روايه جمعنا القدر الحلقه 7

كانت الصحافه تحيط بالمكان و اسئله كثيره تطرح عليهم
احد الصحافيين:ادهم بيه حضرتك خاطب سالى خميس بنت رجل الاعمال حضرتك مع بنت تانيه دالوقتى ده يكون تفسيره ايه
كانت العديد من الاجابات تدور فى عقلها هل سيقول عنها بنت السائق ام عامله عنده قطع تفكيرها عندما
أمسك ادهم بيدها و ذهبو ركضا و لم تتوقف الاسئله ابدا ركبو السياره
رجب باستغراب:على فين يا ادهم
ادهم بضيق؛هنوصل دالين الاول
ابتدو فى التحرك
ادهم بجديه و صوت شبه عالى:انتى الى جبتى الصحافه انتى السبب
نظرت له فى صدمه و قالت؛انت متخلف باين عليك و انا اكلم الصحافه ليه اساسا
ادهم بصوت شبه عالى؛عشان العقد و انك اكيد عايزه تنتقمى
دالين بصوت عالى :يووووه أقف هنا لو سمحت يا عّم رجب
أوقف السياره
نظرت له و قالت :انا لو كنت عايزه انتقم مكنتش مضيت على العقد ده اولا ثانيا انا مضيت عشان ماما و اخواتى
و نزلت من السياره
ادهم بجديه ؛رايحه فين
دالين بابتسامه سخريه؛فى داهيه
و ذهبت
ادهم:صبرنى يارب على المجنونه دى …امشى يا عّم رجب
رجب بسخريه:هتسبها تمشي لوحده
ادهم بانفعال:امشي يا عم رجب
و ذهب هو ايضا
…..
فى قصر حسين فى الحديقه كان يجلس سامر و رامز
سامر بفضول؛هتعمل ايه
رامز بغموض؛يوم الحد هتعرف كل حاجه
سامر بقلق:ربنا يستر
رامز و هو يعتدل فى جلسته:اخبارك ايه مع رنا
سامر بضيق:فكرتنى ليه بس …يعنى هى مفهاش حاجه عدله
رامز بضيق:سامر اتعدل فى الكلام انت ترضى حد يقول على سيراى كده و بعدين مالها رنا يابنى مفيش بنت وحشه كل بنت ربنا خلقها فيها ميزه عن التانيه
و رنا فيها ميزات كتير انت الى اعمى و مش بتشوف برأتها و لا مرحها هى زمنها بتسائل نفسها 100 سوال دالوقتى انت ليه خطبتها و انت مش بتحبها
سامر بتأنيب ضمير:اعمل ايه يعنى
رامز بضحك:كلمها و حاول تسلم نفسك ليها لو ليوم
نهض من مكانه و هو يقول:نجرب نصايحك يا عم روميو
و ذهب جأت رساله على هاتف رامز فتحها و قال:هارسود
……………………
عادت دالين الى البيت فى قمه غضبها صعدت السلالم البسيطه و هى تتمتم ببعض الكلمات
دالين:عنده انفصال فى الشخصيه مجنون متخلف اولع فى نفسي يعنى
نرجس بصوت عالى:دالييييييين
دالين بفزع:اييه خضيتينى
ليلى بضحك:مالك بتكلمى نفسك ليه
نظرت فى انحاء البيت و قالت:ماما و لانا فين
ليلى بقلق:فى المحل…ليه
دالين بارتياح:طب تعالو
و قصت لهم كل شئ
نرجس باستحقار:ايه البنى ادم المتخلف ده
ليلى بقلق:طب و العقد
نرجس بسرعه:اوعى تفكرى تقولى لماما
دالين بنفى:لا طبعا عمرى ماهعمل كده امك تعلقنى
ورد بدخل:ليه يا ديلو
الثلاث فتيات بصوت واحد:ماما
ورد بقلق:انا بقلق منكو انتو الثلاثه لما تبقو مع بعض و بتتكلمو بصوت واطى كده
نرجس بتوتر:هه
ليلى بتمثيل:انا هقولك يا ماما دالين مش راضيه تاكل و مش عايزانا نقولك
ورد بعدم تصديق:نرجس انزلى للانا تحت طارق مش هيخدها عشان مسافر يومين و بتعيط و انتى يا ليلى هاتى الاكل و انتى يا زفته هاتكلى
الفتيات :حاضر
……………..
