روايه صدفه الحلقه 24

ستيقظت فيروز من نومها ثم تذكرت ما حدث ليلة امس ف ذهبت الي غرفة رامي لتتأكد انه مازال نائماً
عادت الي غرفتها مره اخري ثم قامت بتبديل ملابسها و قررت ان تذهب الي منزل سيف لتخبره انها توافق علي الزواج منه
استيقظ رامي من نومه ثم خرج ليجدها ترتدي ملابس الخروج و تنطلق خارج البيت
رامي : فيروز .. رايحه فين
فيروز : انا حروح لسيف .. هو بيحبني و عرض عليا الزواج و انا حوافق
رامي : لا مش حتخرجي استني هنا
فيروز : سيبني بقا .. ملكش دعوه بيا انا حره
رامي : فيروز اهدي كدا و تعالي في حاجه لازم تعرفيها
فيروز : لما ارجع حبقي اعرفها ثم جرت مسرعه خارج المنزل و كان هو بالبيجامه فلم يستطع الدلوف و رائها فخطرت في باله فكرا
رامي : ماالك ، الحق فيروز رايحه لسيف و حتقوله انها بتحبه و موافقه تتجوزه
مالك : تتجوزه ازاي يابني
رامي : هو عرض عليها الجواز قبل كدا
مالك : و انت ماقولتليش ليه
رامي : انا لسا عارف حالاً .. يلا الحقها بسرعه
مالك : ماشي حاضر اقفل انا رايحلها
رامي : ماشي
قاام بالاتصال ب اصدقائه ثم روي لهم ما حدث و طلب منهم ان يأتوا الي الفيلا لينتظروا مالك و فيروز
وصلت الي منزله ثم طرقت الباب و فتح لها سيف
سيف : فيروز ..
فيروز : انا اسفه اني جيتلك من غير معاد و اسفه بردو اني جيتلك بدري كدا
سيف : لا ابداً .. انفضلي
فيروز : شكراً .. دلفت الي غرفة الصالون ثم قالت : سيف انا جايه عشان اقولك اني موافقه اننا تتجوز
سيف:ايه
فيروز؛الى سمعته
دخل مالك فى هذه اللحظه ثم وجدهم يتحدثان معاً
مالك : فيروز انتي بتعملي ايه هنا
فيروز:ايه ده مالك بيه ازيك
استغرب سيف المعامله
مالك : انا جاي اخدك معايا و امشي .. مش حسمح لحد ياخدك مني انتي ليا انا و بس فاهمه
فيروز : اممِم..والهى الكلام ده كان زمان كنت هبله
مالك : انتى مش فاهمه حاجه و هتيجى معايا دلوقتي في حاجه مهمه لازم اقولهالك
فيروز:مش جايه
مالك بعصبيه :انتى الى اختارتى
ثم قام بحملها على كتفيه
فيروز:سيف …خليه ينزلنى
سيف : سيبها يا اخي هي مش عوزاك و حاول ايقافه لكن لمالك لم يلتفت لكلامه ثم دلف الي السياره
فيروز : ممكن تسيبني انت عايز مني ايه
مالك : عايزك
فيروز : انا مش عايزاك بكرهك .. روح للسر هايدي بتاعتك
مالك : ماتقوليش كدا بس عشان انتي ماتعرفيش حاجه
فيروز : اللي اعرفه انك خنتني و كذبت عليا لما قولتلي انها مسافره .. ممكن تنزلني
مالك : لا مش ممكن .. ممكن تسكتي بقا شويه عشان صدعتيني لحد ما نوصل
فيروز : نوصل ؟ انت حتوديني فين
مالك : حتعرفي كل حاجه
_______________
وصلوا الي فيلا واسعه ذات حديقه جميله مليئه بالورود و الازهار و بيسين يزيد الفيلا رونقاً و جمالاً
مالك : تعالي معايا بس
فيروز ذهبت الي الفيلا من الداخل لتجد بالونات ملونه و اسمها مكتوب بالورد و ايضاً اسم مالك و كلمة “بحبك”
فيروز : انا مش بحبك و مش عايزاك انت ليه بتعمل فيا كدا و انت بتحب هايدي .. انا لا يمكن اسامحك انت بني ادم كداب
مالك : اولاً انا مش كذاب هايدي فعلاً سافرت و من كام يوم …….
فيروز : وانا ايه اللي يخليني اصدقك بقا
مالك : تقدري تسالي رامي هو كان جنبي و هي بتكلمني و عارف كل حاجه
فيروز : و هو مقاليش كدا ليه
مالك : كان حيقولك الصبح وانتي مارضيتيش تسمعيه
فيروز : مممالك انا اسفه اني ظنيت فيك غلط و ..
