رواية مشيئة القدر الفصل الحادى عشر
مازن ينزل يجري لبيت عمته يحاول ينقذ حلا من الجواز من محمود ابن عمته زي ما قالتله رضوي ويرفع مسدسه ويحاول يروح ياخدها لكنها يغمي عليها من الخوف علي مازن ويشيلها محمود وتطلع وراه امه وغاليه تروح تهدي مازن وقلبها بيتقطع عليهم ويجي ابوه هو ورضوي واخوه محمد
ورضوي تعرف اللي حصل لحلا وتطلع تطمن عليها علشان يرغمها خالها هي وامها انها تقلعها فستان الزفاف ويطلب من جوزها انه يدخل عليها علشان يبعد مازن عن حياتهم للابد ويرفض محمود في الاول وبعد شويا ينزل فتحي ومعاه شال
بنته ملطخ بالدم ويشوفه مازن ميتحملش ان حلا خلاص ضاعت منه ويصرخ بكل ما اوتي من قوة حلا لاء وتسمعه حلا وتطلع تجري للبلكونه تشوفه لكنها وهي في حالة اعياء شديد وتقع وتسندها رضوي ويجي وراهم محمود يشوف اللي بيحصل ،يتصدم مازن لما يشوفها بقميص نوم عليه دم تحت الروب ويفضل الموت علي حرمانه من حلا ويصوب المسدس لقلبه ويضغط الزناد وتنطلق الرصاصه وينفجر الدم من صدره وتشوف حلا دم مازن اللي يقع علي الارض وتصرخ من الالم لتقع مغمي عليها يشيلها محمود ورضوي وينيموها علي سريرها ويبص محمود لرضوي ويسالها بغضب
محمود:- انا عايز افهم ايه اللي بيحصل وليه مازن عمل كده
رضوى:- بتوتر ونفسها تنزل بسرعه تطمن علي مازن اصلا مازن كان بيعشجها وهي مش عايزاه وده سبب ان ابوها عايز يجوزها بسرعه ليك قبل ما يتجنن ويخطفها او يأذيها زي ما انت شايف اكده انا هنزل اشوف مازن حصلها ايه وهبجي ارجع افهمك كل حاجه وتدخل غاليه عليهم في خروج رضوي من الاوضه وتشوف بنتها مغمي عليها وقميصها كلها دم
غالية:- محمود انت عملت ايه في بتي ليه كده يا ابني دبحتها وجرحتها حسبي الله ونعمه الوكيل فيك يا فتحي انت سبب اللي بيحصل للكل من وجع الجلب ده واولهم بتك
وتدخل عليهم حنان وتشوف حالة حلا وتطلب من محمود يتصل بالدكتور فورا علشان يوقف النزيف لتموت منهم
محمود:- مذهول من كل اللي بيحصل ونفسه يفهم سبب اصرار خاله علي دخوله عليها باي طريقه وليه حلا وصلت للحاله دي مدام مش عايزه مازن ومش مغصوبه علي الجواز
ده غير انه حصلها نزيف كمان ويندم نفسه ايه خلاها وافق علي الجواز دي وانه يسمح لحد يفرض عليه حاجه ضد الانسانيه زي ما خيره خاله بين دخوله علي حلا لاما يطلقها ويبص لحلا ويأنب نفسه انه هو السبب في اللي حصلها لانه وافق علي جوازهم من الاول من غير ما يعرف اي حاجه ويتصل بالدكتور ويسمع صوت عربية الاسعاف وينزل يجري يشوف ايه اللي بيحصل ويطمن علي مازن ويشوفهم بيشيلو مازن علي النقاله وشكله ميت او في غيبوبة و تنطلق العربية بعد ما خدت مازن وابوه واخوه محمد واخته رضوي اللي اصرت تروح معاهم وهي بتبكي بحرقه
⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘
وتصل عربية الاسعاف للمستشفي وينزلو مازن اللي هدومه كلها بقت دم ورضوي بتبكي وحسا انها السبب ويدخلوه لاوضة العمليات وتخرج ممرضة تطلب منهم سرعة التبرع بالدم لوجود نقص حاد في فصيلته بالمستشفي وللاسف مكنش في حد موجود غير ابوه وده ممنوع عليه التبرع بسبب مرضه ورفضو ياخدو من محمد دم لان عنده سيوله شديدة في الدم ومن حسن حظه كانت رضوي نفس الفصيله واتبرعت ليه بالدم اللازم
ويفتكر محمد لما شاف اخوه وهو بيحط المسدس علي قلبه
وازاي هز ايده وبعدها عن قلبه لكن الرصاصه خرجت وربنا يعلم اذا كانت صابت القلب ولا لاء
والكل في انتظار اي اخبار تطمنهم وتمر ساعه واتنين وثلاثه
وهناك في في بيت علام يخرج الدكتور من عند حلا
الدكتور:- الحمد لله وقفنا النزيف بس ممنوع عنها التوتر او اي مجهود ويبص ليهم هي عروسة واضح كده صح
محمود:- ايوه الليله دخلتنا بس النزيف سببه ايه
الدكتور :- تعالي معايا ويكلمه لوحده ويوضح ليه سبب النزيف ويقوله انت عارف الليله دي للبنات بتكون ايه بس واضح ان ده كله نتيجة الخوف و ياريت تبعد عنها يومين او تلاته لحد ما ترتاح ونفسيتها تهدي خالص هي حالتها تعبانه جدا ومحتاجه للراحه ضروري
محمود:- فهمت بس والله يا دكتور مش انا السبب ابوها اللي وصلها للحاله دي مش انا بس انا هحافظ عليها وهرعاها
الدكتور:- هي لما هتهدي هتبقي مستعدة والامور هتبقي اسهل
محمود :- شكرا يا دكتور وينزل الدكتور ومحمود يروح لامه يعرفها اللي حصل وايه سبب النزيف ويساله ابوها
فتحى:- جرالها ابه وليه كل ده ما كل البنات بيتجوز ويبص لاخته حنان ليه جيبتي ليه الدكتور عايزه تفضحينا ولا ايه
حنان:- بتك كانت بتنزف وهتموت يا يا خوي
محمود:- بعصبيه لو سمحت يا خالي دي مراتي ورعايتها واجب عليا وكفاية اللي عملته فيها انت اللي وصلتها لكده
فتحى:- انت كيف بتتحدد معايا اكده انا خالك ده احترامك ليا
محمود:- انا بحترمك وبقدرك بس هي كمان مراتي وبقت مسؤوليتي وكانت ممكن تموت بسبب اللي طلبته والحمد لله ربنا ستر وعدت علي خير كفاية كده ومن النهاردة محدش ليه كلمه عليها غيري وانا اسبوع او اسبوعين وهاخدها واسافر واريحكم كلكم وياريت تتفضلو بره خلوها ترتاح كفايه اللي حصلها النهاردة واللي شفته ومرت بيه طول اليوم
فتحى:- مش مهم خدها وسافر بس اهم حاجه ان مازن اتوكد انها خلاص صارت لغيره وبجت مرتك وكمان نفسها اتكسرت
محمود:- انت لدرجة دي بتكره مازن انا بحترم مازن جدا وبقدره وبعتبره اخ ليا ولو كان عندي ادني شك ان حلا عايزاه
كنت جوزتها ليه ورفضت اتجوزها واظلم ابن خالي معايا
فتحى:- بغضب يمسكه من هدومه اسمع لو فكرت تطلج بتي وتجوزها لمازن او هي جه في بالها انها هتكون ليه لو مكنش مات انا اللي هجتله واجتلك انت كمان وبتي ماعيزاهوش وهو اللي كان فارض نفسه عليها وبيجول محدش يقدر يجف ليه وباخدها منه وانا جوزتهالك لانك واد عمها وتناسبها فاهم
محمود:- اووف فاهم بس انا مكنتش احب ادخل في الصراع ده بينكم وخلاص بقت مراتي وهو ربنا اعلم ببه انا هلبس وهروح اطمن عليه ده مهما كان واد خالي واخويا الكبير
ويدخل يغير هدومه وسامي يطلب يروح معاه يطمن علي مازن وفتحي يبص لسالم روح معاهم وهات خبره
