روايه احببت بريئه الحلقه 7

مراد :دخل يجري علي سجي . سجي مالك انتي تعبانة .
سجي كانت بتتألم بس كانت مبسوطة من اللهفة اللي شايفاها في عنين مراد عليها .
سجي :مش عارفة يا مراد بطني بتوجعني اوي . وحاسة انها بتتقطع .
مراد :طيب اطلبلك فاروق.
سجي :ماشي ياريت .
مراد :جاي يقوم . سجي مسكت ايده
سجي :مراد الحقني مش قادرة بطني بتتقطع .

مراد : لا انا كدة ابتديت اقلق . ومش حينفع استني فاروق . تعالي انا حوديكي المستشفي بسرعة .
سجي :جات تقوم . وقعت مش قادرة تقف .
مراد :ساندها . تعالي انا حشيلك . وشالها مراد ونزل بيها العربية . وعلي قد ما مراد كان بيتمني انه يقرب لسجي ويلمسها وهي كانت قريبة منه جدا وهو شايلها . بس مراد مكنش بيفكر في اي حاجة غير انه يطمن علي سجي وقلبه خايف عليها .
سجي :كانت وهي تعبانة . بتبتسم وهي شايفة مراد خايف عليها وطاير بالعربية بسرعة علشان يلحقها وكمان من غير بادي جارد . وكل شويه يبصلها . نظرة كلها خوف ولهفة وحنيه .

في الستشفي
مراد :خير يا فاروق . سجي مالها طمني .
فاروق :ههههه مالك اهدي دي حاجة بسيطة . هما بيحضروها للعمليات . حنعملها الزايدة . علشان ملتهبة . وهي اللي تعباها كدة
مراد :بخوف . عملية . للدرجة دي . فاروق خالي بالك منها . علشان خاطري
فاروق :ههههه اعمل ايه يا عني اعملها غرزة ذيادة .
مراد :يخربيت خفة دمك . وقتك ده . انا بتكلم جد .
فاروق :اصل بصراحة مستغرب . هي دي اللي من شهرين بس كنت مش طايقها وعايز تعذبها وتكسر منخيرها . ودلوقتي حتموت عليها ومش مستحمل تعرف انها بتتالم
مراد :اعمل ايه بس . انا حاسس بحاجة غريبة . ويمكن متصدقنيش .
فاروق :لا حصدقك . بس قولي . انت بتحبها ولا ايه
مراد : اه بحبها وبحبها اوي كمان …..واتلخبط مراد. وبعدين معاك ماتروح تشوفها انت حتقف ترغي معايا وسايبها .
فاروق :يا بني اهدي هما بيجهزوها وبيجهزوا العمليات وحيندهولي متقلقش انت . بقولك ايه لو تحب تيجي تحضر العملية تعالي اتعقم وادخل .
مراد :ايه . لا لا انا مقدرش اشوفها وانت بتفح بطنها كدة . لا مش حستحمل .
فاروق :هههههه مش ممكن مراد اللي كانت متعته الوحيدة انه يشوف اي ست بتتالم مش مستحمل يشوف سجي بتعمل عملية بسيطة كدة . لا ده انت بتحبها اوي . يالا اسيبك واشوفك بعد العملية .
مراد كان قلقان علي سجي ومش عارف حتي يقعد لحد ماخرجت ودخلت اوضتها . مراد فضل قاعد جنبها علي كرسي جنب السرير ونام من تعبه . سجي ابتدت تفوق . ولقت مراد نايم . والممرضة بتغيرلها المحلول .
الممرضة :حمد لله علي السلامة عاملة ايه دلوقتي
سجي :بصوت تعبان . الحمد لله . وبصت علي مراد وهو نايم . وابتسمت
الممرضة :واضح ان مراد بيه بيحبك اوي . ده كان حيتجنن من الخوف عليكي . ومسبكيش لحظة .
سجي :ابتسمت اكتر . بجد كان خايف عليا .
الممرضة :طبعا . ده حتي الدكتور فاروق اتحايل عليه . انه يروح واحنا حنخلي بالنا منك رفض وقالوه مش حسيبها الا لما اطمن عليها .
سجي كانت حاسة ان نفسها تقوم وتحضنه . وخرجت الممرضة .
سجي :مراد . مراد . اصحي
مراد :قام مخضوض . سجي . مالك انتي كويسة . في حاجة بتوجعك .
