بقلم ملك ناصر
رواية احببت انفاس غرامها كاملة جميع الفصول هى رواية من تأليف المؤلفة المميزة ملك ناصر رواية احببت انفاس غرامها كاملة جميع الفصول صدرت لاول مرة على فيسبوك الشهير رواية احببت انفاس غرامها كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية احببت انفاس غرامها كاملة جميع الفصول
رواية احببت انفاس غرامها كاملة جميع الفصول
ادعيلي يا ماما النهاردة اول يوم شغل ليا
قالتها بنت في عمرها ال٢٥
الام: ربنا معاكي يحبيبتي
البنت بتوتر:يارب يا ماما يلا انا ماشية
الام ببعض من القلق: ماشي يا حبيبتي خدي بالك من نفسك
البنت: حاضر يحبيبتي
ونزلت
(البطلة: نَفَس احمد الحسيني،خريجة السن قسم الماني، قصيرة، بشرتها قمحاوية،عيونها رمادي، شعرها اسود وطويل لكنها تخفيه تحت الحجاب)
نفس: ياربي هو نا كان لازم انزل بدري كده اهو مفيش اي مواصلات موجودة، ممكن اطلب اوبر وفتحت شنطتها تجيب تلفونها……. ااااه شكلي نسيت تلفوني من التوتر
ولمحت عربية بس في الركن التاني من الشارع
وجاية تعدي بسرعةة عربية جت سريعة وخبطتها
صاحب العربيه نزل: يا نهار ابيض، طلعتلي منين ديه، انا لو خدتها المستشفي هدخل في سين وجيم
ومشي وسابها
وبعد شوية
شخص: اما الجري في البدرية ده ممتع بطريقة
بس بص علي الارض لقي بنت بتنزف من راسها
الشخص بذعر وراحلها: انتي كويسة
نفس بتأوه بسيط
الشخص: بتتنفس وشاف نبضها لقاه ضعيف
شالها بحذر بسرعة ووداها المستشفي
_______♡في المستشفي
الشخص: هي كويسة
الممرضة: لسة في العمليات بس لقينا الحجات دي في شنطتها (وكانت البطاقه و المحفظة)
الشخص: طب كويس
(الشخص: مازن ادهم الدالي، في عمر ال32، خريج ادارة اعمال مسك معرض عربيات الدالي بعد ما باباه طلع علي المعاش)
مازن بيرن علي صاحب عمره ياسين: اي يا ياسين انت فين
ياسين بنوم: في البيت هكون فين
مازن: طب قوم وفوقلي كده
ياسين: عايز اي يا مازن انا لما صدقت ارجع من المهمة
*ايوة ياسين ظبوطة
مازن: هبعتلك اسم ورقم قومي بتاع بنت تعرفلي عنونها واهلها فين وتبعتلي ناس لأهلها
ياسين: اي هي الصنارة غمزت
مازن: انجز مش فايقلك
ياسين: ماشي استناني ساعة
مازن: طب خلص سلام
ياسين: سلام
و مجرد ما خلص مازن مكالمته طلعت ممرضة بسرعة ليه
مازن: في ايه
الممرضة: محتاجين دم و فصيلة دمها نادرة
مازن: فصيلة دمها اي
الممرضة: Bسالب
مازن: طيب شوفي كده دمي لو ينفع
وراح مع الممرضة ولسوء الحظ دمهم مطابقش بس افتكر ان وئام اخته نفس فصيلة دمها ورن عليها
وئام: اي يمازن انت فين ماما عملت الفطار
متزن: وئام من غير ما تلفتي نظر بابا وماما روحي اوضتي جيبي منها فلوس وتعاليلي بسرعة عند مستشفي النبض
وئام بخضة: انت كويس يامازن
مازن: انا كويس بس يلا
وئام: حاضر
وبعد عشر دقايق وصلت وئام
وئام: اتفضل يا مازن
مازن: اتفضل يدكتور المتبرعة بالدم اهي
وئام: هو في ايي يمازن انا مش فاهمه حاجه
مازن: هفهمك بس يلا
________♡بعد ساعة
الدكتور اخيرا خرج
مازن: اي يا دكتور هي عاملة اي دلوقتي
الدكتور: الحمدالله هي بقت احسن بس احنا هنعملها اشعة علي راسها بسبب انها اتخبطت جامد فيها
مازن: في اي يدكتور متخوفنيش
الدكتور: احنا شاكين انها فقدت الذاكرة بشكل مؤقت
مازن: طب هترجعلها امتي
الدكتور: الله اعلم
مازن: تمام شكرا. ولسة هيدخل لنفس جاله اتصال من ياسين فرد بسرعة
مازن: اي يا ياسين عملت اي
ياسين: بص يا سيدي اسمها نفس احمد الحسيني بنت رجل الاعمال احمد الحسيني بس. هو انفصل عن والدتها واتجوز من واحدة اسمها صفاء السوالمي وجاب منها بنت اسمها شهد وهي اصغر من نفس بسنتين والبنسبة لمامتها ف من بعد ما اطلقت ومحدش يعرف هي سكانة فين حتي العنوان اللي في بطاقة نفس محدش موجود فيه حد بقالها 3سنين مختفيه وبس
مازن بتنهيده: يعني مفيش اي امل اعرف مكان مامتها
ياسين: للاسف لا بس مين نفس
مازن: لما اشوفك هبقي اقولك سلام دلوقتي
والممرضة جت: المريضة فاقت يا فندم
ودخل لنفس لقاها بتتأوه فجري عليها
مازن: انتي كويسة
نفس وهي ماسكة راسها: راسي وجعاني اوي ومش قادرة احرك رجلي
مازن حطلها المخدة ورا ضهرها: ارتاحي يا نفس
نفس: هو انا اسمي نفس
مازن بأبتسامة: اه يستي
نفس: هو حضرتك مين معلش
مازن : انا ملاكك الحارس
نفس ببراءة: يعني اي…
الممرضة دخلت: استاذ مازن معلش لازم اديها المسكن
مازن: طيب
نفس: هو اي اللي حصلي
الممرضة بتقطع كلامها : هي هتنام بعد المسكن ف تقدر تتطلع
مازن: هي هتقعد قد ايه نايمة
الممرضة: هتقعد حوالي 3 ساعات
مازن: هي هتقعد قد اي ف المستشفي
الممرضة: يعني ممكن تطلع النهارة بليل بعد ما تطلع نتيجة الاشعة
__________♡في بيت مازن
فاطمة والدة مازن: في اي يابني انت اتأخرت ليه النهارده
مازن اتنهد وحكالها كل حاجة
فاطمة: طب هي هتقعد فين
مازن: هتقعد معانا لحد ما نعرف مكان اهلها
فاطمه بضيق: ماشيي
مازن بمكر : تسلميلي يا فطوم، يلا انا هروح اجيبها
وئام: ممكن اجي معاك يا ابيه
مازن بديق مصطنع : طب عشان الكلمه ده مش هتيجي
وئام بدلع: لي يا ابيه
مازن: بطلي الكلمه دي قولتلك بتديقني
وئام: حاضر يلا انا هلبس الكوتشي
________♡في المستشفي في اوضة نفس
وئام: الله دي جميلة اوي يا ابيه.. اقصد يا مازن هي عندها كام سنة
مازن: عندها 25
وئام وهي بتسقف: يس يعني قدي
مازن بضحك: طب يلا يهبلة
بعد ما نفس بصطلهم
مازن: ده كله نوم يا استاذة نفس
وئام: اي يا نفس مش تخلي بالك من نفسك اخويا اتخض عليكي اوي
مازن خبطها في دراعها وقال بهمس
: انا قلت اعتبريها اختك مش مرات اخوكي
وئام بتعديل: قصدي احنا كلنا خوفنا عليكي
نفس ابتسمت بتعب
مازن: طب يلا بقي يابنات
ووجه كلامه لنفس: طبعا يا نفس مش هتقدري تمشي فانا جبتلك كرسي بس في البيت تمام
نفس: بجد شكررا ليك
ونزلو
_______♡في بيت مازن
مازن: يا فطوم احنا جينا
فاطمة: حمدالله على السلامة يحبيبي وبصت ل نفس
فاطمة:ازيك يا نفس واتصدمت
يتبع
↚
*ابو نفس لما طلق مامتها مكنش يعرف ان هي حامل فبتالي ميعرفش انه عنده بنت*
مازن بأستغراب: في اي يماما
فاطمة: لا مفيش بس كنت بشبه عليها
مازن: طب نفس هتقعد مع وئام في اوضتها
فاطمة: ماشي
ستبتهم ومشيت
وئام بهمس لمازن: طبعا هي مش طايقة نفس دلوقتي
مازن بنفس الهمس: اكيد
طب يلا ندخل عشان انزل المعرض
__________♡في مكان تاني اول مرة نشوفه♡
بنت: مامي انا رايحة النادي مع صحابي اوك
مامتها: ماشي يحبيبتي take care
البنت باستها: باي
في النادي
صحابها: فاشونيستا الشلة وصلت اخير كل ده تاخير
البنت بغرور: انا مليش معاد ونتو عارفين
بنت من صحابها: هنتغر بقي يشهد
واحد رد عليها وهو بيغمز: من حق الجميل يتغر ولا اي
*اكيد عرفتو مين شهد
(شهد احمد الحسيني متخرجة من كلية هندسة جامعة MTI, هي open minded(منفتحة) ومش بيهمها رأي حد)
(مامتها: صفاء السوالمي وبتحب ينادولها ب صافي و بنت رجل الاعمال امجد السوالمي واتجوزت احمد الحسيني بسبب الشراكة اللي بين احمد وامجد، بتهتم بنفسها والحفلات وبنتها جدا)
شهد: Thanks باسل
راندا صاحبتها: هتحتفلي بعيد ميلادك فين يشهد
شهد: اكيد في اوتيل 5 stars (خمس نجوم)
راندا: طيب احنا هنسهر النهاردة في night club (نادي ليلي)
شهد لسهة هترد فونها رن
شهد: الو مامي
صافي: خليكي في النادي عشان هاجي انا وفاطمة
شهد: بس انا كنت هخرج مع صحابي. now
صافي: مازن جاي علفكرة
شهد: وفيها اي
صافي: متنسيش ان احنا عايزين نوقعه
شهد: ماشي ، هتيجو علي الساعة كام
صافي: دلوقتي
شهد: اوك باي
صافي: باي
شهد لاصحابها: سوري مش هعرف اخرج معاكم النهاردة
باسل: ليه ي شهد القاعدة بتحلي بيكي
شهد: سوري بس مامي جاية هي وصاحبتها وهقعد معاهم
راندا في نفسها: اخيرا هنخرج من غيرها مرة وبعدين قالت: بجد زعلت انك مش هتيجي
شهد: سوري مرة تانية بقا.Have fun
_______♡في بيت مازن ♡
فاطمة: تعالي معايا يمازن
مازن بترقب: اجي معاكي فين مش هينفع عندي معاد
فاطمة بتمثيل البراءة: هروح اقابل صافي وشهد في النادي وكنت عايزاك تيجي معايا عشان مش قادرة اروح لوحدي
مازن:تعبانة متروحيش
فاطمة: مش بعد مقولتلهم يمازن
مازن: ماشي هاجي بس مجرد ما الفون يرن
فاطمة: ماشي اهم حاجة انك هتيجي
مازن: مش مرتاحلك بس يلا
__________♡في النادي ♡
شهد بتصنع الرقة: عامل اي يمازن
مازن ببرود وهو بيبص في ساعته: كويس
صافي: انت عمال بتبص فالساعة من ساعة مجيت، انت عندك معاد ولا اي
مازن وفونه بيرن: اه عندي معاد فالنادي هخلص واجيلكم
فاطمة بسرعة: ماتاخد شهد معاك
مازن: تيجي تعمل معايا اي انا رايح اقابل صاحبي
فاطمة: خدها تمشي رجليها
مازن بضجر: اتفضلي قدامي
ياسين قابل مازن
ياسين: اي يابا عامل اي واي حوار نفس ده
شهد باستغراب: نفس مين
مازن وهو بيحضنه: انا تمام وهمس في ودنه هبقي احكيلك
ياسين فهم انه مش عايز يتكلم قدام حد
ياسين: لا ده واحد صاحبنا كده متحطيش في بالك
وكمل بغمزة: معرفتناش يمازن، مين الغزالة دي
شهد اتكسفت
مازن: دي تبقي شهد بنت صاحبة ماما
وقعدو يتكلمو
_____♡في بيت مازن ♡
وئام: بقول اي انا جعانة ناكل اي
نفس: تيجي نعمل بيتزا
وئام: لا نطلبها اجمد
وطلبت الاورد
وئام: هيجي كمان ربع ساعة
بعد ربع الساعة
نفس: يا وئام الباب بيرن
وئام: رايحة افتح اهو هتلاقيه الاوردر
وئام: حاضر جاية وفتحت الباب وصوتت من الفرحة: بابااا وحضنته
نفس بخوف: بتصوتي لي يا وئام
ادهم: هي مين اللي جوة
وئام: ادخل بس وهحكيلك
ودخلو
نفس بصت لادهم باستغراب: مين ده
وئام: ده بابا يا نفس
نفس بابتسامة: ازيك يا عمو
ادهم وهو مش فاهم حاجة: كويس يا حبيبتي وكمل كلامه لوئام: معلش يا وئام عايزك ثانية
وئام: حاضر
ودخلو جوا
ادهم: مين اللي برا دي يا وئام
وئام حكيتلو كل حاجة
ادهم: ربنا يشفيها يارب، مازن مجربش يدور علي اهلها
وئام: لا دور بس اهلها سابو المكان اللي فالبطاقة
ادهم: طب يلا نطلع عشان منسيبهاش لوحدها،امال فين فاطمة ومازن
وئام: في النادي، طيب اطلع حضرتك وانا هرن علي مازن اقولو ان حضرتك جيت
ادهم: ماشي يحبيبتي
وطلع والجرس رن
نفس: ده تلاقيه الاوردر اللي كنا طالبينه
ادهم: طلع وخد الاوردر وراح قعد مع نفس وقعد يناديها بس كانت سرحانة
ادهم: يابنتي
نفس بانتباه: Entschuldigung, ich wurde gefeuert (معلش سرحت، بالالماني)
ادهم بتركيز: نفس انتي قولتي اي
نفس عادت اللي قالته
ادهم: نفس انتي بتتكلمي الماني
وئام: اوعي تكوني المانية د احنا مش هنسيبك فساعتها
نفس: ممكن كنت بتعلم الماني قبل ما افقد الذاكرة
وئام بتذكر: اه صح ده مازن قالي ان نتي اصلا خريجة السن قسم الماني
ادهم: طب دي حاجة كويسة، وكمل بهزار: مش هناكل، البيتزا بردت
نفس بضحك: وانا جوعت
وقعدو يتكلمو وادهم حب نفس جدا.
