رواية مشيئة القدر الفصل الثامن
بعد البعيد ما قرب وأتي يوم كتب كتاب مازن وحلا واتفقو يكون الزفاف بعد العيد واليوم بعد صلاة التراويح هيتم كتب الكتاب في حضور كل الاهل والاقارب ياخد مازن حلا بعد الفطار ويطلع بيها للسطوح مكان عشقهم واحلي ذكرياتهم
وحلا تتستفز مازن انها هتطلب تاخر الزواج لحد ما تخلص
تعليمها لكنه صبره نفذ من شوقه ليها ولاول مره يتجراء عليها ويخطف منها بوسة يصبر نفسه بيها لحد زفافهم وهي في حضنه وهيمانه في عشقه وقوة بوسته ليها تنتفض
علي صوت صراخ عالي وتخرج من حضن مازن وتجري تبص من فوق وتشوف ابوها بيجري ورا عمها وتلتفت لمازن
حلا:- مازن هو ايه حصل امي بتصوت ليه هو ابوك اتخانق مع بابا ولا ايه ووليه صوت الصويت والصراخ ده
مازن:- اهدي يا حلا ممكن يكونو اختلفو علي حاجه بسبب كتب الكتاب انا هدلي اشوف ايه جري وانتي ادلي بعدي بشويا وجهزي حالك لكتب الكتاب الرجاله هيجو بعد الصلاه
وينزل مازن وحلا تحس الخوف وقلبها يتقبض وتحط ايدة علي قلبها وتقول استرها يارب وتنزل بعد شويا
وتشوف امها وخالتها ومعاهم مريم ومي ورضوي كلهم بيبكو
ومازن يخرج من اوضة جده ويبص ليها بعيون كلها دموع
ويروح ليها ويمسك ايدها وتساله بعيونها حصل ايه
مازن:- جدي مات يا حلا وتصرخ من جوه قلبها جدي
والكل يصوت علي صراخه وتقع من طولها ليلحقها مازن وياخدها بحضنه ويشيلها علي ايده وياخدها ويطلعها لاوضتها وينيمها علي سريره وينزل لمريم اطلعي خليكي معاها لحد ما تفوج ويبص لامه وخالته ما عايزش صويت
احتسبوه عند الله واترحمو عليه متعذبهوش بصواتكم فاهمين
ويدخل لابوه ياخده ويقعده ويبوس جبين جده ويترحم عليه
ويغطي وشه ويبص لعمه وابوه اكرام الميت دفنه هتعملو ايه
خليل:- روح يا سالم هات الدكتور علشان ناخد منه تقرير الوفاة ونجدر نطلع تصريح الدفن
فتحى:- خلاص اكده كان لسه بيتحدت معانا ولسه فطارنين مع بعض لا اله الا الله لله الامر من قبل ومن بعد ويسمعوا
صوت صويت عالي يخرج مازن يلجيها عمتها حنان يمسكها
انا جولت محدش يعذب جدي اهدي يا عما ووحدي الله
حنان:- بويا مات يا مازن خلاص سندنا في الدنيا راح
مازن:- سندك موجود واخواتك الله يطول في عمرهم وجوزك ربنا يباركلك في وابنك ربنا يرد غيبته احتسبيه عند الله يا عما فراجه جطع فيا كلتنا مش انت لحالك
حنان:- ترتمي بحضنه اه يا واد خويا فراجه صعب جوي جوي
وياخده يجعدها مع الستات اللي اتملت بيها الدار والشبخ اللي جاي يكتب الكتب بقي يقراء رحمة علي الميت والفرح اتقلب لميتم والحزن خيم علي الجميع الصغير والكبير
وتعدي ايام العزاء ومازن كان الوحيد اللي بيعمل كل حاجه
وكأن موت جده ما اثر فيه وما نزل دمعه علي جده والكل استغرب قوة احتماله لحزنه علي جده لانهم واثقين انه بيحبه
وفي اخر يوم عزاء يطلع اوضة جده ويجفلها عليه ويطلع
