رواية مشيئة القدر الفصل السادس
يوم زفاف سالم ومريم والعروسة بتتجهز للزفه حلا تطلع للسطوح وتشاور لمازن اللي يلحقهاويطلع يدور علي حلا ويشوفها عايزه ايه لكنه ميلقهاش
و يسمع صرختها وقلبه يتخلع عليها من الخوف وينادي
حلا حلا انت فين ردي علي
وتخرج تجري عليها وتترمي بحضنه الحقني يا مازن في ثعبان ورا الغيه كان هيعضني
مازن:- اهدي اهدي اكده يا حبة الجلب ويروح ورا الغيه ميلجيش التعبان ويخرج يطمنها انت ليه طلعتي لفوج وخوكي وخيتي هيتزفو دلوجيت في حاجه حصلت
حلا:- كنت عايزه اوريك يدي وتفرد ايدها مرسوم عليها بالحنه اسم مازن وداخل قلب واسمها من براه
مازن:- اباه عليكي مكنش ينفع بعد الزفه يعني
حلا:- لا كنت عايزاك ليا واحدك وتمسك السلسله اللي كانت لبسها وكمان اعيد معاك عهد و ميثاق حبنا وربنا يصبرني السنه اللي جايه علي فراقك يا حبي
مازن:- يبعدها عن حضنه ومين اللي بده العلام انا ولا انتي يا حبة الجلب لو لا اكده كانت الليله ليلتنا وكنتي هتبقي حلالي وبحضني وهبجي في جلبك وعجلك وروحك ويضمها ليه
وحلا تحضنه بقوة وتسمع ضربات قلبها بتزيد وقلبها يرقص
علي دقات قلبه القوية وترفع عيونها ليه ليهيم في عيونها
ويتلمس شفايفها بشفايفه ويتراجع براسه لتميل عليه حلا
مازن:- لا يا حلا ماجدرش اعمل اكده واتحمل بعدها فراجك
بلاش انا خلاص مش متحمل تكوني بحضني وما المسك واتمتع بطيب جمالك هانت يا حبة الجلب كلتها سنه وتكوني ملكي وهجطعك جطيع ويلا ندلو الزفه هتبداء اكده من غيرنا
حلا:- ليه بتحرمني من حبك مش كفاية من يوم ما لبستني سلسلتك وانت مش بتحاول تخدني بحضنك ولامره زي الاول
مازن:- خايف علي حبنا يا حبة الجلب لو خدتك بحضني معرفش اذا كنت هجدر اسيطر علي نفسي ولا اضيعك معايا
بالله عليكي يا حلا ما رايد اعكر صفاء طهارة حبنا صحيح انتي بحكم مراتي لكنك لسه ما صرتي حلالي خلي كل الشوج والحب اللي بينا يكبر ويجوي ليوم زفافنا وهتبجي ليلة ما بعدها ليلة ما راح اخليكي تنسيها العمر كله ويلا بجي ندلو ماريدش جدي يدور علي انا اخو العروسة يا اخت العريس
حلا:- انا بحبك اوووي يا مازن وبشكرك انك بتحافظ عليا فعلا اللي يحب حد بجد يحافظ علي حبيبته حتي من نفسها وتقبل خده ده بقي حلالي ولا عندك مانع يا واد عمي
مازن:- لاه ما عنديش مانع وانا كمان ده حجي ويبوسها من جبينها ويشدها من ايدها وياخدها وينزل لتحت
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
وتبداء الزفه بعد كتب الكتاب وكانت مريم مرعوبة من زفافها وعلاقتها بسالم واد عمها ولاحظت حلا توترها راحت تهديها
حلا:- مالك مرعوبه كده ليه جسمك كله بينتفض مش ده حبيبك وبقالك اربع سنين مخطوبين معقول مفهمتهوش بعض
مريم:افهم مين هو انا بشوف خوكي غير شهرين الاجازة وبس
حلا:- طيب متخافيش كده ماما بتحبك وانا معاكي وهتكوني تحت وصية عمك يا بختك انا لما هجي هنا هكون لوحدي