سجي :بابتسامة متخفش انا كويسة . انت مروحتش ليه تنام في الييت كدة رقبتك توجعك .
مراد : قرب منها . خايفة عليا .
سجي : اتكسفت وسكتت
مراد :هههههه ماشي . بس عموما متقلقيش انا مش مهم المهم انتي تبقي كويسة . واطمن عليكي . انا كان لايمكن امشي واسيبك .
سجي :شكرا يا مراد . انا مش عارفة لو مكنتش جيت في الوقت ده كان حصلي ايه . يمكن كنت مت
مراد :مسك ايديها . وباسها . سلاتمتك من الموت . اوعي تقولي كدة . طول ما انا جنبك اوعي تخافي من اي حاجة
سجي :بس انت عرفت منين ان انا كنت تعبانة . انت كنت داخل وزي ماتكون عارف
مراد :هاه اممممم . قلبي . قلبي حس بيكي ان انتي تعبانة .
سجي :ضحكت . اللي يسمعك يقول ان عندك قلب .
مراد : لا عندي وانتي عارفة والا مكنتيش تقولي الكلام اللي قولتيه في البنج .
سجي :اتخضت. اااانا هو انا قلت ايه
مراد :هههههه لا ده كلام كبير بقي ده انا حتي سجلتلك علي الموبيل . علشان ابقي ازلك بيه
سجي :انت بايخ والله . قول بقي
مراد :اممم مصرة . خلاص حسمعك . وطلع مراد . الموبيل وسمعها . سجي اتكسفت وهي بيتسمع كلامها في البنج .
التسجيل
سجي :بصوت تعبان وهي في البنج . مراد اوعي تسبني . مراد انا بحبك اوي . مراد احضني يا مراد . متسبنيش اوعي تطلقني يا مراد . انا بحبك.
سجي :وشها احمر واتكسفت . لا دي دي تخاريف البنج الكلام ده مش صح .
مراد:ههههههه طيب خلاص يا ستي حعتبرها تخاريف . مع انها جاية علي هوايا بس خلاص مش حكسفك اكتر من كدة .
سجي :انت بايخ . يالا قوم روح .
مراد :متاكدة انك عايزاني امشي .
سجي :ايوة متاكدة . وكمان علشان ترتاح الوقت جري والنهار طلع وانت منمتش كويس .
مراد :انا حمشي بس مش علشان ارتاح انا اصلا مرتاح وانا معاكي بس علشان اغير هدومي واجبلك شوية حاجات ليكي . اوك خالي بالك من نفسك. لحد ما ارجعلك .

وعدي يومين وسجي خرجت من المستشفي.وراجعة البيت. ومراد بيدخلها اوضتها ونايمها في سريرها .
مراد :هاه عاملة ايه دلوقتي .
سجي :الحمد لله . احسن كتير . انا عارفة اني عطلتك اليومين اللي فاتو وانت طول الوقت قاعد جنبي ومبتروحش الشغل .
مراد : عطليني انت بس كل يوم وملكيش دعوة . انا مبسوط .
سجي:كانت خلاص حبت مراد . نفسها يقرب منها من غير ماتمنعه
مراد :كان بيبصلها وكإنه بيقولها كل اللي في قلبه بعنيه . وحس ان هيا كمان مستنياه يقرب . بس مراد كان معاهد. نفسه انه مش حيقربلها الا لما يسمع منها الكلمة اللي مستنيها من اول ماشافها وانه لما يسمعها لازم يعملها الحاجة اللي كان عايز يعوضها بيها عن الطريقة اللي عرفها بيها.
سجي :انت حتفضل ساكت وبتصصلي كدة كتير
مراد : اعمل ايه بس اصلك حتي وانتي تعبانة جميلة .
سجي :اتكسفت . احممم طيب روح نام بقي تصبح علي خير .
مراد :حاضر انا حسيبك ترتاحي ولو احتجتي حاجة كلميني . انا صاحي مش حنام . اتفقني . واوعي تقفلي الباب بالمفتاح علشان لوتعبتي تاني .