______♡فالنادي عند مازن:♡
مازن: معلش هرد علي الفون
وبعد عنهم
ياسين: ونتي بقي خريجة اي يشهود
شهد: بعيدا ان مبحبش اسم شهود ده، بس انا خريجة هندسة
ياسين: بصراحة متوقعتش خالص
شهد: اشمعني يعني
ياسين: اصل بنات هندسة دول بيبقو جد اوي
شهد بابتسامة رقيقة: يسيدي شكرا؛ طيب ياتري بعد تريقتك علي كليتي انت خريج اي
ياسين: انا يستي ظابط
شهد: وبتقول علي هندسة هي اللي جد اسكت اسكت
ياسين ضحك (ودي اول مرة شهد تتعامل بطبيعتها مع حد)
مازن جالهم وهو مبسوط
مازن: معلش لازم امشي
ياسين: لي ياعم،شايفك فرحان ما تفرحنا معاك
مازن: بابا جه من السفر وانا هروح اخد ماما ونروح دلوقتي
ياسين: حمدالله علي سلامته امشي انت بقي
ومازن راح خد فاطمة ومشي
شهد: انا همشي عشان هتلاقي مامي مستنياني
ياسين: طيب
_____♡في البيت♡
مازن وفاطمة داخلين وسامعين صوت ضحك عالي
مازن دخل عليهم: خيانة
ادهم: تعالي يهبل تعالي
مازن: الاه برستيجي يا حج مش كده وراح حضنه، حمدالله علي سلامتك يابابا
ادهم: الله يسلمك يحبيبي، اوعي بقي عايزة اسلم علي بطتي
وئام: الله يسهلو
مازن: بس يابت وبعدين كنتو بتضحكو علي اي
نفس بضحك: بصراحة مغامرات عمو ادهم بضحك اوي
مازن ضحك: اوي بصراحة
_______♡بعد مرور شهر
مازن ونفس قربو من بعض جدا
فاطمة: تعالي يمازن عايزاك
مازن كان قاعد مع نفس: حاضر جاي
وراحلها
مازن: نعم يا ست الكل
فاطمة: انا ملاحظة ان انت بقيت بتقعد كتير مع نفس
مازن: فيها اي
فاطمة بشك: مازن انت بتحب نفس
مازن اتوتر شوية: لا يا ماما حب اي بس دي زي وئام عندي
فاطمة براحة: طيب بص يمازن عايزاك ت……….
مازن: انا مستحيل اعمل كده
استوب
↚
فاطمة: انا عايزاك تخطب شهد
مازن: انا مستحيل اعمل كده
فاطمة: ليه يا مازن شهد حلوة ومستواها حلو وغير كده عارفين اهلها
مازن: نسيتي انها لبسها كله مفتوح ونص صحابها اذ مكانش كلهم ولاد ترضيها علي ابنك
فاطمة: يحبيبي انت عندك 32 يعني اللي قدك متجوزين ومخلفين كمان
مازن: ماما انا عارف انك عايزة تفرحي بيا بس مش شهد
فاطمة: ريحني يمازن
مازن: ماما انا مش هخطب شهد انا مش مستعد اني اعيش حياتي كلها تعيس ومش طايق حياتي معاها
قالها كده وطلع
فاطمة في نفسها: برضو هخليك تخطبها
________♡في البلكونة
نفس: مالك يمازن
مازن بشرود: هو انتي لو جايلك عريس واهلك ضاغطين عليكي انك تتجوزيه هتوافقي
نفس: علي حسب، يعني لو نا عارفاه معرفة سابقة وعارفة معاملته ومعنديش مشكله فيها وهقدر اتعايش واتخيل نفسي معاه ف هوافق اما لو ممش هقدر اتخيل نفسي معاه ف هرفض طبعا
مازن سكت
نفس قالت بهزار: اي يمازن ليكون جايلك عريس
وضحكت
مازن ضحك: ضحكتيني ونا مليش نفس اضحك
نفس بتمثيل: شكرا شكرا لا داعي للتصفيق
مازن: طب انا هنزل المعرض
نفس: مازن
مازن بأبتسامة: حاضر هجيبلك الشوكولاتة حاجة تاني
نفس: خد بالك من نفسك
مازن: حاضر
ومشي، وده كله فاطمة سامعاهم
وقالت في نفسها: لازم ابعد مازن عن نفس
_________♡تاني يوم علي الغداء
فاطمة: بقولك يا ادهم كنت عايزة بكرة اعزم صافي وشهد
ادهم: اعملي اللي عايزاه يحبيبتي
فاطمة: طب معلش كلم احمد وقوله
ادهم: ماشي
مازن اضايقك عشان عارف هي عايزة توصل ل اي وقام من علي الاكل
ادهم: كمل اكلك يمازن
مازن: شبعت ونزل
نفس بهمس ل وئام: هو ماله ده
وئام: زيي زيك معرفش
_______♡صافي بتكلم فاطمة في الفون
فاطمة: مفيش اي اعذار بكرة يصافي حتي ادهم كلم احمد
صافي: ماشي يحبيبتي،باي
فاطمة: باي
راحت صافي لشهد
صافي: شهد احنا رايحين عند فاطمة بكرة
شهد: هنروح ليه
صافي: عزمونا عندهم
شهد: عزموكو انتو انا اجي ليه
صافي: عشان مازن هيكون موجود
شهد بضجر: علفكرة احنا مستوانا كويس بابي وجدو عندهم business يعني مش محتاجين لي مازن
صافي: بس مازن برضو مستواه كويس وهيليق بيكي وبينا
شهد بزهق: اوك يمامي اللي تشوفيه
______♡تاني يوم
فاطمة: اكدتي علي الاكل يا وئام
وئام: ايوة يماما هما هيجو امتي
فاطمة: كمان ساعة
مازن بصلهم: انا هروح المعرض
فاطمة: مازن متتاخرش
مازن بضيق: ماشي
كان هيمش بس نفس نادتله
نفس: مازن استني
مازن: اي يا نفس
نفس ببراءة: ممكن اجي معاك المعرض انا بقالي كتير منزلتش،
مازن ابتسم علي افعالها: ماشي يهبلة البسي بسرعة
نفس بسعادة: فوريرة.
وبعد نف ساعة.
نفس: انا جيت
مازن: ما لسة بدري
نفس: خلاص بقي يا مازن مكانتش نص ساعة يعني
مازن: طب يلا
ونزلو راحو المعرض
نفس بأنبهار: واو يا مازن المكان هنا تحفة
مازن: طيب يلا ندخل
وعدي ساعة وهو مروحش
نفس: مازن هو مش المفروض نروح عشان الضيوف اللي جايين دول
مازن: بصراحة مش عايز اروح
نفس: ولا انا،
مازن: ليه
نفس: انا معرفهمش واكيد بقي هيفضلو يسألو عليا وانا مين والحجات دي
مازن: وهما اصلا فضوليين جدا
نفس: واضح انك مش بتحبهم، طب ما تيجي نزوغ
مازن: نزوغ! فين
نفس: تعالي بس نروح ناكل عشان هبطانة اوي
مازن: يبت انتي مش لسة واكلة اول ما جينا
نفس بضيق مصتنع: جرا اي يا مازن انت بتعد عليا
مازن بضحك: خلاص يستي تاكلي ايه
نفس: طبق كشري محترم من عند الكورنيش
مازن: يلا
وطلعو
______♡علي الكونيش
نفس: بس اي رايك فالاكل
مازن: اه بأمارة الطبق اللي مكملتيهوش ده
نفس: ما انت اللي حسدتني يا مازن
مازن: حاولت اعمل حاجة صح، وبعدين انتي عرفتي منين الكشري ده
نفس ببراءة مصطنعة: اصل ف مرة كنا جعانين انا و وئام، ف وئام طلبت منه
مازن: يا بريئة
نفس وهي بتشد كم مازن: مازن روح هاتلنا حلبسة وذرة من الست اللي قاعدة هناك دي
مازن بصلها وابتسم: محاضر
وراح للست
مازن: معلش يا امي عايز اتنين حلبسة واتنين ذرة
الست: من عنيا، ليك انت وحبيبتك مش كده
مازن بص ل نفس وابتسم: حاجة زي كده
الست ابتسمت عليه: اتفضل، ربنا يجعلكو من نصيب بعض يا ابني
مازن: يارب، كده حسابك كام يا امي
الست: كده******
مازن طلع فلوس بزيادة: اتفضلي يا امي
الست: بس كده كتير اوي يا ابني
مازن بأبتسامة: اعتبريني ابنك يا امي
وراح لنفس
مازن:خدي يا ست نفس الحلبسة والذرة
نفس بفضول: الست كانت بتقولك ايه
مازن بمكر: كانت بتدعيلي ان اللي بحبها تبقي من نصيبي
نفس اضايقت بس حاولت متبينش: الله الله يا عم مازن بتحب من ورايا
مازن حس بيها: انا واقع فيها من لما شوفتها
نفس حبت تغير الموضوع: طب كل يلا الذرة هتبرد
مازن: يلا
وقعدو علي الكورنيش يتكلمو ويضحكو، مازن لمح ولد صغير بيبيع ورد فقام
نفس: رايح فين يا مازن
مازن: خليكي هروح اجيب حاجة
وراح للولد
مازن: كنت عايز كام وردة كده يكونو حلوين زيك كده
الولد ابتسم: لحبيبتك ولا مامتك
مازن: لا لحبيبتي و لماما
الولد نقالو ورد احمر وابيض: اتفضل ياعمو
مازن ادالو الفلوس وراح لنفس
نفس: امم طب الورد ده وشاورت علي باقة منهم جايبه الورد ده لطنط عشان تصالحها بيه طب والتاني
مازن: جايبه لحبيبتي
نفس اضايقت: طب يلا نروح عشان زمان طنط زعلت
مازن: يلا
_____♡في العربية وكانت الساعة 11
نفس بحزن: انا هطلع عقبال ما انت تركن
مازن: استني يا نفس
نفس: نعم يا مازن
مازن بخبث: مش عايزة تعرفي مين حبيبتي
نفس بضيق: ياتري مين
مازن مد ايده للكرسي اللي ورا وجاب باقة الورد الحمراء واداها لنفس
مازن: خودي
نفس بأستغراب: منا شوفتها يا مازن.
مازن: انا قولت هدي لمين الورد ده؟
نفس: انت عايز توصل لأيه يامازن
مازن: قولي بس
نفس: هتديه لحبيبتك
مازن بأبتسامة: انا اديتهولها خلاص، وماسكاه دلوقتي
نفس بعدم فهم: بس مفيش حد غ……. وسكتت وهو بتستوعب وقالت والحوف مش طالعة
، يعني انا.. انا..
مازن قاطعها بضحكة خفيفة: انا بحبك يا نفس
نفس:………..
