رواية مشيئة القدرالفصل الثامن عشر
يعود مازن من الشركة علي الدار ليجهز نفسه لسهرة مع سارة ويدخل الدار يلاقي ابوه مع امه وخالته وعمته يدخل عليها
مازن:- السلام عليكم كيفكم جميعا ويبص لابوه
ايه يا حج خليل شعريار اياك انت لامم حريم الدار حواليك
حنان:- طبعا هو الخير والبركة بتاعة الدار
خليل:- شوف دول ٣ حريمات بس فاضل واحده وينادم علي رضوي تعالي علشان نصبح اربعه زي الشرع ما بيجول
امتثال:- بجي اكده بعد العمر ده كلاته عايز تتجوز عليا
خليل:- اباه عليك اتجوز مين يا مره يا مجنونه اتجوز خيتي ولا مرت خوي ولا بت خيتي بينك اتجنيتي يا ام العيال
مازن:- لا اماي ماتجنينتش ولا حاجه بتغير عليك يا حج هي فينها مريم ومها اومال وانت يا رضوي نتيجتك ظهرت ولا لسه عايز اطمن عليكي
رضوى:- لسه السبوع الجاي ومحمد جالي هيجبها معاه
مازن:- المهم انك تنجحي خلينا تفرحك بيكي ونجوزك بكفايه اكده و وتبجي تكملي بيت جوزك ولا ايه يا عمتي
حنان:- اللي تجوله يا كبيرنا بس تختار ليها عريس زين
خليل:- عريسها موجود بس مازن يوافج
مازن:- خلاص يا بوي مدام انت موافج انا موافج ولما اعاود نتحددت في الموضوع انت خابر رضوي كبرت جوي ولازم تتجوز وويتحمل مسؤليتها راجل ولا ايه يا رضوي
رضوى:- تسكت ما تنطقش وعيونها نازله في الارض
مازن:-يرفع وشها انا لما احدتك تردي عليا وترفعي وشك اكده
واسمعي بعد.نتيجتك هنحدد عرسك وخالك اختارك عريسك
رضوى:- ماعايزاش اتجوز وهكمل علامي ولو غصبتوني هجتل نفسي انا ماعايزاش اتجوز والله ماعايزاش اتجوز
مازن:- صوتك ما يعلاش فاهمه ويلا اطلعي اوضتك ماعايزش اشوف وشك تاني غير لما نحدد عرسك يلا غوري
حنان:- والله ماعرفش البت دي جرالها ايه من يوم ما وجعت من علي السلم من سنتين وهي حابسه حاله ودايما بتبكي خايف تكون جتلها مسه ارضيه ولا صابتها عين حاسدة
غالية:- لا هي بس يمكن موت بوها ماثر علبها وتبص لمازن مفيش اخبار عن سالم وعمك يا ولدي
مازن:- لا يا خالتي متجلجيش انا مش ساكت ويتوه في الكلام هو سامي خرج هو و محمد للمصيف مع اصحابهم بالجامعه صوح طيب هما جالو هيعاودو ميتي
خليل:- كمان يومين محمد جال هيرجع علي النتيجه انت خابر خلاص هيتخرج السنادي وانت وعدته هتشغله معاك
مازن:- اكيد يا بوي دي شركته وشركتنا كلنا انا طالع اغير خلجاتي واتسبح وخارج مشوار لما ارجع هتحدد معاك با بوي
خليل:- ماشي يا ولدي وخلي بالك من نفسك
ويطلع لاوضته وهو طالع يسمع صوت بكا رضوي ونحيبها
يفتح عليها الباب ويلاقيها منهارة من العياط وشعرها ملزق علي عيونها في الدموع يروح ليها ويمد ايده يمسح وشها
ويشيل شعرها من علي عيونها ويرفع عنيها في عينه
مازن:- انت عارف انك كبرتي ولازم تتجوزي علي الاجل ترتاحي مني ومن خناجي معاكي كل يوم واهانتك
رضوى:- انا راضيه تعمل فيا اللي انت عايزه لكن متبعدنيش عنك احب علي رجلك متبعدنيش عنك هموت اكده