مالك : ششششش ماتقوليش حاجه .. تعبتيني معاكي يا شيخه
فيروز : خلاص بقا ماتزعلش بجد انا اسفه
مالك : مش بزعل منك اصلاً .. بعشق امك
فيروز : وانا بعشقك 
ثم همس في اذنها : تتجوزيني
همست ايضاً بحب : موافقه
ضمها الي صدره في حضن كاد ان يكسر ضلوعها
مالك : حاجي اقابل عمي اول ما يرجع من السفر و حنفذ وعدي ليكي .. حتبقي ليا زي ما قلتلك و حخليكي اسعد واحده فالدنيا ، بحبك يا كل حاجه ليا
فيروز : انا اسعد واحده فالدنيا .. نفسي ابقي جنبك علي طول و مش عايزه حاجه تاني
مالك : حيحصل
_________________
في فيلا طارق
رامي : مالك موبايله مقفول
نازلي : انا قلقانه عليهم اوي
رامي : لا ماتقلقيش خالص 
احمد : كنت عارف انه مش ممكن يرجع للبت دي و يسيب فيروز
رامي : انا قولتله مايروحش هو اللي نشف دماغه
زين : الحمد لله اننا عرفنا الحقيقه منك يا رامي
رامي : اشكروني بقا
الين : ما خلاص ياخويا ماتعيشش الدور اوي كدا
رامي : عشان خاطرك انتي بس
نرجع لفيروز و مالك
فيروز : بقولك ايه مش يلا نرجع بقا زمانهم قلقانين علينا
مالك : لا عايزين نبقي لوحدنا و لبعض وبس
فيروز : طب كلمهم طمنهم
مالك : حاضر
فتح مالك موبايله و قام بالاتصال ب رامي
رامي : بكلمك موبايلك مقفوول قلقتني
مالك : عايز ايه يا رخم .. واحد و حبيبته مع بعض بتتصل ليه بقا
رامي : الله يسهلووو
مالك : شكرااااً
رامي : ايه انتو فين
مالك : احنا فالفيلا بتاعتنا القديمه
رامي : والعه 
مالك : ولا بقولك ايه مش خلاص اتطمنت اقفل بقا
رامي : ماشي ماشي .. سلام
————-
مالك كلمتهم يا ستي ..
فيروز : بقولك ايه عندك بلاي ستيشن
مالك : ايه دا انتي بتعرفي تلعبي بلاي ستيشن
فيروز : طبعاً امال انت فاكر ايه
مالك : عندي طبعاً انا و احمد مابنلعبش غيره
فيروز : طب يلا تعالي لاعبني
مالك : اشطا .. بس بشرط
فيروز : ايه
مالك : لو كسبت تديني بوسه
فيروز : مش حتكسب اصلاً
مالك : حنشوف . حتلعبي ب مين
فيروز : بالبارسا .. دي العشق ياسطا
مالك : ياسطا .. قاعد مع عبده صاحبي
فيروز : اتلم و يلا نبدأ الماتش
مالك : اشطا .. انا حاخد الريال
فيروز : ماشي
فيروز : جووووووووول .. مش قولتلك مش حتكسب
مالك : ماشي ماشي
بعدها بشويه
مالك : جوووووول التعادل الله عليك تسلم رجليك الله الله الله
فيروز : ما خلاص ياخويا هي نشره
مالك : معلش معلش .. يمشي بيل جاريث بيل اوبااااه و الهدف التاني الله عليك تسلم رجليك يا جاريث يا بيل .. انا كسبت ها واخده بالك
فيروز : اه عايز ايه يعني
مالك : بوسه يا روحي
فيروز : انت مش خدت من شويه
مالك : دا كان قبل الماتش انا بتكلم علي اللي بعد الماتش
فيروز : هي واحده ماتبقاش طماع
مالك : يا ستي انا طماع انتي مالك
فيروز : يوووه .. مش حتاخد حاجه
مالك : طيب حاخدها بالعافيه ثم قام بطبع قبله علي وجهها و قال : خدتها خدتها 
فيروز : رخم والله .. مش يلا نرجع البيت بقا ، بابا جي انهارده بس متاخر لازم نكون في انتظاره
مالك : اه صح انا نسيت
فيروز : طيب يلا
————
عادوا الي فيلا طارق و كان اصدقائهم في انتظارهم
رامي ل مالك : و اتمختري يا حلوه يا زينه
مالك : اتلم يابني حزعلك
ضحك الجميع
الين و فرح : فيروزااا عامله ايه
فيروز . الحمد لله
نازلي : كدا تخضيني عليكي امبارح
مالك : خلاص بقا ونبي احنا ما صدقنا
زين : بقولكوا ايه انا جي علي بالي العب كوره تيجوا نعمل فرقه للبنات و فرقه للولاد و نلعب
