رواية مشيئة القدرالفصل العاشر
بعد فتح الوصية واكتشاف ان الحج محمود كتب نص ثروته لابنه خليل ونص ماله لحفيدة اللي وصي انه يكون كبير العيله
من بعده وظهر جشع وطمع فتحي اللي كان همه الثروة اكتر من خسارة اخوه خليل اللي كان موافق يتنازل عن كل حاجه
ويكسر وصية ابوه ارضاء لاخوه علشان ميخربش جوازة ابنه
لكن فتحي الغل والحقد ملا قلبه واصر انه يقطع صلته باخوه
وطلب من ابنه يطلع علي بيته عمته حنان وجوزها علام
غالية:- نروح لحنان ليه هتنزل ضيف علي خيتك وابن عمك
وبيت بوك واخوك مفتوح ليك ما يصحش يا واد عمي
فتحى:- ملكيش فيه انا عارف بعمل ايه وهنشوف مين هيمشي كلام انا ولا اللي عملي فيه كبير العيله
حلا:- ليه يا بابا مازن بيحبك وبيحترمك متخليش الطمع يعمي عينك و يكون سبب انك تقطعنا من بعض وتخرب حياتي وحياة اخويا وحفيدك محمود ده غير اللي جاي في السكه
فتحى:- اخرصي ما انا لو عارفك انك هتجدري تجفي في وش مازن وتجيبي حجنا اللي سرجه هو وابوه كنت جوزتك ليه لكنك عشجاه وهتمشي تحت طوعه هكسب انا ايه لما اريح باله واعطيه بتي يتهني بيها وبمال بوي لا والف لاء انا هكسر جلبه وهخليه يكره نفسه وهخليه عبرة لمن يعتبر
ويوصلو لبيت عمتهم اللي كانت لسه واصله بيته هي وجوزها وبنته رضوي وتخرج حنان لاخوها وترحب بيهم
حنان:- ادخل يا خويا شرفتتي ونورت بيتك
علام:- والله احسن حاجه انك جت تجضي معانا باجي ايام رمضان وتعيد معانا بالمرة علي ما يطلع اعلام الوراثه ونشوف هنعمل ايه مع خليل وولدة في الثروة اللي خدو نصه بدون وجه حج
فتحى:- اكيد هجعد اهني معاكم بس ليا طلب عندكم الاول
ويبص لمراته خدي بتك واطلعو فوج لحد ما اخلص كلامي مع خيتي وجوزها
حنان:- يارضوي خدي عمتك وبنت خالك وطلعيهم فوج تعالي و يا سالم انت وسامي تعالو ادخلو جوه نجعدو في الجاعه ونتحديتو ويدخلو كلهم ويبداء فتحي الكلام
فتحى:- بص يا واد عمي وانتي يا خيتي جالو زمان اخطب لبتك ولا تخطب لولدك وانا عايز محمود يخطب حلا بتي ويتزوجو في العيد نفس ميعاد زواجه من مازن ايه رايكم
حنان:- بس اكده هتكسر جلبهم الاتنين مش جلب مازن لحاله ليه اكده يا خوي هما مجسومين لبعض وبوك كان فرحان بيهم وهو اللي خطبها لمازن بلاش يا خوي بلاش العند في الجواز ومستجبل ولادنا بتك بتحبه وهو بيعشجها عشج
فتحى:- انا عارف بعمل ابه ماهيكسرش مازن ويكسر بوه غير كسرت ولده وهو ده انتجمي منهم لانهم سرجونا انا وانتي وانا بجولك اهوه لو موافجتيش علي جوز محمود من حلا انا هجتلها ولا انها تتجوزها مازن وولدك ميعرفش حاجه عن
خطوبتهم ولا ان مازن هيتجوزها لانه سافر جبل خطوبتهم
علام:- خلاص يا خويا اللي تشوفه هو واد عمها زي مازن.