مازن بضيق:………
استووووب
↚
نفس: مش هينفع يا مازن انا اسفة
مازن بضيق: ليه يا نفس
نفس بحزن: حابة اخلي السبب لنفسي بعد اذنك
وطلعت وسابته
مازن ضرب الدريكسيون بغضب وطلع وراها
نفس اول ما دخلت البيت دخلت الاوضة علطول وقفلت علي نفسها
مازن راح علي اوضة نفس بس فاطمة وقفته وقالت بغضب: اقدر اعرف كنت فين انت والسنيورة ومجيتش العزومة مع اني مأكده عليك
مازن: معلش يا ماما طولت في الشغل النهاردة ومعرفتش اجي
فاطمة بشك: انت وشك مقلوب ليه؟
مازن: مفيش يا ماما كام مشكلة بس بحاول احلهم
بعد اذنك هدخل انام، تصبحي علي خير
فاطمة بأستغراب: وانت من اهلو
__________♡ويعدي اسبوع ونفس بتحاول تتجاهل مازن بقدر الامكان
فاطمة: بقولك يا وئام هتيجي معانا
وئام: رايحين فين
فاطمة: عند صافي
وئام: ونفس هتقعد لوحدها
فاطمة بضيق: ما تقعد لوحدها هي صغيرة
وئام بأستغراب: ماما هو انتي ليه مش طايقة نفس من ساعة ماجت
فاطمة: عشان مازن من ساعة ما جت وهو مهتم بيها وهو عارفة انو في الاول وفي الاخر هيتجوز شهد
وئام: ماما انتي عارفه ان مازن مش بيحب شهد ولا بيطيقها اصلا، ومتنسيش ان نفس فاقدة الذاكرة يعني ملهاش حد غيرنا ولا هيبقي ليها ذنب لو مازن حبها
فاطمة: طب يلا
ورنت علي مازن
فاطمة: انت فين يا مازن
مازن: انا مش هعرف اجي النهاردة يا ماما
فاطمة بغضب: مش كل مرة يا مازن هتطنش عشان تقعد مع نفس
مازن: ماما انا عندي مشاكل في الشغل وهرجع متأخر يعني مش هشوف نفس اصلا
فاطمة: ماشي يا مازن لما اشوف اخرتها معاك اي
مازن: طب سلام دلوقتي عشان في ايديك حجات
فاطمة: سلام
ومشيو هي وادهم و وئام ونفس فضلت في البيت لوحدها
بعد 3ساعات نفس كانت قاعدة في الصالة ومازن جه، واول ما خدت بالها قامت عشان تدخل جوا بس وقفها صوته المرهق
مازن: استني يا نفس
نفس وقفت وضهرها لمازن بس فضلت ساكته ف مازن قرب منها خطوة
مازن: لحد امتي يا نفس هتتهربي مني
نفس بتوتر: انا مش بتهرب منك انا داخلة انام
مازن: ده كله ليه يا نفس جاوبيني، متخليش دماغي تودي وتجيب
نفس: سكتت
مازن:افهم من سكوتك ده ايه يا نفس
نفس سابته ودخلت الاوضة وقفلت علي نفسها وهي بتفتكر
flash
مازن: انا نفسي افهم انتي لي رافضة نفس
فاطمة: عشان عايزاك تجرب تشوف حياتك مع شهد
مازن: مش عايز اجرب، في دي بالذات انا هتدبس مش هجرب
فاطمة: انت كنت موافق قبل كده، ايه اللي غير رأيك
مازن بتوتر: فوقت قبل ما اخسر نفسي وحياتي
فاطمة : بس خليك فاكر اني مش موافقة انها تكون مراتك ولا هرضي حتي
مازن: ليه يا ماما انتي شوفتي منها حاجة وحشة
فاطمة:لا بس منعرفش عنها اي حاجة، انا مش هرضي انك تتجوز واحدة لا نعرف اصلها ولا فصلها
مازن بغضب: انا نازل
وطلع
back
نفس في نفسها:عشان انا مرضاش انك تتجوز واحدة متعرفش عنها حاجة
____________♡وبعد مرور اسبوعين
الباب كان بيخبط
وئام: افتحي يا نفس معلش عشان مش فاضية
نفس راحت تفتح وقالت بأستغراب: مين حضرتك
صافي: انا اللي المفروض اسأل مش ده بيت فاطمة
نفس: ايوة اقولها مين
صافي زقتها ودخلت
صافي: يا فاطمة
فاطمة: اي يا صافي وراحت تسلم عليها
عاملة اي
صافي: انا كويسة، اخيرا سمعتي كلامي يفاطمة وجبتي خدامة. قالت كده ومازن داخل
مازن:هي مين دي اللي خدامة
صافي شاورت علي نفس :دي
مازن: نفس مش خدامة ولا عمرها هتكون خدامة، نفس زيها زينا فالبيت ده ونا مسمحلكيش انك تهينيها او تقللي منها
صافي بغيظ: مكنتش اعرف يا مازن، اول مرة اشوفها
مازن بص علي نفس لقاها دخلت اوضتها ف دخل اوضته
صافي: ماله ده ومين نفس دي
فاطمة: ادخلي بس وهقولك
وحكيتلها
صافي:غريبة بصراحة
فاطمة:ولا غريبة ولا حاجة،المهم كلمتي احمد وقولتيلو يجيب شهد ويجي
صافي:ايوة
وبعد نص ساعة كان احمد وشهد وادهم في البيت
مازن: نادي نفس معلش يا وئام
وئام: حاضر. ودخلت تناديها
وبعد شوية طلعت هي ونفس
نفس سلمت عليهم كلهم بس لاحظت ان احمد بيبص عليها كتير
احمد: هي مين نفس دي يا ادهم
ادهم حكالو باختصال
احمد: طب وده كلو ملقيتش اهلها يا مازن
*مازن ميعرفش احمد اسمه احمد اي لان علاقته بالعيلة دي سطحية جدا فبقي مش مهتم يعرف حاجة عنهم وادهم كان مسافر فمكانش مركز برضو في الاسم*
مازن: لا معرفناش حاجة ولله ياعمي
صافي اتلكمت: بس فيها شبه غريب بينها وبينك يا احمد، وشهد برضو شبها
مازن بص عليهم بتركيز وشاف فعلا شبه ميتلاحظش غير وهما جمب بعض
احمد بشرود: اه شوية وكمل بتساؤل: انتي اسمك نفس اي
نفس اتكلمت: اسمي نفس احمد رياض الحسيني يا عمو
الكل سكت بصدمة
صافي: ايييييه
نفس: في يا يا جماعة انتو تعرفوه
شهد بصدمة: يعني انا ليا اخوات، ازاي وليه مكنتش اعرفها؟
نفس سكتت واحمد اتكلم: انتي عندك كام سنة يا نفس
نفس: عندي 25 سنة
احمد فهم ان هو لما طلق ماجدة والدة نفس كانت حامل فيها
احمد راح يحضنها
نفس بعدت عنه وقالت بصوت عالي: هو في اي، وحضرتك مين عشان تيجي تحضني بالطريقة دي
احمد عيونه لمعت بالدموع: انا ابوكي يا نفس
صافي زعقت: مش ممكن تكون نصابة ودي كلها تمثيلية
مازن: وهي لو تمثيلية كانت هتظهر قدامي انا ليه مش انتو
وئام: احنا نعمل DNA لو طلع.positive يبقي فعلا نفس اخت شهد ولو طلع.negative يبقي تشابه اسماء
صافي: فعلا
نفس: انا موافقة
مازن من جواه خاف من فكرة انها مش هتكون معاه تاني
وادهم ومازن ونفس واحمد راحو المستشفي يعملو التحليل وصافي وفاطمة ووئام وشهد قعدو فالبيت
فاطمة كانت بتكلم صافي بصوت واطي
: لو نفس طلعت بنت احمد يبقي كده دي حاجة كويسة وفي صالحنا
صافي بأستغراب: في صالحنا ازاي يعني
فاطمة: نفس لو بنت احمد بجد، اكيد هو مش هيسيبها هنا وهياخدها عنده او يدور علي مامتها فكده هتبعد عن مازن وينساها ويخطب شهد
صافي: عندك حق، بس لو احمد خلاها هنا
فاطمة: ما انتي ساعتها تقولي لأحمد وتخليه ياخدها معاكو،
صافي: تمام
وده كله و وئام كانت سامعة
_________♡بعد 3ساعات نتيجة التحليل ظهرت وطلعت.negative
اووووووو خد الصدمة بقي 😂😂
↚
بعد 3ساعات نتيجة التحليل ظهرت وطلعت negative
ادهم: كده يا جماعة نفس هتفضل معانا
فاطمة: بس ازاي ده نفس الاسم بالكامل
وئام: عادي يا ماما بتحصل
مازن جواه مش مصدق انه مجرد تشابه اسماء
احمد: طيب يا جماعة هنمشي احنا
ادهم وصلهم للباب
________♡في البلكونة
وئام: بجد مبسوطة انك هتفضلي معانا
نفس سكتت بسرحان
وئام: مالك يا نفس مضايقة ليه
نفس: واي اللي هيخليني اتبسط، اني لحد دلوقتي مليش اهل، وحتة الامل الوحيد انتهي،
وئام: اوعي تزعلي يا نفس لعل في ذلك خير
نفس: ونعم بالله
وئام: بقولك اي تيجينعمل اندومي
نفس: يسلام ولما اخوكي يقفشنا ويطردنا
وئام: هنعمله وناكله في الاوضة يلا بس
نفس بضحك: يلا
_____♡في اوضة مازن، قاعد علي السرير بيفكر
مازن في نفسه: ازاي عيلة نفس اسمها هو هو اسم عيلة شهد ومش اخوات، مش غريبة دي
بس. ال DNA قال مش بنتهم
نهي الجدال اللي بينه وبين نفسه
انا لازم اعرف مامتها فين
_______♡تاني يوم الصبح مازن بيكلم ياسين في الفون
مازن: انت في القاهرة يا ياسين
ياسين: اه لسة مفيش مهمات دوقتي
مازن: طب عايزك في المعرض
ياسين بهزار: انا اكتشفت اني عندي مهمة دلوقتي حالا
مازن: انجز يالا عايزك بجد
ياسين: اشطا
بعض نص ساعة
ياسين: اي ياعم مازن، اية الموضوع
مازن: نفس
ياسين: مالها، كمل بغمز اي وافقت عليك
مازن: ياعم اقعد، لا وافقت ولا حاجة
ياسين: امال
مازن قاله علي حوار التحليل
مازن: بس انا مش داخل عليا حوار انهم نفس الاسم بالضبط بس مش بنته
ياسين: هو بصراحة غريب جدا، ناوي علي ايه
مازن: مش انت جبتلي عنوان نفس القديم
ياسين: مظبوط
مازن: احنا اول حاحة هنعملها هنروح علي العنوان القديم
ياسين: وبعد ما نروح
مازن: تعالي بس واما نروح هنشوف هنعمل اي
وراحو علي العنوان القديم وسألوا لو حد يعرف مامت نفس او نفس فقدو الامل
وكان فضلهم بيت واحد بس
مازن: نخبط ولا هيطلع زي الاول
ياسين: تعالي نسأل مش هنخسر حاجة
طق طق طق
الست فتحت وبصت باستغراب: مين حضراتكو
مازن كان هيرد بس ياسين بصله واتكلم هو: انا الرائد ياسين محمود
الست:اتفضلو
مازن: احنا بس حابين نسألك عن ناس كانت ساكنة هنا
الست اسمها ناهد: قول يا استاذ
ياسين: انتي تعرفي واحدة اسمها نفس كانت ساكنه هنا
ناهد قالت بتفكير: نفس، نفس، اهه انا معرفش نفس شخصيا بس اعرف مامتها، ليه هما عملو حاجة
مازن بسرعة: ايوة احنا عايزين مامتها، وحكالها القصة بأختصار شديد بس مقالش حكاية التحليل
ناهد: انا كنت بتواصل مع ماجدة مامتها لحد فترة قريبة
ياسين: يعني حضرتك تعرفي عنوانها الجديد
ناهد: ايوة
مازن: طب ممكن تقوليه بسرعة
ناهد:هي ساكنه في *************
مازن وياسين بصو لبعض، عشان المكان قريب من بيت مازن
ياسين: طيب شكرا لحضرتك
ناهد: لا العفو علي ايه
ونزلو بسرعة وراحو علي العنوان
ورنو الجرس
وفتحت شابة وقالت: نعم حضرتك
ياسين ومازن احبطو ان ممكن يكون العنوان غلط
مازن: دي شقة مدام ماجدة
البنت: ايوة حضرتك اقولها مين
ياسين: قوليلها ناس عايزنها في حاجة تبع بنتها
البنت دخلت
البنت: مدام ماجدة في ناس بتسأل علي حضرتك بيقولو يعرفو حاجة عن بنت حضرتك
ماجدة بلهفة: دخليهم بسرعة
البنت طلعت وقالتلهم: اتفضو مدام ماجدة في انتظاركم
ودخلو
مازن وياسين سلمو عليها
وقعدو
ماجدة بلهفة: انتو تعرفو فين بنتي، هي كويسة، حصلها حاجة
مازن: اهدي حضرتك هي بخير وحكالها اللي حصل بس كنا عايزين نسألك كام سؤال بس
ماجدة: اتفضلو
مازن: هي نفس بنت حضرتك بجد ولا لا ، او بنت احمد الحسيني بيلوجيا؟ ، الاجابة هتهمنا جدا
ماجدة بحزن وهي بتفتكر: نفس بنتي اللي انا مخلفتهاش
مازن بصلها بستفسار
ماجدة: هقولكم
انا كنت حامل بعد ما احمد طلقني
