رواية مشيئة القدر الفصل التاسع عشر
في بناية فخمه بمدينة الضباب بانجلترا
يدخل محمود شقته ويلاقي سكون تام ويدخل يدور في كل الاوض عليهم لحد ما يدخل اوضة اولاده ويشوف حلا بتغير لجودي حفاضتها وبتجهز ليها الرضعه تشوفه حلا تضحك ليه
حلا:- هوس مازن نايم وجودي هرضعه وهتنام تحب اجهزلك العشا ولا اتعشيت بره زي كل يوم
محمود:- اومال فين اولجا مش بتساعدك ليه
حلا:- مريضه عندها نزلة برد شديدة وخفت تعدي الاولاد اديتها اجازه ها تتعشي ولا ايه
محمود:- انا مليش نفس لكن لو هتتعشي معايا هتعش
حلا:- طيب خد الرضاعه دفيت اهي رضع جودي ونايمها علي ما اجهز العشا وبعدها تحكيلي ايه مضايقك وسادد نفسك
محمود:- يبصلها باستغراب ممكن اعرف كان لزمته ايه الحمل التاني وانتي بتدرسي كان كفاية مازن كل ده حمل عليكي بس انتي بجد تفوقتي علي نفسك نجحتي وكمان رعيتي مازن ودلوقتي جودي ومقصرتيش ابدا
حلا:- ههههه بقي بذمتك كنت عايز نجهض جودي العسوله دي ونتحرم من ضحكته الحلوة كفايه البصه في وشها خد رضعها اعمل بلقمتك علي ما اجهزلك العشا
وترجع وهي شايله صنية العشا وتلقيها بينيم جودي في سريرة ويروح علي سرير مازن ويبوسه
اتفضل العشا جاهز يقعد قصادها ويبصلها بحيرة
حلا:- في ايه مالك بتبصلي كده ليه اول مره تشوفني
محمود:- لا مش اول مره بس حبك ووفائك حاجه نادرة الوجود بجد انت نعمة ربنا بعتهالي مش عارف من غيرك حياتي كان هيبقي شكلها ايه
حلا:- كلامك غريب هو في ايه يا محمود النهاردة
محمود:- عندي اخبار عن خالي فتحي وعن رضوي
حلا:- اخبار ايه ومالها رضوي
محمود:- رضوي هتتجوز الخميس الجاي يعني بعد اسبوع
حلا:- بجد ما شاء الله اكيد بقت عروسة زي القمر طالعه لاخوها حلوه و هتتجوز مين ياتري وناوي تنزل مصر علشانها
محمود:- طبعا انا وكيله وبفكر اخدك معايا انتي والاولاد
حلا:- لا مقدرش انزل مصر ارجوك يا محمود مش عايزه انزل مش هقدر اواجه مازن واقوله علي اني اتحوزتك ورضيت بحياتي معاك علشان خاطره هوا لا مش هقدر اقوله كده عمري اخاف عليه من الصدمه
محمود:- متقلقيش مازن مش هيطلب منك اي تبرير لجوازك خلاص وخيانتك لعهدكم عارفه ليه لانه هيتجوز رضوي
حلا:- بصدمة ترجع لورا ايه انت بتقول ايه مازن هيتجوز رضوي مش ممكن مستحيل رضوى وتبكي ياه معقول القدر عمل فينا كل ده علشان في الاخر يجمعهم ببعض
محمود:- ها هتنزلي دلوقتي ولا بردك رافضه تنزلي معايا
حلا:- انزل اعمل ايه انا هتمناله السعادة زي ماهو بيتمناهالي
محمود:- بس علي الاقل يعرف انك مخونتيش عهد حبكم
حلا:- والله وافرض ساب اختك هتتخلي عن سعادة اختك علشاني ثم انا كده هعرضه للموت تاني لو بابا عرف ان مازن عرف سبب جوزي بيك وتهديده ليا بقتله وممكن مازن يعمل حاجه في بابا او بابا يقتله هكسب انا ايه خلاص يا محمود انا ربنا كتب علينا الفراق وشكل رضوى هي نصيبه فعلا مش انا
محمود:- حتي لو عرفتي ان ابوكي اتسجن بسبب شيكات بدون رصيد وجاتله جلطه وحاليا هو بمستشفي السجن لا حول له ولا قوة يعني مبقاش تهديد ليكم هتنزلي مصر و تعرفي مازن انك اترغمتي علي جوزك مني بسبب خوفك عليه
