رواية مشيئة القدرالبارت التاسع
في اول ايام الشهر الكريم واتجمع اولاد الحج محمود الصفدي كلهم علي سفرة الفطار وكان مازن علي راس السفرة
فتحي :- نلتها يا واد خوي لكن ماراحش يضر كله هيكون لبتي وابني اللي هو جوز خيتك وانا هعرف كيف اخد كل مال بوي اللي ياما اتهنيتو بيه انت وبوك خليل
مازن:- ايه يا عمي مش سامعني بحديتك ليه مبتردش علي
فتحى:-ماخدتش بالي يا مازن خير انت كنت بتتحدت في ايه
مازن:- بقول نقراء الفاتحه علي روح جدي محمود قبل ما نفطر وندعيله بالرحمة والمغفرة في الشهر الكريم
فتحى:- اكيد ده حج ابونا علينا ويبداءو في قراءة الفاتحه ويفطرو كلهم وهما متجمعين لاول مره من يوم موت الجد
وبعد الفطار يتجمع بيهم خليل ويقولهم المحامي جاي بعد صلاة التراويح ولازم الكل يحضر فتح الوصية
حنان:- لكن ولدي محمود مسافر واكده مش هيحضر فتح الوصية كيف ما جده كان رايد هو صحيح هينزل علي العيد لكنه حزين علي جده وكان نفسي يشوفه اكتر من ٧ سنين مشفش جده ولا اخواله وهو خلاص خد الشهادة الكبيرة
خليل:- مبروك يا خيتي عقبال ما تفرحي بيه مع عروسته
حنان:- اه يا خوي نفسي افرح بيه هو ورضوي وجلبي يرتاح عليهم الله يرحمك يا بوي كنت نفسك تجوزهم في حياتك
مازن:- طيب انا هجوم اصلي التراويح وهجيب المحامي وانا
جاي ياريت يا خالتي تجهزي الحلويات علي ما نرجع
غالية:- حاضر يا جلب خالتك روح صلي وتجبل الله منك
ويخرج مازن ووراه عمه وابوه وولاد عمه وجوز عمته ويصلو التروايح ويروح مازن للمحامي يجيبه
والكل يرجعو من الصلاة ويتجمعو في انتظار مازن والمحامي ويحضر مازن ومعاهم محامي جدهم
المحامى:- السلام عليكم ورحمة االه وبركاته
الكل يرد عليه السلام وعليكم السلام اتفضل يا استاد سعيد
المحامى:- انا اسف ليكم لكنكم مستعجلين علي الوصيه ولسه مامرش سنه علي موت الحج محمود لسه باجي ١٩يوم
ويطلع نص الوصيه اتفضلو دي نص الوصيه تفتح في يوم وفاتي بعد سنه من تاريخ الوفاة وانتو عارفين هو مات ٩ رمضان وانتولسه في اول رمضان ده غير شهر رمضان بيفرج
كل سنه عن ميعادة ١١ يوم يعني لسه جدامكم ١٩ يوم علي فتح الوصيه و واحسبوها بالميلادي وانتو هتعرفو ان لسه
ما عدت سنه علي وفاة الحج محمود رحمة الله عليه
خليل:- فعلا يا استاذ سعيد بوي مات ٢٢ في الشهر واحنا لسه اليوم ٣ في الشهر بس كنت بحسب انه يجوز نفتحه دلوجيت
المحامى:- لا يا حج خليل ما يجوزش لكن انا هوعدكم ارجعلكم بعد ٣ اسابيع تكون مرت سنه وياريت يكون كل الاحفاد والانجال المو٠ودين في الوصيه حاضرين
فتحى:- اكيد هنكون موجودين احنا هنفضل معا بعض اهني زي بوي ما كان بيريد وان شاء الله شمل العيله ما يتفرجش ابدا
مازن:- طيب وانا يا عمي هستني كل الوجت ده لتحديد زفافي ولا انت شايفين ايه في موضوعي انا وحلا
فتحى:- خلاص يا واد خوي نحدد الزفاف اول يوم العيد وهتكون الوصيه اتفتح جبلها بكتير
امتثال:- يعني نجهز ونفرش ليهم شجتهم ولا هنستنا الوصية
خليل:- علي لا اكده ما هنلحقش جهزو للعرس وفرشو شجتهم وان شاء الله هتتفتح الوصية والزفاف هيتم في ميعادة باذن الله ولا ايه يا فتحي يا خوي
فتحى:- خلاص اتفجنا وكمان يكون ولد حنان رجع من السفر ويحضر عرس ولاد خاله والفرحه تبجي فرحتين
