رواية مشيئة القدر الفصل الثالث عشر

رضوي تاخد سالم وتروح المستشفي تزور مريم وسالم يروح معاها لكنه ميقدرش يدخل ليه مكسوفه من نفسه ويروح لابنه يطمن عليه ويشوفه ازاي ضعيف وبيحارب علشان يعيش ويلاقي مريم في وشه تعاتبه علي سلبيته مع ابوها 

وانه هو اللي وصلهم لكده ويطلب منها سالم انها ترجعله

لكنه تشرط عليه ترجع لما يرجع حلا لاخوه ويدوي جرحه

من حرمانه وفرافه ليها وكسرتوه عليها علشان يسمعو صوت من وراهم بيقولهم ما عاش اللي يكسر مازن

سالم:- يلتفت وراه ويلاقي عمه يروح ويسلم عليه ويقوله اكيد يا عم محدش يقدر يكسر مازن ده سيد الرجاله وكبير العيله وان شاء الله يقوم ليكم بالسلامه ويفوق من الغيبوبه

خليل:- ان شاء الله كله بامر الله وعن جريب هيرجعلنا كلنا

سالم:- باذن الله يا عمي 

مريم:- انا هروح اوضتي يا بوي اماي مستنياني هناك هي ورضوي ولو كنت اعرف انه سالم اهني مكنتش جيت

سالم:- طيب استني واسمعيني يا مريم مقولتيش هترجعي معايا ولا لاء انا محتاجلك ومش قادر اعيش من غيرك

مريم:- وانا جولتلك شرطي لو جدرت انا في دار بوي ابجي تعالي وخدني انا وولادك وتمشي وتسيبه

ويلتفت سالم لعمه وملامحه كلها حزن

سالم:- عمي مش انت موافق انها ترجع معايا ولا غيرت رايكم

انا علي استعداد اخد ليها شقه لوحدنا ونسكن بره

خليل:- لا يا ولدي هي بس زعلانه علي خوها وكمان ولدها اللي اتولد جبل اوانه ونزل ضعيف المهم المحامي اتصل بيا

وجالي انه يوم الجمعه الجايه هيجي ومعاه اعلام الواراثه

بلغ بوك وعمتك وانا هستناكم بالدار بعد العصر علشان كل واحد ياخد حجه وميراثه ونخلصو الحكاية دي وبعد اكده نشوف موضوع مريم لو رايد ترجعها ولا بوك هيرفض 

سالم:- يا عمي مريم مراتي وابويا ملهوش دخل في حياتي معاها انا عايزها وباقي عليهاوهترجع معايا انا مش مع ابويا 

خليل:- يبجي احنا علي اتفجنا وهستناكم الجمعه الجايه 

سالم:- حاضر يا عمي انا هستأذن دلوقتي وهبلغهم تأمرني بحاجه قبل ما امشي يا عمي

خليل:- لا بس خد رضوي بت عمتك معاك ماعايزش بووها يتخانج معاها علي زياراتها كل يوم وجولها كفاية اكد

سالم:- حاضر يا عمي انا كنت هخدها كده كده معايا بس هي كان نفسها تطمن علي مازن وتشوفه لو ينفع

خليل:- لا مينفعش الدكتور مانع عنه الزبارة وحالته بجت واعرة جوي جوي ادعيله يا ولدي 

سالم:- الف سلامه عليه ربنا يتم شفاه علي خير ويقوم بالسلامه ان شاء الله انا هروح اخد رضوي وهمشي ويروح لاوضة مريم وينادي رضوي وتخرج ليه خالته زعلانه منه

امتثال:- خلاص يا سالم نسيت خالتك ومهينش عليك تسلم عليا يا خسارة تربيتي فيك يا واد خيتي