وتجوز ليه واكده ماهيجدرش مازن يجف لمحمود لانها حجه زي ما هي حجه بتنا وماراحش تتجوز بره بالعكس هتاخد واد عمتها وعمها انا موافج وهنرتب كل حاجه للزفاف واول ما يوصل محمود نتم فرحهم علي خير بس المهم ما يوصل خبر لمازن علشان ما يجي يخرب علينا الفرح
فتحى:- خلاص اتفجنا وايدك في ايدي نجرا الفاتحه
حنان تبصلهم وتكلم نفسها اه منك يا خويا من جلبك الاسود يا خوفي يجيب علينا الخراب ويحسرة جلبي عليك يا مازن انت وحلا وعلي وولدي محمود
اللي هيدخل بينكم وهيتظلم في وسطكم
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
وبعد مرور اسبوع في دار العيله يرجع مازن من السفر وقلبه حزين ومهموم وعيونه كلها دموع ووجه شاحب
تقابله امه وتشوف حالته قلبها يوجعها عليه وتساله
امتثال:- عملت ايه اجنعت عمك يرجع في الجوازه ولا لسه مصر يخرب ما بينكم ساكت ليه رد عليا يا ولدي
مازن:- عمي مش في بيته ومارجعش من يوم ما جه اهني
ولفيت عليهم بمصر كلاتها ملاجهمش انا جلبي وجعني جوي جوي علي حلا يا اماي ومعرفش عمي عامل ايه فيها دلوجيت
ويبص لاختها اللي تساله بعيونه عن جوزها ويقولها يعني لو كنتي روحتي معاهم مكنش احسن علي الاجل كنت بجيتي جمب حلا واطمنت عليها وانتي معاه بدل ما الكل جالب عليها وهي لحالها معاهم
مريم:- صعب عليا اشوف جوزي بيتجراء عليك وكرهته وكرهت افضل معاهم وكل الحجد والكره ده في جلوبهم لينا
امتثال:- روجو يا ولاد اكده ان شاء الله خير وانت يا مازن ادخل لابوك طمنه عليك من يوم ما سافرت وهو جلجان عليك انت عارف المرض صابه من يوم اللي حصل ونايم في السرير وصعبان عليه جوي جوي من خوه
مازن:- حاضر يا اماي ويدخل علي ابوه اللي يشوفه يفرح برجعته ويحضنه بحب ويطيب خاطره
خليل:- وحشتني يا ولدي متغيبش عليا تاني فاهم ولا لاه طمني بجي عملت ايه مع عمك وخطيبتك عامله ايه معاهم
مازن:- عمي مروحش بيته والله اعلم هما فين دلوجيت
خليل:- متجلجش اكيد هيظهر لما يخلص اعلام الوراثه وانا هتنازل عن كل اللي كتبه جدك ليا ليه وساعتها هيرجعلك خطيبتك ونفرح بيكم وتتهنو ببعض ان شاء الله
مازن:- مين جالك اني هسمح تتنازل عن حجك في مال جدي عمي طماع وانا هعرف اعوضه من مالي اللي جده كتبهولي
بس اعرف هو فين لول وانا هحدته واجنعه واخيله يرضي
خلي بالك انت من نفسك وجوم لينا الدار ملهاش طعم من غيرك ولا انت عايز تعرف غلاوتك عندنا برجدتك دي
خليل:- نفسي ارجع الضحكه لعيونك يا ولدي واشوفك مع اللي بتتمناها انا خابر ان فراج حلا عنك بيعذبك يا ولدي
مازن:- حلا ليا يا بوي وماهتكونش لغيري لاخر يوم في حياتي وانا واثج ان مفيش حد في العيله هيتجراء يخطبها بعدي
خليل:- ان شاء الله ليك ومن نصيبك وماراحش تكون لغيرك
ويتجمعو علي الفطار بوشوش حزين وبعدها بيومين يهل عليهم العيد وهما لوحدهم والدار فاضيه عليهم لاول مره من يوم موت الحج محمود بعد ما قلب عليهم فتحي وحنان
