رواية مشيئة القدرالفصل الثاني عشر
بعد مرور اسبوعين واكثر وحالة مازن لا تتغير ورضوي تواظب علي زيارتة وتقعد معاه بالساعات وتتاخر في اليوم
الاخير وكانت مريم اللي حملها دخل شهوره الاخير في انتظارها لتحل محله وترافق اخوها لحد ما ابوها يحضر بليل زي كل يوم من يوم جواز حلا وضرب نفسه بالرصاص وتسالها مريم عن سبب تاخيرها وتعرفها انها كانت بتسلم علي اخوها محمود اللي سافر وخد معاه مراته حلا اللي استردت صحتها ورحبت انها تسافر مع جوزها وتكمل تعليمها بره وهي في منتهي السعادة وتتحسر مريم علي اخوها وتبكي لان اخوه كان هيموت نفسه علي انسانه باعته وعاشت حياتها خلاص
وتاخدها رضوي وتخرج توصلها لاخوها محمد اللي مستنيها يروحها وقبل ما يكملو تدوي صفارة انذار الانعاش ويخدو مازن علي سرير نقال ويجرو بيها للرست لانقاذه وانعاش قلبه اللي وقف ويلحقوها ويركبوه علي جهاز التنفس الصناعي
لكن مريم متتحملش اللي بيحصل لاخوها ويغمي عليها
وتنزف وتتخض عليها رضوي وتستنجد بحد يسعفها ويرجع ليهم محمد بعد ما راح يطمن علي اخوه ويلحق رضوي قبل ما تنهار هي كمان ويغمي عليها ويشيله ويقعدها علي كرسي متحرك كان مع ممرضه جت تنقذ مريم ويشيل اخته ويجري
بيها علي اوضة استقبال الطوارئ ويأمر الطبيب باخدها لاوضة العمليات بسرعه ويتصل بابوه يستنجد بيه ويقوله علي اللي حصل لاخوه واخته ويحضر الحج خليل اللي المرض والحزن علي ابنه اخذ منه ماخذة واصبح ضعيف جدا وجسم ضعف جدا وبقي هزيل
خليل:- فين خوك دلوجيت وايه جري لخيتك كمان
ويخرج الدكتور من عند مازن وعلي وشه بادي الحزن جدا
خليل:- جراله ايه لولدي يا دكتور طمني
الدكتور:- ابنك رافض يعيش كاره الحياه مكنش عايز يستجيب لانعاشه وربنا ستر معانا المرادي لكن لو حصله كده تاني او جاله هبوط في الدورة الدموية انا هضطر افصل عنه الاجهزه ده انسان رافض الحياه واسعافه ملوش لازمه واحنا كده بنعذبه ياريت تاخدو قراركم وانا تحت امركم
احنا هنرجعه لاوضته تاني وياريت تكلموه وتحاولو تديلو حافز يرجع بيه ليكم الواضح انكم بتحبطوه وانا قولتلكم
انه بيكون سامع كلامكم وحاسس بيكم في اغلب الاوقات
ويدخل ليه خليل ويشوفه متوصل بالاجهزة وعيونه تبكي
خليل:- لاحول ولاجوة الا بالله ليه اكده يا ولدي عايز تكسر ضهري بفراجك ليه انا لدلوجيت بتحمل موت بويا لانك جمبي ليه عايز تحرمني منك انت كمان ويبوس ايده لو مكنش علشان خاطر بوك ارجع لاخواتك وامك اللي هتموت عليك وارجع علشان ترجع حجك وترد الظلم والافتر اللي افتروه عليا وعليك وخلاهم حرموك من حبيبتك ارجعلي با ولدي انا محتاجلك لو مت انا ماهتحملش فراجك وهموت وراك واخواتك هيكون لعبة في ايد كل ظالم ارجع يامازن واثبت للكل انك الكبير والضربة اللي متموتيشك تجويك وتخليك اجوي واصلب ارجع وعرف الكل كيف جدرو يحرموك من حب حياتك ومكنوش عملين ليك مجام واحترام لمكانتك
ارجع وعرفهم انت مين ومجامك ايه ارجع انت واد خليل وحفيد محمود الصفدي كبير عيلة الصفدي ارجع يا ولدي
وانا واثج انك هترجعلني علشات ترد علي الكل وتاخد وضعك الصحيح اللي يخلي الكل يهابك ويخاف من زعلك ويبوس جبينه ويخرج يطمن علي بنته اللي لسه خارجة من اوضة العمليات ويروح يسال الدكتور علي حالتها ويطمن عليها