مازن:- خلاص يبجي اتفجنا انتي ماعايزاش تبعدي عني يبجي تسمع حديتي واللي اجوله يتنفذ مفهوم
رضوى:- بفرحه ترقص في عيونها مفهوم جوي جوي
مازن:- يلا اغسلي وشك وادلي اجعدي معاهم امك جلجانه عليك وخايفه تكوني ممسوسه من يوم وجعتك علي السلم
يلا ماعايزش اشوف بتبكي تاني انت في بيت الكبير اللي جامع كل الاحبه وماعايزش حزن تاني يصيب حد فيكم
رضوى:- حاضر ماراحش اعيط تاني بس اوعدني انك مش هتعاجبني زي المره اللي فاتت لو زعلتك وتسامحني بجي
مازن:- مسامحك يا رضوي الحجد والانتجام بيسود الجلوب ويضيع راحة البال وانا عايز افتح صفحه جديد لحياتي مفهاش غير الحب والمودة حتي مع عدوي يلا ادلي يا رضوى ومتجلجيش مش هاعجابك تاني خلاص يلا سلام
ويخبط علي اوضة اخته ويلاقيها بتغير لولدها يطلب من مها تاخده وتدلي ليهم تحت لحد ما يخلص حديته مع خيتها
تخرج مها وتاخد محمود في اديها وزياد وتنزلهم تحت
مريم:- في ايه يا خوي حوصل حاجه ومالك مهموم ليه اكده
مازن:- مخنوج من نفسي وللي عملته في عمي جولت هدفعه التمن لكتي دفعته انا من راحة بالي ونزلت من نفسي والكبير ما ينفعش يصغر حاله للي يجل من مجامه جدام نفسه جبل الناس لكن اللي حوصل حوصل ومفيش حاجه هتفيد
مريم:- مالك ياخويا احكي حوصل ايه لكل ده
مازن:- انا فلست شركة عمك وخسرته كل املاكه في البورصه واخدت عليه حكم بالسجن لشيكات بدون رصيد لكن مش هو ده اللي مزعلني ده جزاء ما عذبنا كلنا لكنه جاتله جلطه وحالته خطيرة وحصله شلل وماعرفش كيف اوجه خالتي واجولها اللي صابه وهي لسه لدلوجيت كانت بتسالني عليه
مريم:- واه يا خويا جت تعذبه عذبت نفسك زيادة حاول تساعدة لاجل خاطر خالتك وولاده وحلا حبة الجلب
مازن:- حلا حبة الجلب اه يا مريم اشتجتالها جوي جوي وانت كمان مش مشتاجة لجوزك سالم ابو ولادك يا مريم
مريم:- اباي عليك يا مازن ايه فكرك بسالم دلوجيت
مازن:- سالم تعبان من غيرك يا مريم وعايز يردك ليه ايه رايك
مريم:- لا انا جولتله شرطي وهو منفذوش وانا مش هرجع لبه
مازن:- اسمعي حلا خلاص اتحوزت وعاشت مع محمود وهي مرتاحه معا ومخلفه منه خلاص يا بت بوي ما هانرجعش لبعض تاني ملناش نصيب مع بعض خلاص وجوزك ندمان
وهو ابوي ولادك ليه تحرميهم منه وتحرم نفسك من الحياة
مريم:- كسرو جلبك يا خوي وحرموك من الحياة رايدني اعيشه مرتاحه معاه كيف لا يا خوي انا راضيه اكده بنصيبي ولادي بيتربو احسن تربيه وربنا يخليك ليا انت وبوي واماي
مازن:-فين كسروني انا اجوي منهم كله ومعايا ربنا ناصرني عليهم كلتهم ولا هتكسري كلمتي يا بت بوي ومش هترجعي
مريم:- ما عشت ولا كنت لما اكسر كلمتك لو رجعتله هبجي مغصوبه لكن علشان ارضيك لو رايدني ينفذ شرطي وانا هبجي راضيه وسعيدة برجوعي ليه
