روايه جمعنا القدر الحلقه 11

يوم جديد به امل و احلام كثيره …..استيقظ ادهم فى اساعه ال 6 و ابدل ثيابه و نزل الى الاسفل حيث وجد الجميع مستيقظ
ادهم بابتسامه:صباح الخير
الجميع:صباح النور
احمد بتساول:مش هتروح الشركه
رامز مسرعا :خلاص يا بابا خليه انهارده كمان مش هيحصل حاجه الشركه مش هطير
نظر له ادهم ثم قالت لبنى:هو فى ايه
ادهم بهدوء:ابدا اصل رامز بيه بيلعب معايا
رامز بضحك:انا امتى و ازاى و فين
ادهم بابتسامه:امبارح مع شركه….و ممكن اسال نرجس
سيراى بتساول:نرجس
حسين بعدم فهم:ما تفهمونا يا ولاد
ادهم بضحك:اوقول و لا انت تقول
رامز بغيظ:لا انت يا خويا
ادهم بابتسامه:اصل البيه خطط و نرجس نفذت….يعنى امبارح لما كنا مع الشركه الامريكيه ملقتش التصاميم و رامز بيه كانت معاه و فجاه دالين قامت بعديها ب5 دقايق و جابت فايل و كان فى تصاميم هى رسماهم و طبعا هو مش هيجى و نرجس هتسلم الفايل بتاع دالين عن طريق دالين
ضحك الجميع
رفيف بتساول:طب انت عرفت منين الفكره اساسا
ادهم و هو ياكل:البركه فى دودو بقى
رامز بضحك:العب يا جامد دودو اخدت على البت من فايل تصاميم
ادهم انتبه لكلامه :هه ثم قال بتلجلج :يعنى استنى هنا افرض التصاميم معجبتنيش بتاعت دالين كنت هتعمل ايه
رامز بذكاء:مش مهم انت المهم الشركه
احمد بابتسامه :ابقى ورينى التصاميم يا ادهم
ادهم هز راسه بمعنى الموافقه
سيراى بغيظ:الحمدلله
رفيف بانتباه:انتى ملحقتيش
قاطعتها سيراى :انا شبعت يا مامى هطلع اوضتى
لم تعلق رفيف و تركتها
ادهم بتساول:فين سامر
نسرين بابتسامه صفراء:راح يجيب رنا و عيلتها
حسين بتذكر:انهارده هنحدد ميعاد كتب الكتاب
رامز بتذكر:اه افتكرت بالنسبه لدالين الى بطنها هتبان بعد شهرين دى
لبنى بتفكير:انا ازاى مفكرتش فى كده
احمد بتفكير:نعمل كتب الكتاب مع رنا و سامر
نسرين :انا بقول مش لازم فرح اساسا
لبنى مقاطعه :لا طبعا …البنت هتخرج من بيتها بفستانها و لازم على الاقل جيرانها و عيلتها يعرفو انها اتجوزت متتكلم يا ادهم
ادهم ببرود:طب انا اعمل ايه
رامز باستغراب:هى مش من شويه كانت دودو
احمد ليهدأ الموقف:خلاص لما يجو نحدد ميعاد لكتب الكتاب و ميعاد للفرح
ادهم و هو ينهض :انا افى اوضتى
و خرج
رامز و هو ينظر له:الواد ده بحالات
لبنى بهدوء:ربنا يهديه
نسرين بضيق:انا هروح الكوافير
و ذهبت
نظر الجميع نظره برود فقد اعتاده على هذا
…………..
