رواية قلوب حائرة الحلقة 8
اماني : يارا يا ياراااا ، يا بنتي اصحي بقااا الساعة 1 !!!
يارا : يا ماما 1 ولا 2 هتفرق اية يعني سبيني انااام
اماني : طيب ردي علي موبايلك طيب بيرن من الصبح .. خدي اهو
يارا : حاضر حااضر
الو …..
فرح : ايوة يا عروسة نموسيتك كحلي ، اية النوم دا كلة ؟!!!
يارا : يووووة يا فرح انتي كمان بقااا .. اقوم اعمل اية يعني ؟!! بقولك اية ، هتيجي انتي و سمر و ريم امتي ؟؟ متسبونيش لوحدي ف اليوم العظيم دا !!
فرح : هههههههه والله انا فرحانة فيكي جداا ، سيف دا هيربيكي p: يارا بغصب : طب اقفلي يا فرح احسنلك :@
فرح : ههههههههه خلاص خلاص متزعليش ، هنكون عندك علي 5 بالكتير ان شاء الله و انا هحاول اجيلك قبل كدا ، اصحي بس و فوقي كداا .. سلااام
//////////////////////////
سيف : هاا يا شروق الخاتم دا احلي ولا داا ؟؟؟؟
شروق : مممممممم .. لا انا شايفة اللي في فصوص دا رقيق اووي و ذوقة هيعجب يارا
سيف : طيب تمااام ، هاخد دا لو سمحت
//////////////////////////
سمر : الوو ايوة يا ريم احنا تحت بيتك اهو
ريم : حاضر 5 دقائق و نازلة
بعد ربع ساعة ..
سمر بغضب : هي دي ال 5 دقائق !!!
يوسف : بس متزعقيلهاش كدااا تتأخر براحتها .. ازيك يا ريم ؟؟؟
سمر : طبعا طبعاااا و مين يشهد للعروسة p:
ريم : بطلي رخااااامة بقاا .. انا كويسة يا يوسف الحمدلله :$
سمر : اهاا تمام اركن هنا
يوسف : اعدي اخدكوا امتي ؟؟
سمر : هبقي اكلمك اقولك .. يلا يا ريم ، سلاااام
//////////////////////////
ريم : السلام عليكم ، ازيك يا طنط ، الف مبروك ل يارا
اماني : الله يبارك فيكي يا حبيبتي عقبالك
سمر : قريب اووي يا طنط ان شاء الله ؛) الف مبروك ل يارا
اماني : بجددددد .. الله يبارك فيكي يا حبيبتي ، عقبالك انتي كمان ان شاء الله
ادخلوا ل يارا قوضتها ، فرح جت من شوية و معاها جوة
//////////////////////////
ازيك يا فرح ؟؟؟
فرح : الحمدلله ، ازيك يا ريم ؟؟
تعالوا شوفوا حل ف صحبتكوا اللي مش راضية تحط ميك اب في خطوبتها دي !!!! :@ :@ :@
سمر و ريم : نعم !!!!
يارا : في اية يا جمااااعة .. هو انا وحشة يعني ؟!!
ريم : يا حبيبتي مش وحشة ولا حاجة بس لازم تحطي ميك اب خفيف عشان الصور حتي
سمر : اقعدي بس و سبيلي نفسك و انا هحطلك ميك اب هادي و جميل اووي
بعد مرور ساعة و قد انهت سمر وضع الميك اب ل يارا و انتهت من ارتداء فستانها
فرح : وااااااو بجد يا يارا شكلك تحفة بجد ما شاء الله عليكي .. تجنني
سمر : و الميك اب هاادي اهو و شكلة حلو اوي عليكي
ريم : انتي ناقصك بس تفكي البوز دة و هتبقي زي الفل
يارا : …………..
فرح : يا يارا ما احنا اتكلمنا ف الموضوع دا 100 مرة قبل كدااا و قولنا تبطلي عند و نشفان دماغ و ادي ل سيف فرصة مش هتخسري حاااجة
يارا : مش عاايزة مش عااااااايزة !!! :@ :@
ريم : يا يارا هو عند و خلاااااااص :@ :@
يلا بقااا العريس زمانة علي وصول و طنط مظبطة كل حاجة برة .. و الكوشة شكلها تحفة .. فكي التكشيرة دي بقا و خلينا نتبسط …
اماني : يا بناااات .. خلصتوا ولا لسة ؟؟؟؟
ريم : ايوة يا طنط كلة تمام اهو
اماني : بسم الله ما شاء الله شكلك قمر يا حبيبتي يلا بقا عشان سيف بيركن تحت و طالع اهو
يارا : هاااااا !!!