flash
ماجدة وهي علي وش ولادة: طب انا هسجل بنتي ازاي ،انا هرن علي اكرم(اكرم اخو احمد وماجدة كانو بيعزو وبيحترمو بعض زي الاخوات واكرم كان اصغر من ماجدة )
ماجدة: ازيك يا اكرم
اكرم: انا الحمد الله يا ماجدة انتي عاملة اي
ماجدة: الحمدالله، انا كنت قاصداك في خدمة
اكرم: اتفضلي
ماجدة: انا بعد ما احمد طلقني تعبت وعملت تحليل وطلعت حامل بس محبيتش اقول لحد ودلوقتي انا قربت اولد ولازم اسجلها ومش عايزة احمد يعرف
اكرم: متخافيش يا ماجدة انا هجيبلك الحجات الازمة وهنقول ان احمد مسافر وهسجل انا بأسمه ، بس ليه مش عايزاه يعرف
ماجدة: يعرف بأي حق بعد ما رماني وطلقني واتجوز بنت الزوات مع ان انا اللي ضحيت بدهبي وورثي وكنت معاه من الصفر وعلي الحلوة والمرة، يعرف ليه
اكرم بحرج: معلش يا ماجدة حقك عليا انا
ماجدة: انا مش عايزة منه حق
اكرم: انتي هتولدي امتي
ماجدة: الاسبوع الجاي
___بعد اسبوع كانت ماجدة ولدت من ساعتين
اكرم: فين البنوتة
الممرضة: للاسف كان لازم حد واحد اللي يعيش الاتنين مكانوش هيعيشو الاتنين بسبب ان مدام ماجدة جالها فيروس حمل فاحنا اضطرينا نضحي بحد
اكرم بخوف: مين
الممرضة باسف: للاسف احنا ضحينا بالبنت عشان حالتها مكانتش مستقرة، البقاء لله
اكرم بحزن: ونعمة بالله، طب ماجدة كويسة
الممرضة: ايوة وهتفوق كمان نص ساعة
__♡بعد نص ساعة وماجدة بتفوق
ماجدة: بنتي، بنتي فين
اكرم: اهدي يا ماجدة انتي لسة تعبانة
ماجدة: طب هاتلي بنتي عايزة اشوفها
اكرم: انتي اكيد مؤمنة بقضاء ربنا يا ماجدة صح
ماجدة: اكيد، متخوفنيش يا اكرم فين بنتي
اكرم بأسف: كان لازم حد فيكو يعيش، ف اختاروكي انتي
ماجدة بصريخ: مختاروش بنتي ليه، كنت اموت وبنتي تعيش
اكرم: اهدي يا ماجدة، البنت حتي لو كنا اختارناها هي مكانتش هتعيش لان حالتها مكانتش مستقرة
____♡بعد مرور شهر ماجدة حالتها النفسية ساءت جدا وخست بسبب انها مش هتاكل وعايشة علي المحاليل
اكرم: برضو يا ماجدة، هتفضلي عاملة في نفسك كده
ماجدة: كانت هتبقي سندي وونيستي فالدنيا
اكرم: قدر الله وما شاء فعل، هي عند اللي احسن مني ومنك، طب انا عندي فكرة
ماجدة: ايه
اكرم: ايه رأيك نتبني بنت من الميتم ونكتبها باسمك.انتي واحمد
ماجدة بفرحة؛ بجد ينفع نعمل كده
اكرم: اي نعم هو في حرمانية بس احنا هنكتبها علي اسمنا ونتكفل بيها بس
ماجدة: مش مهم المهم انها تبقي معايا
اكرم: حابة نروح امتي
ماجدة: دلوقتي
اكرم: ماشي قومي البسي
___♡بعد ساعة في الميتم
اكرم: ها يا ماجدة
ماجدة: لسة مش عا….. سكتت لما عينها وقعت علي بنت في منتهي الجمال والبراءة
ماجدة وهي بتمسك البنت: اللهم بارك، انا قلبي اتفتح للبنت دي، دي اللي هتبناها
اكرم: هي فعلا اية في الجمال
وعملو الاجراءات بتاعت التبني
اكرم: ها هتسميها ايه
ماجدة: هسميها نفس
اكرم باستغراب: نفس، شمعني الاسم ده
ماجدة وهي باصة في عيونها: لان هي النفس اللي دخل ملي حياتي
اكرم: تتربي. في عزك يماجدة، يلا عايزة مني حاجة
ماجدة: لا كتر خيرك يا اكرم
ومشي
back
ومن ساعتها وانا معتبراها بنتي
مازن: يعني حضرتك متعرفيش مين اهلها
ماجدة: لا
ماجدة: طب انا عايزة اشوفها، انا من ساعة ما مشيت وانا حياتي بقت فاضية هتوهالي ارجوكو
ياسين: طيب حضرتك تقدري تيجي معانا تشوفيها بس مش متكلميهاش او تفكريها بأي حاجة عشان متتعبش
ماجدة بحزن علي نفسها: انا من بعد اليوم اللي نفس اختفت فيه تعبت وجالي شلل نصفي، يادوب اعرف اتكلم بس
مازن بحزن عليها: الف سلامة علي حضرتك، وانا في اقرب فرصة هجيبهالك
ماجدة: رينا يكرمك يا ابني
ياسين ومازن قامو: طيب نستأذن احنا
ماجدة: ماشي يحبيبي ربنا معاكو
ونزلو
ياسين بص لمازن: هتقول لنفس اللي احنا عرفناه
مازن: لا طبعا مش دلوقتي خالص
ياسين: طب وهتعمل معاها اي
مازن: هفضل احاول معاها لحد ما ترضي
ياسين: طيب انا هروح بقي عشان عندي شغل بكرة
مازن: ماشي، معلش. لففتك معايا
ياسين بهزار: دا احنا ركبنا فدا مازن ونفس يا عم
مازن بهزار: طب علي كده بقي تعال…
ياسين: ولله ما انت مكملها انا ماشي، انسي انك كنت تعرف حد اسمه ياسين
مازن بضحك: واطي
ياسين: تسلم يلا سلام
مازن: سلام
ومشيو
____♡مازن روح البيت وهو ناوي يعمل حاجة
شاف نفس قاعدة علي الكنبة اللي جنب اوضته فاستغل كده
مازن: معلش يا فطوم عايزك ثانية
فاطمة راحتله: نعم ياسي مازن
مازن اتكلم بصوت عالي: انا ناوي افرحك
فاطمة : هتفرحني ازاي
مازن: انا هتجوز شهد
فاطمة بفرحة: اخيرا عقلت يا بني
نفس سمعته بصدمة وطلعت برا البيت جري
*نفس لما بتقعد في البيت بتقعد بحجاب وواسع عشان ادهم ومازن مش من محارمها:*
مازن طلع لقي باب الشقة مفتوح
نفس بتمشي بعياط ومرة واحدة
حاسبيييييي
استوب
↚
حاسبييييي
والعربية وقفت قبل ما تخبطة بشوية بس نفس اغمي عليها
الراجل طلع من العربية وراحلها: يبنتي انتي كويسة ، ملقاش رد فشالها وراح بيها المستشفي
……
مازن بيجري زي اامجنون في الشارع ومسك شعره ورجعه لورا
مازن: روحتي فين يا نفس
ورجع البيت ونادا فاطمة وكانت بتتكلم في الفون وهو مش واخد باله
مازن: ماما متقوليش اي حاجة عن اللي قلتو
فاطمة: ليه يامازن ا..
مازن بمقاطعة: يا ماما. انا قولت كده عشان نفس
فاطمة بأستغراب: لنفس ليه
مازن: ماما انا بحب نفس وقولت كده عشان اغيظها
فاطمة: طب وشهد
مازن: انا مش بحبها، انتو هتجبروني عليها،
انا مش هتجوزها
ودخل جوا
فاطمة افتكرت ان صافي وشهد علي الفون
واتوترت: صافي
صافي عملت نفسها مسمعتش: انتي سمعاني يا فاطمة
فاطمة خدت نفسها براحة: معلش الشبكة كانت وحشة
صافي: طب معلش احمد عايزني
فاطمة: ماشي يحبيبتي
وقفلت
شهد: كذا مرة اقولك يا ماما ان مازن مش طايقني وانتي تقوليلي ده بيتقل، ادي اخرتها
صافي: يا بنتي انتي لماز..
قاطعتها شهد: انتي لمازن ومازن ليكي من صغروكو مش كده، ده الكلام الي. ثبتيه في دماغي من ونا صغيرة،من فضلك سيبيني اختار شريك حياتي، ارجوكي
صافي بتنهيدة: ماشي
_______♡عند نفس
كانت بتفوق: انا فين
الراجل: انتي كويسة يا بنتي
نفس: ايوة يا عمو
والدكتور دخلهم وقال: احنا عملنا للانسة اشعة علي دماغها عشان مكانش فيه اي حاجة تأدي للاغماء، وطلعت كانت فاقدة الذاكرة ولما اتعرضت لصدمة او خوف، اغمي عليها، بس الحمد الله الذاكرة رجعتلها
الراجل: تمام شكرا يا دكتور
الدكتور: العفو، حمدالله علي سلامتها
وخرج
نفس: هو حضرتك مين
الراجل: انتي طلعتيلي من الفراغ بس الجمدالله اني فرملت بسرعة
نفس افتكرت اللي حصل وقالت بحزن: شكرا لحضرتك
الراجل حس بزعلها: مالك يابنتي
نفس: مفيش ياعمو بس الدنيا كانت جاية عليا شوية
الراجل: اتكلمي يابنتي لو عايزة تحكي انا موجود
نفس: بدأت تحكيله وعيطت في الاخر
الراجل: اهدي اهدي عيونك الحلوة دي متستاهلش العياط
نفس مسحت دموعها: معلش هو مين حضرتك انا قعدت اتكلم ومعرفتكش ياعمو
الراجل: ياستي انا اكمل وعرف عن نفسه
(اكمل الراضي، عنده 60 سنة، رجل اعمال، عندو ولد واحمد وهنعرفو مع الاحداث)
نفس: طيب انا لازم ارجع، ماما زمانها هتموت من القلق عليا
اكمل: طيب بصي. انا السبب انك تكوني في المستشفي فهوصلك
نفس: ملوش لزوم ياعمو
اكمل: مبيمشيش عليا الكلام ده يلا من غير ولا حرف
نفس ابتسمت وراحت معاه
نفس نزلت: انا ساكنة هنا ياعمو
اكمل: طيب يلا انا واقفلك اهو لحد ما تطلعي عشان الوقت اتأخر
نفس بهزار: تعرف ياعمو حضرتك لو كنت صغير شوية كنت اتجوزتك
اكمل ضحك: طيب يا ستي، وطلع الكرت بتاعه واداهولها انا عايزك بكرة تجيلي الشركة ومعاكي السي في بتاعك
نفس بأستغراب: ليه
اكمل: بدل الفرصة اللي راحت عليكي
نفس ابتسمت: ماشي ياعمو بعد اذنك
اكمل: اتفضلي
_______♡ونفس طلعت فوق ورنت الجرس
البنت: حضرتك نفس مش كده
نفس: ايوة انتي مين
البنت: انا مساعدة مدام ماجدة
نفس استغربت: مساعدة! هي حصلها حاجة؟
البنت: ممكن تتفضلي وانا هدخل اصحيها
نفس: تمام ودخلت
وبعد شوية شافت مامتها طالعة بكرسي متحرك فاتصدمت وجريت عليها
نفس: ماما انتي كويسة، اي اللي حصل
ماجدة بدموع: يا حبيبتي يا يبنتي، تعالي فحضني وحشتيني، وقعدو يعيطو شوية
ماجدة: ياحبيبتي بطلي عياط انا كويسة
نفس: حقك عليا انا السبب.
ماجدة: خلاص بقي انا كويسة، تعالي نامي فحضني
_________♡تاني يوم الصبح
مازن كان رايح لبيت ماجدة بس جالو تلفون من الشركة
مازن: اي يا مسعود
مسعود مدير الحسابات والسكرتير بتا: كنت عايز ابلغك يافندم ان شركة *** لغو الصفقة اللي كانت ما بينا، وده سبب ان اسهم الشركة تقعد
مازن بصدمة: طيب انا جاي حالا، وغير مساره للشركة
في الشركة.
مازن: اي اللي حصل عشان يلغو الصفقة
مسعود: بيقولو لقو عرض احسن بسعر اقل، وكده احنا خسرنا كتير، والاسهم دلوقتي في النازل ومحتاجين سيولة عشان الشركة متقعش
مازن: طب تعالي معايا نشوف هنعمل ايه
_______♡عند نفس
نفس: ماما انا رايحة الشركة
ماجدة بخوف: لا يا نفس انتي مش هتنزلي تاني، ومش هتشتغلي، انا مش عايزة اخسرك تاني
نفس حضنتها: متخافيش ياحبيبتي انا متأكدة ان الفون معايا ورقم الشركة في الفون عندك.
ماجدة: طب طمنيني عليكي كل شوية
نفس باستها: حاضر، لا اله الا الله
…..
في شركة الراضي الفرع المصري
نفس: انا كنت جاية اعمل انترفيو
السكرتيرة: حضرتك عندك معاد قبل كده
نفس: ممكن تقولي لأكمل بيه اني برة وهي هيعرفك
السكرتيرة دخلت وقالته وخرجتلها: تمام اتفضلي يا انسة
ودخلت
نفس: السلام عليكم
اكمل: وعليكم السلام، ازيك يا نفس عاملة اي.
نفس: انا الحمدلله يا عمو، وحضرتك
اكمل: كويس يحبيبتي، اطمنتي علي والدتك
نفس ابتسامتها بهتت: وقالتله اللي حصل لمامتها
اكمل: وعسي ان تكروهو شئ وهو خير لكم يا نفس احمدي ربنا
نفس: الحمدالله طبعا.