مريم:- الكل هنا بيحبوكي وكفايه عليكي معشوجك مازن
ويجي مازن يبص لاخته مالك يا مريم شرف العيله الليله بيدك يا مريم ارفع راس بوكي وخواتك وجدك وان شاء الله هتجي ليلة فرحه للكل والدخله انا طلبت من بابا وعمي تكون زي المصاروه علشان تاخدو راحتكم اهدي بجي وبلاش رعبك ده سالم واد عمك عاجل وبيحبك يا بت
ويبص لحلا مريم خلي بالك منها انا هوصيكي انتي لانك تبعي انا ودي خيتي انت عارفه مريم ملهاش في دلع المصاروة وعنادهم وجبروتهم اختي طيبه وهاديه وانت اللي هتعرفيه كل حاجه وهتخليها زيك بالظبط هناك فاهمه ولا لاه
حلا:- من عيني اختك دي حبيبتي ومرات اخويا وبنت عمي وبنت خالتي واخت حبيبي وجوزي وعشقي
مازن:- اباه عليكي بجيتي مدجلعه اوووي يا حلا وشكلي هتعب معاكي من اهني واريح ربنا يصبرنا عليكي يا بت عمي
وتخلص ليلة الزفاف وياخد سالم عروسته ويطلع اوضتهم
وتدخل مريم اوضتها والاضاءه لونه احمر والسرير ابيض جدها فرش ليهم اوضة خاصه للعرسان لحد ما يرجعو لمصر
سالم:- ليلتك بيضا يا عروستي ويروح يقلعها طرحتها ويرفع وشها ليه وووشها يتضرع بحمرة الخجل وتحس بسخونه في جسمها كله من الخوف والرهبه والكسوف
مالك يا مريم خايفه مني دي اول ليلة بينا وانت غاليه علي قلبي اوي وهتبقي شريكة حياتي ومراتي وام عيالي ويضمها لصدره لتقع مغمي عليها من كلامه ورهبة ليلة الزفاف
يشيله ينيمها علي السرير فوقي يا بت يخرب بيتك انا راسم ليله حلوة نقضيها مع بعض كده هضيعها علينا قوم ويشممها برفان وتفتح عينها وتكش في نفسها منه وتقوم تقعد
ايه مالك لدرجة دي انتي خايفه طيب اهدي كده وسمي بالله
وتعالي نصلي مع بعض وناكل عشاء الاتفاق وبعدها نشوف هنعمل ايه بس اسمعي لو اغمي عليكي تاني هنام جمبك زي اختك وكده هتضيعي علينا احلي ليله في العمر ها ايه رايك
مريم:- تضحك ببراءه حاضر يا جلبي انا وتجوم تلبس اسدال الصلاه وتتوضي وتصلي هي وسالم ويشدها لحضنها تفضلي ناكل الاول ولا نبداء حياتنا الزوجيه الاول انا معاكي في اللي يريحك وتتخض وترجع لورا بقولك ايه انتي هتفضلي تخضي مني كده يبقي نبداء حياتنا علشان تهدي ونعرف ناكل براحتنا
مريم:- لا يا سالم خلاص انا هبجي هادية واسمع الكلام تعالي ناكل الاول وانا بعدها هبجي كويسه اصلي جعانه جوي جوي
سالم:- مبقاش ينفع يا بنت عمي خوفك مش هيخليكي تعرفي تاكلي ويقرب ليها وهي تبعد وترجع بضهرها وتقع علي السرير
ويقع عليها ويثبت ايدها حد يخاف من حلاله استرخي ويبص لعيونها ويضمها لصدره ويبداء في تقبلها وتدوب في ايده و
تصبح زوجته وملكه شرعي وقانوني وقلبها يرقص من الفرح
وتصدح الزغاريد في الدار بعد مايخرج سالم وينادي لامه اللي
تزغرد هي واختها والزغاريد تعلي من الكل ابتهاجا بشرف العيله الغالي اللي دايما مرفوع بالسما
