روايه جمعنا القدر الحلقه 10

اختفت سياره ادهم من أمامها و كادت أن تتحرك لكن اوقفها رنين هاتفها
اخرجته من حقيبتها و كان يظهر على الشاشه رقم ليس مسجل
دالين بهدء :الو
المتصل :دالين انا سالى …لو سمحتى عايزه اشوفك فى كافيه…بخصوص ادهم
و أغلقت و لم تعطيها فرصه لتجيب تعجبت من اتصلها و لم تعرف الصواب هل تذهب أم لا دلفت الى المحل وجدت ليلى فقط
ليلى باستغراب :دالين…..مالك مش على بعضك و متنحه
دالين بتفكير :بصى حصل حاجه غريبه
نظرت لها ليلى باستغراب و جلست بجانبها
دالين بهدوء :سالى ….دى كانت خطيبه ادهم كلمتنى دالوقتى و طلبت منى اقابلها بخصوص ادهم
ليلى و هى تعدل حجابها: روحى يا دالين
دالين و هى تزفر:هى عايزه منى ايه انا مش بحبها
ليلى بابتسامه :انتى مش بتقولى كانت خطيبه ادهم …اكيد عايزه توقع ما بينكم
دالين بتفكير :تفتكرى
ليلى بابتسامة: و نص كمان…. بصى هى هدفها انها ترجع ادهم و هى متعرفش موضوع العقد
دالين بارتياح قليل:اما اروح اشوفها.
ليلى بتساول:دالين مين الى جاب الفاكهة
دالين بابتسامه:ادهم يا حب عمرى
ضحكت ليلى و قالت:الله يسهلو
دالين بضحك:لما أجى هحكيلك
قبلت ليلى و خرجت تبحث عن تاكسي
……………..
فى قصر احمد كانت السيدات تجلس معا و يتحدثون
رنا و هى تنهض :امشي انا بقى عشان عندى ميعاد
لبنى بتذكر:رنا هاتى مامتك و باباكى و تعالو بكره و هخلى أدهم يكلم دالين و يجو بردو و ناجل كتب الكتاب ليوم تانى انا مش عارفه انت مختارين يوم صعب اووى
سيراى بمرح:هييييه
رفيف بضحك:ربنا يشفي
رنا بابتسامة: حاضر …
لبنى:.يوم كتب الكتاب نبقى نحدده بكره انشالله
و ودعتهم و ذهبت
نسرين بضيق:طب مانخليها يوم تأنى عشان انا مش هبقى فاضيه
لبنى بغيظ؛ الغى الى هتعمليه ليوم تانى…اه سيراى المحامى عيزك تروحيله
سيراى باستغراب: لما أفضى هروح يا نانا
دلف ادهم و هو يغنى
سيارة و هى تغمز له:ايوه يا عم
ادهم بضحك قليل:بس يا لمضه
نسرين باستغراب: انت جيت بدرى ليه من الشغل
ادهم و هو يجلس :مكنتش فى الشغل كنت مع دالين عند الدكتور
ابتسمت لبنى: بجد قالها ايه
ادهم و هو ينام فى حضن جدته:5 ايام و تبدأ الثالث
ابتسمت لبنى:بجد انا مش مصدقه انى هشوف ابنك او بنتك
ابتسم له فى حنو :خلينى انام فى حضنك
سيراى بضحك:اشمعنا انا
و ذهبت هى الأخرى
رفيف بابتسامه:ادهم اتصل بدالين و خاليها تيجى بكره انشالله هى و عيلتها يتغدو معانا
ادهم بنوم:لما اصحى
لبنى بخبث:ادهم دالين هتروح معاك انهارده الاجتماع
ادهم و جحضت عيناه:نعم
سيراى بضحك:سيكاها يا سوسو …اصل رنا رايحه مينفعش دى تروح و دى لا
لم يعترض ادهم لأجل جدته فهو يعرف انها تخطط لاسعاده فقط و تقريبه من دالين
…………..
فى الشركه كان سامر جالس على كرسي المكتب و يتفحص الورق بتركيز و كان رامز يجلس امامه و يلعب بقلم ثم افزع سامر برميه للقلم عليه
سامر بخضه:يا ابن الجزمه
رامز بضحك هستيرى:ملكش دعوه بأمى.. .. مش قادر
سامر بغيظ:والله هقوم اخلص عليك.