ودخل مراد اوضته وشغل الاب توب علي اغنية وكان عايز يسمعها لسجي وخرج التراس وحط الاب هناك وعلي علشان تسمع. ورجع يشوفها في المرايا . وكانت .( اغنية من قلبي لحماقي )(ده اللي وانا معاه من قلبي بغني وانا معاه . ده حبيبي اللي انا بتمناه واحلم بي لقاه . واه منه هواه خدني وياه وانا وياه لما تكون عيني شايفاه مبقولش غير الله . ده اللي وانا معاه من قلبي بغني وانا معاه . ده حبيبي اللي انا بتمناه واحلم بلقاه . مليش الا عنيه ومبحكيش الا عليه ده اللي بعيش دنيتي بيه وبحب كل مافيه . من قلبي بغني وانا معاه)

وعدت الاجازة كمان وجه الترم التاني وسجي ومراد كل يوم بيتعلقوه ببعض كل يوم . وعلي قد ماسجي حبت مراد اووووييي بس كانت بتخاف انه بعد ماتسبلوا نفسها يزهق منها ويسبها . وخصوصا ان مراد مبقاش بيلح علي الحكاية دي وتعامله معاها كله هزار ومقالب وضحك ومكنش مهتم بالحكاية دي وجه يوم مراد رجع فيه من برا والشغالين كلهم اجازة . وطلع فتح المرايا ولقي سجي قاعدة علي السرير وبتذاكر ولابسة بيجامه عليها ميمي وعاملة قطتين وشكلها عسل اكنها عيلة صغيرة .
مراد :يا بنت اللذين ايه العسل ده . طيب اروح ارخم عليها بإيه النهاردة بس وهي عسل كدة . فكر يا مراد اه بس لاقتها . وراح مراد وخبط علي سجي
سجي :فتحت . اهلا
مراد :مساء الخير .
سجي :مساء النور . نعم جاي تغلس النهاردة بإيه .
مراد :هههههه ظلماني والله انا بس كنت عايز منك تعمليلي حاجة .
سجي :خير. اتفضل .
مراد :عايزك تيجي تحضريلي الحمام
سجي: نعم ؟؟حمام ايه ده اللي احضره وده بيتحضر ازاي . ان شاء الله .
مراد :ايه عمرك ماحضرتي حمام قبل كدة .
سجي :والله لا انا . مبسمعش الكلمة دي غير في التليفزيون .
مراد :اممممم . طيب انا حكسب فيكي ثواب واعلمك . الحمام بيجهز بإنك تفتحي المياه الدافية وتملي البانيو وتجهزي جو الحمام علشان لما ادخل مبردتش وتحطي في المياه شاور من بتاعي اللي بحبه . وتحضريلي الفوطة والبرنس . كدة يعني . فهمتي .
سجي :هههههه لا والله وانت بقي كان مين اللي بيعملك الحكاية دي كل يوم
مراد :الشغالين . وكلهم اجازة النهاردة . هاه حتيجي ولا لا
سجي :لا وانا مالي ماتروح انت وانت معندكش ايدين .
مراد:بخبث . ماشي هانت اهو كلها شوية ونطلق واجوز بقي واحدة تكون كبيرة كدة وعاقلة وخبرة وتعرف تدلعني وتحضرلي الحمام ولا الحوجة ليكي .
سجي :اتغاظت واتضايقت منه لما قال كدة . ليه وهو انا مش كبيرة وبعدين ايه عاقلة دي انت شايفني مجنونة
مراد :ايوة انتي صغيرة ومجنونة
بصي لنفسك لابسة ايه وكمان مبتعرفيش تحضري الحمام .
سجي :كدة . طيب انا حروح احضره . بس انت تستناني هنا . لحد ما خلص وابقي روح هناك .
مراد :ههههه ايه خايفة مني ولا ايه ماانا قولتك قبل كدة انا خلاص مليش مزاج ليكي وعايز واحدة كبيرة وخبرة تدلعني
سجي :اتغاظت اكتر ودببت في الارض برجليها . كدة ماشي اوعي بقي من وشي . وراحت اوضة مراد
مراد :قعد بضحك ومش قادر يمسك نفسه من الضحك علشان استفزها وكمان حس انها بتغير عليه .
سجي :في حمام مراد . علي أخرها ومش طايقة نفسها . انا انا عيلة وكمان عايز يطلقني ويتجوز واحدة تدلعوه ماشي يا مراد والله لعمل فيك مقلب يتطلع من عينك علشان تبقي تتدلع اوي.
وقعدت سجي تدور في الحمام لحد لما لقت ضرفة في الاخر فيها ادوات تنضيف واخدت ازازة من منظف الارضيان وفتحت المياه علي السخن وفضت الازازة في البانيو كلها بس وهي بتفضيها وقعت علي نفسها وايديها وهدومها . مش مشكلة انا حروح اخد حمام واغير بسرعة لكن هو خليه يتلسوع يبقي يوريني حيلقاها منين من المياه السخنة ولا من المنظف اللي حيلسوعوا يبقي يخلي العاقلة الخبرة تيجي تدهنله كيناكومب بقي . وخرجت سجي .