🍀🍀🍀🍀🍀🍀🍀🍀🍀🍀🍀🍀🍀🍀🍀🍀
وتصدح المساجد بتكبيرة صلاة العيد الله اكبر الله اكبر
والكل يخرج للصلاه الا مازن اللي يدخل اوضته اللي كان
النهاردة هيتزف فيها علي حلا عشق عمره وحبيبة قلبه ويبكي ودموعه تكوي قلبه وتحرقه من شوقه ليها لو يعرف اخبارها
وتدخل عليه مريم وتشوفه بيبكي تروح تحضنه
مريم:- ما عاش ولا كان اللي يبكيك يا خويا منه لله عمك
مازن:- مشتاج ليه جوي جوي يا مريم نفسي اطمن عليه كل ركن بالاوضه بيفكرني بفرحتنا وووعودنا لبعضنا
مريم:- والله يا خوي حساها هترجعلك وهتطمن عليه ان شاء الله انا خابرة زين حلا متجدرش تعيش من غيرك وانا حسا انها موجعة زيك لغيابك عنها
مازن:- يارب ترجع جلبي حسه ميت من غيرها
مريم:-تحضنه وتمسح دموعه بجولك ايه جوم صلي العيد انت كبير العيله والكل لازم يعرف ان مفيش حاجه تجدر تكسرك
مازن:- حاضر يا نور عين خوكي ويلبسه جلبيته البيضاء ويخرج للصلاه ومريم تبص لاوضه يارب ما يدخلها غيرك يا حلا وتكوني من نصيب خوي وتفرحو ببعض وتقفلها وتنزل
_____________________
وهناك في بيت علام بعد الصلاه يطلعو علي المطار يجيبو
محمود اللي بقي مهندس كمبيوتر وكمان اتعين في الجامعه
بره وجاي شهر يطمن علي اهلي ويسافر تاني
حنان:- تشوفه خارج من صالة المطار تجري عليه وتحضنه
ولدي حبيبي وحشتني جوي جوي
رضوى:- خويا حبيبي حمدلله بالسلامه
محمود:- وحشتيني موت يا ماما وانتي يا رضوي ما شاء الله عليكي بقتي زي القمر لا انتي تخلصي الثانوي وهاخدك معايا
ويروح يسلم علي ابوه ويركبو العربيه وينطلقو علي بيتهم
واول ما يوصل ينزل سالم يسلم عليه ومعاه سامي
محمود:- سالم حبيبي انت هنا مش معقول اومال فين مازن اللي كان دايما بحسه اكبر مننا وانت سامي صح اتغيرت كتير
سامى:- وانت كمان اتغيرت كتير وكبرت اووي
محمود:- اكيد خالي خليل وخالي فتحي هنا انا هطلع اسلم عليهم ويدخل يلاقي خاله فتحي يحضنه ويسلم عليه
علام:- خالك فتحي وولاده بس اللي هنا جه يعيد علينا
المهم في حد مهم لازم تقابله وتدخل غاليه ومعاها حلا اللي دبلت وبقي وشها اصفر وعيون دايما فيها دموع لكنه جميله
محمود:- يصفر اعجاب بيها وووواو معقول انت حلا ماشاء الله عليكي انت كده ولا كانك مينكان احلويتي اوووي يا حلا
غالية:- حمدلله بالسلامه يا محمود ومبروك الشهادة يا ولدي
محمود:- الله يسلمك يا عمتو عقبال سامي ويكلم حلا انتي بتدرسي ايه يا حلا وفي سنه كام
حلا:- بصوت ضعيف وحزين بدرس صيدله في الفرقه الثالثه
محمود:- ووواو تخصص جميل ومطلوب بره تحبي تسافري بره ولا بتفضلي تكملي دراستك هنا
فتحى:- لا هتكمل دراستها بره مع جوزها باذن الله
محمود:- هي حلا هتتجوز بس دي لسه صغيرة كده
حنان:- صغيرة ايه دي عندها ٢٠ سنه كده كبرت وخيتك كمان كبرت بجت عندها ١٧ سنه وانا اتجوزت اصغر منهم الاتنين