حلا:- بحماس وامل جديد هتلحق تيضيف الاولاد علي الباسبور بتاعك وتخلص كل الاجراءات ولا مش هتلحق
محمود:- متقلقيش هخلص كل حاجه من بكره بس لازم اروح المستشفي الاول واطمن علي العمليه نجحت ولا لاه
حلا:-صحيح الميعاد بتاع الدكتور بكره انا عايزه اروح معاك علشان اطمن بنفسي بدل ما اقعد قلقانه هنا بستناك تعرفني
محمود:- خلاص هنروح المستشفي وبعدها نطلع علي السفارة نضيف الاولاد و وبناء علي رائ الدكتور نحجز للسفر
حلا:- ربنا ما يحرمني منك يا محمود يارب
⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘
وهناك في دار العيله
امتثال تطلع تخبط علي ابنه مازن ويسمح ليه بالدخول
امتثال:- تشوفه قاعد علي سريره وبيستعد للنوم وتساله ليه مش مبسوط يا ولدى مدام انت اللي اختارتها بكيفك
مازن:- لاني الكبير وواجب عليا اسعد الكل ومدام مش جادر اسعد نفسي اسعد الانسانه اللي بتحبني ويروح لحضن امه
خابره عمري ما كنت بحس الضعف واحتياجي للحب والحنان زي ما انا معاكي اكد غير وانا مع حلا كنت بحس نفسي طفل
محتاج دايما لحضن امه انا كنت مجرر متجوزش ابدا لاجل ما اظلمش اي بنت لكن بعد ما عرفت ان حلا حبلت تاني وخلفت بت احلامي كلتها ضاعت في ٣ سنين جواز تجيب طفلين يبجي نسيتني ونست عهدها ليا حتي لو كانت مغصوبه خلاص يا اماي انا شايف ان رضوى استنت كتير ومبقتش تفرج هي او غيره اهي زوجه اجيب منها الذرية اللي تكمل سلسال عيلة الصفدى وخلاص وكمان بتحبني يعني هتراعي ربنا فيا وهتصون عرضي وشرفي وبت عمتي كله ده خلاني اختاره واجبر بخاطرها كمان
امتثال:- خلاص يا ولدي اللي تشوفه بس بالله عليك افرح وعيش كيف كل الشباب وانسي حلا خلاص مبجتش ليك
مازن:- حاضر يااماي وتسيبه وتخرج علشان يقوم وراها يروح الشقه اللي كان هيدخل فيها مع حلا ويفتحها ويفتح دولابها ويفتكر كل حاجه كانو بيختاروها سوا وفستان الفرح وبدلته ويبكي خلاص اكده يا حبة الجلب اه من العشج اللي بيجتلني جتل فراج بفراج والجلب ليكي مشتاج خلاص بجتي صفحة بحياتي ولازم اطويها ويقفله كل حاجه ويقفل الاوضة ويدخل اوضتها يحط المفتاح في الدهب اللي كان شريها ليه يهدهولها ليلة زفافهم ويعينهم في مكتبه اكده خلصت خلاص يا حلا
وهناك في اوضة رضوى اللي سهرانه والنوم طاير من عينها بسبب الفرحه من ساعة ما مازن قال انه هيتجوزها وهي مش مصدقه ان اخيرا مازن هيبقي ليها لوحدها
وتفتكر كل اللي حصل ……….. قلاش باك
بعد.ما تتحايل عليه علشان يتجوزها او يسبها من غير جوز يسبها ويخرج ليهم وكلها غضب مصتنع
مازن:- يخرج عمتي زي ما جولتلك هجوزها السبوع الجاي
وانت يا اماي جهزي ليها المندرة الخلفيه وافتحو ليها باب علي صحن الدار هتدخل فيها مع عريسها مازن خليل الصفدي
وتسمع رضوى اسم عريسها تصرخ وتصوت وتقع مغمي عليها
امها تفوقها ومرات خالها ومريم كلهم حواليها ومازن يشبلها
وينيمها علي الكنبه ويبصلها ويضحك اول مره اشوف واحدة بتصرخ لما تعرف انها هتتجوز اللي بتحبه والله مجنونه
رضوى:-انت بتتكلم بجد انا جلبي ممتحملش الفرحه كنت حسا زي ما يكون بتحكم عليا بالاعدام ومكنتش هجدر ارفض اي واحد عايز تجوزهولي لكن ربنا عوض صبري بيك