مراد :ايه ده اللي بهدلك كدة . مش بقولك خيبة . حتي الحمام مش عارفة تحضريه . اوعي يا ختي . لما اروح اشوف عملتي ايه .
سجي :دخلت اوضتها وقفلت الباب وهي عامالة تضحك ودخلت الحمام علشان تاخد شاور بعد مابهدلت نفسها
مراد في الحمام قلع هدومه ودخل البانيو واول مادخل لقي الماه سخنة جدا .
مراد :اااه ايه ده يا بنت المجانين المياه مولعة . بس معلش انا بحبها سخنة . زي قلبي ماهو سخن بحبك يا مجنونة . بس لا دي سخنة اوي . انا حشغل المياه الباردة شويه . وكمان ايه ده ايه الريحة دي. دي مش ريحة الشاور بتاعي . هي الهبلة دي حطت ايه في المياه . اه ايه ده هو جسمي بيحرقني ليه كدة . الله . تؤتؤتؤ لا في حاجة غلط ده انا جسمي احمر جامد
هي حطت ايه بس . ومراد بيبص عن الحوض لقي ازازة مرمية مسكها وشمها . اااه يا بنت المجنونة منظف ارضيات . وانا اقول ايه الريحة دي ده انتي ليلتك سودة والله لوريكي يا سجي . وقام مراد وغسل جسمه بالشاور بسرعة ولف نفسه بالفوطة وخرج يبص علي سجي في الرايا ملقهاش عرف انها في الحمام . فتح المرايا ودخل ووقف بعيد عن الحمام يستناها .
سجي :خارجة من الحمام ولابسو البرنس وبتنشف شعرها وعمالة تضحك . ههههههه اموت واشوفه دلوقتي وهو متلسوع كدة . من المنظف علشان يبقي يروح يتجوز ان شاء الله مش حينفع لحاجة تاني
مراد :كدة . ماشي يا قطة تعالي بقي لما اوريكي اذا كنت انفع ولا لا . وشدها مراد وحضنها . انا انا تحطيلي منظف في المياه . شايفة جسمي كله احمر ازاي. عجبك كدة .
سجي :كانت حيغمي عليها دي اول مرة تشوف مراد وهو عريان كدة وبالفوطة بس وكمام حضنها كدة كانت مش عارفة تتكلم . وقلبها بيدق جامد . ومش عارفة تنطق وبتبص لمراد .
مراد :حس انها مستسلمة لحضنه ومش مركزة في كلامه . مراد قرب منها وباسها وسجي كانت اكنها مغيبة وبعد كدة فاقت وحاولت تبعد مراد . اوعي ايه اللي انت عاملته ده . ابعد وسيبني
مراد : تؤ تؤتؤ . انا مفيش حاجة تمنعني عنك دلوقتي غير رباط لو شديتوا خلاص كل حاجة خلصت
سجي :رباط . رباط ايه
مراد :مسك رباط البرنس بتاعها . ده رباط البرنس بتاعك .
سجي :حطت ايدها علي وشها . يا نهار ابيض انا ناسية اصلا اني بالبرنس . اوعي وجريت بسرعة علي الحمام وقفلت الباب عليها .
مراد :ههههههه يا بنت الايه انتي كنتي حتخليني اخلف وعدي



وخرج مراد من الاوضة وراح اوضته ولبس وهو شايف سجي في المرايا. بعد ماخرجت من الحمام ولبست . قاعدة بتبتسم وبتحط اديها علي شافيفها وبتفتكر مراد وهو بيبوسها. وراح لفلها من بلكونة التراس وخبطلها علي الازاز . وشاورلها علي ودنه وبيقولها اسمعي . وشغلها اغنيه تحفة لحماقي . تاني اسمها اجمل يوم (عندك . استني دقيقة . حتجنن منك شوفلي طريقة . واعمل معروف بتطل تقلق. بطل خوف بتقولي عيونك مكسوف . طب من مين . مقدرش اوصفلك ايه اللي جرالي . احساس جديد اوي بالنسبةالي . خلينا وضحين . فرق دايما بين حاجتين بين وانا عادي وهادي وبين وانا ملهوف .مكسوف من مين ده انا نفسي مختش يوم يومين . قدامي ملاك مش شايف بني آدمين . يا نهار يا نهار. يوم قربك اجمل يوم . ده اللي استيتوا سنين . عندك استني دقيقة .حتجنن منك شوفلي طريقة
اسأل قلبك اسأل عينك من غير ما تقول ما هو بيني وبينك. في حاجات تتقال وحاجات احلي وهي خيال. واكتر من اللي بتتمناه ومش علي البال.