سالم:- يروح يرتمي بحضنها والله وحشتيني يا خالتي وماما كمان مشتقالك موت بس انا مليش وش اقابلك بيه انتي او مريم بصراحه انا كنت اعمي ومشيت ورا بابا وظلمت اختي وظلمت مازن وادي حلا بتموت من فرافها ليه وعايشة زي الميته ومازن بين الحياة والموت يمكن لو وقفت جمبهم كنت ردعت بابا وعشنا كلانا في سلام زي ما كان جدي عايز

امتثال:- ده جدر ومكتوب ولو كان ربنا جسمها ليه مكنتش هتتجوز غيره وخلاص يا ولدي انا بتمنالها السعادة وربنا يكتب لولدي السلامه ويوعده باللي تعوضه خيتك بس خيتي غاليه وحشاني جوي ابجي هاته وتعالي عايزه اشوفه 

سالم:- حاضر يا خالتي هجيبها يوم الجمعه الجاية واحنا جايين نشوف اعلام الوراثه ويحضن خالته تاني سامحيني يا خالتي وارجوكي خلي مريم تسامحني والله بحبه يا خالتي

امتثال:- حاضر يا ولدي ربنا يهدي ليكم الحال ويصلح بينكم

وتخرج رضوي وتسلم علي عمتها وتودعها وتسال سالم

رضوى:- سالم شوفت ابنك ، مريم قالت انه شافتك هناك

سالم:- ايوه شفتها وطلبت منها ترجع معايا بعد اعلام الوراثه لكنها رافضه وبتشرط ارجع حلا لمازن الاول

رضوى:-،دي اتجننت ولا ايه حلا خلاص سافرت وعاشت حياتها مع خوي وهي سعيدة وكمان هتكمل علامها بره

سالم:- انتي بتضحك عليا ولا علي نفسك بقي حلا سعيدة وعايشه انت عارفه ان ابويا غصبها مره تتجوزه ومره انه تسافر مع اخوكي وبالمرتين بالتهديد وانت عارفه ساومه علي حياة مازن وهو لا حول ولا قوة ليه دلوقتي متخليش حبك لمازن يعميك عن الحقيقه اللي بتهربي منها وتنكريه علشان تقدري تعيشي كذبتك انك هتتجوزي مازن وتنسيه حبه لحلا لاخر مره انقذي نفسك مش هتعرفي تعيشي سعيدة مع انسان ملك روحه وقلبه لانسانه تانيه اتقي الله في نفسك

رضوى:- يوه هو انت مبتزهجش اوعي تكون بتفكر تحكي لمازن اللي حوصل وان ابوك هدد حلا وغصبها علي الجواز علشان يرجعو لبعض وترجع انت لمرتك مريم انا لو حصلت هجتل خيتك لو فكرت ترجع لمازن وده شرف خوي وبصونه

سالم:- اوف منك ومن تفكيرك الاناني انت وبابا سبب كل الخراب ده وصدقيني لا ابويا هيرتاح ولا انت هترتاحي عمرك انا ماشي جايه معايا ولا لاء 

رضوى:- ايوه جايه بس الاول اروح اشوف مازن واطمن عليه

سالم:- مش هتقدري عمي قالي ان الدكتور مانع عنه الزيارة وحالته حرجه جدا وبين الحيا والموت

رضوى:- اه يا مرك يا رضوي باين حديت حلا هيتحجج لم جالت مازن لو مش ليها الموت هيكون نصيبهم اوعي تموت يا مازن وتسيبني انا بعشجك ومجدرش اعيش من غيرك

سالم:- بسخرية طيب يلا بقي انا قرفان منك ومن اسلوبك

رضوى:- حاضر يلا بينا ويخرجو من المستشفي ويروح خليل لابنه يطمن عليه وميلقهوش في سريره يسال عليه

خليل:- للممرضة فين ولدي راح فين كان اهني من هبابه 

الممرضة:- في اوضة العلاج الطبيعي بياخد جلسة علاج شويا وجاي هو بخير وبقي يقدر يمشي لوحده كلها بكره وبعده ويبقي كويس جدا ربنا يخلهواك يا حج دي راجل مفيش زيه