محمود:- مبروك يا حلا ومين اللي امه دعيله وهتكوني من نصيبه اكيد واحد من العيله مش،كده بردك
حلا تبص لابوها وهتنطق تقول مازن يلحقها ابوها ويقول
فتحى:- جوله يا علام مين عريسها وان فرحهم بكره كمان
محمود :- بكره بكره خسارة كنت نفسي اتعرف عليكي اكتر
علام:- بعد بكره اتعرف عليها براحتك لانك انت عريسها
حلا:- تسمع الكلام ده وتلاقي ابوها جنبها بيقولها
فتحي:- لو نطقتي بكلمه انا هروح اتجتل مازن دلوجيت
حلا:- تسكت وتشوف نظرة اعجاب واستغراب بنفس الوقت بعين محمود ودموعها تنزل وتطلع تجري وامها تطلع وراها
ورضوي تحس بفرحه وقلبها يرقص وتبص لاخوها وتقول لنفسها جه اوانك اكده خلاص خلصت وهيبجي مازن ليا
محمود:- يبص لابوه باستغراب عريس مين انا هتجوز حلا
بكره ازاي ومين قال اني عايز اتجوز من الاساس
علام:-انت واد عمها واولي بيها وانا طلبتها من ابوها وهو وافج ولانك جاي اجازة شهر خلصت كل ترتيبات عرسك وهيكون بكره باذن الله وهنكتب الكتاب النهاردة وابقي بعدها
اتعرف عليه براحتك واسمع دي عاداتنا واحنا ماهنغيرهاش
محمود:- يابابا انا مطلبتش تغيرو عادتكم وحلا بنت جميله والف مين يتمناها بس علي الاقل كنتم اديتوني خبر وتدوني فرصه افكر لان موضوع الحواز ده مكنش في بالي خالص
علام:- يعني موافج ولا لاء علشان هنجيب المأذون النهاردة ونكتب الكتاب وبكرة زفافكم
رضوي:- تروح لاخوها وتكلمه بصوت واطي محمود اسمع حلا بنت ممتازه وهادية جدا وكل العيله بتتمناه بس هي عايزه تسافر بره ده حتي مازن كان نفسه يتجوزها وهي رفضته لكنها وافجت عليك وده من بختك يا خوي
محمود:- بفرحه انتي بتتكلمي بجد رفضت مازن وموافقه عليا انا ممتاز دي طلع عندها ذوق علي كده ويضحك ويبص لخاله انا موافق يا بابا خلاص ويمد ايده لخاله تسمح ليا اطلب ايد حلا يا خالي
فتحى:- مبروك عليك يا ولدي ذغرطي يا حنان
وتعالي الزغاريط و تسمع حلا الزغاريط وتفضل تلطم علي وشه وتبص لامها وهي منهارة من الدموع
حلا:- انا مش هتجوز غير مازن انا مراته هو وبس وعمري ما هكون لغيره متخلنيش اهرب واحط راسكم في الطين
ويسمع ابوها كلامها ويدخل يضربها ويقولها
فتحى:- الباب اهو اهربي وانا طلاج بالثلاثه جبل ما توصلي لمازن اكون مسيح دمه وجاتله وهجتل اي حد يجف بوشي
حلا:- تصوت يا سواد عيشتي يا نا اقتلني يا بابا انا هموت نفسي واريحكم منا لكن جواز مش هتجوز غير مازن
فتحى:- حاضر هجتلك وارتاح من عارك وينادم سالم اللي يطلع جري ليهم نعم يا بابا تحت امرك
فتحى:- خدي المسدس ده روح البلد واجتل واد عمك مازن وعمك خليل دلوجيت وتعالي خلص علي خيتك وندفنهم ونخلص منهم كلهم
سالم:- حاضر يا بابا ويجي يخرج وتخرج تجري حلا وراه
خلا:- لا ياسالم اوعي تعملها يا سالم خلاص يا بابا موافقه
غالية:- منك لله يا ظالم تجتل خوك وواد خوك كل ده علشان المال وكمان تكسر جلب بتك وتغصبها تتجوز واد خيتك ليه كل ده خوك جالك خد كل المال لكن حرام تكسر جلبهم اكده