فى بيت دالين استيقظت مبكرا و ذهبت الى غرفه ليلى لتجدها مستيقظه
دالين بعد ما طرقت الباب :ممكن ادخل
ليلى بابتسامه :ادخلى ثم قالت بعد ما دخلت دالين باستغراب :ايه ده انتى مش بتحبى البلوزة السماوى دى مش كنتى بتقولى مفتوحه من عند الدرعات و بتخنوقنى
ضحكت دالين و وضعت يدها على بطنها و قالت:البيبى عايز كده
ضحكت ليلى و قالت:لانا طارق جى ياخدها
دالين باستغراب:سوأل هو طارق مش كان مسافر ……..هو انتو ايه حكايتكو بتحبو بعض هترجعو هتولعو فى بعض
ابتسمت ليلى و قالت :والله انا مش فاهماه اساسا هو اتصل بيا و اتكلمنا شويه و قالى نفسي اشوف لانا و بعديها قالى عايزها تبات معايا انهارده و بكره و انا مقدرتش اقول لا يعنى دى بنته ……بس انا ليا خروجه كده معاه عشان اعرف هنعمل ايه
دالين بمرح :ايوة بقى و تتجوزو تانى و تجيبو اخ للانا
ضربتها ليلى :اتلمى ثم قالت:جهزة للهجوم
دالين بضحك :طبعا جاهزة ……..ثم شاورت بيدها و قالت :يلا بينااااا
ذهبو الى غرفه نرجس و دلفو
ليلى بهمس:استنى
و امسكت كوب الماء الموضوع على الطاوله وسكبته فوق نرجس
نرجس بصريخ:عاااااا يا ماماااااااااااا فى ايه انتو متخلفين
امسكتها دالين من شعرها و قالت :قرى و اعترفى ايه الى بينك و بين رامز
نرجس بنوم:رامز مين
ليلى بصوت شبه عالى:انطقى يا بت
نرجس بصريخ:يا لاناااااااااا يا ماماااااااا الحقونى
دالين بضحك:امك فى الجنينه مع لانا بيسقو الزرع و مش هيسمعو
نرجس بضحك:والله ما فى حاجه بينى و بين رامز
ليلى بتساول :و بالنسبه لموضوع دالين بتاع الخياطه
نرجس بتلجلج:معرفش
دالين بصوت شبه عالى:انطقى يا زفته احسنلك
نرجس بصراحه:كلمنى و قالى انو انا المفروض اردله جميل عشان ساعدنى فى حاجه و بعدين قال لادهم عشان يقرب من دالين بس و عملت الى قال عليه
ليلى بضحك:ظلمنا الواد و البت
دالين بضحك:اه ثم تركت شعر اختها و قالت :يلا يا ليلى انا جعت
ليلى بضحك:يلا تعالى نشوف امك
وضعت دالين يدها بين ذراع اختها و خرجو …امسكت نرجس شعرها و قالت بتالم:اه الله يسامحك يا رامز الكلب لما اشوفك بس
….اه يا شعرى
………….
فى فيله رنا المتواضعه طرق سامر الباب لتفتح له الخادمه
سامر بابتسامه:عمى موجود
الخادمه بابتسامه:اه يا فندم اتفضل
دلف سامر و ذهب الى غرفه المعيشه
الخادمه:ثانيه واحده هبلغ والد رنا هانم
و ذهبت ……كان سامر يتحرك فى الغرفه فكان يوجد باب زجاجى و ورائه الحديقه فنظر منه وجد رنا تمارس الرياضه و سرح فى خياله قليلا ليتحدث معه ضميره
ضميره:انت حبتها صح
ليجيب:مش عارف بس شكلى كده
ضميره:رنا مش وحشه بس متنساش انها غصب و ممكن تكون مغصوبه زيك متوقعش نفسك على الفاضى
ليجيب:لا انا بشوف نظره الحب الى فى عينيها ليا
ضميره :لازم تتاكد
هز راسه يمينا و شمالا ليطرد افكاره و ليوقف الكلام الذى انفجر فى راسه
رأته رنا من بعيد فذهبت راكضه و قلبها يرقص فرحا دلفت و قالت:سامورتى
ضحك سامر على فعلتها :سمورتى ده هيحصل حفله لو ناديتينى سمورتى تانى
ابتسمت رنا و قالت:انت بتعمل ايه هنا اساعه لسه 7 و تلت و احنا هنيجى على اساعه 11 12 كده
ابتسم و امسك يدها و قال:ايه مينفعش اخدك و نخرج شويه
خجلت فقالت :مممم طيب طيب بابا جى استاذن منه و انا هاخد شور و اغير بسرعه
سامر بابتسامه:تمام
ذهبت ليدخل والد رنا
والد رنا بترحاب:اهلا يا سامر
سامر بابتسامه:اهلا بيك يا عمى …….انا جى بس استاذن حضرتك انى اخد رنا و نخرج شويه و نحدد يوم كتب الكتاب
والد رنا بابتسامه:اكيد بس انهارده انا عايز اتكلم معاك برده عشان ارتاح و و ابقى مطمئن على رنا
سامر بابتسامه:بس كده من عيونى
………..