خليل:- الله يبارك فيكي يا بنتي وتتجوزي واحد زيه

الممرضة:- تضحك ده مفيش زيه ولو فيه ماتمنش حد غيره 

يا بخت مراته بيه اكيد بتحبه زي ما بيحبها كده واكتر

خليل:- مين جالك انه متجوز 

الممرصة:- تضحك لانه داقق علي كتفه اسم مراته حلا وتحتها كاتب مراتي وعشقي الابدي وكمان الدبله دي فيها تاريخ واسمها من ٦ سنين ومرسوم عليها قلبين يا بختهم ببعض اكيد هي اللي كانت بتجي تقعد معاه كل يوم بالساعات انا كنت بشوفها كان بتفضل ماسكه ايده وتبوس فيها وتبكي وساعات تبوس الجرح اللي في صدره وتقوله ياريني انا مكانك يا حبيبي هي بتحبه اووي يا حج بجد

وتسمع صوت غاضب وقوي من وراها بيقولها اطلعي بره 

الممرضة:- يتجمد الدم في عروقها وتبص لمازن بخوف وتستاءذن وتخرج تجري بسرعه من الخوف

خليل:- ليه اكده يا ولدي خضيتها اكده

مازن:- يصر علي اسنانه لانها خانةالامانه من واجبها تحفظ اسرارر المريض وملهاش حج تحكي ليكي اللي كان بيوحصل

خليل:- عرفت انت ليه ماطايجش رضوي ليك حج يا ولدي بنت الاصول متعملش اللي عملته ولو حلا مكانها مكنتش عملت اكده صوح 

مازن:- لا يا بوي حلا ليه حج تعمل كل حاجه معايا لاني سلمتها روحي وجلبي واللي بينا عشج روح مش عشج جسد لكن اللي عملته رضوي مش حجها لاني عمري ما كنت ليها او وعدتها بحاجه ليه بتفرض نفسها عليا حتي لو كانت اتبرعت بدمه ليا انا مش جابله ولا هجبلها ولا هسمح ليه تاخد اللي عمري ما هيكون ملكها وياريت تجفل علي الموضوع ده

ماعايزش اجيب سيرتها بتضايجني المهم انا عايز اخرج بكره جبل اعلام الوراثه في حاجات كتير لازم ارتبها واخلصها

خليل:- اصبر يا ولدي علي حالك كمان يومين

مازن:- ماهجدرش لازم استعد للي جاي انا بجيت بخير والحمد لله بتحرك زين اهوه وبكره هبجي احسن

خليل:- خليك لبكره وبعد ما تمشي رضوي نخرج كلنا 

مازن:- رضوي مين دي اللي هعملها حساب وهخاف منها

خليل:- لا يا ولدي بس انت عايز ترتب حالك واستعينو علي جضاء جوائكم بالكتمان وانت جولت ماعايزش حد يعرف انك خفيت وجومت بالسلامه دلوجيت وهي الوحيدة اللي بتزورك وعارفه اخبارك وممكن تجول ليهم  انك خفيت صوح ولا لاء

مازن:- ماشي ولما تجي بكره خلي محمد يوصلها ويجول لابوها ميخلهاش تجي لان مريم هتخرج وانا الزيارة ممنوعه عني ومحدش راح يروحها لان محدش هيكون بالمستشفي

خليل:- اكده تمام يا ولدي تعالي ارتاح بجي وبكره ربنا يدبرها ان شاء الله خير

🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾

وتصل رضوى لبيتهم وتقابلها امها وتسالها عن مازن ومريم

حنان:- طمنيني واد خالك اخباره ايه ومريم خيته

رصوى:- تبكي تعبان وبيموت يا اماي ادعيله 

حنان:- طب اسكتي مرات اخوكي علي التليفون وبتسالني عن مازن هخلص معاها المكالمه واجيلك تحكيلي