وفوق السطوح تبص حلا لمازن وتنكسف وتبارك ليه
مازن:- عجبالك يا حبة الجلب بس خيك مصبرش للصبح جولناله خليك براحتك ومتفتريش علي البت اباه منه
حلا:- تضحك خايف علي اختك لا والله وانت هتصبر للصبح
مازن:- مدام انت معايا و بحضني هصبر العمر كله ولا انش اتعبك او ااذيكي انتي هتكوني ليا العمر كله ما هتهربيش مني
صدجيني يا حلا ضمتك لصدري يومها هتكفيني ولما تكوني مستعده هنبداء حياتنا بكيفنا وبراحتنا من غير ما حد يجبرنا ولا يصربعنا فهمتينا يا جلبي من جوه
حلا:-انا تو ما اكون بحضنك هكون مستعده اروح معاك المريخ
مازن:’- طب يلا ادلي بيكفي سهر عليكي اكده ولا ناسيه انك هتجهزي الصباحيه مع امك وامي الصبح وكمان المباركه لاهل البلد يلا وبطلي دلع معدتش متحمل خلاص بجيت علي اخري
حلا:- بدلع بجد مشتاق ليا اوووي زي ما مشتقالك يا حبي
مازن:- اباه عليكي يا حلا متتعبنيش يا حبة الجلب وما تطلعيش تاني اهني بيكفي اكده كلتها سبوع وتسافر لمصر
وهعاود اتحرم منك متوجعيش جلبي لاني هشتاجلك بزيادة
حلا:لو تعرف قد ايه انا ندمانه ان ليلتنا مكنتش اليوم معاهم مكنتش قولت انزلي بس حاضر هنزل يا وحش وانا مخصماك
مازن:- انا وحش ماشي تشكري بس وربي ما حد ندمان جدي دلوجيت ادلي يا حلا وبيكفي حديت ماسخ بجي
حلا:- طيب انا مش نازله ووريني هتعمل ايه هو ايه ده بذمتك ده تسميه حب اللي بتعمله معايا انا قلت الاسبوع ده مش هاتفارقني وهتعوضني تقوم تقولي متطلعيش هنا تاني
مازن:- عايزه ايه يا حلا اثبتلك حبي تعالي ويضمها لصدره بقوة ويوطي علي شفايفها يقبلها بعنف وجنون ويرفعه وشها ويدفشها بره حضنه بقوه هو ده اللي انتي عايزه ليه عايزاني اخسر احترامي لنفسي وليكي ادلي يا حلا انا مريدش اتحدت معاكي تاني لحد ما تسافري من اهني يلا ادلي بجي
ويشخط فيها بغضب ويشدها من دراعها وينزلها ويطلع هو
حلا:- تبصله بحزن وتزعل وهي نازله تلمس شفايفه اللي لسه علبهم طعم شفايفه وتحس الالم من قوة قبلته ليها وقلبها يرقص ياه بوستك حلوة اوووي وانت غضبان بس انا ثقتي فيك عمياء واليوم اتاكدت انك عايزني لنفسي مش لغرض اني ابقي زوجتك وام ولادك زي سالم سامحتي يا حبي ضغطت عليكي علشان اتاكد رغم اني كنت واثقه بس تقول ايه غباء وكمان كنت نفسي احس الاحساس الحلوة ده معاك وهتفضل ذكرة اول بوسه منك ليلة زفاف اختك واخويا ماتتنسيش
بس انت غضبان مني لاني غصبتك تعمل حاجه ضد رغبتك
هصالحك يا تري ازاي بس جاتلي فكره وتضحك وتبص عليه وهو بينفخ ومتعصب وبيخانق دبان وشها والله بعشقك
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
وفي الصباح يطلع الكل ليبارك للعرسين وكانت مريم وشها منور وسعيدة وتحضن امها اللي تبوسها وتحضنها بفرح
وينزلو لجدهم اللي ينقطهم البنت بالدهب والواد بالمال
وكل رجال العيله كبير وصغير ينقط العريس
ونساء العيله تبارك وتهني للعروسة وتنقطها