//////////////////////////
وصل سيف الي المنزل و خرجت لة يارا بكامل زينتها و فستانها الرقيق .. انبهر سيف بجمالها للغاية و بدأت الزغاريد و التهاني من هنا و هناك و سيف في عالم اخر لا يفكر في شئ سوي محبوبتة التي تجلس بجوارة و يارا تشعر بخجل شديد من نظراتة و تشعر بتوتر بالغ …
سيف : يارا
يارا : هاا
سيف : هاا اية اسمها نعم ! تعرفي انك حلوة اوي انهردة
يارا : شكرا
سيف : طب اية رأيك ف البدلة بتاعتي ؟؟؟
يارا دون ان تنظر لة : و انا مالي هو انا اللي لبساها !!!
سيف : O:
يارا انتي متعرفيش تمثلي انك لطيفة نص ساعة بس ؟!!
يارا و هي تنظر لة : انا كدااا !! مش عجبك ؟؟ امال خطبتني لية ؟!!!
سيف : ياااا ربي عليكي .. طب ممكن نقوم نرقص ؟؟
يارا : نعم !!! لا مش برقص انا !!
سيف : امال هنفضل اعدين كدااا :@
يارا ببرود : ايوة
زفر سيف بضيق بالغ و صمت
ليلي (والدة سيف ) : اية يا ولاد مالكوا قاعدين كدا لية ؟! ما تقوم ترقص مع عروستك يا سيف
سيف : لا يا ماما احنا كدة تمام
ليلي : اية يا يارا .. مش عاوزة ترقصي مع اصحابك ؟؟ بيشورولك اهم .. اناديهم يجولك ؟؟
يارا : لا لاااا يا طنط .. ما هما جم اصلا بس انا…..
قاطعها سيف : بتتكسف يا ماما سبيها براحتها
ليلي : ماشي يا بنتي علي راحتك
يارا في بالها ( اية دا طلع كيوت و مش عايز يحرجني مع مامتة و يقولها ان انا اللي مش راضية اقوم ارقص .. بس بردة لا لااا مش هضعف .. مش بحبة مش بحبة )
سمر في اذن يارا بهمس : هو دا اللي مش عاجبك يا مفترية ؟!!! دا جان اووووووي
يارا بهمس : اتفضلية يا حبيبتي ميغلاش عليكي :@
اماني : يلا يا ولاد عشان تلبسوا الدبل
البس سيف يارا دبلتها و البستة دبلتة بأيدي مرتعشة و فاجأ سيف يارا بالخاتم الهدية الذي انتقاة لها بمساعدة شروق ف ذوقة كان غاية في الرقة
كان الجميع سعداء للغاية و شروق قامت بالتقاط العديد من الصور لسيف و يارا بمفردهم و مع العائلة و الاصدقاء
يارا : ما كفااية صور بقا يا شروق :@
سيف بهمس ل يارا : يعني لا عايزة تضحكي ف وشي ولا عايزة نرقص ولا عايزة نتصور .. ما تقومي تجيبي حبة تراب و تدفنينا احسن يا يارا !!! :@
يارا : ههههههههههههههههههههه
سيف بدهشة : اية دة انتي بتعرفي تضحكي زي الناس !! و الله ما مصدق !!!
يارا : سيف بطل رغي صدعتني بقاا
سيف : مبتعرفيش تكملي حاجة لأخرها كويسة ابداا .. بس بحبك بردة !!