وترجع تكمل المكالمه ايوه يا حلا هو بخير وكله يومين ويخرج رضوي بتجول اكده ارتاحي بجي وخلي بالك من محمود زي ما وعدتيني انت دلوجيت مرته وخيته وامه

حلا::- حاضر يا عمتي بس بالله عليكي روحي انتي بنفسك واطمني عليه وخليه يسامحني انت عارفه اللي حصلي وليه قبلت اتجوز محمود ولو قدرتي احكيله وقوليله اني لسه بحبه ومحدش هيسكن قلبي غيره لحد ما اموت

حنان:- اعجلي يا حلا انا مجدره حالتك بس ولدي ملهوش ذنب ولو عمتك غاليه عليكي خلي بالك من ولدي يا بتي

ومتجوليش اللي جولتيه تاني ده غلط بحجك وحج ولدي ولا عايزه حد يسمع كلامك ده وتبجي فضيحه في العيله

حلا:- حاضر يا عمتي غصب عني والله ومحمود جوه عنيا ومحتافيش عليه انا هكون ليه كل حاجه لانه يستاهل كل خير كفايه حنيته وخوفه عليا ده بيعاملني كاني اميره

حنان:- اديكي جولتي اهوه ليمها بجي وخلي بالك منه علشان خاطري انا حتي ولا عمتك ملهاش خاطر عندك

حلا:- انا بحبك جوي يا عمتي وكمان بحب محمود حنانكم عليا عوضني كتير من اللي عملو بابا فيا بس يارب مازن يسامحني رغم اني قلبي بيقولي انه بخير بس حساه موجوع 

حنان:- الايام هتداوي جرحه يلا بيكفي اكده هتضيع فلوس ولدي كل يوم علي الاتصالات الدوليه اكده

حلا:- تضحك لما تاخدو نصيبي من الميراث هدييه لمحمود تعويض عن الاتصالات كل يوم يلا سلام محمود رجع وتقفل

حنان:- ربنا يهديلك حالك ويسعدك يا ولدي انتي وهي 

وترو ح لبنتها تطمن منها علي ولاد اخوها مريم ومازن

حنان:- طمنيني ايه جري لمازن تاني ومريم عامله ايه

رضوى:-مريم بجت كويسه ويمكن تخرج بكره ومازن حالته كل يوم بتسوء اكتر من الاول انا خايفه يموت يا اماي

حنان:- بعد الشر عليه وعلي شبابه منه لله فتحي خوي هو السبب في كل اللي بيحصل لا هو مرتاح ولا بته ولا مازن اللي هيروح منا وكل ده بسبب الطمع نجول ايه بس ربنا يهديه

وتروح تاني يوم رضوي تزور مريم كالعادة وتطمن علي مازن اللي الدكتور يمنعه حتي تشوفه من بره وهي بتصر وتلح عليه باستماته تشوف بس حتي من بره لحد ما يجي محمد

محمد:- يلا يا رضوي اختي هتروح اليوم وانتي مفيش داعي تجي اهني لحالك والدكاترة منعو عنه الزيارة خالص ويروحها ويطلب من بوها وامها انها ماتروحش المستشفي تاني لان حالة خوه بتتاخر ومفيش داعي من مروحها ليه كل يوم علي الفاضي ويطلب منهم الدعاء لاخوه ويمشي ويسيبهم وابوها ينادم عليها وهو متعصب ومضايق من حديت محمد

علام:- يمسكها من دراعها بغضب مبسوطه بالحديت الماسخ اللي جاله واد خالك خليل انا سيبتك علي راحتك وجولت يمكن يكون في بينكم نصيب لكن محدش طايجك منهم انتي ماراحش تخرجي من الدار تاني وتروحي المستشفي دي ابدا واديني جولت اهو وكمان تبجي امك طالج بالثلاثه لو روحتي يا رضوي هناك تاني سامعه ولا لاه

رضوى:- حاضر ماهروحش تاني بس كنت عايزه اطمن علي مازن وهو واد خالي وانت عارف يا بوي اني بعزه جوي جوي