جلبابه ويفرده علي سريرة ويوطي عليها وينهار بالدموع
كسرني فراجك يا جد وجعني وحاسس اني تايه من غيرك
الله يرحمك يا جد ما فيش حدا راح يعوضني فراجك يا جد
ويصرخ من جلبه اه يا جد اه يا جد اه ه ه ه يا جد وتدخل عليه حلا وتقفل الباب وراها وتجري عليه
وتروح تقعد جمبه وتاخدها في حضنها وتبكي معاها وترفع
وشها ابكي يا مازن خرج اللي جواك كنت موجوعه عليكي
وانت حابس حزنك كنت حسا بالمك واستنيت تخرج اللي جواك وخفت يجرالك حاجه بسبب كتمت حزنك جواك
مازن:- مكنش ينفع كلنا نبكي وجدي كان شايفني كبير العيله من بعده وان راجل وجدع كيف ابكي واخلي جدي يعرف اني ضعيف من غيره لا يا حلا كنت لازم اكتم حزني لكن جيت هنا ابكي فراجي عليه اللي معرفش كيف هطيجه واعيش من غيره خلاص يا حلا جدي محمود مات جبل ما يفرح بينا
حلا:- لسه النصيب يا مازن وقدر الله وما شاء فعل
مازن:- جومي اخرجي اجعدي مع الحريم وانا هتسبح وادلي ليهم تحت اشوف ناويين علي ايه بعد موت جدي
حلا:- تحضنه الباقيه في حياتك يا مازن
مازن:- بتعزيني ولا بتعزي نفسك في الغالي الدوام لله يا حلا
وينزل ويسيبها ويلاقي عمه فتحي وجوز عمته علام وسالم واخوه سامي ومحمد اخوها وابوه متجمعين
مازن:- خير انشالله كنتم بتتحدتو في ايه وسكتو لما دخلت
خليل:- عمك فتحي بيسال امتي هنجسم الورث بينا
مازن:- مفيش ورت هيتجسم غير بعد سنه من دلوجيت
فتحى:- ومين اللي جال اكده انت ولا تجصد ايه
مازن:- لا يا عمي جدي الله يرحمه شرط الورث ما يتجسم غير بعد سنه من موته وجالي علشان مكنش رايد يموت وتتفرجو
لكن بعد السنه هتتعودو علي عدم وجوده وهتفضلو مع بعض
فتحى:- جالك لحالك اكده ولا كتب وصيه بالحديت ده
مازن:- لا يا عمي كتب وصيه وسجلها بالشهر العجاري وهي عند المحامي تجدر تجيبه وتساله انا ما بكدبش عليك
وكمان ورث ايه اللي بتدور عليه يا عمي وجتة جدي دمها ما برد لسه خلاص كل اللي يهمك المال وبس الصبر يا عمي
فتحى:- انت بتحدت معايا اكده ازاي انا هسامحك لاني مجدر حزنك علي جدك لكن الورث ده حجي وشرع ربنا
مازن:- اكيد يا عمي وكل واحد هياخد حجه وزيادة
فتحى:- وطول السنه مين هيبجي مسئول عن الارض والمال المحامي ولا بوك ولا انت علشان نفهم هيكون نصيبي ايه
مازن:- لا يا عمي انا اللي هدير كل حاجه وكمان مفيش تغير كل الايراد وحسابات الارض هتحط في الرصيد كله ونصيبك زي ما كان بيبعته ليك جدي هتمر السنه كأن جدي عايش
هو مرديش يخلي بويا يتكفل بكل حاجه علشان انتو الاتنين عنده زي بعض واختارني لاني في نسب بينا وانا ابن خليل
فتحى:- فين النسب ده محوصلش وما هيحصلش غير بعد سنوية بويا هي دي الاصوال ولا ايه يا واد خويا
مازن:- ومين جال اني كنت هوافج غير علي اكده الفرح وكل حاجه حلوه راحت مع جدي وبعد السنوية اللي يريدة ربنا هيكون والمقدر لينا مفيش مهرب منه