كلهم في صوت واحد : موافقين
فيروز : احنا حيبقي اسمنا الاهلي
مالك : واحنا الزمالك
البنات : دا انتوا حتتقطعوا
احمد : بس ماتقولوش كدا انتوا ماتعرفوش احمد و زين و مالك و رامي لما يتجمعوا ف فريق واحد
الين : ونبي بلاش عشان مايبقاش شكلكوا وحش فالاخر
رامي : حنشوف .. يلا نبدأ
فرح : اوووه خرم يا احمااد ما بين قربك و خوفي عليك من فضلك اقفل رجليك
احمد : والله لاوريكي
فيروز : جوووول .. الله عليا
مالك : ماشي … اووف فالعرضه
فيروز : هاهاي مش حتجيبوا جول
مالك : حنشوف
رامي : جووووووول .. التعادل
مالك : جدع يا رامي
رامي : بصراحه يا صاحبي كان شكلنا وحش اوي و احنا متعادلين قدام بنات يعني
ضحك الفتايات
انتهت المباراه ب تعادل الفريقين ثم ذهبوا الي الصالون لينتظروا طارق
وصل طارق الي الفيلا
فيروز تحتضنه : بابي وحشتني اوي
رامي : كدا يا حاج تسافر من غير ما تقولنا
طارق : معلش بقا انت عارف جت فجأه يا رامي
نازلي : حمد الله عالسلامه يا بابا
طارق : الله يسلمك يا حبيبتي .. ازيكوا يا بنات ازيكوا يا ولاد
كلهم : الحمد لله يا عمو
طارق : متجمعين عند النبي ان شاء الله
كلهم : ان شاء الله
زين : طب نستأذن احنا بقا
طارق : ليه يابني ما تقعدوا تتعشوا معانا
زين : معلش يا عمي خليها مره تانيه
طارق : علي راحتكوا يابني
احمد : وانا حاخد الين و فرح علي سكتنا
مالك : وانا حروح سينجل 
رامي : معلش ياسطا بكرا تبقي كابل و غمز لفيروز
طارق : ماشي يا ولاد نورتونا
كلهم : شكراً يا اونكل
غادر الاصدقاء الفيلا
فيروز : ثواني و العشي يبقي جاهز حعملهولكوا بنفسي
طارق : ماشي يا حبيبتي
تناولوا وجبة العشاء ثم دلفوا الي غرفهم ليناموا و يستريحوا من تعب الاسبوع ف غداً الجمعه و ليس لديهم عمل
في صباح اليوم التالي استيقظت فيروز الساعه العاشره ثم اتجهت الي غرفة رامي لتوقظه
فيروز : ابو الرمارييم
رامي : ههه نعم يا لمضه
فيروز : قوم عايزه اقولك علي حاجه
رامي : اديني قومت اهو
فيروز : مالك عايز يتقدملي
رامي : منا عارف ايه الجديد
فيروز : يعني انت موافق
رامي : طبعاً انا مش حلاقي حد احسن من رامي اتطمن عليكي معاه
فيروز : طب طلب اخير بقا
رامي : ايوا
فيروز : تعالي معايا نقول ل بابا
رامي : لا روحي انتي لوحدك يكون احسن وانا حستناكي هنا
رامي : طب تفتكر حيوافق
فيروز : اه ان شاء الله
دلفت فيروز الي مكتب والدها
فيروز : صباح الفل يا سيد الكل
طارق : صباح الفل يا روزتي .. عامله ايه
فيروز : الحمد لله .. والله واحشني يا حاج
طارق : ماشي يا بكاشه
فيروز : بقولك عايزاك ف حاجه كدا
طارق : قولي يا ستي
فيروز : هو انا جايلي عريس
طارق : اممم مين بقا
فيروز : مالك .. طلب مني اني اخد معاد من حضرتك و ييجي هو و باباه و مامته يقعدوا مع حضرتك
طارق : ماشي يا ستي وانا موافق .. خليهم ييجوا بكرا لو عايزه
فيروز : بجد يا بابا
طارق : طبعاً يا حبيبة بابا
فيروز : انت احسن اب فالدنيا و قامت ب احتضانه
طارق : وانتي احسن بنت فالدنيا
انطلقت فيروز مسرعه الي غرفة رامي لتخبره بموافقة والدها
فيروز : رامي رامي رامي رامي رامي
رامي : نعم نعم نعم نعم
فيروز : بابا واافق
رامي : مبروووك يا بطه .. حشوفك عروسه بقا
فيروز : ايوا انا فرحانه اوي .. اما اروح اقول لمالك
رامي : ماشي
قامت بالاتصال بمالك فاستيقظ علي رنين هاتفه