مازن:- مفيش فايدة فيكي دماغك صارمة جديمه خلاص اللي يريحك بس اعرفي انه مش هيستناكي كتير وهيجي يوم ويتجوز وهيبجي حجه وهيخلف وانتي ما هينوبك الا ان ولادك يتربو بعيد عن بوهم وانت هتفضلي من غير جواز اكده
مريم:- اما هو ليه حج يتجوز ابو ولدين وانت ليه متحوزتش لدلوجيت مش ليك نفس الحج علي الاجل انت متجوزتش جبل اكده ولا عندك ولاد
مازن:- لاني جلبي مش ملكي ولو اتجوزت هظلم اللي هتجوزها انا هعيش وهموت علي حب حلا وعشجي ليها
مريم:- يبجي ليا حج مدام محروم من حبك هو كمان هحرمه مني ومن ولاده واكده يبجي عدل ربنا صوح
مازن:- الحديت معاكي مش هيخلص وانا عندي ميعاد يلا
ويروح اوضته ياخد شاور ويغير هدومه ويلبس بدله شيك
وينزل علشان تقف رضوى متسمره ليه لما تشوفه بالوسامه دي كلها كان نفسي تجري عليها وتحضنه وتخاف من عقابه
غالية:-ما شاء الله عليك مشوار ايه ده اللي متشيك ليه اكده علي الاخر ووبرفانك للجو اوعي يكون مشوار حريمي يا مازن
مازن:- حاجه زي اكده يا خالتي اشوف نفسي بجي ولا ايه
رضوى:- يعني ايه تشوف نفسك انت عايز تنجوز
مازن:- ايوه حجي وبصراحه لجيت العروسة اللي تنسابني
رضوى:- تبصله بحزن ودموعها تنزل منها غصب عنها مبروك يا كبير وتطلع تجري علي اوضتها
امتثال:- والله حرام عذابك فيها البت عشجك وما هتلاجيش
حد بيحبك زيها دلوجيت
مازن:- اماي بلاش الحديت ده رضوى هجوزها بعد ما تظهر نتيجتها وهنجفل كل الحديت الفارغ ده بعدها
حنان:- خلاص يا مازن اللي تشوف بس ياريت تجدر تطمنا علي خوي فتحي محدش عارف راح فين بعد ماباع كل املاكه
مازن:- حاضر يا عمتي ويحضن خالته متجلجيش يا خالتي هرجعه ليكي والدار تساع من الحبايب الف ويخرج ويسبهم
🌼🍁🌼🍁🌼🍁🌼🍁🌼🍁🌼🍁🌼🍁🌼🍁🌼🍁
ويصل لبيت سارة اللي يلاقيها بنت جميله جدا بفستانها الاسود السوارية واللي بظهر مفاتن جسمها وقوامها الممشوق
مازن:- واه انا جولت انك واعرة جوي ايه كل ده انتي واحدة تانيه خالص من غير النظارة والبدله الرسمية بجتي حرمه صوح اركبي اركبي لشباب اسيوط كلتهم يتجنو عليكي
سارة:- تضحك وتقوله انت مجامل اووي يا مازن
مازن:- يضحك عارفه لو جولتي بيه كنت نزلتك انا عايزك تتخلي عن الرسميات انا مازن وانت سارة صديجتي موافجه
سارة:- ده شرف ليا يا مازن ها هنروح علي المسرح ولا هتعزمني علي العشا في مكان هادي احسن
مازن:- واه جولت ذكية ومش هيخيل عليكي موضوع تذكرة المسرح فعلا احنا هنتعشو في مكان هادي لاني عايزك بموضوع مهم يخص حياتي الشخصيه وانا عندي مبداء مكان العمل للعمل والحاجات الشخصيه ليها مكان تاني وعشان اكده طلبت اجابلك بره بعيد عن العمل لاجل اتحدت معاكي براحتي
سارة:- وانا تحت امرك في اي مكان عايزني فيه شخصي او عملي يلا بينا اكيد ورانا كلام كتير هنقوله
مازن:- انا واتج من اكده يلا بينا وينزلو قدام فندق فخم
ويدخلو ويطلبو عشاء مميز وبعد العشا يطلبها للرقص