طب امتي وفين وازاي انا ناسي . بس انا عمري ما اكدب احساسي مكتوبلي القاك مكتوبلي اكمل وياك من غير ما تقولي خلاص بان ايه جوااك. )
وكان بيسمعهلها وهو ساند ظهره علي السور ومربع ايده وبيبص عليها وهي واقفة بتسمع وبعدين راحلت السرير ونامت وهو بعتلها بوسة في الهوا . ودخل ينام . بس طبعا نام بصعوبة 

(في مكتب مراد في شركته )
مراد تليفونه يرن . مازن اخو مراد
مراد :مازن ازيك عامل ايه وبابا طمني هو بقي كويس .
مازن :ازيك يا مراد . مراد بابا تعبان اوي وكل يوم يطلب انه يشوفك وانا قولتلك كتير وانت مابتجيش
مراد :معلش يا مازن انت عارف الشغل والمجموعة . صعب اني اسافر خالص .
مازن :يا مراد احنا آخر مرة شوفناك من سنتين . معقول لا انا ولا بابا وحشناك .
مراد :ازاي بس وحشتوني بس . خلاص يا مازن انا الشهر اللي جاي حاجي اشوفكم .
مازن :الشهر اللي جاي يا مراد بقولك بابا بيموت ونفسه يشوفك .
مراد : بيموت ايه بس يا مازن انت مش قلتلي ان حالتوا استقرت .
مازن :مراد بابا عنه كانسر وفي مرحلة متأخرة يعني مش مرض عادي وممكن يموت في اي وقت .
مراد :حاضر يا مازن ححاول اجي في أقرب وقت. سلام .
مراد :اعمل ايه بس اسافر ازاي واسيب سجي . انا مقدرش يعدي يوم من غير ماشوفها . اوففف . طيب هي ممكن ترضي تسافر معايا . بس دي فاضلها شهر ونص علي الامتحانات وصعب تسافر . اعمل ايه بس .
ميادة :مراد بيه . ياسر بيه . هنا وعايز حضرتك .
مراد :خاليه يدخل ….. اهلا ياسر تعالي .
ياسر :ازيك يا مراد . ايه يا ابني بقالك كتير مش بتيجي شقة الزمالك .و لا بشوفك خالص .
مراد :معلش انا بس مشغول اليومين دول . وبعدين انا خلاص مش حروح شقة الزمالك دي تاني وكمان حبيعها .
ياسر :شقة ايه اللي تبعها دي انت ناسي اننا شركة في كل حاجة
مراد :احنا شركة في الشغل . مش في الممتلكات .
ياسر :خلاص لو حتبعها انا اشتريها .
مراد :خلاص ابقي خلص مع المحامي .
ياسر :قولي صحيح انت عامل ايه مع البت بنت فهمي . شكلك مبسوط معاها اوي علشان كدة مش عايز تيجي شقة الزمالك .
مراد :ماسمهاش بت . اسمها سجي وبعدين وانت مالك اعمل اللي اعمله .
ياسر :ابدا اصل بقول مادمت انبسط معاها . باصي لخوك . ده احنا اخوات برضوا .
مراد :الدم خلي في دماغوا . انت اتجننت اباصي مين . دي مراتي .
ياسر :احنا حنضحك علي بعض مرات مين . ماانا وانت عارفين انت اتجوزتها ازاي و ليه . ومدامت خلتك تقعد جنبها الفترة دي تبقي عرفت تبسطك . ادهالي بقي شوية . ولا انا مليش نفس .
مراد :جري علي ياسر ومسكه من هدومه . انا لولا العشرة والشغل اللي بينا . كنت قتلتك دلوقتي . سجي دي مراتي ولو جبت سيرتها تاني حيكون اخر يوم في عمرك .
ياسر :نزل ايد مراد . كدة يا مراد تقتلني انا علشان واحدة لسة عارفها مين كام شهر بس .
مراد :ياسر لو جبت سيرتها تاني يبقي تنسي كل اللي بينا حتي الشراكة حنفضها فاهم .