فتحى:- انتي تخرصي زعلانه علي جوز خيتك ومزعلاناش
علي جوزك اللي اتسرج عيني عينك ويمسك حلا من شعرها اجسم برب العزه لو رفضتي تتجوزي محمود لاجتلك مازن
ولو حتي موتي نفسك هجتله وتبقي انتي اللي جنيتي عليه
حلا:- حاضر يا بابا هتجوز محمود لانك قتلتني من ساعة ما قلعتني دبلة مازن خليه هو عايش لشبابه واهله وانا فداه
فتحى:- غاليه جهزي بتك المأذون علي وصول وينزل ويسبهم
غالية:- اه يا جلبي عليكي يا بنتي انتي ومازن منك لله يا فتحي ربنا يهديك علي بتك وعلي نفسك اللهم امين
حلا:- تمسك عقد مازن سامحني يا مازن مش هقدر احافظ علي عهدي معاك والعقد ده هيفضل مفكرني باني خونتك سامحني يا حبيبي غصب عني وانا هفديك بروحي
وتطلع رضوي ليها وتشوفها بتقلع العقد تقولها بسخريه
رضوى:- مبروك يا مرات خويا خلاص اكده ملكيش نصيب
مع واد خالي مازن مش جولتلك مش هتكوني ليه ابدا وتضحك وتسيبها وتخرج وحلا تقع علي سريرها وتنهار في نحيب علي نفسها وعلي قلبها المحروق علي حبها وعلي مازن اللي ربنا اعلم هيعمل ايه من غيرها وبالذات انه اتحرمو من بعض من غير ذنب عملوه غير انهم حبو بعض بصدق
ويتم كتب الكتاب وكان محمود سعيد بان بنت خاله فضلته علي مازن اللي كان بيعتبره فتي العيله المدلل اللي اي بنت تتمناه لكن حلا رفضته هو اتجوز الانسانه اللي اتمناها وحب يتجوزها وتبقي مراته ومش مصدق انه بقت ليه هو ومازن لا
⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘
وتشرق شمس يوم جديد حزين علي قلب حلا اللي هتتزف اليوم لانسان تاني غير حبيب قلبها وحلم عمرها مازن
وياخدها محمود هي واخته ويوصلها للكوافير ويتفق يمر عليهم كمان ساعتين يمر اليوم ورضوي سعيده ان حلا بقت مرات اخوها واتحرمت من مازن للأبد خلاص وجت ليها الفرصه انها هي اللي تتجوز مازن وتكلم نفسهاو لكن فاضل حاجه لازم تعملها واول ما يوصل محمود وسالم علشان يخدوهم وتركب هي و حلا العربية كانت حلا عروسة جميله جدا لكن قلبها حزين ومكسور وكانت مش حسا باي احساس لانها كانت ميته فعلا كل حاجه حلوه ماتت جواها بعد فراقها عن مازن وجوازها من غيره رغم وسامة محمود
واول ما يوصلو تنزل رضوي وتاخد تاكسي وتروح لدار جدها
واول ما تدخل تستغرب امتثال شكلها وزينتها كعروس
امتثال:- رضوي افتكرتي خالك وولاد خالك يا اهلا بيكي وكنت فين اكده ولابسه اكده ليه كنتي في فرح
رضوى:- اصل النهاردة فرح خوي محمود عجبال مازن ومحمد
امتثال:- فرح محمود وليه محدش دعانا ولا خلاص مبجانش من العيله وجطعتونا خلاص وخوكي جه ميتي من السفر
رضوى:- امبارح المهم فين مازن عايزاه ضروري
مريم:- مازن فوج السطوح عايزاه في ايه يا رضوي
رضوى:-لما احددت مازن الاول هجولكم وتطلع جري لفوق السطوح ويشوفها مازن ويسالها
مازن:- انتي ايه جابك اهني يا رضوي ولابسه اكده ليه
رضوى:- تفتح ايده وتحط سلسلة حلا في ايده دي من حلا
