روايه صدفه الحلقه22

مالك : رامي ماينفعش ولد يدرب فيروز انا مش موافق
رامي : مفيش بنات فالشركه يا مالك وانت عارف
مالك : خلاص ماتشتغلش
رامي : حتضايق منك اوي لو منعتها عن الشغل
مالك : يعني انت عايزني اعمل ايه انت عارف اني بغير عليها و مابحبش حد يقربلها
رامي : فيروز عارفه حدودها كويس و انت بتثق فيها ماتخليش اي حاجه تهد الثقه دي
مالك : مش حقدر اقعد كدا و في واحد غريب معاها
رامي : عادي يابني مدربها فالشغل .. انت ممكن تروح تشوفعها كل شويه و تطمن عليها و خلاص
مالك : ماشي امري لله
في مكتب فيروز

سيف : اتفضلي يا انسه فيروز دا مكتبك
فيروز : شكراً يا استاذ سيف
سيف : خليها سيف بس
فيروز : ماشي يا سيف .. ها حنبدا ب ايه
سيف : لازم اعرفك اسماء الشركات اللي بنتعامل معاهم و بنستورد منهم و مهمتك حتكون التواصل معاهم و تحديد معاد لاستلام الصفقات وانتي اللي حتظبطي الماديات .. دا تقرير باسماء الشركات و ارقام تليفوناتهم و احنا محتاجين منهم ايه .. حفهمك فيه كل حاجه
فيروز : ايه كل دا براحه عليا شويه
سيف : ههههه حاضر حاضر ، ماتخافيش الشغل سهل اوي و حتتعلمي بسرعه
فيروز : ان شاء الله
سيف : بصي يا ستي … ، ها عرفتي حتعملي ايه
فيروز : اه تمام دا الموضوع سهل اهو
سيف : اها .. تعالي ننزل نشرب حاجه و نرجع نكمل
فيروز : ماشي مفيش مشكله
____________________
في مكتب مالك و رامي
مالك : انا حروح اشوفهم
رامي : ماشي
ذهب مالك الي مكتب فيروز فلم يجدها ثم عاد الي مكتبه مره تخري
رامي : ها عملت ايه
مالك : مش موجودين فالمكتب .. من اولها كدا خدها و ساب الشغل
رامي : اهدي اكيد بيوريها اي حاجه فالشركه
مالك : انا حنزل اشوفهم تحت
رامي : رووح وانا حروح اطمن علي البنات
مالك : ماشي
دلف مالك خارج الشركه و وجدهما عائدين الي عملهم
مالك : كنتي فين يا فيروز
فيروز : كنا بشرب حاجه عشان اشتغلنا كتير .. انت مالك في ايه
مالك : مفيش انا بس قلقت لما روحتلك المكتب و ملاقيتكيش
فيروز : ابتسمت له .. لا ماتقلقش وراك راجل.. يلا روح كمل شغل وانا حطلع مكتبي
مالك : ماشي .. ذهب ولم يتحدث الي سيف و لم يعطيه اي اهتمام
سيف : مين دا
فيروز : دا يا سيدي مالك ابن صاحب بابا و هو من الشله بتاعتنا
سيف : وهو بيكلمك كدا ليه
فيروز : بيحبني يا سيدي
سيف : وانتي بتحبيه
فيروز : حبقي احكيلك بعدين .. يلا نطلع نكمل شغل
سيف : اشطا
——————-
في مكتب مالك و رامي
مالك : البنات عاملين ايه فالشغل و احمد ايه اخباره
رامي : لا زي الفل .. انت لاقيت فيروز
مالك : اه كانت بتشرب حاجه هي و الزفت اللي معاها دا
رامي : شوفت .. اهدي بقا و اقعد كمل شغل كدا
مالك : مش عارف يا رامي مش مطمن للواد دا
رامي : يا عم معملهاش حاجه لو اشتكتلك منه ابقي اتصرف معااه.. وبعدين اخوه ادم كان كويس معاك اوي فالشغل الصبح
مالك : هو الصراحه ادم محترم اوي .. يارب بس يطلع اخوه زيه و ميبصلهاش
رامي : ان شاء الله
————-
ها ماقولتيليش بقا ايه موضوع مالك دا
هتف سيف بتلك الكلمات بعد ان انتهي هو و فيروز من عملهما و ذهبوا الي الريسيبشن لانتظار باقي اصدقائها
فيروز : دا ابن صاحب بابا زي ما قولتلك و بنحب بعض اوي و حنتخطب قريب ان شاء الله
مالك : يعني بتحبيه
فيروز : اه .. فيه مشكله
مالك : لا لا مفيش حاجه .. ربنا يوفقكوا
فيروز : ان شاء الله
———
انتهي مالك و رامي من عملهم ثم دلفوا ايضاً الي الريسيبشن ليجدوا فيروز و سيف يتحدثون سوياً
مالك : فيروز تعالي عايزك
فيروز : حاضر .. عن اذنكوا ، في ايه يا مالك
مالك : انت مش خلصتي شغل .. ايه اللي مقعدك مع الواد دا
فيروز : هو احنا مش متفقين حنروح كلنا مع بعض
مالك : ااااه ، بس بردو كنتي ممكن تروحي ف اي حته غير انك تقعدي معاه ، مش كفايه مستحمل انه يدربك
فيروز : انت بتزعقلي كدا ليه وطي صوتك الناس بتتفرج علينا .. سيف انسان محترم اوي و هو مجرد مدربي فالشغل و خلاص