سالم:- حاضر يا بابا ويجري يحصلهم ويروح معاهم للمستشفي
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
وبعد ٣ ساعات يخرج الدكتور من اوضة العمليات وتخرج
بعديه رضوي بعد ما اتبرعت بالدم وهي تعبانه جدا
خليل:- يجري علي الدكتور ويمسك في ايده ابوس يدك طمني ولدي اخباره ايه عايش،ولا عوضي علي الله فيه
الدكتور:- الرصاصه مست غشاء القلب لو ميللي واحد كانت
قتلته لكن حالته مش مطمئنه بسبب النزيف اللي نزفه ودخل في غيبوبه ال٤٨ ساعة الحايين فيصل في حياته ادعوله يمرو عليه بسلام احنا عملنا اللي علينا والباقي علي ربنا هو يتولاه برحمته ويرجعه ليكم بالسلامه
خليل:- يصرخ اه يا ولدي اه يا كسرت جلبي عليك ربنا يسلمك ليا يا ولدي
رضوى:- تروح تبكي ليه سامحني يا خالي انا السبب
خليل:- دي جدرة ومحدش بيهرب من المكتوب عليه وليه
ويحضرو الشباب ويدخلو ويشوف محمود خاله يجري عليه
محمود:- خالي خليل وحشتني اووي ويحضنها ويوطي يبوس ايده ويقوله طمني مازن عامل ايه وقولي الحقيقه ليه مازن عمل كده في نفسه وليه كان عايز يخرب الفرح قولي يا خالي وريح قلبي انا بثق في كلامك
خليل:- اتجوزت حلا يا محمود خلاص ومهناش عليك تدعي خالك الكبير لفرحك اخص عليك يا محمود
محمود:- والله انا لسه واصل امبارح ولقيتهم مرتبين كل حاجه ومكنتش اعرف ان محدش دعاك انا بقي عايز اعرف ايه سبب اللي بيحصل ده وليه خالي فتحي بيعمل كده
خليل:- مفيش جدك كان خاطب حلا لمازن وانت عارف مازن
كان بيحب جده وكان حديته كأنه جرآن انزل وكان لازم بنفذه
وخالك فتحي مريدش مازن لبته هي دي كل الحكاية وعلشان اكده مازن ضرب نفسه بالرصاص لانه مجدرش ينفذ وصية جده فهمت المهم اسمعني خلي بالك من حلا ومبروك ليكم
محمود:- طمنت قلبي يا خالي طمني علي مازن اخباره ايه
محمد:- مازن حالته خطيرة ولولا رضوي كان زمانه ميت
سالم:- اشمعني رضوي
محمد:- لانها اتبرعت ليه بالدم ومكنش معانا حد فصيلته نفس فصيلة مازن علشان يتبرع ليه غيرها والمستشفي كان فيها نقص حاد في فصيلته
خليل:- ربنا يبارك فيكي يا رضوي ويبص لمحمود خد خيتك وروحها البيت هي محتاجه ترتاح وانت كمان عريس روح لعروستك حلا وجولها عمك بيجولك مبروك وانا بس اطمن علي مازن بس وهجي ابارك ليها بنفسي
محمود:- حاضر يا خالي هاخدها واروح يلا يا رضوي ماما قلقانه عليكي وكمان حلا سيابها تعبانه
سالم:- انا هفضل معاك يا عمي علشان لو احتاجت حاجه
خليل:- روح خد مرتك وولدك لو عايز تخدمني البت ملهاش غير بيت جوزها بعد جوازها وربنا يهدي ابوك علينا
سالم:- لما اجي مروح مصر هعدي اخدها لكن دلوقتي انا عند عمتي وهنمشي لما يطلع اعلام الوراثه ونطمن علي حلا
خليل:- جرالها ايه حلا عمل فيها ايه بوك مكفهوش كسر جلبها وخدها من اللي كانت مجسومه ليه الف خسارة يا فتحي وجعت جلب ابني وكسرته وكسرت فرحتي بيه وكان بسببه هيموت كافر ويجتل نفسه من ظلم بوك ليه