ذهب ادهم الى عمله و هو غاضب مما حصل
السكرتيره مسرعه:ادهم بيه عندك اجتماع مع الاوربيين انهارده
ادهم بعدم تركيز:الغيه
و دخل مكتبه و قفل الباب
السكيرتيره باستغراب :ماله ده
رامز و هو يجرى :ادهم جوة
السكرتيره مسرعه:اه
دخل
رامز:ادهم
ادهم بغضب:نعم
رامز بتساؤل:هى الصحافه جاتلك ازاى انت و دالين
ادهم بسخريه:اكيد هى الى كلمتهم
رامز بضيق:بجد انت و سامر حاجه لا تطاق دالين مش عبيطه للدرجه عشان تعمل كده اكيد مش هتفضح نفسها و بعدين هتستفاد ايه لما تجيب الصحافه بعد ما مضت العقد
ادهم بحيره و هو يحمل الاوراق التى على المكتب:معرفش اكيد ليها استفاده من الموضوع
رامز بسخريه:موضوعك كده كده هيتعرف للصحافه مش هتفرق لان الجواز تيتا هتعملو رسمىى و بعدين الموضوع ده وراه حد مش دالين عشان تبقى عارف
ادهم بنفاذ صبر :خلصت كلامك
رامز بضيق:اه و طالع بره
و ذهب و زفر ادهم بضيق و لم يتوقف عن التفكير
……………….
عن رنا كانت فى النادى تتدرب و كانت تفكر فى هذا الموضوع الذى لم يفارق بالها و يقطع تفكرها رن هاتفها فتمسكو و تستغرب من الاسم
رنا فى نفسها:سامر …ربنا يتسر
اجابت بصوت طفولى :الو
سامر بمحاوله تلطيف المكالمه :انشفى يابت و انتى بتكلمينى احسن تتعكسي على التليفون
ضحكت و هى لا تصدق انه سامر الغليظ الذى دائما يضايقها و لا يهتم لها
سامر باستغراب:بتضحكى على ايه
رنا بضحك:هو انت سامر
سامر بضحك مصطنع:اه ليه
رنا باستغراب:اصلك مش بطقنى اصلا فاستغربت
سامر بجديه:يابنتى دا احنا خطوبتنا بكره انشالله
خجلت قليلا و قالت:انشالله سلام عشان عندى تدريب….يوووة جيه يا سليم
سامر بغضب :سليم مين ياروح ماما
رنا بتوتر:المدرب بتاعى سلااام بقى
و اغلقت و هو استشاط غضبا مما فعلت
…………
فى بيت البسيط كانت تجلس دالين مع عائلتها البسيطه امام التلفاز و فتحت ورد الموضوع
ورد بتساول:دالين انتى تعبتى ليه انهارده
خطرت فكره على بالها :اصل يا ماما لما كنت قعده مع ادهم الصحافه جت و انا مستحملتش فاغمى عليا بس
ورد بفهم:ها طيب لانا فين
ليلى بضحك:كلمت طارق و نامت
ورد باستغراب:و انتى بتضحكى ليه هو مش انتى كنتى بتكرهى طارق
نرجس بضحك:مش قادره امك دى هتودينا فى داهيه……..يا روحى هو فى الاول و فى الاخر ابو البت مش هنقدر نقول لا
ورد بابتسامه :انتى المفروض تطلعى محاميه مش فنون جميله
نرجس بضحك:اطلع فنون جميله…لا انا طالعه اتخمد
و ركضت
ورد بسخريه:تقل دم ابوكى
ضحكو الفتاتان
……………
فى قصر احمد عاد رامز و ادهم من العمل و صعد رامز لغرفته بعد القاء السلام على والدته
جلس ادهم معاها
نسرين بتساول:عملت ايه
ادهم بتعب:والله مضت العقد بس و احنا خارجين الصحافه نطت علينا و سين و جيم و الهبل ده
نسرين بفزع:ايه مين الى ليه مصلحه فى كده
ادهم بتعب:معرفش بس مستحيل تكون هى يعنى انا طالع انام
نسرين بابتسامه:اطلع…… بكره يوم طويل
و صعد
…………
عند سامر لم تذهب من باله المكالمه و افكار كثيره تدور فى باله من سليم هل سيحبها فعلا زوجهم يوم الاثنين او الاحد و هى كذالك كانت تفكر فى كل شئ و ان خطوبتهم غدا حتى غاصو فى عالم الاحلام
……………..