صمت رامز بعد دقائق من الضحك
سامر بتساول:ادهم فين
رامز و هو يتحرك فى الغرفه: راح مع دالين للدكتور
سامر باستغراب:انا عايز افهم هما مكتبوش الكتاب ليه و اتجوزو دالين بعد شهر بطنها هتبقى باينه
رامز بتفكير:متقلقش تيتا ظبطت كل حاجه بس هلفت نظرها لميعاد الفرح…..اخبارك ايه مع رنا
سامر بتفكير:مش عارف والله حاسس بإحساس بانجذاب
ثم عبس و قال :بس فى شخصيه منكده عليا اسمه سليم مش عايزه تقولى مين و قال ايه المدرب بتاعها
ضحك رامز و قال:ياعينى على الغيره
سامر بغيظ:اتنيل ….هروح اكلمها عشان متنساش ميعاد الاجتماع
رامز و هو يصفر: الله يسهلو
ضحك سامر بسخريه و قال:ادهم لو كان سمع صفرتك كان شلوحك
و ذهب
ضحك رامز و اخرج هاتفه و قال:انهارده الخطه يا برنس
…………..
وصلت دالين الى الكافيه و تنهدت و دخلت رأتها سالى
سالى بصوت شبه عالى:دالين
ذهبت لها و جلست
سالى بابتسامه غيظ:ازيك يا دالين
دالين بابتسامه ضيق:تمام …لو سمحتى ادخلى فى الموضوع على طول .
سالى بجديه؛دالين انا بحب ادهم و مش عايزه يروح منى يوم خطوبتنا انتى طلعتى فجأه و قلتى انك حامل من ادهم انا قلت انك بتكذبي لان نص بنات مصر بتعمل كده
ابتسمت دالين:سالى انا هتجوز ادهم علشان امى و علشان تعبها و تفكرها فينا و فى مستقبل كل وحده فينا و فجأه انا دمرت كل ده لحاجه انا مكنتش فى وعى ساعتها …..و انا مش هعرفلك ادهم بيحبنى ولا لا
قاطع حديثها صوت رنين هاتفها ليظهر اسم تعرفه جيدا
دالين بعدم انتباه:الو يا حبيبي
نظرت لها سالى بغيظ و ضيق
ادهم باستغراب:دالين ده رقمك صح .
دالين بتوتر:خير
ادهم يحاول كتم ضحكاته و قال بجديه قليله: اوعى امشي انهارده الاجتماع .<br>
دالين بتذكر:اه صح كويس انك قلت .
فجأه تحدثت سالى لكى يسمعها أدهم:لو سمحت عايزه الحساب
ادهم بتساول:هو ده صوت سالى
دالين بتوتر:هه…لا لا اول لما اروح هكلمك …سلام
و أغلقت الهاتف
دالين بغيظ:اخر حاجه هقولها ان ادهم لو كان عايزك كان كمل معاكى و اظن الشرع حلل أربعه يعنى لو عيزك يقدر يتجوزك مش هعارض
و نهضت و قالت:فرصه سعيده
و ذهبت
نظرت لها سالى بغض و قالت:والله لاوريكى يا دالين اما مكنتش خليته يتجوزنى مبقاش انا
……….
كان ادهم فى غرفته جالس على الكرسي شارد قطع تفكيره دخول رامز
ادهم بغيظ:خبط يا حبيبى الاول
رامز بابتسامه برود :حاضر
خرج ثم طرق الباب
ادهم بضحك:مييين
رامز و هو يفتح الباب:انا هيكون مين يعنى
ضحك ادهم:انا قلت تدخل
رامز ببرود :اتنيل
جلس الى الكرسي المجاور لادهم
ادهم بتساول:انت ايه الى جابك من الشركه يا متخلف
رامز بغيظ:ابوك و عمك قالولى انا و سامر امشو
ادهم:بارتياح:اه بحسب
رامز بتذكر:انا مش هاجى الاجتماع ماليش خلق هخرج مع حد من اصحابى بتوع ثانوى
ادهم و هو ينظر له:براحتك
رامز بخبث:عملت ايه مع دالين
ادهم بفهم:غور بره عايز انام
رامز بضحك:من عنايا
و خرج ليبتسم ادهم
………….