ياسر :كدة . ماشي . عموما انت اخويا وصاحبي وانا محبش ازعلك . انا اسف. انا كنت جاي اقولك اني كمان اسبوع مسافر الصين علشان اخلص ثفقة الادويه المخدرة . وحقعد هناك شهر او اكتر
مراد :ترجع بالسلامة .
ياسر:بس اعمل حسابك . اول ماارجع انت لازم تسافر ايطاليا تخلص. ثفقة الاسلحة انا مش حعمل كل حاجة . لوحدي انت من ساعة ما اتجوزت وانت سايب كل الاتفقات عليا وده ماينفعش .
مراد :طيب ما تبقي تسافر انت . انا مش حينفع الفترة اللي جاية دي اسافر خالص .
ياسر :لا طبعا انا منفعش . الناس بتاعت ايطاليا دي بالذات مبتثقش غير فيك انت . ودول مينفعش نتاخر عليهم . دي مافيا يا مراد يعني انا وانت ممكن نتصفي انت فاهم .
مراد :اوفففف . ماشي لما اشوف .
مشي ياسر ومراد كان حاسس انه مخنوق وان كل الحاجات دي ممكن تبعدوا عن سجي نزل مراد
جاسر :اتفضل يا مراد بيه .
مراد :جاسر معلش انا عايز ابقي لوحدي شوية . روح انت والسواق .
جاسر :بس ده خطر تمشي لوحدك . طيب علي الاقل امشي وراك بالعربية التانية .
مراد :لا يا جاسر قلتلك عايز ابقي لوحدي .. ومشي مراد وراح المقطم في مكان عالي وبعيد وهادي . وبيفكر.
مراد :هو انا امتي حقولها اني بحبها .. انا لازم اقولها كل حاجة مش قادر اخبي اكتر من كدة . هي لازم تعرف اني بحبها بجد مش زي ماهي فاكرة بس هي ممكن تكون مابتحبنيش . لا هي بتحبني بس خايفة مني ومش واثقة فيا . بس انا كل لما اجي اقولها . فجاة مش بقدر والكلام بيروح مني .
وقعد مراد علي العربية من قدام وهو بيسمع الاغنية دي ) حاجة مستخبية لحماقي )(في جوا قلبي حاجة مستخبية كل اما باجي اقولها فجأة مش بقدر .قدام عنيك بقف وبنسي ايه يتقال . ليه كل مرة يجري فيها كدة ليا . ودي هي كلمة واحدة بس مش أكتر . والكلمة دي عندي فيها راحة البال . حبييييتك يوم مالتقينا لما حكينا . اول كلام . حبييييتك واحلف علي اده تسمع زيادة انا مش بنام . حبييييتك . الناس في عيني حاجة وانت حاجة تانيه . عندك مشاعري حتي خدها واسألها . انا صعب اعيش حياتي وانت لحظة بعيد .احساسي بيك في ضعفي قواني . كانت حياتي ناقصة جيت تكملها . فرحة لقايا بيك بتبقي زي العيد . حبييييييتك يوم مالتقينا لما حكينا . اول كلام . ) ومراد لسة قاعد . تليفونه رن . مازن
مراد :في ايه يا مازن ما لسة مكلمك مش شوية .
مازن :الحقني يا مراد
مراد :مالك يا مازن . انت بتعيط
مازن :منهار وبيعيط . بابا مات يا مراد بابا مات .
مراد :دموعه نزلت وهو مش مصدق . انت بتقول ايه انا كنت جايلوا والله كنت جاي اشوفه . ليه ليه مات اقبل ماشوفه ليه
مازن:يا مراد. قولتلك بابا محتاجك بس انت قلبك قسي حتي علينا . عموما انا خلصت كل اجرءات المستشفي وحجزت في طيارة بكرة الساعة 8 الصبح انا لازم ادفن بابا في مصر. بابا مش ممكن يدفن في الغربة يا مراد
مراد: عندك حق وانا حكون مستنيك في المطار .
قفل مراد وحس انه محتاج سجي تكون جنبه في الوقت ده محتاج يكون في حضنها ويبكي . اخد عربيته وراح علي الفيلا ولما وصل سجي كانت مستنياه زي كل يوم في البلكونة واول لما شافت عربيته فرحت واستنته يجي يغلس عليها زي كل يوم . مراد راح وخبط عىيها
سجي فتحت واول ماشافت مراد وشه حزين وعنيه كلها دموع
سجي :مراد مالك انت بتعيط .