والكل يخرجو ويسبوهم بعد ما يباركو ليهم وبالذات محمد
اللي بارك ليها وعيونه كلها حزن والم ودموع لخسارته لحبه
مازن:- اسمعي يا رضوى انتي الوحيدة اللي عارفه ومتاكده ان حلا مالكة جلبي وانت ملكيش مكان فيه لكن اوعدك اني هتجي وارعي ربنا فيكي وهكون ليك الزواج والاخ والاب بس يخيلك شيطان انك تفكري انك هتمحيها من جلبي يبجي انت الجانيه علي حياتك معايا احنا هندخل اهني بالجاعه الكبير لحد ما ابني لينا دار جديده ويومين اكده وهنزل اجيبلك دهباتك وخلجاتك وفستان الفرح ها موافجه
رضوى:- انت تامر وانا هنفذ ومش مهم تفضل في جلبك المهم اني هبجي مرتك وحلالك وتحاول تحضنه يطبطب عليها وتجوله طيب ما ندخل في الشوجه اللي فوج كبير وحلوة
مازن:- لا الشوجة دي متفكريش فيها ابدا فاهم ولا لاه واسمعي كل اللي كان بيني وبينا حلا عهد جطعته علي نفسي
وماهتخلاش عنه ليوم الدين ولاخر مره ماتحاوليش تاخدي مكانه او تاخدي اي حاجه كانت بينا هتخسري كتير ويلا جومي اعمليلي كبابة شاي و من اليوم عايزك تعرف كل اللي بيريحني وتعمليه وبس اكده هتكسبيني وتكسبي حبي
رضوى:- حاضر حاضر تأمر يا كبير وتقوم تعمله اللي طلبه. باك
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
وفي صباح اليوم التالي يتزل مازن ويلاقي عمته مجهزه شنطتها وشنطة رضوى ويستغرب ويسالها
مازن:- علي فين يا عمتي اكده علي الصبح
حنان:- علي داري يا عريس بتي البنوت لازم تتشور وتخرج من بيت بوه وكمان خوها نازل وانا بعد اذنك هاخد رضوى واروح اجعد في بيت جوزي لحد ما تتجوزو واعود تاني اهني بعد ما يسافر ولدى وتبص لاخوها زين الحديت ده ولا لاه
خليل:- زين جوي وهي دي الاصول خدهم يامازن وصلهم
مازن:- لا خليهم لاخر النهار انا هبعت حد ينفض الدار من التراب ويوضبها علشان عروستي متتعبش عندها شغلات اهم ولا ايه يا رضوى اللي تبصله بكسوف ووشها يحمر وانت يا محمد خدهم وديهم لاني هتاخر بره النهاردة لاخر اليوم
محمد:- حاضر يا خوي ربنا يكمل فرحتكم علي خير
مازن:- يروح يبوسها من راسه خلي بالك من نفسك وبكره ولا بعده هتنزل نجيب الدهبات وفستان الزفاف علي ذوقي
رضوى:- ربنا يخليك ليا وما يحرمني منك يا فرحة عمري
ويخرج لشركته محمد يبص لرضوى وقلبه يوجعه لانها طول السنتين اللي فاتو كان بيحسب انها حست بيه لكنه كان وهم
وبعد المغرب يخدهم يوصلهم للبيت وتصر غاليه انها تروح معاهم علشان ميقعدوش لوحدهم
محمد:- هما مش لوحدهم يا خالتي انا هجيلكم كل يوم اشوف طلباتكم ويبص لرضوى اللي فرحانه ومش حسا بالمه
رضوى:- محمد انا متشكره ليك جوي وكلتهم يومين وابجي مرات خوك لازم تحترمني لاني هبجي مرات الكبير
محمد:- يمسكها من دراعه هو ده كل اللي همك تبجي مرات الكبير واخو الكبير اللي كسرتي جلبه الف خسارة يا رضوى
كنت بحسبك بتحسي وبتجدري اللي بيحبك لكن خوي ذلك ورغم اكده فرحانه انك هتبجي مرت الكبير ربنا يهديلك نفسك ويسبها ويخرج متعصب وغضبان
وتقف رضوى مصدومة وتكلم نفسه اباه محمد بيحبني يا مرك يا رضوى لو عرف مازن ممكن يجوزني ليه بس حبني امتي
⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘
وبعد يومين بعد المغرب كانت رضوى وامها ومرات خالها بيرتبو طلبات العروسة علشان يدخل عليهم محمود ومعاه حلا
وكل واحد منهم شايل طفل وتشوف حلا امها تترتمي بحضنها
وتبكي وتديلها جودي تبوسها وتحضنها
غالية:- ما شاء الله كلها شبهك يا حلا
محمود:- لا يا عمتي بالعكس كلها شبهي من حب مراتي فيا اتوحمت عليا ويضحك وتزغدة حلا في جمبه علشان يسكت
وتروح رضوى تسلم عليهم وتشوف حلا لاول مره من ٣ سنين
اتغيرت كتير وبقت اجمل عن زمان جميله فوق ما تتخيل وتبصلها حلا بغيره لانها هي اللي فازت بمازن في الاخر
حلا:- مبروك يا رضوى صبرتي ونولتي حلمتي تتجوزي مازن والوحيدة اللي اتحقق حلمها هو انتي
رضوى:- كله جسمه ونصيب ومحدش بيهرب من جدره يا حلا
محمود:- بيضحكه ياتري بقي مازن بيحبك كده زي ما بتحبيه
رضوى:- ايوه واسال اماي ازاي بيدلعني وبيخاف علي زعلي
حنان:- بصراحه يا ولدى هو طاير بيها طير وخلاص كلها يومين ويتم زفافهم وتبجي مرته
حلا :- هو مازن بيجي هنا يا عمتي ولا لاه
غالية:- كان هنا العصرية هيجي بكره ان شاء الله
محمود:- طيب يا ماما انا تعبان جدا انا وحلا هنطلع نرتاح ولما نصحي نشوف ترتيبات الزفاف وياخد حلا ويطلع اوضته
محمود:-اسمعي دي فرصتك تروحي تقابليه النهاردة قبل بكره انا هطلب ليكي تاكسي كمان ساعه كده روحي ليه شركته وعرفيه ان ابوكي كان سبب موافقتك علي الجوازه وشوفي هيقولك ايه انتي طبعا مش عايزه تبوظي جوازة اختي انتي وعدتيني لكن علي الاقل يسامحك ويعرف انك مخنتهوش وفي الاول والاخر الجواز قسمة ونصيب يا حلا
حلا:- طيب هغير لجودي واجهز ليها رضعه علشان لو اتاخرت
وهلبس وهنزل وتحت يتصل مازن برضوى
مازن:- عروستي الجميله انا بعتلك العربية اجهزي علي ما توصلك هننزل نجيب دهباتك وفستان الزفاف
رضوى:- بجد حاضر هجوم اجهز وبعد عشر دقايق تصل العربيه وتركبها رضوى بعد ما استأذنت من امها
ومحمود طلب لحلا تاكسي يوصل حلا لشركة مازن
وتركب حلا التاكسي وهي في الطريق تشوف عربية مازن
توقف التاكسي وتنزل تلاقيها في محل الصاغه بيجيب ليها الشبكه وهو بيضحك وسعيد وفرحان قلبها يوجعه وتفضل وراهم ويدخل بيها محل ملابس نفس المحل اللي اشترت منها كل لبسها وفستان زفافها وكان معاها مازن وتشوفهم من بره الازاز وهو بيختار لبها الفستان وتقيسه وتخرج فرحانه
وقلبها يتوجع اكتر لما تشوفه بيحضنها وقلبه ينزف من الالم
وتوقف تاكس ومازن يلمحها بعد ما راحت رضوي تغير الفستان ويخرج يجري مش مصدق عينه حلا في مصر لكنه ميلحقش التاكسي ومينفعش يسيب رضوى ويروح وراها
ويرجع ل رضوى اللي كنت بدور عليها وتلقيها داخل بينهج
رضوى:- كنت فين دورت عليك وسالت جلولي خرج يجري
حوصل ايه وكنت بتجري ليه
مازن:- ياخد نفس هو محمود رجع مصر
رضوى:- ايوه عرفت منين
مازن:- جه لوحده ولا معاه حد
رضوى:- لا معاه مراته وولاده
مازن:- يعني عيني ما كذبتش عليا وهي فعلا كانت حلا
رضوى:- هي مين دي اللي عينك ما كذبتهاش