سارة:- ترجع بعد الرقصه لطرابزيتها وتضحك كفاية دلع بقي ونتكلم في الجد انا عارفه ان العزومة دي وراها حاجه مهما جدا ليك وخارج اطار شغلي معاك وبعيد عن الحب والارتباط لاني متاكده انك مغرم وعاشق وصعب ده يتغير بسهوله ها نبداء في الجد ولا لسه في حاجه تاني عايز تعملها الاول
مازن:- لا خلاص انت اكده كشفتيني ومبجاش ليه لازم اللف والدوران اسمعي ويطلع صورة ده سالم واد عمي وطليج اختي فاكرة التوكيل الياباني لجطع غيار السيارات اللي خدته شركتنا من سنتين وتعاقدنا معاه من الباطن لتوزيع البضاعه علشان التوكيل كان هيضيع منه وانا اخدته واديت ليه كميه بحجم راس ماله لكنه لسه جدامه كتير علي ما يجدر يوفي توكيل بقيمة التوكيل ده المهم انه دلوجيت بيفكر بعمل شراكة مع سيدة سمعتها مش زينه وعندها مطامع في الشباب وهو دلوجيت محتاج للمال باي طريجه ليخرج بوه من للسجن او يجابلها افراج صحي علي الاجل وكمان وصلني اخبار انه عايز ينتجم مني لاني كنت السبب في اللي حصل لابوه اكده يبجي مساعيه في الرجوع لخيتي انتجام منها ومني ها هتجدري تساعديني انتي الوحيدة اللي واثجت فيكي تساعديني
سارة:- وانا تحت امرك وقدها وقدود اديني بياناته وقولي المطلوب ايه وانا هنفذه بحذافيرها وثقتك هتكون في محلها ان شاء الله وده وعد مني
مازن:- وانا واثج من اكده اسمعي ده توكيل جطع الغيار اللي بيتعامل معانا فيه من الباطن هكتبه باسمك وهعمل كل الاجراءت اللي تخليه جانوني علشان تجدري تطلبي منه الشراكة بما انه اكبر موزع ليكي في التوكيل وعايزك تتجربي منه وتعرفي نيته من خيتي ومني وبعد اكده اتنازلي ليه عن التوكيل علشان يجف علي رجله وبحجج نجاحه الشخصي
تجدري تخلصي الموضوع ده في جد ايه شهر كفايه ولا عايزة اكتر وكمان مكافاتك هتكون فوج ما تتخيلي
سارة:- انت كده مش واثق فيا شهر ايه هو اسبوع وكل اللي عايزه هيتنفذ ويمكن اقل ام مكافاتي هي شرف ثقتك فيا
مازن:- من بكرة ليكي اجازه مفتوحه وادي التوكيل ومعاه توصيه بالتنازل ليكي ودي فيزا كارد تجدري تسحبي المال اللي يلزمك كرأس مال للشراكه وياه ولحجم تعاملاتك معاه
سارة:- اتفقنا وانا اوعدك اني هبهرك بالنتيجه اللي تتمناها
مازن:- وانا في انتظارك بكل جديد المهم تلاحجيه جبل ما يتشارك مع الحيزبون نازلي سويدان
يارة:- انا من بكره هبداء الشغل ياريت نروح بقي علشان اقدر اصحي بدري واسافر وارتب اموري قبل ما اروحله
مازن:- سارة انا شاكر ليكي لاول مره استعين بامرأة لاموري الشخصيه لاني بعتبرك من عيلتي واسمعي انا اللي هجوزك
سارة:- ده شرف ليا واكيد يسعدني انك تجوزني علي شرط راجل زيك في هيبتك وحضورك وجديتك خد بالك انا بعاكس
مازن:- والله جولت انك مش سهله وواعرة جوي يلا بيني
⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘
بعد يومين في مكتب سالم للاستراد والتصدير
سارة:- لسكرتيرة سالم سلام عليكم ده الكارت بتاعي ممكن تديه لاستاذ سالم انا عندي معاه ميعاد دلوقتي