اكمل بتضنع الصرامة: احنا هنقضيها سلامات ولا ايه يا انسة نفس، احنا هنا مكان شغل
نفس ضحكت وحطت ايدها علي راسها: علم وينفذ يا فنندم
اكمل: طب هاتي السي في
ادتهوله وبدأو الانترفيو
اكمل: تقدري تيجي من بكرة يا نفس، انتي مستواكي كويس جدا
نفس بفرحة: شكرا جدا ياعمو
اكمل: لا عمو ايه بقي، اسمها مستر اكمل طول ما احنا في الشغل
نفس: حاضر
______♡وبعد مرور اسبوعين
مازن باع كل املاكه وساب الشقة اللي هما قاعدين فيها وباع عربيته وبقي عندهم عربية واحدة بس
واتلها في موضوع شركته وبينسي موضوع نفس ويفتكر بعد ما يروح وما يلاقيهاش
اما عند نفس فهي بقت محبوبة جدا في الشركة، ده غير شطارتها
في شركة اكمل، كان طلبها
نفس: نعم يا مستر اكمل
اكمل: اقعدي يا نفس انا عايزك في موضوع مهم
نفس: اتفضل
اكمل: نفس انا ……
↚
اكمل: نفس انتي هتيجي معايا المانيا انتي ومامتك
نفس اتفاجئت: بجدد، ليه
اكمل: انا اصلا كنت جاي مصر شهر بس وكنت راجع المانيا فبصراحة هحتاجك اكتر في فرع المانيا وغير كده يونس ابني دكتور مخ واعصاب وعنده المستشفي بتاعته ومامتك هتتعالج فيها
نفس بتأثر: انا بجد مش عارفة اقول لحضرتك ايه
اكمل بأبتسامة: انتي خدي باقي اليوم اجازة وتروحي وتجهزي هدومك انتي ومامتك عشان السفر هيبقي في الفجر
نفس بصدمة: بالسرعة دي
اكمل ضحك: واحنا هنقعد نعمل ايه هنا يلا بسرعة
نفس: حاضر
ومشيت
__________________♡في بيت نفس
نفس بفرحة: ماما اجهزي
ماجدة: ليه هنروح في حتة
نفس: ايوة هنسافر المانيا
ماجدة: واحنا لينا مين هناك عشان نروح، وهنعمل ايه هناك
نفس: عمو اكمل هيسافر وهيحتاجني معاه
ماجدة: طب ونا هاجي معاكي ليه
نفس: اولا انا مستحيل اسيبك لوحدك واسافر، ثانيا يونس ابن عمو اكمل دكتور مخ واعصاب وعنده مستشفى خاصة بيه وهتتعالجي عنده
وكملت بمرح يلابقي احنا عندنا سفر الفجر
وجهزو شنطهم
___________________♡في الفجر
اكمل: ازيك يا مدام ماجدة
ماجدة بحرج: الحمد الله، انا مش عارفة اقول لحضرتك ايه علي كل اللي بتعمله معانا
اكمل بأبتسامة: متقزليش اي حاجة، وغير كده انا بعتبر نفس بنتي ولا ايه يا نفس
نفس: ولله ياعمو انا لو عندي اب مكنش هيعمل معايا كده
*ده كله نفس متعرفش انها بنت متبينة:*
طيب يلا وسافرو
_____♡بعد. اربع ساعات وصلو برلين عاصمة المانيا
اكمل: وصلنا
نفس طلعت من العربية اللي وصلتهم من المطار للڤيلا
: بجد مش مصدقة اني في المانيا دلوقتي
اكمل: لا ياستي صدقي ويلا ندخل عشان جعان
نفس: طب والشنط مين هيدخلها
اكمل بغرور مصطنع : حبيبتي الناس اللي شغالين معايا هيطلعوها متشليش هم
نفس بهزار: اراك اب مغرور
ودخلو
_____________________♡في القاهرة في بيت مازن
وئام: انا نفس. وحشتني اوي يماما
فاطمة بحزن: هتصدقيني لو قولتلك انها وحشتني انا كمان، كانت مونساني لما بتبقي برة
وئام: طب مازن مستني اي ما يدور عليها
ادهم بحزن: هو مازن في ايه ولا في ايه
مازن كان بايت فالشغل ورجع الفجر،: انا نازل عايزين حاجة
فاطمة: يابني انت ما بتلحقش تقعد فالبيت
مازن بأبتسامة مرهقة: معلش ياماما انا اخيرا عرفت افضي عشان اروح اجيب نفس
وئام: بجد يامازن، دي وحشتني اوي بس انت تعرف مكانها منين؟
مازن: وحشتنا كلنا ولله
طيب يلا انا نازل، في مكان معين فدماغي ممكن الاقيها فيه
ونزل وراح علي بيت ماجدة
وقعد يخبط.كتير لحد ما فتحتله البنت وكانت لسة موجودة عشان بتفرش البيت حجات عشان ميتربش وكانت هتمشي: اقدر اساعدك
مازن: هي مدام ماجدة هنا
البنت: لا للاسف مش هنا
مازن بأستغراب: هي راحت في حته ازاي وانتي مش معاها
البنت: هي سافرت هي وبنتها يافندم
مازن بصدمة وقال بهمس: نفس وقالها: طب تعرفي سافرو فين
البنت: لا للاسف
مازن: طيب شكرا
ونزل
مازن: يعني كده نفس افتكرت
وروح وقال لعيلته اللي زعلو جدا
______________________♡في ڤيلة اكمل بليل
نفس: اي الجو ده، انا هطلع اقعد في الجنينة
وطلعت ومعاها الاب توب وقهوة
نفس: ياااه عالراحة
ولسة هتبدأ تشتغل لمحت خيال حد ورا الڤيلة
نفس بخوف: ينهار ابيض، هو يوم ما نيجي حد يدخل يسرق وراحت وراه لقته بيدخل المطبخ
نفس قالت جواها: اي الحرامي ده، همه علي بطنه ولمحت طاسة فمسكتها
ولسة هتضربه كان الشخص لوي ايديها فصرخت بعلو صوتها وقالت حرامي، ف البيت كله اتلم
اكمل: في اي. يا بنتي بتصوتي ليه، انت ماسكها كده ليه يالا، وفين الحرامي ده
نفس: ايه ده هو مكتفني قدامكو عادي كده، وبعدين مالحرامي هو اللي ماسكني
اكمل ضحك: حرامي، سبها يا يونس سيبها يابني وطلع وسابهم وهو بيضحك
يونس: هو الواحد ميعرفش ياكل في بيته ولا اي
نفس بحرج: هو انت دكتور يونس ابن انكل اكمل
يونس: ايوة يا ستي
نفس: اسفة مكنتش اعرف كنت بحسبك حرامي
يونس ضحك: يعني لو حرامي هتضربيه بالكاسة، لية كنتي روبانزل واحنا منعرفش
نفس ضحكت: اللي لقيته قدامي، كنت اسيبك تقتلني يعني يا.دكتور
يونس: بصي انا مش بياكل معايا حوار يا دكتور ده، يونس عادي بما اننا هنشوف بعض كتير، وبعدين في واحد جاي يسرق هيدخل ياكل جبنة رومي؟
نفس: يمكن كان جعان الاه
يونس: انتي شكلك هبلة يبنتي، تعالي نقعد فالجنينة
نفس: طيب روح انت ونا هعملك كام سندوتش تاكلهم
يونس: ياااه كنتي فين من بدري
وقعدو فالجنينة واتكلمو كتير واتعرفو علي بعض وحكتله عنها
نفس: طب هو ماما هتحتاج عملية او حاجة
يونس: بصي هو انا مظنش اوي لان هي كانت كويسة قبل كده فممكن بالادوية والعلاج الطبيعي ترجع زي الاول، هنعرف بكرة بقي
نفس: اوك
____♡تاني يوم في المستشفي بعد ما يونس كشف علي ماجدة
يونس: بصي يا امي، انتي كل تحاليلك كويسة يعني مش هتحتاجي عملية، انتي بس عايزة كورس علاج، وتعملي جلسات اعصاب و علاج طبيعي وهترجعي
نفس: طيب هي فترة العلاج هتبقي قد ايه
يونس: علي حسب ما جسمها يستجيب للعلاج
جاهزة يا نبتدي اول جلسة في الاعصاب
ماجدة: جاهزة يبني
_________________________♡بعد مرور 8شهور
اكمل علاقته بقت قوية جدا بنغس و وبقا واثق فيها ومسكها التوكيل بتاع شركته
ونفس ويونس بقو قريبين لبعض ويعتبر يومهم كله مع بعض، طبعا بحدود
ماجدة رجعت كويسة تاني بعد ما خلصت كورس العلاج
مازن شركته ادهورت اكتر من الاول بكتير ومحدش بيرضي انه يتعاقد معاه ونفسيته بقت وحشة جدا واللي زود كده انه مش نفس مش معاه
_____……….. ♡في شركة اكمل
اكمل: نفس انتي هتمسكي التوكيل بتاع مصر
نفس: ليه مانا مرتاحة هنا
اكمل: انا بقول لو في عروض او حاجة انتي اللي هتروحي
نفس بقلق: بس انا لسة مش واثقة اني ا…
اكمل قاطعها: بس نا واثق فيكي يا نفس وواثق انك تقدري تعمليها، وبعدين انا بقول لو حصل اي عرض مش دلوقتي
نفس ابتسمت: شكرا يابابا جدا
اكمل: علي ايه يهبلة
*اه نفس بقت بتقول لاكمل يابابا
بعد شوية كان يونس جه
يونس: بت يا نفس
نفس: ايه يا واد يا يونس
يونس: ماتعمليلنا كام سندوتش و ice coffee قمر كده و انا هجهز الجنينة ونقعد فيها
نفس: اوك
وخلصت وراحت
يونس: تسلم يكبير
نفس: اي خدمة وسكتت
يونس: قولي اللي جواكي
نفس اتفاجئت: انت عرفت ازاي اني عايزة اقول حاجة
يونس: دول 8شهور يا ماما، المهم قولي
نفس قالتله علي الكلام اللي دار بينها هي واكمل
يونس: فيت بقي المشكلة
نفس: انا مش عارفة هكون قد الثقة دي ولا لا
يونس: بصي يا نفس انتي شاطرة اوي في مجال شغلك وده كلام بابا والعملاء بتوعه عليكي ولو انتي مش شاطرة بابا مكانش ابدا هيمسكك التوكيل لان بابا مبيجاملش فالشغل،
نفس: بس حاسة اني مش جاهزة لكده
يونس: انتي قدها يا نفس وهتقدري تعمليها وتعملي شغلك كويس جدا زي السندوتشات وال ice coffee الجامدين ده
نفس بغرور مصطنع: لا داعي للتصفيك،
يونس: ياختي اقعدي، وياستي لما تيجي تسافري هاخد اجازة واسافر معاكي
نفس بصتله بأمتنان
__________________♡عند مازن وادهم
ادهم: لسة يامازن مش عارف تظبط الدنيا عندك.
مازن بقهر: تعب عمري بيروح قدامي يابابا، ومش عارف اعمل حاجة، ونفس كانها فص ملح وداب
ادهم: اهدا يابني كل حاجة هتتصلح
مازن: منا ساكت، وانا في ايدي ايه غير اني اسكت
ادهم: احنا هنبيع العربية بتاعتي وانا كان عندي كام شقو كده فالزمالك هنبيعهم ونستخدمهم كسيولة للشركة
مازن وقف: لا يابابا انا استلفت من كام صاحب ليا وبأذن الله هظبط الدنيا بعد اذنك
ادهم فنفسه: عارف انك مش عايز تاخد مني حاجة بس انا هتصرف
_________________♡بعد اسبوع في المانيا
اكمل: نفس دلوقتي متوترة من ساعة ما قولتلها علي موضوع التوكيل الخارجي، فانت اللي هتقولها
يونس: يابابا هتتوتر اكتر
اكمل: بس منك انت هتبقي احسن، لطف الكلام كده وقولها علي غفلة
نفس: بتقولو ايه
اكمل ويونس سكتو مرة واحدة وقالو: لا مفيش
نفس بشك: ايه اللي عايزينه اعرفه وبتتخانقو علي مين يقولي
يونس بص لأكمل وقالها: نفس انا…………
نفس:………
↚
يونس: نفس انا ونتي لازم نسافر بكرة
نفس: ليه
يونس: جالنا عرض من شركة هناك ولازم تروحي ونا وعدتك اني هكون معاكي
نفس بقلق: طب احنا هنسافر بكرة امتي؟، طب هكون قدها؟ هعرف اقدم العرض كويس؟
اكمل: حيلك حيلك اهدي، وقال بحنان: قولتلك 100مرة انتي قدها ولو مكنتيش تستحقيها عمري ما كنت خليتك تمسكي حاجة مهمة كده
نفس اطمنت الي حد ما وقالت بشجاعة: ايوة انا بأذن الله هكون قدها، بعد اذنكو هروح احضر شنطتي وطلعت
اكمل بص ليونس: طلع الموضوع سهل
يونس: اكتر مما تخيلت
اكمل: طب اطلع انت كمان جهز شنطتك
_______♡في الفجر
اكمل: هتتحركوا دلوقتي
يونس: ايوة عشان نلحق نوصل
نفس قالت لأكمل: هي اسم الشركة اللي هنتعاقد. معاها ايه؟
اكمل: شركة الدالي، ليه
عند الكلمة دي وكأن الدنيا وقفت عند نفس
يونس: يبنتي انتي سرحتي في ايه
نفس فاقت: انا معاك اهو
يونس: يلا بينا
نفس: يلا
وراحو سلمو علي اكمل وماجدة
اكمل: خد بالك من نفس يا يونس
يونس بصلها: في عيوني، يلا
وركبو العربية اللي هتوصلهم المطار
يونس بتساؤل: انتي ليه سرحتي لما بابا قال اسم الشركة
نفس بشرود: الشركة دي بتاعت مازن
يونس: مازن اللي كنتي قاعدة عنده
نفس: ايوة
يونس حس انها اضايقت فسكت
نفس _قلبها: يااه اخيرا هشوفه
عقلها: بس ده اتخلي عن حبك وحب واحدة تانية
قلبها: بس ممكن يكون لسة فاكرنا
عقلها: وممكن برضو يكون اتجوزها
يونس قطع الحوار اللي بينقلبها وعقلها وقال بسرعة: يلا بسرعة فاضل 10دقايق والطيارة تتطلع
نفس: ايه، احنا مشينا بدري
يونس: الطريق كان واقف يبنتي، انتي مش فالدنيا معانا ولا ايه، انجزي بقا
وطلعو بسرعة وظبطو الباسبورد وكل حاجة بص فالساعة يونس: فاضل دقيقتين
يونس ونفس بصو لبعض وجريوا، وطلعو الطيارة والباب اتقفل بعدهم
واول ما قعدو وبصو لبعض قعدو يضحكو
______♡ بعد 3ساعات في القاهرة عند مازن
ادهم وهو بيصحي مازن: مازن قوم يلا
مازن: نعم يابابا
ادهم: meeting كمان ساعتين فوق يلا
مازن باستغراب: meeting ؟، مع مين
ادهم: مع شركة الراضي
مازن بتعجب: شركات الراضي وانا! ازاي ونا الشركة عندي واقعة
ادهم: صاحبها كان من دفعتي وانا طلبت منه انه يساعدنا وهو رحب جدا
مازن اضايق: يابابا انا قولتلك اني هتصرف لوحدي مش عايز مساعدة من حد
ادهم: بقالي8شهور سايبك تتصرف، دلوقتي جه دوري، اجهز يلا
مازن: ماشي
_______♡في مطار القاهرة
يونس: يااه الواحد وحشته مصر وشوارع مصر وغمزلها وحلاوة مصر
نفس: طب امشي ، انت عارف الطرق هنا ولا ناسي
يونس: لا طبعا فاكر، هو حد. ينسي ايامه
نفس بمكر: طيب علفكرة كان المفروض ندخل اليمين اللي فات
يونس: كنت عارف بس قولت اتوهك
نفس: ياجدع
يونس غير الموضوع: تعالي نفطر عشان واقع من الجوع
نفس: تعالي نروح الكورنيش
يونس: ليه
نفس: في واحد بيعمل كشري هناك، وهم
يونس: اشطا يلا واتحركو علي الكورنيش
واول ما وصلو نفس افتكرت اخر مرة لما كانت هنا مع مازن بس لهت نفسها وقعدو ياكلو
يونس بص فساعته وقالها: يلا
نفس: يلا
_______♡بعد ساعة في شركة الدالي
مازن كان في مكتبه، دخلتله السكرتيره :الوفد االالماني وصل يافندم
مازن: طيب دخليهم
ودخل يونس بس مكانش معاه نفس واتكلمو شوية
في الحمام
نفس بصت علي نفسها فالمراية وحاولت تهدي نفسها : اهدي انتي مش اول مرة تشوفيه
، ممكن شهد تكون معاه، لا بس هتكون معاه ليه.