جلس ادهم فى غرفته حائر لا يعلم هل احبها فعلا ام مجرد اعجاب ام لانها والده ابنه ابتسم عندما تذكر انه سيصبح اب
طرق الباب ليدخل رامز
ادهم باستغراب:انت مش هتروح الشركه
رامز بهدوء:شويه و هروح بس حبيت اتكلم معاك شويه
ادهم اراد ان يتكلم معه فهو شقيقه و يحب التكلم معه كثيرا
ادهم بابتسامه:اتفصل ارغى
رامز هو يجلس:يلا احكيلى انت حاسس بايه من ناحيه البت دودو
ابتسم ادهم و قال:مش عارف
نظر له رامز و قال:نعم ازاى يعنى
ابتسم ادهم و قال:بص انا مش عارف يعنى احيانا بغير عليها و احيانا
ببقى عادى احيانا بتوحشنى و احيانا لا لما بفتكر انها حامل فى ابنى بضحك لوحدى بغير عليها من الزفت الدكتور ده بحب ضحكتها و طريقه كلامها مختلفه بفتكر اول يوم قبلتها فى بندم عليه و انى انا الى عرضت عليها نخرج و مسمعتش كلام جدى و سكرت و انا مش فاهم ايه الى حصلها اساسا يوم ما تعبت انا اتخضيت عليها جامد و معرفتش هعمل ايه و خفت علي ابنى
ابتسم رامز ليتوقف ادهم عن الكلام
ادهم باستغراب :فى ايه
رامز هو على حالته :احب اقولك انك ابتديت تقع فى حب دالين و انتو كده كده هتتجوزو و تعيشو مع بعض على طول
قال ادهم بسخريه :لا طبعا
لينظر له بأستغراب و يقول:ازاى يعنى
ادهم بتفكير:فى حاجه محدش يعرفها غيرى انا و ماما و محامى تانى و دالين
لينظر له رامز
ادهم بهدوء:دالين مضت على عقد ان الجواز ده لمده كام شهر و بعدين نطلق و انا هتكلف بمصريف الولد او البنت بعد الطلاق و هتاخد مبلغ كبير بس اظن هى اتنزلت عنه و حاجات كده تانيه
نظر له رامز بصدمه:نعم و انت سمعت كلام امك …امك عايزة تجوزك سالى انت ازاى تعمل كده اساسا …
ادهم بحزن:انا لسه مكنتش اعرفها و لا طايقها و دالوقتى ش عايز اقرب منها عشان متعلقش بيها و كمان انا معرفش هى مشاعرها ايه
رامز بعدم تصديق:تقوم تسمع كلام امك يا ادهم انت مجنون هو كان امتى
ادهم بتذكر:اليوم الى تعبت فيه و لما مضت كان اليوم الى الصحافه جت فيه
رامز بتفكير:هتصرف انا فى الموضوع ده لو فعلا بتحبها ……انتو بعد الفرح هتعيشو هنا
ليقف شخص امام الباب ليستمع
ادهم :اه و كل واحد فى اوضه كمان يعنى مش هحتك بيها اووى
نظر له رامز و لم ينطق
وراء الباب يبتسم شخص بخبث و يقول:مبقاش انا لبنى يا ادهم لو مخلتكش تحب دالين
…………..