ذهبت دالين لبيتها و توجهت الى غررفتها
دالين :ليلى انا فى البيت ….مش هاجى المحل هروح مع ادهم بليل الاجتماع مش عارفه ايه لازمتى بس اشطا يعنى ……طيب نرجس هشوفها فى اوضتها يلا سلام
و اغلقت لتدخل نرجس
نرجس بابتسامه:ممكن ادخل
دالين بابتسامه:انتى دخلتى اساسا
جلست بجانبها و قالت بتوتر:بقولك فكره الخياطه الى فى شارع……..
دالين بتساول:اه ليه
نرجس :عايزة افصل فستان لحفله التخرج
دالين:طيب و فيها ايه
نرجس و هى تبتسم :عايزة من الى انتى مصمماهم
نظرت لها دالين باستغراب :فستانٍ…..من تصاميمى انا
نرجس بابتسامه:اه ….انتى نزله انهارده عدى عليها بالمرة
دالين :طب اختارى و اخد الورقه
نرجس مسرعه:لا …يعنى اقصد خديهم كلهم و هى تختار
دالين:انا مش مرتحالك
نرجس هى تحتضنها:ارتاحى……يلا نامى عشان تبقى فايقه
دالين بابتسامه:حاضر
……….
عدى الوقت لتدق الساعه ميعاد اللقاء تجهزت دالين و ارتدت فستان اسود قصير بكم ضيق و متواضع و خالى من البهرجه و لمت شعرها الطويل (ذيل حصان )و مساحيق التجميل خفيفه للغايه و ارتدت حذاء ارضى و رشت عطرها المميز
نزلت الى الاسفل
ورد بابتسامه:مشالله جميله اوووى
دالين بابتسامه :شكرا ………ماما عايزة مفاتيح العربيه
ورد باستغراب:ايه ده ادهم مش هيجى يخدك
دالين بابتسامه:لا انا هروح
ورد :طيب خديه…و لبنى اتصلت و عزمانا بكره عندها
ليلى باستغراب:كلنا
نرجس :اكيد بترد العزومه هى مكنتش عزومه بس اشطا يعنى
ورد:بطلى لماضه
دالين و هى تقبلهم:طب يلا سلام
نرجس بتذكر:اوعى تنسي الفايل
دالين :اخدته
و ذهبت
ليلى بتساول:فايل ايه
نرجس بضحك:لانا فين
…………..
فى المطعم الذى يقام به الاجتماع وصل سامر و ادهم
و كانو يجلسون على احدى الطاولات
سامر بضحك:هما فين
ادهم بغيظ خفيف:انا هعرف منين
وصلت رساله الى سامر و نهض:رنا بره هطلعلها
و خرج
ادهم و هو يزفر :انتى فين يا دالين
خرج سامر
كانت رنا ترتدى فستان قصير بالون الابيض و بحملات عريضه و به بعض النقوش بالون الاسود و تركت شعرها ورائها منسدل و مكياج خفيف
سامر بانبهار:انا كنت اعمى و فتحت
رنا بعدم فهم:نعم
سامر بانتباه:هه يلا ندخل
ابتسمت و دلفو
و بعد نصف ساعه وصل الامريكيون
رنا بهمس:فين دالين
سامر بتحذير:اخرسي احسن هتلاقى ادهم اكلنا
و فجاه رنا قالت:دالين جت
نظر ادهم ورائه ليجدها بجمالها و مشيتها التى تملئوها الثقه و االكبرياء انبهر بها
نهض من مكانه و ذهب لها
دالين:هو انا اتاخرت صح
ادهم بشرود:لا
دالين بكتم الضحك :طب يلا نقعد
ادهم بانتباه:هه يلا
و ذهبو عرف ادهم دالين للامريكيون و بعد ما انتهو من الطعام
قالت السيده بالانجليزيه:نريد ان نطلع على التصاميم
ادهم :دقيقه واحده ……سامر فين التصاميم
نظر له سامر:انت مجبتهاش كانت مع رامز
غضب ادهم و قال:نعم
دالين بتساول:فى ايه
ادهم بغضب:التصاميم مش موجوده مع سي زفت
دالين :اهدى طيب