مازن:- يلا اروحك اصلا اتاخرت ولازم اتصل بالماذون وبالمرة اسلم علي محمود واتفج معاه علي المهر مش هو وكيلك
رضوى:- اه تسلم علي محمود طيب فهمت بس انا هوكل خالي
مازن:ليه خوكي موجود اكده يزعل وهو نازل مخصوص ليكي
رضوى:- علشان خوي مجعدش ليا لكن خالي ربنا يطولي قي عمره هو كبيرنا وكمان هيبجي معايا لما احتاجه
مازن:- طيب هجول لابوي علي طلبك انه يبجي وكيلك ويلا بينا نركب وياخد منها الشنط وبعد الفرحه اللي كانت عايشه تحس ان حلمها ببضيع منها تاني برجوع حلا ازاي وهي مرات اخوها وام اولاده متعرفش ويوصلو للدار ويطلع مازن يسلم علي عمته وخالته ويسال علي محمود اللي ينزل يسلم عليه
محمود:- اهلا بعرسنا الهمام اخيرا هتنضم ليا انا وسالم
مازن:- حمدلله بالسلامه فين ولادك عايز اشوفهم
محمود:- حاضر ويطلع يجيب ولاده ويبوسهم مازن ويدور علي حلا في ملامحهم لكنه ميحسش ملامحها فيهم وهي نفسها مجتش تسلم عليها ويسال نفسه معقول مش هاين عليها تسلم عليه بنفسها ولا خلاص مبقتش اهمها ويقعد معاهم شويا ويحس انها مش هتنزل تقابله خلاص هو كده اقتنع انه اصبح ليها مجرد ماضي ويخرج ويلوم نفسه
مازن:- انا غبي بعد ما خلفت متوجع ايه لسه بتحبك وعايزاك فوج بجي يا مازن وعيش حياتك انت عايش علي حبها ومحافظ علي عهدها لكنها اكيد هي نسيتك وتلاجيها جلعت سلسلتك ونست عهد حبنا الف خسارة يا حلا يارتني جادر انساكي كيف ما نستيني واخلعك من جلبي اللي بيعشجك
ويركب عربيته ويروح لداره وهو مقتنع انه خلاص حكايتهم
انتهت ولازم يفكر في نفسه وفي العيله اللي هتكبره باولاده
وتشوفه حلا وهو ماشي وتطلع البيت يقابلها محمود ويسال
محمود:- كنتي فين مازن كان هنا خد رضوى وجاب ليها شبكتها وفستان الفرح وسال علي الاولاد ودور عليكي بعنيه
حلا:- تبكي بحرقه وتروح ترتمي بحضن حنان اللي كانت مع محمود بالاوضه وغاليه طلعت مع رضوى تظبط عليها الفستان
وتصرخ بالم ووجع ونفسها يتقطع من البكاء بحرقه خلاص يا عمتي مازن اختار وعايش سعيد انا لازم اختفي من حياته كنت مصدر حزن وموت وجرح والم خلاص كده مفيش داعي يعرف موضوع بابا بدل ما يكره لانه مش هيغير من الواقع حاجه ان مازن نسيني وهيتجوز رضوي وهو سعيد بعروسته وفرحان بيها ربنا يهنيهم ويسعدهم يارب وتبكي بزيادة
حنان:- كنتي جولتيله بردك يا حلا علي الاجل علشان ما يفجدش ثقجته في الحب ويجدر يحب بتي بدل ما شايفك انك خاينه لحبكم اكده كانت هترجع ثقجته في الحب تاني بعد ما يعرف اللي عملتيه علشانه وهيحب بتي بجد
رضوى:- تسمع كلامهم للاخر وقلبها يوجعه لان حلا فضلت سعادة مازن علي اعترافها ليه بانها مش خاينه لحبه وعهدهم
ومكنتش تعرف انه عارف كل حاجه لما رضوى اعترفت ليه
وتطلع اوضتها تاتي وتطلب من مرات خالها تبعتلها حلا تشوف الفستان وتطلع ليها حلا وعيونها دم من كترة الدموع
رضوى:- تمسك ايدها بعد كل السنين اللي فاتت لسه بتحبيه
حلا:- انتي بتتكلم عن ايه اسمعي يا رضوى انا كنت راحه لمازن اعترفله بكل حاجه لكن لقيته فرحان وضحكته رجعتله وانتي السبب علشان كده هتمناله الخير والسعادة مبروك
وتسيبها وتخرج وهي بتبكي وتلاقي محمود و يطبطب عليها