السكرتيرة:- ايوه فعلا اتفضلي سالم بيه في انتظارك من بدري
وتدخل سارة علي سالم اللي ينبهر بجمالها ويرحب بيها
سالم:- اهلا وسهلا انا سعيد لمقابلتك شخصيا وبالذات اني بتعامل معاكم من سنتين من غير ما اقابلك او اعرفك
سارة:- انا جاية في شغل فيه مكسب اكبر ليا وليك اتفضل ده عقد شراكة بالتوكيل بتاعي هتستفيد منه زيا بالظبط
سالم:- بس انا شغلي لسه صغير جدا وصعب اشاركك لاني معنديش المال الكافي لشراكتك بحجم نص التوكيل
سارة:- بس انت موزع جيد.جدا وانا بعتبرك شريكي اسمع انا هشاركك بالمال وانت بالتوزيع وكل المال هيبقي باسمك
بس ليا نسبه ٧٥ في المائة ايه رايك
سالم:- يعني الربع والثلث تربع كده كتير اوووي خليها fifty fifty علشان تبقي الشراكه فيها عدل
سارة:- تضحك انت مش هتدفع حاجه انت هتشغل المال في التوزيع بس والنص يبقي ظلم ليا وفي الوقت ده تدخل السكرتيرة وتقولها ان مدام نازلي بره وعايزه تقابلك
سالم:’- لا خلاص بقولك ايه اتصلي بمصطفي مدير العلاقات العامة وخليه يعرفه اننا مش عايزين الشراكه واننا اتعاقدنا علي توكيل اكبر شركة عالمية لقطع غيار للسيارات
السكرتيرة:- امرك يا استاذ سالم وتخرج وتقفل الباب
سارة:- هو انت كان عندك عقد شراكه قبل عقدي
سالم:- انتي جيتي في وقتك كنت خايف اتعامل معاه بس كنت مضطر محتاج اكبر راس المال وهي كانت هتديني نسبه كبيرة fifty fifty لكن عقدها غير عقدك لان اتعاملت معاكم وعرفت اعمل سوق كويس لتسويق قطع الغيار لكني معاها كنت هبداء من الاول والربح رغم انه كبير بس مش مضمون
سارة:-طيب انا ممكن اوافق علي نسبة fifty fifty وكمان اضخ راس المال كله وهتنازل ليك عن التوكيل وهاخد نسبتي
ده لانك انسان ناجح وذكي وفلوسي معاك هتبقي بامان لانك مش استغلال ده كله مقابل انك توافق علي شرطي الوحيد
سالم:- شرطك الوحيد وهو ايه
سارة:- بكل دلع وابتسامه ساحرة انك تقبل عزومتي النهاردة علي العشا ها موافق ولا تحب تفكر الاول
سالم:- موافق بس لازم تعرفي اني متجوز وبحب مراتي جدا ومعنديش استعداد اخونها او اجرحها يعني هيبقي عشا عمل
سارة :- واو انت انسان ملتزم كمان وعملي موافقه سلام
هستناك الساعه ٩ وتديلها ورقه ده الفندق اللي نازله فيه باي
سالم:- لا ده واجب عليا وانا اللي هعزمك بكره
وتتعدد لقاءتهم وتنشى بينه صداقه وموده لحد ما تطلب منه يجيلها الفندق لانها مجهزاله مفاجاء وتقوله الساعه ٩ اوك
___________________
يصل سالم في الميعاد ويلاقي سارة مستنياها وهي في كامل زينتها واناقتها يدخل يسلم عليها ويبوس ايدها بالاتيكيت
سارة:- اهلا استاذ سالم اتفضل ويقعدو وتقدم ليه تنازل عن التوكيل انا ووقعت عقد جديد ليك مع الشركة والتوكيل دلوقتي بقي باسمك رسمي انت اللي هتتعامل معاهم وتطلب الكميات اللي محتاجه بنفسك وهتسوقها كمان ودي شيك تقدر تحطه في رصيد شركتك من بكره لتلبية عقودك الماليه