خليل:- طمني يا دكتور بتي عامله ايه طمني ارجوك
الدكتور:- الحمد لله انقذناها بس الولد اتولد قبل ميعاده ودخلناه الحضانه وهو ضعيف جدا ومحتاج وقت ليستعيد عافيته وهو بالحضانه هياخد الرعاية الكامله وبنتك الحمد لله بخير اضطرينا نعملها عملية قيصرية لانقاذها من النزيف وانقاذ الجنين وان شاء الله يومين وهتبقي بخير وتقدرو تشوفوها لما تخرج من الافاقه وهتروح لاوضتها الخاصه
خليل:- احمدك يارب عجبال ما جلبي يطمن عليك يا مازن
محمد:- بابا اختي ربنا رزجها ايه واد ولا بت
خليل:- المهم هي لا واد ولا بت يعوضو ضوفر من رجلها
محمد:-صوح يا بوي وانت هتبلغ جوزها ولا هتعمل ايه
خليل:- لما خيتك تتحسن صحته هي تجرر رايده ايه لان ممكن جوزها يرجعه زي ما اتفج معايا وانت عارف اعلام الوراثه كلها كام يوم وهيخلص وكل واحد هياخد حجه
ساعتها هشوف هيجي ياخدها ولا هنعمل ايه في وضعه ده
وتجي ممرضه بتجري عليهم وهي ملهوفه
الممرضة:- يا حج خليل الدكتور عايزك ضروري في اوضة ولدك استاذ مازن دلوجيت يلا تعالي معايا بسرعه
خليل:- يبص لولده محمد خليك انت اهني مع خيتك لحد ما تخرج لاوضتها وانا هروح اطمن علي خوك واشوف جري ايه ليه تاني ويروح مع الممرضه ويدخل الاوضه
ويشوف الدكتور بيفصل اجهزة التنفس من علي مازن
يجري عليه لا يادكتور ارجوك اصبر يوم او اتنين بلاش دلوجيت ارجوك علشان يلاقي ايد بتشيل ايده من علي ايد الدكتور ويلتفت يلاقيه مازن وعيونه كله حمرا ودم وبيبص لابوه بتعب وضحكه حزينه
خليل:- ولدي انت فجت احمدك يا رب احمدك يارب
مازن:- بصوت غاضب لكنه ضعيف ايوه فجت ورجعت ليك علشان ارجع حجي وحجك من اللي حاولو يكسرونا
يرتمي عليه ابوه يحضنه ويبكي من الفرحه
خليل:- ايوه اكده انتي ولدي كبير العيله واللي الكل لازم يهابه ويعرفو ان ما في حاجه تجدر تكسره مهم تكون
مازن:- يبص للدكتور عايز اخرج من اهني انا مخنوج من نومتي جوي وماعايزش افضل دجيجه واحدة تاني بالسرير
اىدكتور:- اهدي علي نفسك كده انت جرحك الحمد لله طاب لكنك محتاج فترة للتاهيل هنقول يومين تلاته واقدر اكتبلك علي خروج لكن دلوقتي متحاوليش حتي لو كنت كبير العيله لكنك هنا انت مريضي وهتنفذ كلام علشان لما تخرج تقدر تكون الكبير بجد وصحتك ممتازه ولا ايه يا حج خليل
خليل:- ايوه يا ولدي يومين ثلاثه مش كتير وكمان خيتك تكون اتحسنت وتخرج معاك بالمره
مازن:- مالها خيتي مريم جرالها ايه اوعي يكون حد اذاها
خليل:- لا يا ولدي متخافش انا لسه موجود وحسك بالدنيا هي بس ولدت قبل الاوان وانجاذوها وانجذو ولدها لكنها عملت عملية وهتفضل اهني يومين ثلاثه لحد ما تتحسن
مازن:،- تمام يا بوي ماعايزش حد يعرف اني فوجت من الغيبوبه وانا لما تتحسن صحتي هخرج وهعرف الكل مين مازن خليل الصفدي كبير العيلة غصب عن الكل
خليل:- ماشي بس هطمن امك وخواتك عليك واشوف حل في رضوي اللي ما فرجتش سريرك من يوم اللي حوصل
مازن:- ياريت يا بوي انا مريدش اشوف وشها اهني تاني
خليل:- مجدرش اجولها متجيش اهني بعد اللي عملت معاك