بتجولك خلاص اللي بينكم انتهي والنهاردة هتصير لغيرك
مازن:- يمسك السلسله ويبص لرضوي وعيونه كله شر انتي كذابه جبتي السلسله ده منين وفين حلا انطجي
رضوى:- حلا اتكتب كتابها امبارح واليوم زفافه علي خوي
محمود وهي بعتالك السلسله علشان خلاص اللي بينكم انتهي
مازن:- هتتجوز محمود مش ممكن انا هجتلها واجتله واجل نفسي معاها ينزل اوضته وياخد مسدسه وينزل يجري يركب عربيته ورضوي تندم علي اللي عملته وتنزل تستنجد بخاله
رضوى:- الحج يا خالي مازن هيتجل خوي علشان هيتجوز حلا النهاردة الحجه قبل ما يجتل حد يا خالي
خليل:- انتي بتجولي ايه محمود خوكي هيتجوز حلا ينهار اسود وينادم علي محمد وياخده وتركب معاهم رضوي ويوصلو ويلاقي مازن رافع مسدسه وبيحلف محدش هياخد حلا منه وسالم يحاول ياخد منه المسدس ومحمود مش فاهم حاجه ويتسغرب معقول بيحبه لدرجة ياخد واحد مش عايزاه
وتطلع رصاصه في الهواء ويغمي علي حلا ويشوفها مازن وهما بيشلوها وقلبه يتقطع عليها ويحاول يروح ليها ويمنعه
سالم وسامي وعلام وتنزل غاليه تحاول تهدي مازن
ويروح ليه ابوه ومحمد يحاول ياخدو منه المسدس وتطلع رضوي جري تشوف حلا حصلها ايه وتسمع خاله فتحي
بيقول لأخوها محمود
فتحى:- اسمع مفيش حاجه ترجع مازن عن اللي بيعمله ده غير انك تدخل علي حلا دلوجيت وتجيب شالها وجتي
محمود:- مستحيل انت مش شايفها دي مغمي عليها وشكلها تعبانه جدا انا جوزها وواجب عليا احميها مش استغلها
فتحى:- وانا بوها وعايز شالها دلوجيت ادخل عليها وخلصنا من الليله دي وخلي كل واحد يعرف مجامه وريح الكل ويبص لاخته ادخلي جلعيها فستان الزفاف انتي ورضوي وجهزوها جوزها هيدخل عليها دلوجيت سلونا ويطلع شالها
حنان:- بلاش يا خوبا اللي في راسك ده الدنيا والعه لوحدها متولعهاش اكتر من اكده كفايه اكده وسيب ولدي منه لمراته
فتحى:- ادخلي وملكيش دعوه بولدك انا هجنعه وتدخل حنان ومعاها رضوي يقلعو حلا فستانها ويحاولو يفوقوها
فتحى:- خد الشال اهو هات شرفنا وخلص في ليلتك دي يا محمود ده سلونا ومهنغيروش لاجل خاطرك انا بوه وعايزه شرفها دلوجيت وده حجي خد الشال واتوكل علي الله
محمود:- انت عايزني ادبحها دي مراتي وميهونش علي اعمل كده فيها دي حاجه غير اداميه وتقاليدكم دي متلزمنيش
فتحى:- اسمع لتجيب شرفها دلوجيت لتطلجها وانت اختار
وبعد شويا ينزل بشالها وكلها دم ويرقص بيه ويقول لمازن
خلاص انا حلفت ما هتتجوزها ولا هطول شعري من بتي واهي بجت لغيرك وكسرت جلبك خلي اللي سرجتوه يعوضك
مازن يشوف الشال الملطخ بالدم ويصرخ من قلبه حلا حلا
علشان تسمع حلا صرخته وتقوم من علي سريرها ومعاها رضوي تسندها وهي في حالة اعياء شديدة وعيونها احمرت وبقت دم من كتر الدموع والحزن وتبصله وقلبها بيبكي لخسرته ويشوفها مازن بقميص نوم وعليها روب ويوجه المسدس لقلبه وتنطلق الرصاصه ويسيح دمه وحلا تصرخ بالم