سالم:- يا عمي اسمعني دي دماغ بابا وطريقته وانت مش يرضيك اعصيه انا عارف انه غلط في حق مازن وحلا ولو شفت حلا هتصعب عليك لكن هو ابوها وحر فيها يجوزها للي عايزه انا مقدرش امنعه وانت عارف حلا لسه قاصر وابويا وكيلها هي نفسها مقدرتش تقوله لا
خليل:- ربنا يسعدها وولدي سيد الرجاله والف واحده تتمناه
خد خوك وروح مرتك وخالتك زمانهم جايين وماعيزانش فضايح بالمستشفي يلا روح مع جوز خيتك
سالم:- يروح يحضن عمه سامحني يا عمي وخلي مريم تسامحني انا مقدرش استغني عنها هي ومحمود ابني وياخد اخوه ويمشي مع محمود ورضوي
خليل:- ربنا يهديك يا فتحي جطعتنا من بعضنا وخليت العدوة تكبر بينا و الولد هما اللي هيدفعو التمن
ويدخل علي ابنه اوضه الانعاش ويشوف ابنه اللي ربنا انقذه من الموت باعجوبه ويدعي يقوم ليه بالسلامه
⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘
يصل محمود وسالم وسامي ومعاهم رضوي ويسندها اخوها ويطلعها اوضتها ويحكي لامه اللي حصل اللي تتخض علي بنتها وتخدها في حضنها وتعمل ليه اكل يغذيها
حنان:- تبص لبتها حبك لمازن جاب الخراب للكل لو مكنتيش عايزه تكيدي حلا مكنتيش عملتي اللي عملتيه وخليتي مازن يجي ويشوف حلا وهي بتتجوز خوكي ياريت يا بتي ما روحتي كنتي هتموتي حلا من اللي طلبه ابوه علشان يكسر مازن و خليتي مازن ضرب نفسه بالرصاص من جهرتو علي حلا وعلي انه بجت لغيره خلاص ليه اكده يا بتي جوليلي
رضوى:- علشان بحبه وبموت فيه انا كنت موافجه يتجوزني حتي لو بجيت زوجته التانيه لكنه مكنش شايف غير حلا وعمره ماكان هيفكر فيا طول ما حلا جدام عينه وهي مكنتش هترضي اشاركها فيه انا ندمانه ياماي لاني جولتله علي جوازها لاني كنت هضيعه منه انا كمان
حنان:- طيب طمنيني هو اخباره ايه مليش عين اروح اطمن عليه اكيد خوي خليل مطيجنيش دلوجيت مبسوطه اكده كسبتي ايه بجي من اللي عملتيه غير ان بجي فيه دم وخراب زيادة بينا وربنا يعلم بكره هيوحصل ايه تاني لو عرف محمود بعشج حلا لمازن وان اللي حوصل كله كيد وانتجام بينهم
رضوى:- خلاص ياماي حلا صارت مرت خوي بعد ما طلع شالها والكل شافه وبكره مازن هيصير ليا باذن الله لما يخف.
حنان:- اسكتي انتي فرحانه دي جالها نزيف وكانت هتموت بسب تحكم خالك فتحي معرفش كل الكره والغل ده لمازن ليه ده غلبان وراجل بجد وحنين جوي وحرام اللي اتعمل فيه
رضوى:- اه ما انا شفت الدم علي جميصها بس هي عامله ايه دلوجيت النزيف وجف ولا لسه
حنان:- لا النزيف زاد بعد ما شافت مازن بيموت جدامها ربنا يستر عليهم الاتنين معرفاش هتعيش مع خوكي كيف وهي عشجانه مازن خدي كلي خلينا ننام اليوم كان متعب جوي
والكل يخلد للنوم ويدخل محمود اوضته ويشوف حلا صاحيه يروح يقعد جمبه ويمشي ايده علي شعره
محمود:- حلا طمني عليكي لسه تعبانه ولا فوقتي شويا علي فكره انا روحت زرت مازن وهو بخير وانقذوه الحمد لله
حلا:- تتنهد وتاخد نفسها وتحس براحه احمدك يارب شوفته يا محمود كلمته ارجوك طمني عليه وهو عامل ايه
محمود:- اهدي يا حلا الدكتور قال ممنوع التوتر علشان النزيف ميرجعش تاني اسمعي مازن كويس وهزوره كل يوم