مراد :رمي نفسه في حضنها . بابا مات يا سجي . بابا مات . مات من غير ماشوفه . انت كان عندك حق لما قولتي عليا مش بني آدم ومعنديش قلب انا فعلا كنت قاسي حتي علي اقرب الناس ليا

سجي :اخدتها في حضنها وطبطبت عليه . بس يا مراد متعملش في نفسك كدة . ده قضاء ربنا
مراد :تعرفي هو كان عايز يشوفني وانا اللي ماسفرتش علشان اشوفه عارفة ليه
سجي :ليه
مراد :علشانك . كنت خايف ابعد واسيبك . انا محتاجك جنبي يا سجي اوعي تسبيني علشان خاطري . انا مقدرش استغني عنك .
سجي :متتخفش انا جنيك ومش حسيبك . بس انت اهدي وقوم اتوضي وصلي وادعيلوا ان ربنا يرحموا . واقرأله قرأن
مراد :بص لسجي بخجل . بس اناعمري ماصليت ولا حتي بعرف اتوضي .
سجي :اتصدمت . معقول يا مراد واحد في سنك عمره ماصلي ولا مرة
مراد :انا عمر ماحد علمني ولا قالي صلي . ولا حتي عمري فتحت مصحف
سجي : متفاجأة .علشان كدة كان قلبك قاسي و ضلمة . الانسان طول ماهو بعيد عن ربنا عمره مايكون مرتاح . عموما انا ممكن اعلمك واقولك ازاي تتوضي وتصلي .
مراد :بجد يا سجي حتعلميني .
سجي :ايوة تعالي معايا علي الحمام . بس استني . انت قبل ما تتوضي انت لازم تكون … تكون . مش ااه…..
مراد :في ايه سجي ماتكلمي علي طول
سجي :يعني اقصد . انت يعني كنت مع ستات اوحاجة .
مراد :اقصدك يعني نمت مع حد .
سجي :ايوة هو انت يعني لازم تقولهالي في وشي كدة . انت مابتتكسفش .
مراد :كسوف ايه بس دلوقتي يا سجي .وعموما لا انا من يوم ما اتجوزنا وانا معملتش كدة .
سجي :فرحت من جواها . طيب تعالي معايا .
واخدت سجي مراد وعلمته ازاي يتوضي وازاي يصلي وحفظته كمان الفاتحة والاخلاص علشان يصلي بيهم لحد ما تحفظه غيرهم . مراد اول ماصلي وهو ساجد لقي نفسه بيبكي بحرقة مبقاش عارف هو بيبكي علي ابوه ولا علي نفسه وتقصيره في حقها انه حرم نفسه كل السنين ده من متعة الصلاة ومكنش متخيل انه حيرتاح كدة وبعد ماصلي
سجي:مراد انت لازم تنام وترتاح انت حتصحي بدري علشان تروح المطار وكمان لسة قدامك بكرة يوم طويل . دفنه وعزا .
مراد :سجي انا عايزك معايا بكرة انا اول مرة اتحط في الموقف ده ومش عارف حتصرف ازاي انا حتي لما ماما ماتت كنت صغير . معرفش حاجة . ممكن .
سجي :حاضر حاجي معاك . متقلقش
مراد : طيب ممكن تخليكي جنبي لحد ما انام . انا مش عايز اقعد لوحدي .
سجي :ابتسمت . حاضر حقعد جنبك لحد ماتنام . تعالي .
مراد :نام في سريره وفضل ماسك ايد سجي . وسجي فضلت قاعدة جنبه لحد ما نام . سجي :حاست ان مراد صعبان عليها وان التربية اللي اترباها هي السبب في اللي وصله . وقبل ما تقوم باسته من راسه وراحت أوضتها.

(في الصباح )
مراد صحي علي صوت خبط الباب . قام فتح لقي سجي لابسة وبتبتسم .
سجي :صباح الخير
مراد :بإبتسامة . صباح النور . انتي ايه اللي صحاكي بدري وليه مدخلتيش علي طول من غير ماتخبطي
سجي :اولا احنا مش بدري الساعة 6 يعني يادوب تاخد حمام وتلبس ونروح المطار . ثانيا . انا ماينفعش ادخل من غير ما خبط . في حاجة اسمها آداب الاستأذان .