غالية:- تحضن حلا مبروك يا ضنايا ربنا يكملكم علي خير
والفرحه تفضل في القلب من غير زغاريد حزن علي جدهم
⚘⚘⚘⚘🍀⚘⚘⚘⚘🍀⚘⚘⚘⚘🍀⚘⚘⚘
وينزل مازن وحلا يشترو كل مستلزمات توضيب شقتهم الصغيرة في دار العيله ويدهنه مازن بنفسه وحلا تساعده
والكل فرحان ليهم ويبداءو في نصب اوضة النوم وترتيب
دولاب العروسة اللي كل لبسها اختاره مازن معاه وعلي ذوقه
وتطلب حلا منه يركب ليها الستاير ويطلع يركبهم وينزل يحضنها وسلسلتها تشبك في قميصه
مازن شوفتي السلسله بتشدني ليكي ماعيزاش اسيب حضنك
حلا:- السلسله دي رمز حبنا ويوم موتي يوم ما اقلعها وما راح نفترق ابدا طول ما هي في رقبتي يا حبي
مازن:- اوعي تجلعيها يا حلا مهما يوحصل لو جلعتيها كانك جتلتيني والموت اهون عليا من فراجك يا حبة الجلب
مازن:- وانا بعشقك وهعيش عمره كله ليك ولحبك وعشقك
وتمر ايامهم جميله وسعيده وفي شوق لانتظار الليله الكبيرة وينسو في فرحتهم الوصيه اللي هتتفتح بعد ايام
وقبل ميعاد فتح الوصية اتجهزت شقة العرسان واصبحت في انتظارهم لاتمام فرحتهم والكل منتظر ليلة زفافهم و يقعدو بعد رجوعهم من صلاة التراويح ويبداء في كتب قائمة العفش ودفع المهر والاتفاق علي المؤخر والمقدم وكل الامور تشير لتوافق الجميع لان كل ده كان بالاتفاق مع كبيرهم الجد محمود الصفدي رحمة الله عليه قبل ما يموت ويحضر ليهم المحامي والجميع مجتمعين بيناقشو ترتيبات العرس وكادو ان ينسو موضوع الوصيه وميعاد فتحها اللي حان وقته
مازن:- اهلا استاذ سعيد جيت في وجتك علشان تكتب لينا
جائمة العفش و تحضر الاتفاج علي زفافي انا وبت عمي
المحامى:- ده يشرفني يا استاذ مازن بس ياتري كل المستفدين من الميراث موجودين ولا هنستنا حضورهم
خليل:- ايوه كلتهم موجودين الا محمود واد خيتنا لانه مسافر
مازن:- بس ابوه عمي علام موجود وعمتي كمان موجوده
المحامى:- كده ماشي اتفضلو نتوكل علي الله ونفتح الوصية
ويطلب منهم قراءة الفاتحه علي روح المرحوم والدعاء له
والكل يقراء ليه الفاتحه ويدعو له وتقعد حلا جمب مازن
وهو يحضن ايده بايدة وينتظرو فتح الوصية ليرتاح قلبهم
المحامى:- بسم الله الرحمن الرحيم انا محمود علام الصفدي
هذه وصيتي لابنائي واحفادي من بعدي اوصي بان تورث
ثروتي وهي ٥٠ فدان ومصنع للاطعمه ومنحل وعمارة وبيت
بدوار كبير و عربيتان توزع بين ابنائي بالشرع للولد مثل حظ الانثيين اما اموالي فنصف اموالي لاحفادي بالتساوي
والنصف الاخر لحفيدي مازن وكبير العيله من بعدي
فتحى:- الوصية ده غلط دي نص ثروة بوي ده غير نص ماله
اللي بيعطيه لواد خوي مازن ارض بوي ١٠٠ فدان وعنده عمارتين ومصنع للحوم ومصنع للاطعمة وكمان عنده غير المنحل عنده مزرعة للدواجن فين ده كله
المحامى:- يا استاذ فتحي دي ثروة والدك اللي ورثها ليكم بشرع الله ام الباجي اللي بتجول عليه ده كله ملك للاستاذ خليل بيع وشراء من سنتين لكن فضلت الارباح تودع للكل بالرصيد بدون تخصيص مال استاذ خليل علشان اكده كتب نص المال لمازن ولده تعويض وكمان لان مازن هو اللي كان بيدير كل الاعمال لحاله من يوم مرض والده وكان الحج محمود عامل ليه توكيل لادارة الاعمال اللي زادت بفضل مجهود مازن وضاعف الارباح اضعاف مضاعفه