🌼🍁🌼🍁🌼🍁🌼🍁🌼🍁🌼🍁🌼🍁🌼🍁🌼🍁
وهناك في مستشفي السجن يروح سالم يزور ابوه ويدخلها
فتحى:- لسه فاكر بوك يا سالم شهرين سايبني اكده
سالم:- مكنش ليا عين ازورك ومقدرش اطلعك لكن النهاردة هخدك لمستشفي خاص خلاص سجنك انتهي يا بابا
فتحى:- ازاي مين دفع الشيكات وامتي خدت افراج
سالم:- مازن يا بابا هو اللي دفع وخلي المحامي قدم مخالصه بالديون كلها وطلع قرار الافراج كمان واتصل بيا المحامي قال اجي استلمك وحجزلك في اكبر مستشفي علشان تتعالج فيها وترجعلك صحتك وتقدر تقف تاني علي رجليك
وخد ده ورق ملكية شركتك هو اشتراها وسجلها باسمك تاني
فتحى:- واه يا واد خوي انتجامي عماني وانت انتجامك كسرني وشفجتك عليا ذلتني وكسرت نفسي
سالم:- لا يا بابا مش ذله ده صلة الدم والرحم اللي مازن الكبير بيصونها انا عرفت ليه جدي كان بيثق فيه لانه حلمه غلب غضبه صحيح انتقم منك لكته رجع وصحح اللي عمله رغم انه كان حقه يعمل اكتر من كده لكنه الكبير فعلا وقولا وعلي بنفسه فوق نفوسنا المريضه اللي ملاها الحقد والانتقام عارف
انها اشتري ليا توكيل لاكبره شركة في قطع الغيار وبعتهولي وكمان حط ليا راس مال علشان ابداء صح الصدفه وقعت في ايدي التوكيل الاصلي اللي كان متوقع مع شركته من سنتين وكان بيورد ليا من الباطن علشان اقف علي رجلي هو ده مازن يا بابا اللي استكترته علي اختي وانه يعيش معاها ويسعد بيها فرقتهم من بعض ودفعت انا ومراتي وولادي تمن الفراق زي ما دفعتها حلا ومازن بالظبط واكتر
فتحى:- كفايه يا سالم انا خلاص ماعايزش مال ولا ثروة عايز خوي وعزوتي واهلي كان معايا المال والشيطان غواني علي خوي اكتر واحد تعب لحد ما كبر ثروتنا لكن الطمع عمي جلبي وسوده بالانتجام اعمل ايه بالمال دلوجيت وصحتي ضاعت وبجيت عاجز واتحرمت من اني اشوف ولادي فرحانين وعايشين بسعادة وكمان اتحرمت من احفادي
اللي كسب الثروة الحجيجيه هو خليل وولده اللي حافظ علي العيله ولمها بالحب والمودة وخلي صلة الرحم والدم اهم من مال وكنوز الدنيا سالم خدني لخوي وواد خوي استسمحهم
سالم:- حاضر يا بوي بس اللي اتكسر في القلوب صعب يتعوض انا هوديك المستشفي وبعدها هسافر لعمي اخبره انك عايز تزوره واشوف رايهم ويخرج فتحي من مستشفي السجن
ويروح بيه لاكبر مستشفي بمصر لعلاج الشلل والجلطات
وبعد ما يطمن سالم علي ابوه يسافر الصعيد وميلقيش حد في الدار ويسال ويعرف ان النهاردة جواز مازن من رضوى ويتصدم لان خلاص كده اخر امل انه يرجع لمراته ليه ضاع
___________________
وفي اكبر فنادق اسيوط يتم حفلة زفاف رجل الاعمال مازن الصفدي علي بنت عمتها رضوى علام الصفدي وكانت رضوى في اجمل صورة ليها وبعيون دامعه يبارك ليها محمد
ومن بعيد تفضل حلا تتفرج عليهم وقلبها بيموت من الالم والحسرة ومحمود فرحان باولاده وبيعرفهم علي العيله ويجيله اتصال ويخرج يرد عليه ويرجع يستاذن من حلا انه
هيروح مشوار مهم وراجع وتحاول حلا تستجمع شجاعتها
وتروح تبارك ليهم وكانت لابسه فستان اوف ويت يظهر خصرها النحيل ووشها المدور الجميل واول ما تقرب منهم
ينتفض مازن لرؤيتها ويقوم ليها كانه هيحضنها لكن رضوى