بس اوعدك مخلهاش تدخلك تاني اوضتك مدام ده يريحك
مازن:- عملت معايا ايه غير انه سودت عيشتي وخليتني
اضعف و تهون عليا نفسي بعد ما حلا استسلمت ليهم وباعتني
خليل:- حلا مابعتكش بوها ظلمها وظلمك وهي كانت مجبورة
وكفاية جوزها دبحها وخد شالها بالطريجه دي جدامك
مازن:- ابوس يدك يا بوي متفكرنيش خلاص حلا مبجتش ليا
وحديتنا عليه دلوجيت ملهوش عازه هي اتحرمت عليا خلاص واتجوزت واد عمتي يعني بجت مرات خوي وخلاص حكايتنا انتهت لكن رضوي ده انا ما طيجهاش ولا عايز اشوف وشها
خليل:- يا ولدي لما تجوم بالسلامه ابجي جولها اللي يريحك لكن انا ماهجدرش اجولها متجيش تزورك دي بسببك كل يوم بتتخانج مع بوها وخالها فتحي علشان تجي تزورك
مازن:- هي حره تجي كيف مابتريد لكني ماريدش اشوفها
خليل:يا ولدي مش معجول هي دي كلمة الشكر علي معروفها معاك وبعد اللي عملته ليك دي هي اللي انقذت حياتك
مازن:- انقذت ايه هي اللي جتلتني وتقولي انقذت حياتي
خليل:- ايوه لانها اتبرعت ليك بدمها انت كنت بتموت ومكنش حد موجود يتبرعلك بالدم غيرها ومتاخرتش عليك ده غير انها كل يوم كانت بتجعد جمبك بالساعات لتطمن عليك
مازن:- واه انت بتجول ايه يا بوي جصدك ان دمها بيسري بدمي كيف يا بوي تجبل بحاجه زي اكده
خليل:- مكنش في حل غير اكده وفصيلتك كان فيها نجص بالمستشفي ومكناش عارفين ننجذك ازاي
مازن:- خلاص يا بوي مافيجش انا لحديت ده دلوجيت احسن حاجه تعملها خلي الدكتور يجولها ان الزيارة ممنوعه وخليها تجي تزور خيتي براحتها لكن انا لاه لحد ما اخرج من اهني واشوف لي حل معاها
خليل:- كلامك اكده معجول وانا هطلب اكده من الدكتور
ويخرج يبلغ الدكتور ويطمن علي اخته ويلاقي رضوي بوشه
رضوى:- خالي طمني مازن ومريم اخبارهم ايه
خليل:- مازن حالته خطيرة والدكتور جرر يمنع عنه الزيارة
نهائيا ادعيله يا رضوي ربنا يجومه بالسلامه
رضوى:- تحط ايدها علي وشها وتفضل تعيط ويجي محمد
محمد:- بوي الدكتور جالك ايه علي مازن حصل ايه طمني
خليل:- مفيش بس منع عنه الزيارة وحالته بجت اصعب من الاول المهم خيتك خرجت من الافاجه وراحت اوضتها ولا لاه
محمد:- ايوه وكلمتها وهي اللي طلبت مني اجي اطمن علي مازن ويبص لرضوي كويس انك فوجتي روحي لمريم سالت عليكي كتير واجعدي معاها لحد ما اروح اجيب اماي واجي
رضوى:- حااضر هروح هي عملت ايه وايه كان سبب النزيف
خليل:مريم ولدت جيصري وهي لسه فايجه دلوجيت روحيلها وخليكي معاها لحد ما يجي خيتها ترافجها
رضوي :- حاضر وتروح ليها ودموعها علي خدها لانها اتحرمت
من انها تزور مازن وتقعد معاه زي كل يوم
خليل:- اسمع خوك مازن فاج بس هو ماعايزش رضوي تعرف حاجه روح انت طمني امك وخيتك وهاتها وفهمها اللي جولته
محمد:- بجد يا بوي طيب ادخل اطمن عليه جبل ما امشي
خليل:- روح بس بسرعه علشان رضوي اتاخرت اكده
محمد:- يروح جري علي اوضة اخوه اللي يشوفه بضحك في وشه يروح يحضنه ويبكي من الفرحه خوي حمدلله بالسلامه روحي رديتلي لما رجعت لينا عجبال ما تتعافي وتبجي بخير
مازن:- انا بخير متجلجش عليا بس ماعايزش رضوي تعرف حاجه وتخبرهم خليهم اكده متوجعين انهم خلصو مني لحد ما ابجي بخير واستردت عافيتي وارجعهم والكل هيدفع التمن