فتحى:- بعصبيه الوصية ده مزوره وانا هطعن فيها
المحامى:- اطعن براحتك الوصية متسجله بالشهر العجاري والحج بنفسه هو اللي سجله بدون الرجوع ليا
فتحى:- يبص لخليل ومازن بحقد ويضحك نص ضحكة باستهزاء سرجتوني انا وخيتي وكمان اخدتو نص المال اللي هياخدوه ولادنا كلتهم ومنهم باجي ولادك كمان لعبتوه صح
وضحكت علي بوي وخليته يكتبلك نص املاكة وتسرجنا
خليل:- فتحي اهدي ورحمة بوي انا ما اعرف حاجه عن الوصية دي واذا كان علي المال والاملاك خد اللي يرضيك
انا شاريك يا ابن بوي وحتي مازن ميعرفش حاجه
ويبص لمازن اللي كان شارد وساكت
فتحى:- كنت عارف يا مازن ان جدك كتبلكم نص ثروة ولاولاء
مازن:- يسكت ويبصلهم كلهم وحلا تترجاه يرد ويتنهد كنت عارف ان جدي هيكتب حاجه من ثروته لبوي لكن متوقعتش
يكتب نص ثروته او نص المال ليا ويشوف نظرة كره في عين عمه و يسيب ايد حلا ويروح ليه اسمع يا عمي جدي كان شايف ان ابوي افني عمري زيه بالظبط وكبر ميراث العيله
لان بوي مكملش علامه زيك وانت بجيت مهندس وجدي عملك شركة لكن بوي مكنش ليه اي حاجه ولو ترجع بالتاريخ هتلاجي كل اللي كان يملكه جدي ٢٠ فدان بس جبل ما بوي بجي يشاركة في التجارة والاعمال والمصنع بجي مصنعين والعشرين فدن بجو ميه فدان وجيت انا كملت مكان بوي وعملت المنحل والمزرعة وانا كمان اللي سعيت وبنيت العمارتين جدي جسم ثروته مع بوي لانه يستحجه وهو مطلبش حاجه لنفسه ولا انا ده غير ان جدي هو مالك بيت عمتي بالارض اللي حواليه وكتبها ليها هدية جوازها لكن بوي ما خد حاجه ولا انا مقابل ما تعبنا مع جدي اتوجعت يعطية لكن متوجعتش يكتبله كل ده وبوي جلهالك انه مطمعانش في حاجه واللي بتريدة خده بس نكون يد واحدة زي ما جدي كان بيريدنا طول عمره وبعد وفاته
فتحى:- ايه هتحسنو عليا انت و وبوك معيزش حاجه منك
انتو سرجتونا وانا مش مسامح في اللي خدتوه
خليل:- اسمع يا خويا انا هرد كل اللي كتبه بوي ليا ونرجع نوزعها بينا بشرع الله ولا تزعل نفسك ياريت يا استاذ سعيد تعملي التنازل ونعيد توزيع الثروة بينا كلتنا بشرع الله
المحامى:- مينفعش دلوجيت لازم اعمل اعلام الوراثه وبعد اكده استلم ميراثك واعطيه للي بتريده لكن ثروة الحج محمود هي املاكة ٥٠ فدان وليكم منهم ٢٠ واخوك ٢٠ واختكم ١٠ فدن والمنحل والعمارة والمصنع هتوزع بالتراضي او اللي يقدر يشتري نصيب التاني وكل ده هيحدده اعلام الوراثه
وفي اخر الوصيه جدكم كاتب ان الثروة الحقيقه كانت٢٠ فدن والفضل كله لخليل ولده انها بقت كل الاملاك ده لانه هو اللي كان بيسعي لتنمية الثروة بالتجارة والبورصه ودخل في كل المجالات وكمل ولده مكانه بكل امانه وان نص ثروته اجل من حجهم وياريت تدعوله وبالرحمه وتعرفو انه مظلمش حد فيكم بالعكس المال مال الله والخير اللي كنتم عايشين فيه وزيادة ثروتكم كله يرجع لمجهود وتعب خليل وولده معاه
فتحى:- انا مش مسامح وهاخد ورثي وهكبره واعرف بوي انه ظلمني لما ادي نص حجي لاخوي وبدون وجه حج
المحامى:- انا خلصت الوصيه والباجي ده شى يخصكم استاذن انا وياريت تجهزو اوراجكم لاعلام الوراثه وهو اللي هيصفي كل الثروه بينكم ويحدد نصيب كل واحد واستاذنكم