يوووه انا هروح واللي يحصل يحصل
……
مازن: طب يلا نبدأ
يونس: مش انا اللي هكون معاك
مازن: امال مين
نفس دخلت بثقة بتداري بيها توترها
يونس: اهي نفس جت، هي اللي هتكون معاك في ال meeting
مازن بصلها وهو مش مصدق انها قدامه
مازن: كنت فين يا نفس انا قلبت عليكي الدنيا
نفس بجمود: ملوش لزوم تعرف: اظن ان احنا نبدأ دلوقتي
مازن بحزن : اتفضلي
نفس: معلش عايزة يونس يكون معايا
مازن اضايق: اه اكيد
مازن فكر مع نفسه ازاي نفس تعرف يونس، وليه عايزاه يكون معاها
دخلو الاوضة
وبدأو، ونفس كانت كل ما تتوتر تبص ليونس وهو يطمنها وقالت كل كلامها بثقة لحد ما خلصت
مازن: تمام هنجهز العقود ونمضي المرة الجاية
نفس: تمام ولسة هتطلع برة الاوضة
مازن: نفس
نفس: نعم يا مازن
مازن: انتي وحشتيني اوي
نفس: مينفعش اللي انت بتقوله ده يا مازن، احترمها حتي وهي مش موجودة وطلعت
مازن باستغراب: هي مين دي اللي احترمها وهي مش موجودة، البت دي اتهبلت ولا ايه
_____♡في العربية
يونس: لا عجبتيني
نفس بصتله بشكر: شكرا لوجودك جمبي
يونس: نحن في الخدمة
نفس: طيب هنروح فين، انا مش معايا مفتاح البيت
يونس: هنروح الڤيلا بتاعت بابا،متخافيش مش هنكون لوحدنا،الجنايني والمساعدين والدادا كلهم فيها
نفس: تمام
يونس: كان احساسك ايه لما شوفتي مازن بعد اخر حاجة حصلت
نفس: كنت حاسة بنار جوايا، مش معني اني معترفتش بحبي ليه يبقي مش بحبه
يونس حس بضيق وميعرفش سببها ايه: لا اجمدي كده، دي لسة اول مرة، احتمال نشوفه الفترة الجاية كتير
نفس: هحاول
يونس: طيب يلا عشان نرتاح
نفس: تصبح علي خير
يونس: وانت من اهلو
_________♡في البيت عند مازن
ادهم: ها يا مازن عملت ايه
مازن: ااحمدالله
وئام: مازن كنت عايزة اقولك حاجة
مازن: قولي
وئام: انا كنت عايزة اشتغل معاك، انا نفس مجالك
مازن: هتتعبي يا وئام، الشركة محتاجة شغل كتير
وئام: متخافش يا مازن، انا اول ما احس اني تعبت هروح
مازن: اه مهي عشان شركي ابوكي مش هقولك حاجة
وئام ضحكت
فاطمة: يلا عشان الفطار
وهما بياكلو
مازن: نفس اللي كانت بتقدم العرق
كلهم اتصدمو
وئام: نفس ازاي هي مش كانت فاقدة الذاكرة
مازن: رجعتلها واشتغلت مع مستر اكمل وسافرو المانيا
ادهم: طب مجاتش معاك ليه
مازن: هي اصلا مكانتش طيقاني ولما قولتلها انها وحشتني قالتلي احترمها في غيابها
وئام: هي مين دي اللي تحترمها في غيابها
مازن: ده اللي خلاني استغرب
فاطمة بتذكر: يمكن عشان فاكراك اتجوزت شهد
وئام: اه ممكن
مازن خبط علي دماغه: انا ازاي نسيت
ادهم: حصل خير بس ظبط اللي بوظته بقي
مازن: هحاول
________♡بعد يومين كانت العقود جهزت
مازن: يلا يا وئام، هنتأخر
وئام وهي طالعة: انا خلاص خلصت
مازن: طيب يلا
….. ♡عند نفس
يونس: كلمتي بابا يا نفس
نفس: اه وقولتله وقالي ان العرض ده هيجي بالفايدة علي الطرفين
يونس: طيب خلصتي
نفس: يلا هلبس الكوتشي واكون جهزت
_____♡في الشركة
وئام اول ما شافت نفس جريت عليها وحضنتها
وئام: وحشتيني اوي يا نفس
نفس: ونتي اكتر ولله
وئام: سافرتي ليه
نفس: وانا ايه اللي هيقعدني
وئام: مازن مثلا
نفس: كل اللي بيني وبين مازن شغل، انا ساعدته بس عشان عمو ادهم غالي عندي
*طبعا هذا كذب 😂*
وئام فهمت انها قصدها علي موضوع شهد بس حبت ان مازن هو اللي يقولها
دخل يونس ومعاه قهوة
نفس: ايه يا يونس كل ده بتجيب قهوة
يونس سرح
نفس: يا بني بكلمك
يونس فاق: ايه،
نفس: ايه انت، اللي واخد عقلك
يونس تلقائي بص علي حد: خودي قهوتك بقا ومتقرفيناش
نفس: متزوقش طه
وئام: هروح انادي مازن
وخرجت
يونس: هي مين دي
نفس: دي وئام اخت مازن
يونس في نفسه: شكلنا داخلين علي ايام لوز
بعد شوية مازن و وئام دخلو
ومازن اضايق لما شاف يونس: وانت بقي يا يونس بتشتغل ايه
يونس: انا دكتور مخ واعصاب
مازن: بتشتغل هنا في مصر ولا في المانيا
يونس: لا بشتغل في المانيا
مازن: وايه اللي جابك مع نفس وئام خبطته: قصدي اي اللي خلاك تسيب شغلك وتيجي مصر
يونس:وعدت نفس ان لما تنزل تقدم العض هكون معاها
مازن اضايق
طيب يلا نبدأ
نفس ومازن دخلو ووئام راحت تجيب العقود ويونس كان بيعمل تلفون
مازن: هو يونس ده هيفضل ملازمنا كل مرة
نفس بأستفزاز: ايوة مش هبدأ من غيره
مازن: وده بعتباره ايه بقي
نفس:بعتباره…….
↚
نفس: بعتباره اقرب حد ليا
مازن: نفس انا
قاطع كلامه يونس و وئام وهما داخلين وكانو بيضحكو مازن بصلهم
وئام سكتت: احم يلا نبدأ
مازن بغضب: يلا
وبعد ما خلصو يونس القهوة اتدلقت عليه ف وئام راحت معاه تنضفهاله
مازن عمل نفسه بيتكلم: ايه يا حبيبتي
، اه اه خلصت، مش هتأخر متخافيش، بحبك،
نفس بصتله بغضب وحزن ولسة هتطلع: علفكرة قولت بحبك
نفس بصتله لقت الفون علي التربيزة: انت بتكلمني انا
مازن وهو بيقرب منها: وهو في غيرك هنا
نفس اتوترت: مش كنت بتكلم مراتك
مازن باستنكار: مراتي مين
نفس: مازن انت هتستعبط، شهد
مازن وهو بيوعقها في الكلام: اهه شهد، مين قال انها مراتي
نفس:قبل ما امشي كنت بتكلم مامتك عشان تخطبها سمعنك
مازن: مكنتش هخطبها، وبعدين انتي بتتصنتي عليا
نفس: كان صوتك عالي
مازن: وده ما لفتش نظرك في حاجة
نفس: مازن انا عايزة امشي
مازن: مش هتمشي قبل ما تعرفي باقي الحقيقة
نفس: ما كل حاجة واضحة يامازن
مازن: انا عليت صوتي قاصد
نفس استغربت وسكتت
مازن كمل: عشان تغيري وتعترفي انك بتحبيني، لكن طلعتي هبلة ومشيتي
نفس: يعني اسمعك بتقول هخطب غيرك واقعد
مازن: يهمك في ايه
نفس بسرعة: عشان بح…، ووشها احمرت: احم
مازن ضحك: ونا بموت فيكي،
نفس انا مش هقدر انك تبعدي عني تاني،
نفس: يعني ايه
مازن طلع خاتم من جيبه وقعد علي ركبة واحدة: تتجوزيني
نفس مش عايزة تتضيع الفرصة دي وهزت راسها: موافقة
في الوقت ده يونس و وئام دخلو وبصولهم بصدمة و وئام قالت: يعني نسيبكو بتتخانقو نرجع نلاقيكو بتتخطبو
مازن بغمزة: اخوكي مبيضيعش وقت
يونس قال بغضب: انتي ازاي توافقي عليه
مازن: ونت ايه اللي مضايقك
وئام كانت قالت ليونس ان مازن مش متجوز
يونس: تيجي تتقدملها في بيتها ولا ايه يا وئام
وئام بشجاعة: ايوة عنده حق
مازن برفعة حاجب: وحياة ام*ك
وئام كشت: مش اوي يعني
مازن قال ليونس: علي العموم طنط ماجدة هترجع امتي
يونس: ماما ماجدة وبابا هيرجعو كمان يومين
مازن بص لنفس: استني العمر كله مش يومين
يونس: خف نحنه انا واقف
مازن بأستفزاز: واي يعني انت واقف
نفس عشان تنهي الجدال: يلا نروح يا يونس ولما ماما وبابا يرجعو يبقي مازن يجي
مازن بغيرة: تروحي علي فين يماما، انتي بتقعظي معاه لوحدكو، لا طبعا
نفس: ايوة وفيها ايه، وليه لا
يونس: لما تبقي فبيتك ابقي احكم عليها يابابا يلا ينفس
ومشيو وسابو مازن بياكل في نفسه
وئام: اهدي يا مازن احنا عدينا نص المشوار، نفي خلاص اتصالحت
مازن بتوعد: ماشي يا يونس مجرد ما تبقي في بيتي مش هتلمح طيفها ولا تعرفها تاني ، وبعدين خودي هنا انتي داخلالي بتضحكي معاه، شايفاني كيس جوافة واقف
وئام بتهرب: تلفوني بيرن، معلش هروح اشوفه
وجريت علي بره
مازن: ماشي يا وئام اخلص من موضوع نفس وافضالك
______♡في الڤيلا
نفس: عصبناه احنا مش كده
يونس: احسن خليه يتربي علي اللي عمله
نفس ضحكت وقالتله: الا الحلو كان سرحان ليه النهاردة
يونس: هو حد. يشوف وئام وميسرحش، ده كفاية اسمها
نفس بضحك: تيرارارارا
يونس: امشي يا بت من قدامي
نفس طلعت
بعد 3ايام كان ماجدة واكمل رجعو
اليوم اللي مازن جاي فيه وئام كانت راحت قبليهم كلهم عشان تبقي معاها
يونس: يلا يا نفس مازن جه
نفس لوئام : شكلي حلو، الطرحة مظبوطة، الفستان…..
وئام بمقاطعة: زي القمر ولله، وبعدين دنتي عنتي قاعدة معانا فترة كبيرة شوفناكي بكل حالاتك مش هتفرق
نفس وهي بتزقها براحة: تصدقي انتي رخمة
يونس: طب اي هفضل واقف كتير، يلا انتي وهي قدامي
نفس مشيت قدامه بس هو وقف وئام
يونس بهمس: زي القمر كالعادة
وئام اتكسفت ومشيت من قدامه
يونس بضحكة: شكلك هتتعبيني
وخرج
وبعد شوية كانو بيقرأو الفاتحة
فاطمة وادهم:مبارك يا حبايبي ، متزعليش مني يا نفس انا كنت عايزة ابني يكون سعيد، مكنتش اعرف ان سعادته معاكي
نفس بابتسامة: ولا يهمك يا طنط، محصلش حاجة
مازن لماجدة: معلش يا طنط ينفع نقعد انا ونفس فالبلكونة نتكلم
ماجدة: اتفضل يا ابني
قامو ويونس قام معاهم
مازن بصله: افندم جاي معانا ليه
يونس: معلش اصلي مش كيس جوافة عشان تقعدو لوحدكو
مازن بصله باستنكار: وانت اللي محرم يعني، مانت غريب انت كمان
يونس كان لسة هيتكلم نفس نغزته وقالتله بهمس: اهدي عشان لو انت خطبت وئام هيطلع عينك فا لم الدور
يونس بحمحمة: طيب اقعدو وانا هقعد برا وخرج
مازن ونفس ضحكو عليه
_________♡بعد مرور شهرين كان اكمل ويونس نقلو شغلهم مصر عشان يستقروا
……
يونس و وئام قربوا من بعض جدا
……
مازن كان قاعد مع ماجدة واكمل عشان عايز يحدد معاد الفرح
مازن: طيب ياعمي انا عايز نحدد الفرح انا قربت اخلل
اكمل بضحكة تعب: معلش يبني اللي بيحب بيستحمل
مازن: منا مستحمل عشان بحبها، هو انا جايبني ورا غير حبها
نفس وهي طالعة ليه: ومالو حبي يعني
مازن بغمزة: مدوبني
يونس: اتنين لمون للكابلز
نفس ضحكت
مازن: اضحكي ياختي احدد الفرح بس واطلعه عليكي
يونس: ومين قالك ان الفرح هيتحدد دلوقتي
مازن: حد كلمه ده
يونس: انا ادخل في اللي انا عايزه، وخلي بالك كل ما هتدايقني كل ما هأخر في الجوازة
مازن اتعصب ولسة هيتكلم سمع نفس بتصرخ
نفس وهي بتجري عليه بخوف: عمو اكمل
يونس برعب: بابا وراح يشوف نبضة لقاه موجود
سنده هو ومازن للعربية وقعدو قدام ونفس وماجدة قعده جمبو
نفس بعياط: عمو اكمل،رد عليا، عمو….