مالك : ماشي يا فيروز .. بس لو الولا دا عملك حاجه حتكون نهايته علي ايدي
فيروز : لا مش حيعمل انا بثق فيه .. يلا نرجع عشان الباقي نزلوا
مالك : يلا
———–
رامي : انا حاخد الين اوصلها
احمد : ماشي وانا حوصل فرح عشان ماتمشيش لوحدها بليل
فيروز : يا حنين
مالك : انتي بقا حتيجي معايا
ادم : وانا حروح انا و سيف
اتجه كل منهما الي سياراتهم للعوده الي المنزل
في سيارة ادم و سيف
سيف : عملت ايه مع مالك يا ادم
ادم : مالك ذكي جداً و ماخدش مني وقت قدر يفهم الشغل و يخلصه بسرعه و ماخدناش وقت ، وانت عملت ايه مع فيروز
سيف : حبيتها
ادم : يا نهارك ابيض .. لحقت ياخويا
سيف : اه حب من اول نظره .. ماتفهمش انت فالكلام دا
ادم : ماشي ياخويا سبنالك انت الرومانسيه .. حتعمل ايه طيب حتقولها
سيف : ماينفعش
ادم : ليه
سيف : عشان هي بتحب واح
قاطعه ادم : مالك صح
سيف : عرفت منين
ادم : من كلام مالك عليها هو ورامي الصبح انا سمعته بيقول كدا ل رامي ، بس انت مين اللي قالك
سيف : هي .. و بتعتبرني اخوها
ادم : خليك زي اخوها و بس يا سيف عشان ماتخسرهاش علي الاقل كا اخت
سيف : المشكله اني مش بعرف اخبي مشاعري بس ححاول
ادم : ماشي
———-
في سيارة رامي
رامي : عملتي ايه ف اول يوم شغل
الين : كان يوم حلو و الشغل سهل اوي .. نازلي فهمتني انا و فرح كل حاجه بسهووله و قدرنا ننجز كذا حاجه
رامي : حبيبي موظف شاطر و غمز لها
الين : اتلم طيب انا تعبانه من الشغل و عايزه انام مش نقصاك
رامي : طب مفيش حاجه تصبيره كداا امشي بيها نفسي
الين : لا ياخويا مفيش حاجه و يلا سوق بقا خليني اروح ارتاح
رامي : اخوكي تاني .. ارحمني يا رب
_________________
في سيارة احمد
احمد : الجميل عمل ايه ف اول يوم شغل
فرح : الشغل سهل اوي .. نازلي بذكائها بتوصلنل الحاجه بسهووله .. وانا عملت ايه
احمد : الحمد لله .. بقولك ايه هو احنا حنفضل كدا كتير
فرح : كدا ازاي
احمد : استهبلي بقا واعملي نفسك مش عارفه
فرح : لا مش عارفه يا احمد مالك في ايه
احمد : حعمل نفسي مش عارف انك بتستهبلي واقولك .. في اني بحبك
فرح : بجد
احمد : نعم ياختي
فرح : خلاص خلاص بهزر .. مانت عارف اني كدا
احمد : كدا ايه
فرح : زيك
احمد : زيي ايه
فرح : مش قايلاها ماتحلمش
احمد : حخليكي تقوليها غصب عنك
فرح : وريني حتعمل ايه
احمد “وقف العربيه ” : مش متحرك غير لما اسمعها لامؤاخذه
فرح : احمد بليز اطلع انا تعبانه من الشغل و حموت و اروح
احمد : تؤ تؤ .. اسمع بحبك
فرح : رخم .. ببب بححبك
احمد : الله بقا . وانا بعشقك ، بقولك ايه
فرح : انت رايح فين ارجع كدا و اهدي انا مش ناقصاك
احمد : ماشي ياختي ، مسيري حعمل كل حاجه
فرح : بطل قلة ادب
احمد : ماثوفتث ف اخلاقك 
فرح : طب يلا ياخويا روحني
احمد : حاضر
______________
في سيارة مالك
فيروز : يلا عايز حاجه
مالك : اه عايز ” قام بغلق ابواب السياره فلم تستطع الدلوف ” عايز بوسه معلش
فيروز : مالك انت سخن
مالك : لا خالص
فيروز : طب افتح و نزلني بلاش جنان
مالك : تؤ تؤ
فيروز : ماهو اللي انت عايزه دا مش حيحصل
مالك : خلاص خلينا قاعدين ..
لم توافق فيروز علي طلبه و ظلا يجلسان فالسياره في صمت
فيروز : حتفضل حابسني كدا كتير
مالك : انتي اللي مش راضيه تعمليلي اللي انا عايزه
فيروز : مانت طلباتك مستفزه
مالك : مليش دعوه
فيروز : طب بكرا طيب
مالك : لا انا عايز دلوقتي
فيروز : حححح حاضر
اقتربت فيروز منه ثم قامت بطبع قبله علي وجنتيه
تمام كدا
مالك : لا انا عايزها فالنص
فيروز : لا دانت بتستهبل بقا .. افتح نازلني يا مالك و اتمسي
مالك : اتمسي ، قاعد مع واحد صاحبي .. انزلي ياختي و المره الجايه من النص ها
فيروز : دا بعينك
عاد كل منهم الي بيته ثم دلفوا الي غرفتهم للنوم ليذهبوا الي عملهم في اليوم التالي
مر شهر علي عملهم و قد تعلموا شغلهم في وقت قصير و أدوا عملهم علي اكمل وجه و كان طارق يفخر بهم و يشجعهم علي العمل