خليل:- مازن روح وصل الاستاذ سعيد علي ما اكلم عمك
مازن:- علي مضض حاضر يا بوي وياخد المحامي ويخرج
فتحى:- انت بتحسبني هصدجك انت وولدك انتو سرجتونا وانا ماراحش اسامحكم جومي يا غاليه ويلا ياسالم انت وخوك ولو حابة يا مريم تجي معانا يلا هاتي ولدك علشان ملناش جعود اهني لحظه واحدة تانيه ماراحش اجعد مع اللي سرجني وخد حجي وحج خيتي في مكان واحد تاني
ويبص لحلا ويمسك ايده خد دبلة ولدك متلزمناش الجوازه ده من اليوم ولو عايزين بتكم جولو وولدي هيطلجها دلوجيت
امتثال:- لا يا واد عمي ليه تطلج البت وتخرب جوازة مازن وحلا دول مجسومين لبعض حرام عليك تفرجهم
فتحى :- جوزك ضحك علي بوي وخلاه يكتب نص الثروة باسمة وسرجني وسرج خيته ولا ايه يا حنان
حنان:- يا خويا بوي سايب لينا كتير واللي عند خي خليل ما راحش يروح وانا مسامحه فيه وراضيه باللي جاله بوي
فتحى:- طول عمرك خايبه ويهزها ابوكي ظلمك وظلمني وادي لخليل فوج حجه لو كان عشر ولا عشرين فدن كنت سمحت لكن ده خد كل حاجه بالنص فاهمه بالنص واصل المال لبوكي مش كان شاركه بينه وبين خليل يبجي سرجنا ولا لاه وانت يا علام ساكت عن حج مراتك وولادك
علام:- ليك حج اللي خده خليل اكتر من حجه لكن هو مستعد يتنازل عنه ونرجع نوزع الميراث من جديد بينا
فتحى:- احسان صدجه لا هو سرجني ومدام جبل علي نفسه ياخد مال مش من حجه يبجي هو ظالم والظالم عليه ربنا
انت معايا انت ومرتك ولا انا لحالي اللي هاخد حجي منه
علام:- احنا معاك في اللي تجول عليه جومي يا حنان ملناش
مكان اهني تاني جومي وانتي يارضوي يلا بينا
امتثال:- خليل انت ساكت ليه كلم خوك جوله حرام اللي بيعمله ده ووظنه السيئ بيك وبابنك وتروح لفتحي استحلفك بالله ما تكسر جلب ولدي وبتك وخلي جوازهم بره موضوع الميراث دول مرتين يتحدد جوازهم وما يكمل حرام
فتحى:- لان ملهمش نصيب مع بعض وخلصت خلاص يا مرت خوي ويشد حلا اللي دموعها نازله شلال ومش عارفه تعمل ايه ويشدهم ويقول لسالم هات مراتك وامك ويلا بينا وتخرج وراه حنان وجوزها وبنتها وخليل قاعد مش قادر ينطق ويروح محمد ليه ويكلمه هو ومريم
محمد:- بوي هتسيب عمي يمشي اكده وهو زعلان جوم وكلمه
لكن خليل يعتب ويجيله غيبوبة سكر ويقع وسطهم وتصرخ امتثال وتدخل تجري عليها اختها غاليه وتستنجد باخوه واخته لكن فتحي يبصله ويجوله روح ربنا ينتجم منك
ومحمد وامه ومريم يفوقوه لكنه يفضل دايخ ويشوف اخوه
وهو بيشد حلا غصب عنها ويخرجها بالعافيه من الدار ويبص لبته روحي مع جوزك وربنا يهدي النفوس يا بتي
مريم:- لا يا بوي مارحش اسيبك اكده وانت تعبان
امتثال:- خديها يا غاليه وخلي بالك منها هي امانه عندك
ويلا روحي مع جوزك انتي كمان وربنا يصلح الحال ان شاء الله تبصلها اختها وتاخد مريم وتمشي وقلبها مكسور علي حال العيله اللي اتفرقت بسبب الطمع وجشع جوزها
ويرجع مازن ويدخل جري علي ابوه لقاه نايم علي الكتبه ومحمد ومها اخته وامه بس اللي معاها
مازن:- مالك يا بوي ووشك اصفر اكده ليه اتخانجت مع عمي
فتحي ولا ايه وهما راحو فين وفينها عمتي وجوزها
امتثال:- تفتح ايده وتحط دبلة حلا في ايده عمك خد ولاده ومشي من هنا وعمتك راحت معاه وبيجول انه هينتجم من ابوك لانه سرجه وضحك علي جده وخلاه يكتب نص ثروته لابوك ظلم وعدوان عليه وعلي عمتك