ادهم بغضب :اهدى ايه بس
دالين بتفكير :ثانيه واحده
و ذهبت
رنا باستغراب:رايحه فين دى
ادهم :دالين
لم تجيب و ذهبت بعد دقائق عادت و بيدها فايل
دالين و هى تمد يدها لاحد الامركين :تفضلو انه هنا
نظر لها ادهم و سامر و رنا بعدم فهم
دالين و هى تجلس:متقلقش
بعض دقائق
السيده:انها تصميم مبهره حقا من رسمها
ادهم نظر لدالين
دالين بابتسامه:نحن جميعا
الرجل:ادهم سنمضى على العقد و نتعاقد مع شركتكم
ابتسم ادهم و سامر و رنا على فعلتها
و بعد دقائق نهضو الامريكيون
السيده:تشرفنا بكم
الرجل بابتسامه:اهنئك ادهم ان دالين ..فتاه مثاليه و جميله حقا لتعيشو بسعاده
ابتسم ادهم و ذهبو
رنا بذهول:يخربيتك انتى جباره
ضحكت دالين ضحك هستيرى
سامر باستغراب:ادهم مراتك الحمل اثر عليها
ادهم ابتسم لكلمه زوجتك :مالك يا دالين
دالين و هى تضحك:الموضوع ده متخطتلو
نظرو لبعض باستغراب
قالت لتوضح:رامز مجاش ليه…طيب اخد التصاميم ليه….نرجس طيب قالتلى خدى التصاميم ليه و بعدين ثانيه بيجلها تليفونات فجاه
سامر بضحك:يخربيتك بجد
ادهم و رنا كانو يضحكو
سامر بجديه:بس التصاميم جامده انتى خريجه ايه
دالين بابتسامه:فنون جميله
رنا :بردو و نرجس فنون
دالين بتفكير:بس ليلى مكنتش فنون كانت حقوق
ادهم بابتسامه :غريبه اوووى
دالين بابتسامه:التصاميم معاكو و فى تانى و انا هروح عشان خلاص فصلت
ادهم و هو ينهض:استنى هوصلك
دالين بابتسامه:العربيه بره
سامر بابتسامه:يوصلك للعربيه
دالين بضحك:بيوزعك يا ادهم عشان يقعد ع رنا
سامر بغيظ:انتى بتفهمى ازاى يخربيتك
ضحكت و ضحك ادهم و امسك يدها و قال :مش هتبقى مرات ادهم لازم تكون كده
ابتسمت بخجل و قالت :مغرور
رنا بضحك :امشو من هنا
ذهبو الى الخارج
دالين :العربيه اهه شكرا
ادهم بتذكر:هنتكلم بكره انشالله فى حاجه ابقى فكرينى
داليم بقلق:حاضر
ادهم بابتسامه:تعالى معايا و العربيه السواق هيجبها
و لم ينتظر ردها و سحبها من يدها
دالين بغيظ:استنى
ادهم بكنم ضحكاته:شششششششششش اركبي
دالين بغيظ:اووووووف
صعدت الى السياره و صعد هو الاخر
ادهم بابتسامه:يعنى اسيبك تتعكسي
دالين بخجل:ياسلاااااااام
ادهم بابتسسامه:السواق هيجيب العربيه ….دالين هو ايه حكايه الدكتور ده
دالين لتغيظه:دوووومى
ادهم بغيظ:دومك …هقطعلك لسانك ده
دالين بضحك:الله و انت مالك
ادهم بعيظ:فى الدكان
دالين بغيظ:هيهيهيهي ده انا اضحك يعنى
ادهم بضحك:لا …هتحكييلى بكره انشالله هه
دالين بابتسامه:افكر
ادهم :رخمه
و ابتسم
بعد دقائق
دالين :شكرا على التوصيله اكابتن
ادهم بضحك:دالين انزلى
ضحكت و نزلت
دلفت الى بيتها وجدت الجميع نائم ابتسمت و ذهبت لغرفتها لتفكر بما حدث اليوم و تفكر فى طفلها
لم يختلف عند الجميع كان يفكر بنصفه الاخر و من يفكر فى حبه الذى ل يتاكد منه و لم يعترف بعد ذهبو لعالم الاحلام ليتيقظو فى اليوم الثانى للاء الموعود