فى احدى مراكز التجميل كانت تجلس نسرين و سالى يتحدثون
نسرين بغضب:انتى متاكده ان ادهم سمعك
سالى بتاكيد :اكيد انا صوتى كان عالى …….انا عايزة افهم حاجه انتى منين عايزة تجوزيه دالين و منين عايزاه ميحبهاش
نسرين بسخريه:انا عايزاه يتجوز بس عشان البيبى مش عشان جمال عيونها
سالى بخبث:و انا مش هسيب ادهم
………..
فى بيت دالين كانو يجلسو فى حديقه المنزل يتحدثون
ورد بتساول:انتو بتتكلمو فى ايه انا بقلق منكو
ابتسم دالين :ابدا يا مامتى يا حبيبتى ده احنا بنتكلم على طارق عادى يعنى
نرجس بضحك:ارحمو الراجل بقى
ليلى ببرود:لاناااا……يلا البسى الجزمه عشان بابى زمانه جى
لانا بمرح:من عيوونى
و ذهبت راكضه
ورد بتساول :هى اساعه كام
نرجس و هى تنظر فى الساعه:8 و شايله 30 عيل
نرجس بغيظ:هيهيهيهي خفيفه ابت …اساعه 8 و نص ياماما
ورد و هى تنهض:طيب هروح المحل انا بقى افتحه شويه و اجهز الطلبيات بتاعت بكره انشالله
نرجس بتذكر:اه افتكرت ماما جهزى 4 تصاميم لولاد و 3 بنات للمستشفى بس دالين الى هتروح بكره انشالله المستشفى لادهم (الطبيب)عشان انا مشغوله
ورد بهدوء:طيب
و ذهبت
نظرت دالين الى ليلى و قالت :هتيجى معايا بكره انشالله مش هلحق اخلصها لوحدى
ليلى بتفكير:بكره عندى مقبله مع مكتب المحامين قدمت طلب للوظيفه و هنشوف
نرجس بذهول:يا حوانه و مقولتيش
ليلى بصدق:والله نسيت خالص
دالين بابتسامه:انشالله خير
ليلى بابتسامه:انشالله هودى لانا بقى لطارق لانه مستنى على اول الشارع سلام
البنات :سلام
نظرت دالين الى نرجس:و احنا هنعمل ايه يا رايا
نرجس بضحك:تعالى ندعبس فى المطبخ يا سكينه
انفجرو من الضحك و ذهبو الى المطبخ
…………….
فى احدى الكافيهات كان يجلس سامر و رنا يتحدثون
رنا بابتسامه:ايوة انت كنت عايز تقول ايه
سامر بابتسامه:رنا انتى بتحبينى
نظرت له و اتسعت عينها و احمرت وجنتها و قالت بتوتر:هو ده الموضوع يارتنى ما سألت
ابتسم سامر و قال:يلا جاوبينى انا معنديش مانع نبات هنا
ابتسمت رنا و قالت بخجل:سامر انا بحبك من و انا عندى 4 سنين
ضحك سامر و قال:يا خلاااثى
رنا بغيظ:سامر انت رخم
سامر بضحك:هو انا كنت حمار للدرجه
رنا لتغيظه:حمار بس انت كنت حمار و جبله و رخم و بارد
سامر بغيظ:اتلمى بدل ما اقوملك
رنا بضحك :لا خليك قاعد
ابتسم لها و امسك يدها و قبلها و قال:تعرفى يا رنا انا كنت اعمى بجد عينى و قلبى كانو مش بيشوفو بجد ربنا بيحبنى عشان بعتلى وحده زيك رنا انا وقعت فى حبك و مش عارف اقوم تانى
ابتسمت رنا بخجل و قالت:سامر ممكن طلب
سامر بكتم ضحك:عيونى
رنا بغيظ:متقلش تانى بتفصلنى
ضحك سامر و قال:حاضر انا بقول نخلى كتب الكتاب انهارده
رنا بخجل:والله هتحول اتلم
سامر بضحك:انا بفكر اغير رائي
ابتسمت رنا و قالت:ده انا اقتلك يا حبيبى
ابتسم لها على كلمه حبيبى و قال:رنا اوعدك انى عمرى ما هجرحك ولا هسيبك
ابتسمت رنا ابتسامه حب و قالت:ربنا يديمك فى حياتى
………..