فتحي:- يبجي خلاص انا بعد الاربعين هاخد ولادي وهنزل مصر ومفيش داعي نحول اوراج حلا دلوجيت لما نشوف بعد السنوية هيكون الوضع كيف وهنعمل ايه
خليل:- ليه اكده يا خوي انت خايف علي حلا منا هي في حكم مرات مازن والحديت مفروغ منه ودي وصية ميت قبل الجسمة والنصيب حلا لمازم ومازن لحلا وهو بس بسبب الظروف هناجل لكن كل حاجه زي ما بويا اتفج هتكون
مازن:- لا يا بوي خلي عمي بكيفه جدي كان رافض تجعد حلا اهني من غير ما يكتب كتابنا وعمي ليه حج يخاف علي سمعة بته ويجيها الفتنه خلاص ياعمي بعد الاربعين خدها وان شاء الله نلتجي اهني في الاجازة ونحدد كل حاجه وكمان نجسم الورث كيف ما بدكم
فتحى:- كلامك زين وهو الصوح وانا عند كلمة بوي حلا ليك انت عارف البت ما بتتجوزش غير واد عمها وانتي اولي بيها
علام:- اكده صوح ليه حج عمي يجول عليكي الكبير من بعده
مازن:- بوي موجود وهو الكبير اللي محدش يجدر يعوضه لكنها سنة الحياة والكبير كبير بفعله مش بالحديت بس
خليل:- لا يا ولدي انا ما هجدرش اكون كبير العيله انت عارف داء السكري بيتعبني والغضب والعصبيه بيزودو من مرضي
لو عمك مريدهاش خلاص انت من اليوم كبيرنا وكلامك سيف عليا كيف كلام بوي الله يرحمه
فتحى:- لا مريدش اصير الكبير مبروك علي مازن هي ليجه عليه اكتر وولدي سالم وانا عايشين بمصر ومريدش احمل نفسي انا وولدي فوج طاجتها بس اسمع يا خليل كلامه ما راحش يمشي عليا انا اكبر منه مهما كان عمه وحماه
مازن:- انت ليك احترامك يا عمي وحديتك فوج راس ولا كبير ولا غيره انا هدير مال جدي لحد السنويه وبعدها جررو هتعمل ايه وانا تحت امركم وبكيفي حديت واترحمو علي جدي وادعو ما نتفرج من لمة شملنا ونفضل علي سيرته
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
وبره في القاعه بنات العيله قاعدين مع حنان وغاليه وامتثال
رضوي تبص لحلا اللي الحزن دبلها وكسر قلبها وتلاحظ حلا نظرات رضوي ليها وتستغربها
حلا:- مالك يا رضوي بتبصيلي كده ليه
رضوى:- اصل مش مكتوبلك واد خالي مازن والا كنت بجتي مرته وجدي جوزكم جبل ما يموت يا بت خالي
حلا:- انتي فرحانه فيا بس انا عايزه اقولك انا هكون لمازن وهو عمرها ما هيكون لغيري ولو مكنش نصيبي فهو قدري
اسمعي يا رضوي شايفه السلسله ده هو دي عهد وميثاق حبنا جوازي من مازن مفروغ منه يمكن لسه ما أنش الاوان ليجمعنا بيت واحد لكن اللي لازم تعرفيه اننا نروح واحده وبعدنا عن بعض هو الموت فبلاش تدخلي نفسك في وسطنا انتي اللي هتتعبي وهتعذبي نفسك بانسان عمره ما هيكون ليكي
رضوى:- بكره نشوف هو جدرك ولا جدري والايام بينا يا بت خالي وتبصلها بحقد وتمشي من قدامها
وتنزل تحت و هي نازله تخبط في مازن اللي كان طالع
مازن:- راحه فين يا رضوي وسايبه الحريم ليه