علام:- خلاص كفايه اكده انا جولت مفيش مروح للمستشفي تاني يعني مفيش مرواح لاما يمين الطلاج هيجع علي امك

رضوي:- تصرخ حاضر حاضر وتدخل اوضتها وتعيط ربنا يكون في عوني لحرماني منك حسيت بوجعك يا حلا وتبكي

🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃

وبعد مرور ايام ومريم كل يوم تروح تزور ابنها بالمستشفي

وترجع تلاقي عمتها وجوزها وعمها وخالتها وسالم وسامي

كلهم مع ابوها في القاعه الكبير وابوها ينادم عليها

خليل:- مريم تعالي خدي خالتك وعمتك يجعدو مع امك فوج

لحد ما يخلص المحامي لانه زمانه جاي بالطريج

وتروح مريم تحضن خالتها اللي بتحبه بجد وحنينه عليها

وتسلم بس علي عمتها حنان اللي تشدها لبها وتحضنها

حنان:، اكده با مريم ما طايجاش تسلمي علي عمتك

مريم:- عمتي اللي وافجت خوها وواد عمها علي اللي عملوه

تبجي مش عمتي وكفايه اللي حوصل لخوي وولدي المولود

حنان:- ظلمتيني يا مريم ربنا يعلم اني رافضت ازاي وحاولت كتير اجف ليهم لكن مفيش مهرب من المكتوب ولما ترجع حلا اساليه انا ازاي وجفت معاها وحاولت اجف لي بوها كتير

مريم:- خلاص اللي حوصل حوصل ومازن وحلا اتفرجو للابد

وتطلعهم عند امها وتدخل لاختها مها اللي كانت بتنيم ابنها محمود وتروح تبكي في حضنها يالف خسارة علي العيله

مها:- معلش يا مريم مدام مازن بخير كله يهون يا خيتي 

مريم:- ايوه كله يهون بس مازن فين من يوم ما خرج من المستشفي مرجعش الدار ياتري هو فينه دلوجيت

ويحضر المحامي ويفتح اعلام الوراثه ويحدد نصيب كل واحد ويسلمهم وثيقه بنصيبهم 

فتحى:- اكده خلصت يلا يا سالم نادم علي امك ومرتك

سالم:- بجد يا بابا هناخد مريم معانا

فتحى:- ايوه مرتك لازم تبجي طوع ليك ولو مجدرش عليها بوها انا عمها واجدر عليها

خليل:-ليه اكده يا خويا انا مرفضش ان بتي تروحو مع جوزها

فتحى:- خلاص نادم عليها مطيجش اجعد معاك في مكان واحد ومن بكره نشوف حد يشتري الدار واخد حجي فلوس

خليل:- يعني ايه تبيع الدار انا هشتريها  لكن دار بوي ماتتباعش وانا عايش علي وش الدنيا هانت عليك دار بوك

فتحى:- ايوه زي ما انا هونت عليه وادالك حجي و سرجتني

خليل:- الله يا سامحك يا واد بوي خلاص انا هشتري نصيبك

فتحى:- وانا مش هبيعلك وهبيع بارخص من حجي ومش ههنينك بدار بوي فاهم ولا لاه ووريني هتجدر تعمل ايه

وتنزل مريم وتدخل لابوها وهي مخضوضه 

مريم:- نعم يا بوي محمد جالي انك عايزني

خليل:- جهزي حالك با بتي وروحي مع جوزك يلا 

مريم:لا ماريحاش معاه وهو عارف شرطي ومدام ماهيجدرش عليها انا مرجعاش ليه ابدا يا بوي

فتحى:- يروح يمسكها من دراعها بغل بتجولي ايه بجي مره هتمشي حديتها علينا وكمان بتتشرطي يا بت امتثال يلا انجري من جدامي بدل ما اجرجرك لبيت جوزك بالعافيه