بس انا عايز اسمع منك ايه سبب اللي حصل لكل ده وبهدوء
حلا:- تبكي انت شفت تحكم بابا وصلني لفين متخيل ممكن يعمل ايه تاني فيا اكتر من اللي حصل
محمود:- اسمع منك الاول ومحدش ليه سلطان عليا انتي مراتي وفي الصعيد هنا الزوجة طوع لجوزه وبس مش ابوها واهلها اتكلمي ومتخافيش انا هقدر احميكي منهم
حلا:- تفتكر كلام ابوها انها لو مفضلتش مع محمود هيقتل مازن حتي لو موتت نفسها بردك هيقتل مازن وتفتكر انها قبلت انها تضحي بنفسها وتفدي روحها لحياة مازن افضل
من انها تحكي الحقيقه لمحمود وكده ممكن يطلقها وساعتها تبقي حكمت علي مازن بالموت تبص لجوزها وتبكي بحرقه ويحاول محمود يهديها ويضمها لصدره بحنان ويقربها ليه زي طفله بتستخبي في حضن امها وده كله يثيره ويرفع وشها ويقرب لشفايفها ويوطي يبوسها برغبه وميعرفش حصل ازاي
وبعد شويا يخرج من الاوضه يخبط علي امها اللي تخرج ليه مفزوعه وتشوف هدومه عليها دم تتخض وتطلم علي صدره
حنان:- ايه ده هي حلا نزفت تاني ولا ايه
محمود:- اه انا السبب ارجوكي روحي الحقيها يا امي انا خايفه يجرالها حاجه ياريتني ما قربتلها انا غبي
حنان:- طيب اهدي اهدي وخد املي الحجنه دي وانا هدهالها الدكتور كان متوجع انه يحصلها نزيف اكده تاني وتروح لحلا اوضتها وتديلها الحجنه وتجولها ساعديني اغيرلك هدومك يا بتي علشان امك متتخضش لما تدخل تطمن عليكي بكير وتشوفك اكده بدمك وربنا يعينك علي اللي انت فيه
محمود:- انا اسف يا حلا ياريت تقدري تسامحيني
🍁🌼🍁🌼🍁🌼🍁🌼🍁🌼🍁🌼🍁🌼🍁🌼🍁🌼
وتمر ايام ورضوي كل يوم بالمستشفي وحالة مازن متتغيرش
ومفيش اي تقدم في حالته تنبئ انه هيفوق من الغيبوبه
وتجي في يوم رضوي متاخرة وتدخل عليه الاوضه
وكانت معاه مريم اللي حملها تاعبها جدا بسبب السهر والخوف علي اخوها وتشوف مريم رضوي وتساله
مريم:- اتاخرتي ليه يا رضوي محمد مستنيكي من بدري علشان يروحني محمود الصغير تاعب اماي جوي
رضوى:- معلش اصل محمود كان مسافر النهاردة وكنت بسلم عليه هو وحلا قبل ما يسافرو
مريم:- خلاص سافرو طمنيني علي حلا كيف حاله
رضوى:- بجت كويسه جوي وكمان بجت سعيده مع محمود متتصوريش كانت فرحانه جوي جوي انها مسافره معاه
مريم:- ياوجع جلبي عليك يا خويا خلاص اكده الوشوش ماراحش تتجابل تاني ربنا يستر لما يفوج مازن ويعرف
رضوى:- انا هفضل معاه وعمري ما راح اسيبه لحظه لحاله
جومي انتي اخرجي لمحمد لاجل متتاخريش علي ولدك
وتخرج معاها تسندها وقبل ما تمشي يضرب جهاز انذار
الانعاش وتشوف مريم ورضوي الدكاترة واخدين مازن علي سرير نقال وداخلين بيه علي الرستر لمحاولة انعاشه
وتصرخ مريم ورضوي وهما شايفين ان مفيش اي استجابة
من مازن لانعاشه تقع مريم من طولها من حسرة قلبها علي اخوها وتصرخ رضوي عليها وعلي منظر الدم االلي اندفع منها وتستغيث بحد ينقذها وقلبها مع مازن اللي لسه بيحاولو ينعشوه وتحس انها في دوامه ويلحقها محمد قبل ما تقع هي كمان تسود الدنيا في عينها وتغيب عن الوعي