فى الصباح فى غرفه دالين كانت تحلم بطفل يركض لها و تحضنه و ياتى شخص لا يتبين لها ملامحه و يقبل راسها و تستيقظ على صوت نرجس
نرجس بقلق:دالين دالين
دالين بفزع :اايه
نرجس بخوف:بصى الى فى الموبيل
امسكت الهاتف و وجدت فيديو عندما احاطت بيهم الصحافه
دالين بسخريه:اكيد الموضوع انتشر مستانيه ايه يعنى
نرجس:انا اخدت تليفون امك و شلت النت و شلت سلك التليفزيون
ضحكت دالين:يخربيتك ماهما اكيد جايين انهارده فهيفتحو الموضوع
نرجس بسخريه:انتى هبله الهدوم الى كنتى لبسها لما اغمى عليكى غير الهدوم التانيه
دالين بغباء:اه صح
نرجس بضحك:جهزى نفسك و انزلى
دالين بابتسامه:اشطا
خرجت نرجس و ابتدت دالين فى روتينها اليوم الصلاه و الدعاء ان الله يغفر لها و ان يجلب ابنها او ابنتها الدنيا سالمه و ان ترزق ببر الولدين
ارتدت ثيابها المكونه من فستان طويل بالون الازرق و فوقه جاكيت جينز قصر و تركت شعرها ورائها منسدل و نزلت الى الاسفل
……………..
استيقظ ادهم من نومه على هز رامز له
ادهم بنوم:ايه عايز ايه يا زفت
رامز بضحك :قوم بقى كده و بص
اعتدل فى جلسته و قال :خير
رامز بأمر:هتقوم تلبس و تكلم البت الغلبانه دى و تقولها انك هتقابلها و تقضو يوم مع بعض قبل الخطوبه
ادهم بضحك:انت غبى يابنى الخطوبه انهارده
رامز بتفكير:سهله اقعد معاها ساعه او اتنين و كمان سمعت انها رايحه للدكتور انهارده مش متاكد اسالها بس عشان تصلح الى نيلته امبارح ده
ادهم باستسلام :حاضر
رامز بابتسامه :يلا جهز نفسك و رن عليها
و خرج نهض ادهم و ارتدى بنطلون من خامه الجينز و تيشرت بالون السماوى لون عينيه و نزل الى الاسفل
………….
عند سامر استيقظ من نومه على صوت هاتفه وجد رنا
سامر باستغراب و نوم:الو
رنا بضحك:خلاص يا سليم استنى بتكلم فى التليفون ………سامر ازيك
سامر بغضب :زفت خير
رنا بكتم ضحك:انا فى النادى ماتيجى طنط الى قالتلى اكلمك
سامر بضيق:جاى يا رنا سلام
و اغلق و قال:ما انا كده كده هشوفها انهارده الله يسامحك يا امى
و نهض