سالم:- لا يابابا سيبها براحته ولما تهدي هرجع اخدها

فتحى:- اخرص انت هي هتدلع علينا ولا ايه يلا انجري جدامي اصلك مش متربيه ومتعرفيش يعني ايه احترام جوزك واهلك ومدام ابوكي مجدرش عليك انا هقدر وهكسر  دماغك وتصرخ مريم من شدته عليه علشان تلاقي ايد عمها بتتشال من عليها بقوه وصوت مازن بيقوله 

مازن:- انت صوتك ميعلش في وجود بوي فاهم ولا لاه

ومين اللي متربتش خيتي مريم اللي هي اخت الكبير وحفيدة الكبير وبت خليل الصفدي اتجنيت انت ولا ايه يا عمي

فتحى:- وهو بيرتعش مازن انت عايش وبخير من ميتي

مازن:- يبصله باحتقار امر الله يا عمي 

اسمع الدار ده لبوي نصيبك فيها ٢٨٠ الف خد ده شيك بزيادة ٣٠٠ الف جنيه وانت يا جوز عمتي نصيب عمتي ١٤٠ الف ده شيك ب١٥٠ الف جنيه وامضو التنازل دلوجيت ده دار الكبير

وهتفضل للكبير عارف مين الكبير ياجوز عمتي ولا لاه وخد ده تنازل عن العشرة فدن بتوع عمتي انت عارف البت بتورث مال مش املاك واطيان وده تنازل كمان عن نصيبها بالمنحل وادي شيك باسمها وازيد كمان عن حجها بربع مليون وانت عارف مفيش حد هيتجراء يشتري منكم الارض والكبير موجود ولا عندك اعتراض يا جوز عمتي 

علام:- بينتفض بس انت عارف اني عندي ارض وانا من العيله يعني ارض حنان هتكون في زمام العيله ما هتخرجش براها

مازن:- وانا جولت لاه خد امضي التنازل انا عارف ان عمتي عملالك توكيل بالتصرف بالنيابه عنها وده ارض هتكون لاحفاد واولاد محمود الصفدي وبس فاهم يا عمي علام

ام انت يا عمي الارض هتفضل تحت تصرفي وليك ريعها ولو عايز حجها انا هشتريها ودلوجيت ها هتبيع ولا تاخد ريعها

فتحى:- لا ماعايزهاش هتنازل عنها وباعلي سعر انا خلاص صلتي اتجتعت بالصعيد كله وعايز كمان حج نصيبي بالمنحل

والعمارة والعربيتين انا هاخد واحده زي ما جه باعلام الوراثه

مازن:- موافج ويبص للمخامي خلص التنازل يا استاذ سعيد وادي الشيكات ليك يا جوز عمتي ويا عمي والارض باعلي سعر ممكن توصلها انا ما هاكلش حج حد لاني الكبير والكبير بيكون بفعله مش كلام والسلام ويبص لسالم و لاخته

ام انت يا سالم اللي ما يصونش مرته ميستحجهاش وكفاية اللي عمله بوك دلوجيت فيها وانت واجف وساكت علي اهانتها

ويبص لاخته مريم انت عايزه تعيشي تاني مع سالم ولا لاه

مريم:- لاه يا خوي ماعايزاش اعيش معاها تاني

مازن:- طلجها يا سالم خيتي مريداكش ارمي عليها اليمين

سالم:- لا مش هطلقها دي مراتي وام ولادي ومحدش ليه بغصبني اطلقها ومش بمزاجك يا مازن ومش هتقدر تغصبني 

مازن:- لا بمزاجي وانا الكبير وكلمتي سيف علي كل راجل بالعيله واسال بوك يعني ايه الكبير بالصعيد علي الاجل انا سالته وكنت راجل وهجدر احمي خيتي مش هغصبها زيكم 

سالم:- وانا مليش دعوه بيكم انا مش هطلقها لو هتموتني

مازن:- يرفع مسدسه واموتك ليه وانا اجدر احرج جلبك

وجدام عينك دلوجيت 

اكده ويصوب المسدس لراس…