تشده من ايده وتمد تسلم عليه وتبارك وتوطي لتدلي سلسلتها خارج فتحت فستانها ويبص عليها مازن في ذهول ازاي لسه لابساه اومال عايشه مع محمود ومخلفه منه ليه وازاي لسه علي عهد حبنا ويمسك ايدها يعصرها في ايده كانه بيحضنها ويعاقبها عن تنازلها عنه وتشد ايدها بصعوبه منه بعد ما فكت رضوى قبضت ايدها وبص ليه بحزن وهو مش شايف حد غير عيون حلا اللي الحزن مليهم نفسه يروح ليهم ويقولها انه لسه بيعشجها والكل يلاحظ سرحان مازن بالذات بعد ما ابوه نادم عليه كذا مره ليقوم علشان يكتب الكتاب وينتبه لكن رضوى تطلب منه طلب غريب
رضوى:- انا عايزه يتكتب كتابي في دار العيله ايه رايك نخلص الفرح ونكتب كتابنا هناك بالدار ممكن
ومازن بدون ما يفهم او يركز في اي حاجه يوافق وبعد الزفاف ياخدها في عربيته وكل ولاد عمه وراهم ويوصلو لدار يلاقو سالم بانتظارهم ويبارك لرضوى ومازن ويشوف اخته
تصعب عليه حاله وهي في حالة توهان وحزن عميق وكسرت قلبها خلت الكل حزين عليها وعلي مازن اللي بقي زي التايه ويحضر محمود وهو مبسوط وسعيد ومعاه صديقة حلا واخته رضوى والكل يدخل القاعه الكبيرة
والستات يخدو رضوى معاهم يدخلو اوضة تانيه
والكل يقعد لكتب الكتاب ويطلب الماذون الوكاله ويدخلو ياخدو الوكاله من العروسة اللي توكل خليل الصفدي وتخرج وراهم حلا وتبص لمازن اللي كان تركيزه كله عليها وعلي سلسلتها عهد حبهم نفسه يروح ليها ويسالها ليه استسلمت
ويردد ورا الماذون ايده في ايد ابوه وعيونه في عيون حلا اللي تبكي بحرقه بعد كتب الكتاب تدخل تجري للعروسة وهي منهارة ومازن قلبه يطير وراها ويحس وجعها والمها لانها منه لكن يتلهي في كل اللي بيباركوله
سالم:- مبروك يا مازن الف الف مبروك انا فرحان ليك بجد
مازن:- الله يبارك فيك عجبال ما ترد مرتك ان شاء الله
سالم:- يروح لعمه يخبره بمرضه ابوه وانه عايز يرحع ليهم وطلب منهم انهم يسامحوه ويسمحو ليه يعيش بينهم
خليل:- اصبر لبكره بعد ما مازن يدخل علي عروسته وينادم علي امتثال يلا جهزوها خلي عريسنا يدخل لعروسته ويبص مازن للاوضه عايز يشوف حلا قبل ما يدخل علي مراته
لكن تخرج عروسته مع مها ومريم وتروح تبوس ايد مازن وتطلع علي فوق جري ومازن يتلخبط وينسي حلا وهو شايف رضوى طالعه لفوق في شقتة هو وحلا وتطلع وتدخل اوضة النوم وتقعد علي السرير ومازن يطلع وراها ويدخل الاوضة اللي ميعرفش مين فتحها بدون اذنه وينفجر فيها بموجة غضب واهانه ويمسكها من كتفها يهزها بعنف
مازن:- انتي غبيه ليه مصرة تخليني اهينك ده مكان حلا وبس ولولا اني الكبير وعيب عليا اعرفهم انك بتعصيني كنت طلجتك اسمعي انتي هتباتي اهني الليله والصبح تغوري انا ماطيجش المسك او انك تبجي مرتي وبجولهالك لاخر مره محدش هايسكن جلبي غير حلا حبة الجلب وعشجي وروحي
وتقع منه علي السرير ويصعب عليه انه طلع خنقته عليها
يرفع طرحتها يمسح دموع ويتصدم من شكلها واللي عاملاها في نفسها من انهيارها ودموعه اللي مغرق وشها واختفا جمالها في عيونها الحمرا من البكاء والدموع ….!!
ويتسمر مكانه مش عارف يعمل ايه ويسال نفسه في سره ..