مازن بزعيق: مش هيرد عليكي عشان مغمي عليه، متوتريش اعصابنا اكتر مهي متوترة
نفس سكتت بس لسة بتعيط
وصلو المستشفى بتاعت يونس ودخلوه بترولي
الدكتور:بسرعة يا جماعه علي العناية المركزة وحضرو اوضة الاشعة
يونس مسك ياقة الدكتور: انت عارف لو جرالو حاجة انا هعمل فيك ايه
الدكتور بغضب: انت مشن انت عشان تكلمني بالطريقة ديه
يونس : صاحب المخروبة اللي احنا فيها
الدكتور خاف
يونس وهو بيزعقله: انت لسة واقف، روح شوفه اخلص
الدكتور جري من قدام يونس
مازن طبطب عليه: اهدي يا يونس هيكون كويس ان شاء الله
يونس وهو بيقعد علي الارض: يارب، انا مليش غيره هو واختي
كلهم استغربوا علي جملته بس سكتو عشان مش وقته
بعد شوية الدكتور طلع
وجريو عليه.
يونس: ماله يا دكتور، كويس مش كده
الدكتور: المريض………….
يونس بصدمة: ايييه
استوووب
↚
الدكتور بأسف: المريض عنده فشل في الكبد
يونس بضدمة: اييييه
الدكتور: لازم تلاقو متبرع بسرعة والاحسن يكون من العيلة بعد اذنك ومشي
يونس: هجيب متبرع منين
مازن: طيب ما انت ممكن تتبرعله انت
يونس: مش هينفع
نفس باستغراب: ليه
يونس:انا عامل المرارة، ومينفعش المتبرع يكون عمل اي عملية
نفس بتفكير: طب ما نجرب نعمل كلنا اول تحليل ولو حد. تطابق معاه يكون هو المتبرع
يونس: ينفع
مازن: ليه لا، ما كده كده الكبد بينمو تاني
نفس: ثواني هسأل الدكتور لو ينفع
مازن بتهديد: لو قومتي من مكانك متلوميش الا نفسك
نفس سكتت بخوف
فمازن كمل: هروح اسأله لو كده نبدأ
وبالفعل كلهم عملو التحليلات
__________♡بعد ساعة
الدكتور طلع: فين نفس احمد الحسيني
نفس: انا يا دكتور
مازن خاف ليكون حصلها حاجة من الحادثة: ليه، هو في حاجة
الدكتور: لا بس هياللي تطابقت مع المريض فعايزينها عشان نعمل باقي التحاليل
يونس براحة: طيب
الدكتور: هي من العيلة
يونس بتوتر: الصراحة لا
مازن: طب ايه التحاليل اللي هي هتعملها
الدكتور: هنعكل تحليل دم عشان نشوف الدم متطابق ولا لا وتحليل DNA عشان نتأكد لو عندها اي امراض وراثية او لا، وكذا اشعة
مازن: طيب النتيجة هتطلع امتي
الدكتور: بكرة
يونس بغضب: النتيجة كمان ساعتين تكون خلصانة، محسسني اني مش دكتور
الدكتور: تمام
ومشي هو ونفس
•••••••••بعد ساعتين
الدكتور: هي الاشعة كويسة والتحاليلكمان فاضلنا تحليلين لسة نتيجتهم مطلعتش
يونس: اي هما
الدكتور: DNA وفحص دم تاني بس هنضطر ندخلها هي والمريض للعمليات دلوقتي عشان حالته ما تدهورش
مازن: طيب قبل العملية عايز نفس ثانية
واخدها
نفس: ايه يا مازن
مازن: انا عارف انك خايفة. كان نفسي اخدك في حضني واطمنك
نفس: متخافش انا كويسة
الدكتور دخل: جاهزة
نفس بصتله: ايوة
••••••••♡وبعد ساعتين كانت نفس طلعت
مازن: هي هتفوق امتي
الدكتور: كمان نص ساعة احنا اخدنا الجزء اللي عايزينه وطلعنها
يونس: طيب هو ممكن يحصلها مضاعفات مش كده
الدكتور: هو مظنش لأن حالتها كانت كويسة جدا، يعني هتقدر تتحرك وهو واخدة المسكن عادي
مازن: تمام يا دكتور
يونس: طيب وبابا حالته ايه
الدكتور: احنا لسة هنبدأ في نزرعله بس حالته مستقرة لحد دلوقتي
يونس: طيب العملية هتخلص امتي
الدكتور: هو المفروض 3ساعات بس علي حسب استجابة المريض ممكن اكتر وممكن اقل
مازن: طيب شكرا
••••بعد ساعة كانت نفس فاقت
مازن: حمدالله على سلامتك يا نفسي
نفس ابتسمت: الله يسلمك
مازن: بقولك ايه انتو مجرد ما تبقو كويسين هنكتب الكتاب
نفس: بعينك، كتب الكتاب مع الفرح
مازن بغيظ: طب ما يونس واقفلي زي اللقمة في الزور معرفش هو ماله
نفس: استحمل بقي البيست بتاعي
مازن: نفس انا عايزة اقولك حاجة
نفس: ايه
مازن بهدوء: انتي دلوقتي هتبقي مراتي مش كده
نفس: ايوة بأذن الله
مازن: عايزك تخففي علاقتك مع يونس شوية
نفس: وده ايه بقي
مازن: حبيبتي انا بغير، ومن حقي كده
نفس: بس برضو يونس ده بير اسراري مقدرش اقطع علاقتي بيه بعد كل ده
مازن بدأ يظهر علي وشه الغضب: بس اسمه في الاخر راجل غريب
نفس بضيق: طيب ما انت بالنسبالي غريب انا لسة مش مراتك عشان تتحكم فيا
مازن: طيب يا نفس لما تشوفيني بكلم شهد او اي بنت تانية هقولك انتي لسة غريبة بالنسبالي
وطلع بغضب
نفس: اوف، هيفضل زي العيال الصغيرة
•عند مازن في العربية قعد يلف ساعة
مازن بضيق: كنت لازم استني شوية دي لسة طالعة من عملية واكيد البنج مأثر عليها
، انا هرجع
•••••••••••في المستشفى
يونس دخل عند نفس
يونس بدموع: انا حبيتك اوي يا نفس اوعي تبعدي عني.
نفس فاهمة انو خايف علي اكمل: وانا كمان حبيتكو اوي يا يونس في الفترة اللي قعدت معاكو فيها
يونس بصلها بحب وحضنها
نفس لسة هتتكلم مازن دخل مرة واحدة
مازن بصدمة: انت ازاي تحضنها بالشكل ده
يونس ببرود: وفيها ايه
مازن بغضب: ايه اللي وفيها ايه، ووجه كلامه لنفس: وانتي ازاي تسمحيله يحضنك بالشكل ده
↚
مازن بغضب: انت ازاي تحضنها بالشكل ده، ووجه كلامه لنفس: وانتي ازاي تسمحيله يقرب منك
يونس: واحد وبيحضن اخته، ايه العيب في الموضوع
مازن ونفس اتصدموا
نفس بتبربش بعيونها: اااا. اختك ازاي
مازن بصدمة: اختك، وانت عرفت منين
يونس: تحليل ال DNA نتيجته طلعت
Flash back
الممرضة: استاذ يونس
يونس: ايه، بابا طلع
الممرضة: هو طلع بس مش ده اللي جيالك فيه
يونس: امال عايزة ايه
الممرضة: هي المتبرعة من العيلة
يونس: نفس، لا
الممرضة باستغراب: ازاي
يونس: هو ايه اللي ازاي
الممرضة: تحليل ال DNA طلع
يونس: ايوة، مالو بقي
الممرضة: اصل طلع ان هو. positive بنسبة ٩٩.٩ من المريض
يونس بصدمة: ازاااي
الممرضة: مهو ده اللي جاية عشانه
يونس: هو ممكن
، ينفع تعيدي التحليل تاني
End Flash back
والممرضة دخلت سحيت منك العينه وطلع برضو positive، واهي الورقة
وبالفعل طلعت نفس اخت يونس
نفس: طب ازاي انا ماما هي ماجدة وبابا اح…. وسكتت لما افتكرت التحليل.
مازن: فعلا التحليل بتاعك انتي وعمو احمد كان.negative يعني كده انتي مش بنتو ولا بنت ماجدة (مازن كان اصلا مصدق يونس عشان الكلام اللي قالته ماجدة)
نفس بضياع: يونس ممكن تنادي ماما
يونس: حاضر
وماجدة دخلت
ماجدة: حمدالله علي سلامتك يا ضي عيوني
نفس بتصنع: الله يسلمك، وقالت بحزن: ماما هو انا بنتك
ماجدة بتوتر: ايوة بنتي
نفس: يعني انا بنتك لحم ودك
ماجدة خدت نفسها: لا يا نفس
نفس بصدمة لتاني مرة: ازاي
ماجدة حكتلها كل حاجة: حتي مازن يعرف
نفس اتصدمت لتالت مرة: مازن، وقالت بزعيق: كنت عارف ومقولتليش ليييييييه، فهمنييي
مازن بيحاول يهديها: خوفت عليكي
نفس من كتر الصدمات اغمي عليها
مازن بخضة: نفسسس، دكتور بسرعة
وجه اادكتور وكشف عليها: هي جالها انهيار عصبي، تقريبا اتعرضت لضغط او لصدمة، فياريت تبعدو عنا القلق ده
••••••وبعد يوم نفس كانت بتاخد مهدأت بس واكمل فاق
نفس: انا عايزة اروح عند بابا اكمل
مازن: حاضر
نفس بزعيق: انت ملكش دعوة بيا تاني، يلا يا يونس
يونس اتنهد وسندها
في اوضة اكمل
يونس: حمدالله علي سلامتك يحبيبي
اكمل بتعب: الله يسلمك وكمل باستغراب: انت عامل المرارة يا يونس، هو مين اللي اتبرعلي
مازن وهو مضايق بسبب نفس: بنتك يا حج
اكمل: ما يونس عامل…..، وكمل بصدمة: ايه، بنتي
لقيتوها، طب هي فين
مازن بص لنفس
نفس ويونس مسندها: حمدالله علي سلامتك يا بابا
اكمل: الله يسلمك يا حبيبتي، فين بقي بنتي وسكت وهو بيستوعب كلامهم وان نفس هي اللي اتبرعتله
اكمل: نفس، انتي بنتي وبدأ يدمع
نفس: ايوة وعيطت
اكمل: تعالي في حضني، وحشتيني
وقعدو يعيطو وهما حاضنين
نفس بعدت وهي بتمسح دموعها: ممكن اسألك سؤال
اكمل: قولي يا عمري كله
نفس: هو ازاي ماما ماجدة لقيتني في ملجأ
اكمل: Flash back
اكمل: يونس خد بالك من اختك عقبال ما انا وماما نصلي
*كانو في المسجد ساعتها ويونس ونفس في المصلي الرجالي و والدة نفس في المصلي الحريمي*
بعد ربع ساعة
يونس: بابا، بابا
اكمل: نعم يا حبيبي وقال بخضة فين اختك، انت سيبتها لوحدها
يونس: مهو انا كنت عايز الوح (اروح) الحمام
وراحوا مكان مكانو قاعدين، ومن ساعتها ملقوش نفس تاني ومعرفوش مصيرها
End flash back
اكمل: ولله دورت عليكي في كل حته يبنتي
نفس: مصدقاك يحبيبي
ومازن بص عليهم بحزن
________♡بعد اسبوعين اكمل طلع وبقت حالته كويسة ونفس برضو ولسة مصالحتش مازن
مازن: استني بقي يا نفس
نفس: انت عارف انت عملت ايه يا مازن، انت خبيت عني حاجة كبيرة في حياتي
مازن: ولله خوفت عليكي
نفس:برضو
مازن: انا اسف انا هعمل كده
وحط منديل علي منخيرها وغابت عن الوعي
وشالها وحطها في العربية
بعد ساعتين، نفس بدأت تفوق
نفس: اهه. انا فين، وافتكرت اللي حصل وصرخت: ماازن
مازن: ايه يقلب مازن
نفس: هو انا مش قولتلك مش هقدر اسامحك دلوقتي
مازن: معلش يا حبيبتي، تعالي علي نفسك
نفس ابتسمت غصب عنها: طيب احنا رايحين فين
مازن: هتعرفي
وبعد نص ساعة كانو وصلو
نفس بتقفل عينها وتفتحها وهي مش مصدقة: هو احنا بجد
مازن وهو بيكمل كلامها: في اسكندرية
نفس بفرحة: اععععع، مش مصدقة نفسي
مازن نزل وراح فتح بابها: اتفضلي يا اميرتي
نفس الفرحة مكانتش سايعاها من الفرحة
ومشيو ووصلو عند حته في البحر
مازن غطي عنيها
نفس: هقفع يا مازن
مازن بحب: مش هتقعي طول منا معاكي
ومشيو شوية
مازن: يلا اقعدي
نفس قعدت ومازن شال وراح قعد، نفس فتحت عيونها لقت اكمل ماسك ايد مازن والمأذون ما بينهم
نفس: ايه دهه
يونس: خدي امضي مفيش وقت لتفسير
نفس مضت وهي بتضحك
المأذون: موافقة يبنتي
مازن: موافقة يا شيخنا متقلقش
المأذون ضحك وقال جملته الشهيرة
﴿بارك الله لكما وبارك عليكما وجمع بينكم في خير ﴾
مازن قام وحضن نفس ولف بيها
نفس كانت فرحانة اوي وقالت بكسوف: نزلني يا مازن، كلهم بيبصو علينا
مازن: طب ما يبصو، انتي خلاص بقيتي حلالي
، ونزلها
وكلهم باركولهم
يونس وهو بيبص علي وئام: طيب بالمناسبة الجميلة دي، انا عايز اطلب ايد وئام ياعمي
ادهم ضحك: وانا مش هلاقي احسن منك ليها
مازن اتدخل: لا استنوا كده، وقال وهو بيقلد يونس، انتو ازاي تخطوبولها من غير ما ترجعولي
نفس و وئام ضحكو لأن هما اللي فاهمين
يونس: يا سلام
مازن: دنا هطلع كل اللي عملته فيا فيك