سالم:- عملتي ده كله ازاي في الكام يوم اللي فاتو
سارة:- انا بحب عملي جدا وزي ما انت شايف لولا نجاحي مكنتش فوزت بعقد التوكيل وعندي توكيلات تانيه علشان كده اتنازلت ليك عن التوكيل ده المهم مجبتش مراتك معاك ليه علشان تتاكد من وفاءها ليكم مدام بتحبها اوووي كده
سالم:- انا مطلق وبحاول ارجعها رغم اني عارف انها عنيدة ومش هترجع غير لما انفذ شرطها المستحيل
سلرة:- مدام عنيدة كده خلاص فكر في نفسك وتمد ايدها تلعب في جاكت بدلته باغراء علشان يرجع لورا
سالم:- بس انا مش شايف غيرها اتجوزنا سنتين كانت ليا كل دنيتي محستش بيها غير لما خسرتها وبصراحه ليها حق انا كسرت قلب اختي وقلب اخوها لما اتخليت عنهم وسمحت ان اختي تتغصب وتتجوز واحد غصب عنها ووقفت مع بابا ضدهم والزمن دوار وهو انتقم من بابا وفلسه وكمان اتسجن واختي خلفت بدل المره مرتين بس لحد دلوقتي حزينه وهو عايش علي ذكري حبهم وانا اتحرمت من ولادي ومراتي
سارة:- ياه دا انت وراك حكاية كبير علي كده ناوي تنتقم من اخو مراتك للي عمله في ابوك وعايز ترجعه علشان تنتقم منها
سالم:- انا انتقم تاني ما ابوي انتقم من عمي وابن عمي لظنه انهم سرقوه وصلنا الانتقام لفين اتشتتنا وبقي كل واحد ضايع ووحيد والعداوة كبرت بين الكل صحيح مازن قدر يلم شملهم كفاية انه استضاف امي واخويا في دارة وعايشين معززين متكرمين انا مقدرتش اعمل كده انا ضايع ونفسي ارجع لحضن العيله الكبيرة ولمتنا في بيت العيله زي زمان بس خلاص القلوب اتغيرت و الحقد والانتقام سودتها
سارة:- طيب قولي لو اقدر اساعدك في حاجه واصالحك علي اهلك ومراتك بالتسامح كل حاجه هترجع
سالم:- انتي فعلا ساعدتينا لما اديتني فرصه كبري في ان مكتبي يكبر وينجح بالتوكيل والشراكه اللي بينا كده هقدر اثبت لمراتي اني فعلا استحقها وهحارب عليها لحد ما ترجع
سارة:- وانا معاك لحد ما يبقي مكتبك ده اكبر شركة للاستراد والتصدير وما تقلقش انا هفضل وراك
سالم:- وانا وبشكرك جدا لانك جيتي في الوقت المناسب
وتنتهي الامسيه ومهمه سارة اللي ترجع بعد اقل من اسبوع فعلا لتطمن مازن اللي كان بينتظرها بفارغ الصبر
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
في شركة مازن
مازن:- قاعد في مكتبه بيتابع معاملات البورصه وتدخل عليها سارة بشكلها المعتاد البدله والنظارة و تسلم عليه
سارة:- المهمه تمت علي خير ما يرام وفي خمس ايام بس ابن عمك ده انسان وفي جدا ومخلص وبيحبك وبيحترمك جدا
اتفضل ده تسجيل لكل حواري معاه من اول ما روحت مكتبه لحد ما نقلت ليها ملكية التوكيل وحولت ليه راس المال كمان
مازن:- يمد ايده ياخد التسجيلات ويشكرها انا كنت واثج فيكي انك انتي اللي هتريحيني خدي ده مكافأتك وكمان بلغي الحسابات مرتبك من الشهر الجاي الضعف