ذهبت ليلى الى طارق لتجده يقف بجانب سيارته
لانا و هى تجرى عليه :باااااااااابى
ليحملها و يحتضنها و يقول :حبيبت بابى
ليلى بابتسامه:ازيك
طارق و هو يبقل يدها :الحمدلله
لانا بابتسامه:مامى هاتى بوسه
قبلتها و احتضنتها و قالت :يلا ركبنى فى العربيه
ادخلها و ابتسم ثم نظر الى ليلى و قال باستغراب:مالك
ليلى بابتسامه:ماليش خد بالك منها ابقى اتصل بيا بليل انشالله عشان عايزة اكلمك فى حاجه و لانا خلصت مدرسه هه
طارق بفضول:انتى عايزة ايه طيب قولى دالوقتى
ليلى بابتسامه:فى التليفون … يلا اركب
طارق بابتسامه ارسل لها قبله على الهوا مثل ما يقولو و ركب ودعتهم و ذهبت الى بيتها
……..

…..
مرت الساعات و دقت الساعه الحاديه عشر وصل كل من رنا وسامر الى قصر احمد ليجدو اهل رنا قد وصلو ايضا
دلفو الى الداخل
سامر بضحك:يا جماعه القصر نحن هنا
سيراى و هى تغمز :ايوة يا عم من لقى احبابه نسي اصحابه
لبنى بضحك:بس يا بت اتلمى ملكيش داعوة باخوكى
جلس سامر و رنا بعد ما سلموا على الجميع
رنا بتساول:هى دالين هتيجي امتى
لبنى بتفكير:ادهم قوم كلمها
ادهم بانتباه:هه حاضر
و ذهب
سامر بتساول:اومال فين رامز و عمى احمد
رفيف و هى تشرب فنجان قهوتها:احمد بيصلى و رامز فى الشركه و هيجى على اساعه 2 كده بس يطمئن على الورق و الشغل
لم يعلق احد
قال سامر:اه احنا هنحدد كتب الكتاب امتى
والده رنا بضحك:مستعجل اووى
سيراى بضحك:اوووى اووووى اووووى
ليضحك الجميع
سامر بضحك و غيظ:هجيبك من شعرك والله
………....
فى الحديقه اخرج ادهم هاتفه و كان متردد فى الاتصال و لكنه ضغط على الزر ليهاتفها
لتجيب بصوتها الرقيق:الو
ادهم بضحك:يخربيتك الى يشوفك دالوقتى مايشوفكيش امبارح سلام اكابتن ولا شكرا
دالين بغيظ:خلاص يا ادهم بقى…. عايز ايه يا كابتن
ادهم بضحك:ما كنا حلوين….انتو فين
دالين بهدوء:خلاص قربنا نوصل
ادهم بابتسامه :طيب احنا مستنيانكم
دالين بهدوء:اشطا خلاص يعنى 10 دقايق بالكتير
ادهم بفرح:طيب سلام خلى بالك من نفسك
دالين بابتسامه:حاضر و انت كمان سلام
و اغلقو
بعد انهاء المكالمه وضعت دالين يدها على بطنها لتتحسسها
نرجس بضحك:تيرارارا
لتضربها دالين :بس بقى
ليلى بضحك:خلاص انتو الاتنين
ورد :مش هنخلص والله
و بعد دقائق يصلو امام باب القصر
انتهت ا