مراد :الكلام ده حاسس اني انا المقصود بيه . صح
سجي :امممم يعني حاجة زي كدة . المهم اتفضل ادخل خد حمامك والبس بسرعة .
مراد :حاضر . طيب ادخلي اقعدي لحد ما اخلص.
سجي :لا معلش مش حينفع انا حستناك في أوضتي .
مراد :سجي انتي لسة بتخافي مني .
سجي:اااااممم . لا بص انا حستنك متتاخرش .
ومشيت سجي ومراد ابتسم واتنهد . وقفل الباب ودخل علشان يجهز نفسه .. وشوية وهو بيلبس . الباب خبط .
مراد :ادخل . سجي ايه اده انتي اللي عملتي كل ده
سجي :دخلت ومعاها صنية فيها فطار وقهوه لمراد .. ايوة انت امبارح ماتعشتش وكمان ماينفعش تنزل من غير ماتفطر . والشاغلين لسة نايمين . فاانا روحت حضرتلك الفطار .
مراد : قرب منها ومسك ايديها وباسها بكل حنية . انتي كنتي فين من زمان .
سجي :اتكسفت . احمممم ممكن بقي تفطر علشان منتأخرش .
مراد:حاضر علشان خاطر عيونك
وفطر مراد وسجي مع بعض واخدها في عربيته وراحوا المطار .
(في المطار )
سجي :اهدي يا مراد انت لازم تبقي متماسك اكتر من كدة .
مراد :مش قادر يا سجي انا عمري ماكنت اتخيل انا اقف استني استقبل ابويا في صندوق . مش قادر مش قادر .
سجي :علشان خاطري . اهدي . بص في واحد جاي علينا وفي شبه كبير منك . تعرفوا .
مراد :مازن .
مازن :حضن مراد وهو بيبكي . بابا مات وسابني لوحدي يا مراد .
مراد :اوعي تقول كدة انا معاك . انت نسيت اني اخوك الكبير .
مازن :مين دي
مراد :بص لسجي . دي سجي مراتي
مازن :انت اتجزت يا مراد
من غير ماتقولنا . ده بابا كان نفسه اوي يشوفك بتتجوز . ليه يا مراد حرمته من اليوم ده
مراد :معلش يا مازن . حبقي احكياك بعدين . المهم خليك هنا مع سجي وانا حروح اخلص كل حاجة علشان نلحق نصلي عليه . وندفنه .
مازن :قعد جنب سجي . انا أسف مقولتلكيش مبروك .
سجي: لا علي ايه اصلا مش وقته . البقاء لله .
مازن :كان زي مراد ويمكن اكتر و معرفش يرد . وهزلها راسه .
وخلصوا كل حاجة وسجي كلمت باباها وخالتها صفيه وجوزها ونهي علشان يجوا يعزو مراد . واليوم خلص وكان طويل وباليل بعد العزا .
سجي :مراد . ممكن نهي تقعد معايا يومين لحد ما العزا يخلص . اصل انا لوحدي وفي ناس كتير بتيجي .
مراد :طبعا يا سجي . انتي بتستاذني . ده بيتك . ونهي اختك . نهي انا أسف علي اي حاجة حصلت قبل كدة مش عايزك تكوني زعلانة .
نهي :كانت عارفة من سجي كل حاجة وان مراد اتغير . لا مفيش حاجة انا مش زعلانة ابدا اللي فات مات.
مراد :متشكر . واضح انك ملاك زي اختك . عن ازنكم اروح اشوف مازن
نهي :تصدقي كان عندك حق انا مش مصدقة بجد ان ده مراد . معقول
سجي :وهي بصة عليه لحد مامشي ومبتسمه . اه معقول مراد اتغير وبقي انسان جديد . طيب وحنين . ورقيق
نهي :امممم واضح انك حبتيه اوي .
سجي :حبيته بس ده انا بموت فيه ونفسه افضل معاه علي طول ومسبوش ابدا . مراد ده بقي روحي يا نهي .
نهي :وليه مش بتقوليله وتصارحيه .
سجي:خايفة يكون . قربه مني ده علشان حاسس بتغير معايا وبس وميكنش بيحبني . تعرفي انا نفسي اوي اكون معاه واكون مراته بجد . بس خايفة انه بعد ده مايحصل يزهق مني ويسبني . علشان كدة ببقي بعيدة عنه. علشان افضل معاه اطول وقت ممكن .
نهي :للدرجة دي بتحبيه
سجي :واكتربكتييييير