اشاحت بوجهها بعيدا و لم ترد …
انقضي اليوم و ذهب كل منهم الي منزلة وووو …
يارا : ( و دة بيتصل لية دلوقتي داااا ) الووووو
سيف : الوو يا يارا .. ازيك ؟؟
يارا : والله انت لسة سايبني مفيش من ساعة يعني و شوفت اني كويسة
سيف : ياااااا ربي عليكي يا يارا انتي كل حاجة لااازم كدة ، انا تعبت بجد من اسلوبك معايا داا .. انا دلوقتي خطيبك و لازم تتعاملي معاية بطرقة احسن من كدة
يارا ببرود : ان شاء الله
سيف : هي نتيجة التنسيق امتي ؟؟؟
يارا : الاسبوع الجاي
سيف : مممممممممم ربنا معاكي طيب بقولك …..
يارا مقاطعة : سيف بليييييز انا تعبانة بجد و عاوزة اناااام ممكن نأجل الكلام دة بعدين
سيف بضيق : اوك يا يارا .. تصبحي علي خير
سيف ف بالة : ( تعبتيني معاكي اوووووي يا يارا و شكلك ناوية تتعبيني اكتر !! )
//////////////////////////
جاء الموعد المحدد و اصطحب يوسف والدية الي منزل ريم و تم الاتفاق علي تحديد موعد الخطبة مع بداية السنة الدراسية
//////////////////////////
مر الاسبوع و جاء يوم نتيجة التنسيق التي سوف تحدد مستقبل ريم، يارا، سمر و فرح ..
يوم نتيجة التنسيق كان الجميع يشعر بتوتر بالغ ، و لكن في النهاية كانت النتيجة مرضية للجميع
ف سمر و ريم التحقوا ب كلية التجارة شعبة لغة انجليزية و كان يوسف سعيد جدا بذلك حيث انها نفس الكلية التي تخرج منها و يستطيع مساعدتهما في المذاكرة و في امور عديدة ..
و يارا التحقت بكلية اداب شعبة لغة انجليزية و كانت ايضا سعيدة بذلك ، لكنها كانت حزينة لانها ستفارق اصدقائها ، و فرح التحقت بكلية الاعلام كما كانت تتمني و تحلم دائما ….
//////////////////////////
اماني : يارا يارااا
يارا : نعم يا ماما
اماني : قافلة موبايلك لية ؟؟ سيف قلفان عليكي و اتصل علي موبايلي و بيقولك افتحي موبايلك هيكلمك دلوقتي
يارا : اووووووووووف بااااا ربي هو ورايا ورايا :@ حااااضر
يارا : الوووووو
سيف : ايوة يا يارا ، قافلة موبايلك لية ؟؟
يارا ببرود : فصل شحن
سيف : ممممممم مش مقتنع بس ماشي ، لو سمحتي خدي بالك من الشحن بعد كدة عشان بقلق عليكي يارا بنفس لهجتها : ان شاء الله ، كنت متصل لية بقا ؟؟
سيف : اولا عشان اقولك مبروك علي نتيجة التنسيق ، ثانيا اية رأيك نخرج انا و انتي و شروق و كلمي صحابك فرح و ريم و سمر و يوسف اخوها .. مش هو مرتبط ب ريم تقريبا .. صح ؟؟
يارا بتعجب : انت عارف كل حاجة بقاا !!
سيف : طبعااا لازم اكون عارف كل حاجة عن خطيبتي هااا بقا ، اية رأيك ف الفكرة دي ؟؟؟؟
يارا : ممممممم كويسة ، هكلم صحابي و اشوف
سيف : اوووك اتفقي معاهم و كلميني
اتصلت يارا ب الجميع و تم الاتفاق علي الساعة الخامسة يتقابل الجميع امام سيتي ستازر
//////////////////////////
تقابل الجميع عند المول و دخلوا وووو…
سيف : بقولكوا اية تيجوا نقعد ف الكافية دة ؟؟؟
يارا : هو احنا جايين عشان نقعد !!