مازن:- كيف بعني ضحك عليه جدي كان راجل يعرف ربنا ونص الثروة اجل من حج ابوي كمان لكن احنا مش عايزينها وبوي جاله اكده ليه ؤعمل كده وبوي ايه حصله
خليل:- باعياء شديد انا بخير يا ولدي روح وراها وعجل عمك وهات عروستك وجوله ياخد كل المال مريدش حاجه بس ميكسرش جلبك وجلبها روحله يا مازن والحجهم
مازن:- حاضر يا بوي محمد خلي بالك من بوك لحد ما ارجع
ويركب عربيته ويسوقها بسرعه جنونيه علشان يلحقهم ويحصلهم ويوقف عربيته قدامهم وينزل سامي عايز يمسك في خناقه وينزل ليه مازن وعيونه كلهم دم من الدموع
سامى:- انت اتجننت ازي تقف قدامنا كده اتفضل وسع السكه خلينا نمشي وبلاش مشاكل وفضايح في الطريق
مازن:- يبصله ويمشي ويروح لعربية عمه انزل يا عمي رايد اتحددت معاك
فتحى:- مشي يا مازن ماعدش في حديت بينا تاني ولو عندك امل تتجوز حلا يبجي بتحلم حلا مش ليك خلاص حتي لو جبتلها مال جارون انا معايزش نسبك ولا نسب بوك
مريم:- اومال عايزني انا ليه علشان تكسرو بوي وخويا لا وانا كمان ماعايزاش اكمل معاكم واللي يجي علي بوي وخوي
يبجي عدوي حتي لو عمي وجوزي ابوي ولادي وتنزل وتشدها غاليه وحلا وينزل سامي ويمسك في مازن مع اخوه
سالم والكل يتخانقوا وتصرخ حلا ومريم وتترجي حلا ابوها ينزل يفض بينهم لكن ابوها يبصلها بغل خليهم يربوه
لكن مازن كان بنيانه اقوي منهم وشديد عنهم وعرف يتخلص منهم بسهوله وراح ينزل حلا من العربيه دي مرتي وحجي وانا ماراحش اسمح لحد ياخدها مني فاهم يا عمي
ويرجع سالم وسامي يشدو اختهم منه ويطلع فتحي مسدس
وانا عندي اجتلك ولا انك تاخد بتي غصب عني وتشوف حلا المسدس تصرخ وتبوس ايد ابوها ارجوك يا بابا انا هخليه يمشي بس بلاش المسدس وتنزل لمازن اللي لسه بيتخانق مع اخواتها وتمسك ايده روح يا مازن دلوقتي وربنا يهدي الحال وان شاء الله مش هكون غير ليك
مازن:- الموت اهون عليا من فراجك يا بت عمي متروحيش معاهم انتي ملكي انا تعالي معايا وسبيهم
حلا:- مش هينفع روح دلوقتي وان شاء الله لما بابا يهدي هتكلم معاه وهنتصافي وهنرجع لبعض انا مقدرش اعيش من غيرك بس القدر مصر يبعدنا تاني عن بعض
غالية:- روح يا مازن ومتخافش حلا مش هتكون لغيرك
مريم:- انا جاية معاك يا خوي ماريداش ارجع لسالم غير لما يعرف جيمتك وانه غلط في حجك وحجي وحج بوي
مازن:- ماشي يا حلا هسيبك لكن لو كنتي لغيري هجتلك واجتل نفسي لتجعدي اكده من غير جوز وهنشوف مين يجدر يتجدملك من العيله وانا عايش علي وش الدنيا
وياخد اخته وابنها الصغير ويركبو العربيه ويمشو
فتحى:- بجي بتتحداني يا مازن طيب واجسم بربي العزه لتتجوز حلا في العيد وورينا هتجدر تعمل ايه مع عريسها
حلا:- هتجوزني لمين يا بابا انا مش هتجوز غير مازن لو فيها موتي موتني احسن لكن مش هتجوز غير مازن ابدا
فتخى:- يضربها بالقلم اطلع يا سالم علي بيت عريس اختك
علشان نتفج علي كل حاجه وجوازه في العيد نفس ميعاد جوازها من مازن ويورينا هيجدر مازن يجف ليه كيف
سالم:- هو فين البيت وحلا وامها تتصدم من فكرة ابوهم
والعريس اللي فكر فيه واللي مازن عمره مش هيقدر ياذيه