محمد:- مش مهم اي حاجه احسن حاجه انك بخير وهترجعلنا
مازن:- روح هات اماي مشتاج ليها جوي وروح رضوي يلا روح واسترجل اكده مفيش حد هيكسركم تاني من اليوم
************************************
محمد:- حاضر يا خوي ويخرج جري يجيب امه ولما يرجع ياخد رضوي يروحها وكان باين عليه الفرحه وتساله رضوي
رضوى:- حساك فرحان هو انت فرحان بجد ولا انا بيتهيألي
محمد:- اه فرحان علشان ابن خيتي جالت هتسميه علي اسم خوي مازن وده مفرحني جوي جوي يا رضوي
رضوى:- بس الولد ضغيف جدا لكن مازن ماشاء الله بنيانه جوي لا بلاش تسميه مازن لما سمت ولدها محمود جدي مات بعدها جولها بلاش تسمي مازن ليجراله حاجه ارجوك
محمد:- تصدج صح حديتك لا بلاش تسمي ولدها مازن ليكون فال وحش علي خوي
رضوى:- كفاية اهني ليشوفك بوي ويتخانج معايا زي كل يوم
محمد:- ماشي السلام عليكم وسلميلي علي عمتي حنان
ويمشي ويسيبه ويشوفهم سالم ينزل جري ليها
سالم:- طمنيني عامل ايه مازن اليوم
رضوى:- تبكي بحرقه مازن تعبات جوي جوي ولو مات هكون انا السبب وهكره نفسي العمر كله
سالم:- والله انا قلبي وجعني عليه شوفتي حلا كانت حالتها عامله ازاي لولا اصرار محمود مكنتش هتسافر غير لما تطمن عليه هي صحيح وصتك تطمنيها عليه كل يوم مش كده
رضوى:- ايوه بس اجولها ايه انا كل يوم بجولها انه فاج وكويس لكن اليوم دخل الانعاش تاني وركبوه علي جهاز التنفس الصناعي والدكتور منع عنه الزيارة خالص
سالم:- ربنا يستر انا حاسس لو جراله حاجه ومات حلا هتموت وراه انا معرفش كان عقل بابا فين لما اصر علي انه يفرقهم من بعض كان علي الاقل يحافظ علي كلمة جدي
رضوى:- اكده احسن للكل علي فكرة مريم ولدت ولد ونزل ضعيف جدا وحطوه بالحضانه لغاية ما تتحسن حالته
سالم:- ولدت ازاي ده لسه بدري عليها اووي وهي طمنيني عليها كويسه ولا تعبانه وايه سبب الولادة بدري
رضوى:نزفت وكانت هتموت هي والبيبي ولكنهم انجذوها هي تعبانه شويا بس من العمليه الدكتور قال يومين وتتحسن
سالم:- هو ينفع ازورها دلوقتي عايز اشوفها واطمن عليه
رضوى:- لا مفيش زيارة بليل ابجي تعالي معايا بكره
سالم:- ماشي ربنا يطمنك يا رضوي ويجعلك نصيب مع اللي بتتمنيه وتحبيه
رضوى:- يارب يا سالم يارب بس مازن يجوم الاول بالسلامه
سالم:- بلاش تحلمي يا رضوى انتي بنت جميله والف مين يتمناكي بلاش مازن انا شوفت عشقه لاختي مستحيل يحب غير حلا ولو اتجوزتيه هتبقي بتظلمي نفسك فكري كويس
واديكي شوفتي هانت علبه نفسه لما عرف انها بفت لغيره
رضوى:- وخيتك خلاص بجت مرات خوي ومراحش تكون ليه تاني وانا بت عمته واولي بيه يتجوزني ولا عندك مانع
سالم:- انا بنصحك وانتي حره في حياتك بس انتي اللي هتندمي زي ما ندمت لما طوعت ابويا ووافقت علي انه يفرق
بين مازن وحلا علشان ايه كل ده المال واهو بسبب كده اتحرمت من مراتي وولادي انا يمكن مكنتش بحب مريم واتجوزتها علشان ارضي جدي وبابا لكن صدقيني لما عاشرتها وشفت خوفها عليا وحبها ليا بقيت مقدرش استغني عنها هي ليه حق تعمل اللي عملته وتبعد عني لان انا سمحت لبابا يحدد مصير اخوها واختي اللي واثق انها هتفضل تعبانه في حياته مع اخوكي متحسبيش ان محمود هيكون سعيد معاها اختي عايشه معاه زي الميته لان روحها ملك لواحد بس هو مازن