رضوى:- مازن انتو هتكتبو كتابكم ميتي انت وحلا
مازن:- انتي بتحدتي في الحديت ده ليه ايه يخصك فيه
رضوى:- يخصني انت واد خالي وهي بت خالي وامركم يهمني
مازن:- ما وجتوش الحديت ده دلوجيت احنا في ايه ولا في ايه وموضوعي انا وحلا يخصنا لحالنا واسمعي يا رضوي لو في بالك اني متجوزش حلا ماهيحوصلش واصل حلا مكتوبالي وهي باللفه وهي نصببي ولو مكنتش ليا هيكون الموت ليا وليه نصيبنا فاهمه وياريت تريحي بالك لاني مريدش في الدنيا غيرها متزعليش مني لو كان حديتي جاسيو جرحك لكن كنت لازم افوجك واعرفك انك مش في بالي ولا عمرك هتبجي في بالي
ويطلع ويسبها تبكي وتتوعدهم انها هتعمل المستحيل علشان تفرق بينهم حتي لو مازن مبقاش ليها بس ميكونش لحلا
مازن:- يخبط الباب علي الحريم وامها تاذن ليه يدخل
امتثال:- خير يا مازن نجهزلكم الفطار با ولدي ولا مردينش تفطرو زي كل يوم من يوم موت الغالي
مازن:- لا يا اماي مش حكاية فطار بس جيت ابلغكم ان وصية جدي مش هتتفتح غير بعد السنوية وكمان الورث كله هيكوت تحت ادارتي من اليوم والحمد لله اني خلصت كليتي
علشان افضي لادارة املاك جدي وكمان زواجي من حلا اتاجل لبعد سنوية جدي وتجسيم الميراث بين اولاده كمان اتاجل
غالية:- هي دي الاصول ومتجلجش حلا ليك مهما يطول الوجت وان شاء الله ايامكم مع بعض تكون كلتها افراح
مريم:- طيب وانا يا خويا خليني اهني مع حلا وامي بجي
مازن:- ومين جال ان حلا هتفضل اهني حلا هتنزل معاكم ولما نتجمع بالاجازه ونجسم الميراث هنحدد الزفاف باذن الله
حلا:- طيب واوراقي اللي كنت هحولها هعمل ايه فيها
مازن:- خليكي السنادي بكليتك واتفوجي كالعاده والسنه الجاية بعد الزفاف هبجي ننجل ورجك اهني براحتنا
حلا:- تتنهد ياه يا مازن سنه تاني من الفراق وتمسك سلسلته
وتضمها لقلبها ودموعها تنزل يروح ليها مازن ويمسح دموعها
مازن:- لسه يا بت عمي مجاش اوانا الصبر وان شاء الله خير نصيبا والمجدر لينا وعد ومكتوب نعيشه الصبر يا حبة الجلب
حلا:- حاضر يا واد عمي هصبر علي فراقك لان اللقا نصيب
ولما يأذن الرحمن هنكون لبعض مهما فرقنا الزمان والايام
⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘
وتمر الايام ويرحل عمه واولادهم ومعاهم مريم وصغيرها
ويستلم مازن زمام الامور ويدير مال جده علي خير ما يرام
ويشتاق لحلا من الحين والاخر ويصبر نفسه بلقاء بعد شهور
هتعدي عليهم طويله لكنها هتعدي وهتكتمل بزفافه منه كم يتمنا هو ده كل امله اللي عايش عليه وبالذات بعد تفوقه وتعينه معيد بالكليه لكنه رفض علشان يفضي لادارة اعمال العيله هناك بالقاهرة تعد حلا الايام والاسابيع والشهور وتجتهد في مذاكرتها و تجيب التفوق علشان تقدر تحول ورقها لاي كليه ويبقي سهل تحول ما تتجوز هي ومازن
وتمر الايام ويحين الاون للم شمل العيله ويذهب فتحي باولاده سالم وسامي وحلا ومرات ابنه مريم وزوجته غاليه