سمر ف اذن يارا : يا بنتي اتلمي و بطلي تحرجية قدام الناس بقااا :@
يارا : هو انا قلت حاجة :@
فرح : خلاص اية رأيكوا نتمشي شوية و نتفرج علي المحلات و لما نتعب نقعد ف الكافية نشرب حاجة
سيف و يوسف : اللي تحبوة
سار سيف بجوار يارا
و يوسف بجوار ريم
و شروق و فرح و سمر ساروا معا …
//////////////////////////
يوسف : انتي عارفة اني مبسوط اوووي
ريم : اشمعني يعني :$
يوسف مبتسما : عشان انتي معايا و عشان قربنا نتخطب و عشان هتدخلي نفس الكلية بتاعتي و هقدر اساعدك ف الدراسة
ريم : و انا كمان مبسوطة
يوسف : ريم ممكن اطلب منك حاجة ؟؟؟
ريم : اكييد
يوسف : انا عاوز اتكلم مع والدك و نبدر معاد الخطوبة شوية .. فاكرة لما قولتلك مش هسمحلك تدخلي الجامعة و دبليتي مش ف ايدك ؟؟
ريم ابتسمت عندما تذكرت الموفق : اة فاكرة
يوسف : طب اية بقاا .. ممكن نخليها اخر اسبوع ف الاجازة ؟؟
ريم : كلم بابا و لو موافق انا اوك معنديش مانع
يوسف : اووووك
//////////////////////////
سيف : يارا مبسوطة ؟؟
يارا : من اية يعني ؟؟؟
سيف : من انك هتدخلي الجامعة او يعني …. من اننا مع بعض و خارجين
همت يارا بالرد لكن قاطعها صوت …
اية دة ؟!!! سيييييييف !!! مش معقووول ازيك ؟؟؟؟ وحشتني جداااا .. كدة مش بتسأل ؟؟؟؟؟
سيف مبتسما : مااهي ازيك .. انتي كمان وحشاني جداا و الله عاملة اية ؟؟؟
يارا بغضب : مش تعرفنا ؟!!
سيف : اة سوري ..
ماهي كانت زميلتي ف المدرسة و مامتها صاحبة ماما من زمان
يارا يا ماهي .. بنت عمي و خطيبتي
ماهي بدهشة : مش معقوووووول خطبت كمان .. الف مبروووك .. عروستك حلوة اووي
يارا بابتسامة صفراء : ميرسي
ماهي : طيب مش هعطلكوا بقا .. و ابقي اسأل يا سيف ؛) باااي يا يارا nice to meet you
يارا بغصب : اية البت الساقعة دي ؟!!!
سيف ضاحكا : ساقعة ازززاي يعني ؟!!
يارا : باردة كدة و خلااااص
نظرت امامها وجدت فرح و سمر يضحكون علي شكلها الغاضب و يوسف و ريم في عالم اخر و شروق منشغلة بالحديث في الهاتف
بعد نصف ساعة ..
يوسف : حررااااام عليكوا بقا رجلي وجعتني .. خلونا نقعد ف الكافية دة شوية
سيف : ادي اخرت الخروج مع البنات ههههههههههههه
و جلسوا جميعا ف الكافية و طلبوا مشروبات
سمر في اذن يارا : هي الحلوة بتغير ولا حاجة ؟!!
يارا : اغير !!!! و علي مييين ؟!! سيف ؟!!! لاااا طبعا !!!
سمر : يخربيت عندك دة .. :@
انتي مشوفتيش نفسك كنتي بتبصلها ازااااي و هي بتكلمة
يارا : لا عاااادي هي اللي طريقة كلامها مستفزة بس عصبتني
سمر بعدم اقتناع : مااشي
ريم : بتتوشوشوا ف اييية يا سوسة انتي و هي ؟؟؟!
سمر : خليكي ف يوسف .. هو انتي دريانة بحاجة اصلاااا
سمر : احم :$ اية الاحراج دة
سمر و يارا : ههههههههههههه
جاء الجارسون بالمشروبات و انصرف
فرح :
سمر انتي مش سامعة موبايلك بيرن
سمر : اة صحيح .. اية دا !! دا رقم غريب !
فرح : طيب ردي شوفي مين
سمر : الووو
الشخص : الوو .. سمر معايا ؟؟؟
سمر : ايوة انا سمر .. مين ؟؟؟!
الشخص : هتعرفي انا مييين بس انا لازم اقابلك ضرووري جدااا
سمر بعد ان اخذت الهاتف و سارت مبتعدة قليلا …
سمر : لااا طبعاا اقابلك ازااااي و انا معرفش انتي ميين ؟!!!
الشخص : قولتلك هتعرفي كل حاجة لما تقابليني .. انا عاوزاكي ف موضوع مهم جدااااا بخصوص عمرو !!!!!
سمر بدهشة كبيرة : عمرو !!!!!!!!!!!