يونس: طب خد بالك من نفس بقي
مازن حضن نفس وقال وهو بيغيظوه: بقت مراتي يحبيبي
وكلهم ضحكوا
اكمل: طيب بما انكو كلكوا فرحانين، فانا عايز اتجوز ماجدة
يونس: العب يحجوج يجامد
اكمل: ولد عيب
وضحكو
اكمل: طب ها موافقة يا ماجدة
ماجدة بكسوف: اللي تشوفوه يا ولاد
مازن بتمثيل: طيب يا ابني، احنا بنتنا مهرها مليون جنيه
اكمل وهو بيبص لماجدة: عيونا لماجدة
يونس: بحيث كده بقا(علي صوته) استني يا شيخنا في تاني
وقال لادهم: معلش بقي يعمي اكتب انا كمان مش هبقي انا الوحيد اللي كده
ادهم: الرأي رأي وئام، بس باين عليها مش موافقة
وئام بتسرع: لا انا موافقة
يونس غمزلها وضحكو علي تسرعها
________♡وبعد شهر كان فرح يونس و وئام ونفس ومازن
نفس: بحبك يا مازن
مازن: ومازن بيموت فيكي
↚
بعد اربع شهور مازن شركته بقت شركة عالمية
مازن: تعالي يحبيبتي عشان ناكل
نفس: بصت للاكل لا كل انت يمازن مش قادرة
مازن: يا خاينة، بقيتي تاكلي لوحدك
نفس: لا مكلتش
مازن: بأستغراب امال مالك
نفس: نفسي غامة عليا
مازن اكلها: دي بس
نفس مسكت بطنها وجريت علي الحمام
مازن اتخض عليها وراحلها
نفس: اطلع يا مازن
مازن بعد شعرها عن وشها وداس علي بطنها بخفة
بعد شوية
مازن غسلها وشها: احسن دلوقتي
نفس هزت راسها بأه
مازن: طيب قومي البسي نروح نكشف
نفس: لا مش لازم، تلاقيني خدت برد فمعدتي عشان بسيب الشباك مفتوح
مازن مكانش موافقها بس قال: ماشي يا نفس بس لو حسيت ولو واحد فالمية انك تعبانة هنروح نكشف
نفس: حاضر، ينفع نروح عند ماما فاطمة
مازن بغمزة: هتعرفي تلبسي ولا اساعدك
نفس بكسوف: لا هعرف، اطلع انت بقي
مازن ضحك: ماشي يا جميل
※عند فاطمة
مازن: طيب اطلعي انتي وانا هعدي علي الشركة واجي
نفس: ماشي متتاخرش
•••••••••فوق﴿وئام كانت عند فاطمة، وحامل فشهرين﴾
فاطمة: مالك يا نفس وشك اصفر كده ليه كده، انتي تعبانة؟
نفس بتعب: ايوة،عندي برد فمعدتي
وئام: طيب كشفتي
نفس: لا، لو تعبت تاني هكشف
فاطمة بقلق: لما تجيلي يا مازن، دنتي مش قادرة تاخدي نفسك
نفس ضحكت بخفة: ولله قالي، بس انا قولت مش لازم دلوقتي، وهو لو حس. اني تعبت هنروح نكشف
فاطمة بشك: انتي حاسة بأيه يا نفس
نفس:نفسي غامة عليا وبطني وجعاني، غير الدوخة اللي بتجيلي
فاطمة: ما يمكن حامل
نفس: بجد، هو بيكون في الاول كده
وئام: مش مالية عينك يعني ولا ايه
نفس وفاطمة ضحكو
نفس: يبت قصدي ان الاعراض بتكون في الاول كده
فاطمة: طب ما تعملي تحليل حمل بدل ما احنا مدوخين نفسنا كده
نفس: مين اللي هيروح يجيب
وئام: استني هرن علي يونس يجيب وهو جاي
وئام رنت علي يونس
وئام: الو يا يونس
يونس بحب: اي يقلب يونس
وئام بخجل: كنت عايزاك تجيبلي حاجة وانت جاي
يونس: تؤمريني، ايه اللي اجيبه
وئام: تحليل حمل من الصيدليه
يونس: حاضر يا حب….، سكت وهو بيستوعب: انتي حملتي وانتي لسة حامل ولا ايه
وئام بضحك: ده اللي هو ازاي يعني
يونس: انتي عايزاه ليه
وئام: لنفس
يونس بفرحة: بجدد، فوريرة وهكون عندكو
•••••••••وجابه وراحلهم
يونس: خدو اهو
فاطمة: يلا قومي جربيه
نفس: ماشي
وبعد شوية نفس طلعت وهي بتدمع
يونس: خلاص يحبيبتي ربنا مأرادش دلوقتي
نفس برعشة ايد: انا حامل اديتله التحليل
يونس قال بفرحة: شيخة وفعتي قلبي في رجلي وحضنها: مبارك يعيوني
وباركولها
وئام: هتقولي لمازن دلوقتي
نفس: لا هعملهاله مفاجأة
يونس: اوعي ينفس يا جامدة
فاطمة دمعت
نفس راحتلها: مالك بس يست الكل
فاطمة: بناتي الاتنين حوامل ومش عايزيني اعيط
نفس ابتسمت وحضنتها
الباب رن
فاطمة: ده هتلاقوه ادهم ومازن
نفس بسرعة: طيب اوعي حد يقول او يبان عليه حاجة،
فاطمة: وانا هقول لادهم عشان افرحه وابقي انبه عليه
يونس: اه يناس يخبيثة
وئام راحت تفتح
مازن: ساعة عشان تفتحوا
ودخل لقاهم بيحاولو يمنعي ضحكهم
مازن بشك: مالكو في ايه
فاطمة بتهرب: مفيش يحبيبي هقوم احضر الغداء ودخلت
مازن لوئام: في ايه يا وئام
وئام بتوتر: ها، لا مفيش، انا هدخل ارتاح عشان تعبانة شوية، ودخلت هي كمان
وبص لنفس
نفس: انا هقوم اساعد ماما
ادهم: انا داخل اغير، دانتو ايه ده ودخل(هو ميعرفش ان نفس حامل لسة)
مازن بص ليونس
يونس بتمثيل: طيب انا هروح اشوف وئام مالها
مازن: اقف عندك يالا
يونس وقف: نعم يا كابتن
مازن: في ايه وكلهم بيهربو مني ليه
يونس: تلاقيهم عاملين مصيبة ومش عايزينك تعرفها
مازن: يا جدع، وانا المفروض اصدق مش كده
يونس بتأكيد: طبعاً، اطير انا بقي
مازن: هعرف
علي الاكل مازن لاحظ فرحة ادهم
مازن: مالك يابابا
ادهم: فرحان يا حبيبي
مازن: يدوم، ايه السبب
فاطمة داست علي رجل ادهم
ادهم بوجع: اههه، وقاله: دي بنت واحد صحبي وحبيبي اوي حامل (قصده علي اكمل)
مازن بشك: ربنا يتمملها علي خير
كله قال وراه: يارب
مازن بصلهم وكلهم اتوتروا وبصو فطبقهم
مازن قال في باله: بتخبوا عليا كلكو،حتي انتي يا نفس، لما نروح
_____♡بعد شوية مازن ونفس روحو
مازن وهو بيلبس هدوم البيت: ايه بقي اللي كنتو مخبينو عليا.
نفس حولت تكون ثابتة: ما عمو. ادهم قال
مازن بيحاول يوقعها: مش داخل دماغي بصراحة، اي بقي الحقيقة
نفس مثلت النوم وهي بتقعد علي السرير: مش عارفة يا مازن، تصبح علي خير، ونامت بجد
مازن: انجزي يانفس، نفس وهزها لقاها فسابع نومة
مازن استغرب: دي نامت بجد، لحقت
باس راسها وغطاها وخدها فحضنو ونامو
________♡بعد يومين
نفس رنت علي مازن
مازن بغزل: ايه يا نفسي لحقت اوحشك
نفس وهي بتنهج: الحقني يا مازن والخط قطع
مازن قام من علي الكرسي: نفس، نفس وخد تلفونه ومفاتيحه وطار علي البيت
••عند نفس
نفس: مش حرام اللي احنا عملناه فيه ده
يونس: معلش معلش ده طلع عيني في الخطوبة، مع اننا كنا كاتبين الكتاب
ادهم: ولا يهمك يا بت، وغير كده كويس ان احنا استغلينا عيد ميلاده في حاجة
نفس بسرعة: ادخلو بسرعة عشان بيركن العربية
وكلهم دخلو الليفنج وقفلو الباب وهي دخلت اوضة الاطفال وسابت الباب مفتوح ونور خفيف
مازن طلع جري
بص علي الشقة من بعيد ولقي ان اوضة الاطفال فيها نور فراح عليها
مازن وهو بينج: انت كويسة يا نفس
نفس وهو صعبان عليها: مازن انا شايلة منك
مازن استغرب منها: نعم، شايلة مني ليه، كنا كويسين قبل ما امشي
كلهم دخلوا الاوضة
وقالوا في صوت واحد: كل سنة وانت طيب يا مزون (دلع مازن 😂)
فهم بقي ان دي مفاجأة لعيد ميلاده
بعد شوية كان مازن اخد الهدايا من كلو ماعدا نفس
فبصلها وافتكر: ها بقي يست نفس زعلانة مني ليه
نفس ضحكت واديتله بوكس الهدية وقالتله: لا انا شايلة منك بجد
مازن بصلها بعدم فهم وفتح البوكس لقي صندل بيبي وورقة واختبار حمل بس مكانش باين، مسك الورقة وقراها بصوت واطي: ﴿كل سنة وانت طيب يا بابي، هاجي كمان 9شهور، استناني﴾
بص لنفس بفرحة: انتي بجد حامل
نفس شاورتله بأه
حضنها بفرحة
مازن:عرفتي امتي
نفس:من يومين لما كنا عند ماما فاطمة
وبصلهم: يعني ده اللي كنتو مخبينوا عليا
يونس: بالضبط
♡•••••••••••••••••••••••••••••♡
عدي 5شهور، وحمل نفس كان صعب «معملوش صونار ومعرفوش نوع الجنين»
في يوم الساعة ٣بليل
نفس: مازن
مازن بنوم: يبنتي نامي بقي
نفس صرخت: الحقني يا مازن
مازن اتنفض وبقي يبص حواليه: في ايه حصل حاجة
نفس: بووووولد
مازن شالها ولسة هيتحرك نفس زعقت: انت واخدني بهدوم النوم يا مازن وصرخت تاني
مازن بتوتر: طيب اعمل ايه
نفس حاولت تهدا: لبسني الاسدال وخد شنطة البيبي بسرعة
مازن عمل كده وشالها وراحوا علي المستشفي
في المستشفي ومازن كان رن علي اهلو وجم
نفس ماسكة في مازن وبتصرخ: ربنا يسامحك يا مازن
مازن: اهدي اهدي
نفس بزعيق: شايفني بشد فشعري
مازن بوجع: لا بتشدي في شعري انا
الممرضين جم خدها بس قبل ما تمشي
نفس بعياط: لو جرالي حاجة يا مازن اوعي تتجوز شهد، ممكن تعامل ابني وحش، بص متتجوزش خالص
مازن قلبه وجعه عليها: انتي هتطلعيلي تاني بأذن الله
نفس: ادخل معايا يا مازن
مازن بص للدكتورة والدكتورة شاورله بأنه ينفع عادي
فتعقم ودخل معاها
يونس بص لوئام: خليك انت متعتق كدا
وئام بصتله: وصوتت هي كمان
يونس بخضة: ترولي تاني يجماعة
وجم خدو وئام كمان
وكانو بيولدو طبيعي
الدكتورة: حاولي تهدي يا نفس وزوقي
نفس صرخت بصوت عالي: وطلعت البيبي وكان ولد
الدكتورة اديته للممرضة ولسة هتتحرك عشان تطلع نفس صرخت تاني
الدكتورة لقت ان فيه طفل تاني: محدش عرفني ان هي حامل في توأم ومازن كان مصدوم
وولدت نفس بنت
_______♡بعد فترة في اوضة نفس و وئام
مازن: حمدالله علي سلامتك يا نفسي
نفس بتعب: الله يسلمك، فين ولادي
راح اخدهم من اكمل وادهم
نفس حضنتهم: ياروحي انا، وبصت لمازن: هتسميهم ايه
مازن: انتي اللي تعبتي فيهم، يبقي انت اللي تسميهم
نفس: خلاص انت تسمي البنت وانا اسمي الولد
مازن وهو ماسك البنوتة: انا هسميها ليلي وبص لاكمل لقاه مبسوط«ليلي اسم مامت نفس الله يرحمها»
نفس: وانا هسمي الياس
و وئام كانت ولدت ولد
ادهم: وانتي يا وئام هتسمي ايه
وئام: زين
اكمل: مبارك عليكم يحبايبي
___________♡بعد 5سنين
ليلي: بابي بابي
مازن شالها: نعم يقلب بابي
ليلي: زين ابن خالو يونس شدني من شعري
مازن راح لزين: ليه يا زين شديت ليلي من شعرها
زين بطفولة: عشان هي لعبت مع ياسين جارنا وانا قولتلها متلعبيش معاه تاني عشان بغير
مازن اتصدم ويونس قال بفخر: راجل طالع لأبوه، جدع ياض
مازن: اتنيل علي خيبتك، وانت متتضربش بنتي تاني وملكش دعوة بيها
زين: لو مضايقتنيش مش هعملها حاجة، وبعدين انا هتجوزها لما اكبر
مازن بصدمة: تتجوزها ايه يمفعوص. انت
انا داخل لأحسن مرارتي هتفقع وراح لنفس
مازن: بتعملي ايه
نفس: برتاح شوية من اللبس
مازن ضحك: هو انتي كل ما تلبسي قطعة هتقعدي ترتاحي، كلو بسبب البطيخة اللي قدامك دي وشاور علي بطنها
نفس: اتريق اتريق،وبعد كده دمعت: هو انا بقيت وحشة يا مازن
مازن وهو بيمسح دموعها: ده مين الاعمي اللي قال كده
نفس: يعني لسة شكلي حلو
مازن بحب: زي القمر يعيوني
نفس:انا بحبك يا مازن
مازن: ونا بموت فيكي يا نفسي، ولسة هيحضنها الياس و ليلي دخلو عليهم: انتو بتعملوا ايه
مازن ونفس بصولهم وضحكوا
تمت