سارة:- بس انا قولتلك مش محتاجه مكافأة بيكفيني شرف خدمتك واني اشتغل معاك لانك مكسب كبير ليا بس مدام دي مكافأتي عندك انا بانتظار مهام اخري انا كده هعمل ثروة
مازن:- ولا يهمك اعملي ثروة انتي تستحجها فعلا يلا بلغي الحسابات وخليهم يبعتولي شت المرتبات اوجع عليها وسبيني اشوف واد عمي جالك وعملك معاكي ايه
ويسمع كل التسجيلات اللي بينهم ويطمن قلبه لكنه يحس الالم لما عرف ان حلا ربنا رزقها بمولد تاني ويروح البيت مهموم وحزين علشان بالصدفه يسمع مكالمه بين حلا وعمته وخالته وهي بتكلمهم عن بنته اللي اتولدت من شهرين وانها تعبانه ويتصدم وتسال امها هي بالصعيد ليه عند عمها خليل
غالية:- بوكي اعلن افلاسه وعليها ديون كتير ومنعرفش ليه طريج ومازن الله يستره هو وعمك استضافونا بالدار وكرامينا اخر كرم ومازن بيدور علي بوكي
حلا ومحمود:- طيب ليه محدش بلغني انا هسد دين خالي
شوفي عليه كام وانا هبعتلكم المبلغ اللي محتاجينه كله
غالية:- مش لما نلاجيه الاول المهم خلي بالك من حلا وولادك جودي ومازن الصغير وهي نتيجتها ظهرت ولا لاء
حلا:- ظهرت ونجحت الحمد لله
وتنزل رضوي وتشوف مازن وهو بيسمعهم وينتبهو ليه وبحسو الاحراج منه
مازن:- مالك يا عمتي انت وخالتي هتدارو عليا ان محمود ربنا رزقه هو وحلا بمولود تاني مبروك عليهم وربنا يباركلهم فيهم
غالية:- والله ما كنت اعرف يا ولدى لسه عمتك مخبراني دلوجيت واتصلت اطمن عليها بس انت عرفت منين
مازن:- انا الكبير ومفيش حاجه بتتخبي عليا ابد وشويا
ويدخل محمد وسامي والكل يتجمع مع بعض علي العشاء
بعدها يزفو البشرة لمازن بنجاح سامي ورضوي وتخرج محمد
خليل:- كده يا مازن محمد عمل اللي عليه ونجح لازم ننجوزه
مازن:- اكيد يا بوي بس هو يختار ومن بكره نجهز لجوازه
محمد:- انا اختارتها ومحتاج موافجتك يا كبير
وسامى:- وانا كمان عايز اتجوز اشمعني محمد
مازن:- ماشي يا سامي اختار ليك عروسه وانت يا محمد مين هي وانا موافج مدام رايدها يا خوي
محمد:- انا موافج علي اي عروسة تختارها ليا يا كبير
مازن:- خلاص وانا هختارلك عروستك بنفسي ويبص لرضوى وانت يا رضوي نجحتي والحمد لله تهز راسها ويقول لعمته
عمتي السبوع الجاي جهزي رضوي لجوازها ان شاء الله
ورضوي تطلب منه تكلمها علي انفراد ويدخلو اوضه وتكلمها ودموعها انهار علي خدها لا تتوقف
رضوى:- جولتلك جواز لا ماهتجوزش غيرك يا واد خالي
وانا بجولهالكم اهو لو جوزتني غصب عني لحد. غيرك انا هموت نفسي وانتو احرار وتمسك ايده وتركع علي ركبتها مازن انا عشجاك وماريداش غيرك ارحمني ارجوك انا بحبك انت وبس انت جولت سامحتني اتجوزني والله ما هتندم
يسبها ويخرج عمتي زي ما جولتلك رضوي زفافها السبوع الجاي وانت يا اماي جهزي ليها المندرة الخلفيه وافتحو ليها باب علي صحن الدار هتدخل فيها مع عريسها …….؟
وتسمع رضوى اسم عريسها تصرخ وتصوت وتقع مغمي عليها
*********