فبلاش تحطي نفسك في الدوامه دي لان مهما طال العمر انا واثق ان حلا هترجع لمازن لانه هو حبها وعشقها وروحها
رضوى:- انا كمان مجدرش اعيش من غيره انا بعشجه عشج
سالم:- براحتك انا قولت اللي يريح ضميري وانت اللي هتحددي مصيرك وحياتك بنفسك تصبحي علي خير يا رضوي
⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘
وتصل امتثال وتدخل تطمن علي بنتها ووليدها وتجي تقوم
تلاقي ايد بترتب عليها وتلف تشوف ابنها قاعد علي كرسي متحرك وبيضحك ليها بفرحها انه شافها
امتثال:- ولدي ضنايا حمدلله بالسلامه انت جاعد علي كرسي ليه انت اصابتك في جلبك ولا برجلك
مازن:- لا يا ماي بس رجلي متخدره من نومتي الاسبوعين اللي فاتو من بكره هعمل تدريبات وان شاء الله هستعيد عافيتي بسرعه وارحع اجف علي رجلي وابجي اجوي من الاول وهعرف كل واحد انا مين وهم مين
امتثال:- واه عيونك فيه شر وانتجام عمري ما شفتهم اسمعني يا ولدي اللي عايز تنتجم منهم دول اهلك ومنك انت طول عمرك كنت زي جدك بتلم العيله طول عمرك بتخاف علي لمتهم بلاش الجسوه تنسيك هما ليك ايه اهلك لتهلك يا ولدي
مازن:- لا ياماي متخافيش ماراحش انتجم من ناس هما اجل مني بندالتهم وجشعهم وطمعهم وظلمهم لكني هعرفهم يعني ايه كبيرهم ووواجب عليهم احترامه غصب عنهم كلتهم
امتثال:- بينها ايام واعره اللي جايه علينا وتبص لبتها اللي دموعها نزله علي خدودها بغزاره مالك يا بتي
مريم:- خايفه علي ولادي من العدوة اللي خلجها عمي بينا
مازن:- خايفه وبوكي وخوكي في ضهرك لا يا مريم متخافيش
انا عمري ما هضيع حجك ولا حج ولادك وهفضل سندك وهنبجي جوتك انا وبوكي ويحاول يحضنها لكنه ميقدرش ويكتفي بانه يطبط عليها بايده ويرجع لاوضتها يرتاح
وفي الصباح تحضر رضوي ومعاها سالم اللي يفضل بره اوضة مريم ويطمن عليه من بره ويسمع صوته ويرتاح
ويسال الممرصه عن الحضانات ويروح يشوف ابنه
سالم:- يطلب من الممرضه تعرفه مين ابنه وتشاورليه عليه
يشوفه ويبكي علي انه كان سبب في معاناته لانه لو وقف جمب مراته كانت زمانه كملت حملها علي خير ومتعبتش كده
وهو واقف يلاقي مريم قدامه بتبصله بغضب
مريم:- انت اهني ليه ومين جالك اني ولدت شوفت ولدك وهو مرضان وبيحارب علشان يعيش في دنيتكم الجاسيه
كل ده بسبب بوك وانا كمان كنت هموت مبسوط اكده
سالم:- ارجوكي يا مريم سامحيني انا غلطان وليكي حق تزعلي مني بس خلاص مش متحمل فراقي عنك انت وابني
اكتر من كده سامحني علشان خاطر ولادنا
مريم:- وخوي اللي كسرتوه لما فرجتوه عن حلا شوفت انت بتتعذب كيف رغم اني مهكنش لغيرك اتخيل وجع خوي بجي
سالم:- انا ندمان بس الدنيا اتقلبت عليا في ايام اعمل ايه ده ابويا ومتعودتش اعصيه بس ارجعيلي واوعدك اني اعوضك
مريم:- لا مش هرجعلك لما تجدر ترجع حلا لاخوي ابجي ارجعلك غير اكده لا يا سالم ماهعيش معاك وتبجي سعيد و خوي يفضل اكد موجوع ومكسور جلبه علي حلا خيتك
ليسمعو الاتنين صوت بيقولهم متخلقش اللي يجدر يكسر مازن….