للصعيد قبل رمضان بيومين كالعادة زي ايام ابوه ويسبقهم مازن علي المحطه بستقبلهم وهو سعيد انه عمل بوصية جده
وادار اعمال ثروة العيله وزود من ارباحه كتير ويقابله عمه
بفرحه كبيره بعد ما زادت ارباحه اضعاف بفضل ادارة مازن
ويشوف حبة القلب اللي تنزل فرحانه بلقاء ووعدة نفسها انها خلاص مش هتمشي من هنا تاني وهتبقي زوجة لمازن بعد ايام ويروحو للبيت ويقابله اخوه خليل بفرح والكل سعيد للم شمل العيله من جديد وعودة الفرحه للجميع بجمعهم السعيد
وتعلن دار الافتاء ان غدا اول ايام الشهر الكريم والجميع يترحمو علي كبيرهم الحج محمود الصفدي رحمة الله عليه
والكل يأجل اي كلام في الميراث او الزواج لبعد لمتهم بكرة علي الفطار وهيكون كل رجالة العيله موجودبن وشاهدين
علي اي اتفاق ومازن يضحك في وش حلا ويغمز لها
مازن:- هانت كلتها بكره يا حبة الجلب وهنحدد زفافنا خلاص
حلا:- ياه يارب بقي تعب من فراقك ومشتاقه لحياتي معاك
غالية:- طيب كفايه اكده مش وجته الحديت ده ويلا نجهز السحور ولا منوينش تصومو بكره
حلا:- حاضر يا ماما يلا يا مها وخلي مريم مع ابنها وكفاية عليها الحمل لانه تعبها اوووي
امتثال:- ابنك صغير ليه كده يا مريم كنتي اصبري لما يتفطم بدل ما تظلميه يا بتي اكده
مريم:- والله كان غصب عني وحملت علي الوسيله وسالم رفض انزله هو وعمي وخالتي
غالية:- خلاص يا خيتي ده امر ربنا وانا هخلي بالي منها
رضوي:- وانا مش عايزبني اجي معاكم اجهز السحور
حلا:- لا تعالي يا حبيبتي كل سنه وانتي طيبه يارب يا رضوي متكونيش زعلانه لسه مني واللي حصل السنه اللي فاتت
رضوي:- لا مزعلناش بس انا جلبي حاسس انك مش هتكوني لمازن كيف ما بتجولي ليه هزعل وهو هيكون من نصيبي
حنان:- اخرصي يا رضوي وجولتلك ميت مره ما تتحدتي في الموضوع ده تاني واتحشمي اكده عيب البنات الصغار يتحدتو في الحب والجواز هيجولو عليكي ايه عماتك غاليه وامتثال
رضوى:- حاضر طبيت ساكته اهوه يارب تكونو مبسوطين
دلوجيتي وبردك يا حلا مهتكونيش لمازن ابدا وبكره تجولي رضوي جالت وتسيبهم وتخرج غضبانه منهم
حنان:- متزعليش منها يا حلا هي مهوسه بمازن رغم انه حرج دمها بكلمتين السنه اللي فاتت وهي مرجعتش عنه بردك
حلا:- لا يا عمتي مش زعلانه بس بقيت خايفه من النصيب
حنان:- يا بت ده مازن بيموت فيكي موت كيف يعني يفرجكم النصيب انتو مجسومين لبعض من وانتو لسه صغار
امتثال :- ان شاء الله نفرح بيكم وكلتها بكره وهنحدد زفافكم
ويعدي اليوم ثقيل ويحل عليهم اول ايام الشهر الكريم
والكل يتجمع علي سفرة الفطار فتحي واولاده وخليل واولاده وحنان وجوزها وبنتها ومازن يقعد علي راس السفرة
مكان جده وفتحي يبصله بغيرة لكن يحمد ربنا انه هيبقي جوز بنته وكل الثروة هتبقي تحت ايد بنته وجوز بنته وايده