ويمر اليوم وحلا بعيده عن الانظار ويدور عليها مازن بعيونه في كل الوشوش ويمر اليوم التاني والثالث علي نفس الحال
لحد ما يروح يسال امه عليها
مازن:- اماي هي فينها حلا مشيفهاش من يوم الزفاف
امتثال:- اسكت يا ولدي تعبت تاني يوم الصبح وخدتها عمتك حنان عندها علشان انت شايف ناس داخله خارجه ومحدش فاضي يرعاها ومن يومها وهي هناك
مازن:- وليه محدش جالي ولا مجاش علي بالكم تجولولي
غالية:- انت زعلان ليه شكلك زعلان انت وهي وعلشان اكده اصرت تروح لعمتها بجولك ايه حلا دماغها ناشفه وطبعه ده
مراحش تنفع معاكم انا خالتك وبجولك اهوه اكسر دماغه
ابوها مدلعها علي الاخر وما هتجدرش اكده عليها لوسكت ليها
مازن:- لا يا خالتي انا راجل واعرف اشكمها سبيها بكيفها مدام مرتاحه اكده كلها سنه وهتكون علي ذمتي وهعلمها كيف تخرج عن طوعي وتخرج بره الدار من غير ما اعرف
ويسيبهم ويطلع لاوضته وعصبيته تزيد صحيح هو زعلان منه وهو اللي طلب ميشوفهاش لحد ما تسافر لكن تحرمه انه يحس بوجودها جمبه او انه يشوفها بالدار صدفه كده كتير
وتمر الايام ويتهيا الجميع للسفر وترجع حلا للدار علشان تسلم علي خالتها وعلي عمها وجدها وتدور علي مازن في شوق
متاكده انها اكيد مشتاق ليه وهيصالحها لكن اللي حصل غير كده انها مشافتهوش تاني بالدار ولا حتي هيوصلهم للمحطه
وتروح تسلم علي جدها وتساله عن مازن بلهفه
جدها:- هتوحشيني يا عروسة ولدي الكبير السنه الجايه فرحك انت ومازن وهتكون ليله من الف ليله وليلة
حلا:- ان شاء الله في حياتك يا جدي هو فين مازن مش هيوصلنا للمحطه ويسلم علي اخته قبل ما نسافر ولا ايه
الجد:- لا هيوصلكم خليل مازن سافر مع اصحابه بالحامعه بيجول عنده بحث ميداني لازم يقدمه جبل السنه النهائيه وهيجي اول الشهر الجاي اتوحشتيه ولا ايه يا عروستنا
حلا:- ايوه يا جدي اتوحشته انا هطلع اوضتي اجيب شنطتي
وتودع الجميع ومعاهم عروسة سالم اللي هتنزل مصر لاول مره في حياته وهتعيش في بيت عمها وخالتها ومعا جوزها
وبعد ما الكل يمشي وتعود حياتهم في الصعيد لحالتها الاولي
الا من مريم اللي راحت مع جوزها لتبداء حياتها الجديدة
وفي المساء يعود مازن ويستغرب جده ليه رجع قبل ميعاده
الجد:- انت مش جولت هتجعد سبوع رجعت ليه النهاردة
مازن:- زهجت يا جدي ورجعت لاني تعبان ومش مرتاح مع اصحابي المهم خيتي مريم وعريسه وعمي وعيلته سافرو
الجد:- ايوه وابوك وامك نامو من بدري وخواتك كمان اطلع اوضتك نام والصبح نتحددت عايزاك في موضوع مهم اكده
تصبح علي خير يا مازن يا ولد الغالي
واوعي تنسي تجفل باب الدار وتطفي النور وراك
مازن:- حاضر يا جدي ويطلع اوضته حزين لفراج حبيبته
ويفرد طوله علي السرير ويسرح ب خياله في حلا ويفتكر
وهي بتوطي عليه علشان تلمس شفايفه وينفض الفكره
من راسه ويهب يجف علي طوله من الخضه والصدمة
